Чiалан ччара-ччара паярин гьакъиндай

5. Существительнияр теквилин числода ганва.

Гзафвилин числода абур чпиз теквилин число авачирла ва я абрук гзафни-гзаф ишлемишдай форма гзафвилин число тирла ганва.

Существительнидиз теквилин ва я гзафвилин число тахьун ед. нет ва я мн. нет -лишанралди къалурнава.

Существительнидин род анжах эхирда Ь (мягкий знак) авай ва я чпин эхирдалди род чириз хьун четин тир существительнийрин патав къалурнава, месела:

ЖИЗНЬ ж;

ВОЕВОДА м

Нескл. лагьай лишанди а существительни падежриз ва числойриз дегиш тежерди хьун къалурзава.

6. Глагол.

Словарда кьилин гаф яз ганвай урус чIалан глаголдин ннфинитивдин мана лезги чIалан глаголдин асул, тIварцIин формадалди перевод авунва. Амма гьакъикъатда са кьадар дуьшуьшра ам лезги чIалан глаголдин мурадвилин формадалди ва гагь-гагь причастиедалди перевод авун герек жеда. Месела:

1) курить вредно пIапIрус чIугун зарар я;

2) он пошёл курить ам пIапIрус чIугваз фена;

3) пора обедать обед ийидай вахт я.

Лезги чIалан глаголдин асул формади видар къалурдач, яни кар садра хьана куьтягь жезвани ва я давам жезвани, къалурдач, и тафаватвилер жуьреба-жуьре вахтарин формайралди лугьуда. Иниз килигна словарда урус чIалан несовершенный виддин глаголрин патав несов., кьве виддани – совершенный ва несовершенный видра ишлемишдайбрун патав сов. и несов. лишанар эцигнава. Амайбур совершенный виддин глаголар я.

Видрин арада авай тафават и мисалралди чир жеда:

НАПИСАТЬ кхьин. Им совершенный виддин глагол я, идан формаяр икI перевод жеда: напишу за кхьида, написал кхьена.

ПИСАТЬ кхьин. Им несовершенный вид я, адан формаяр; пишу за кхьизва, писал кхьизвай; кхьидай; кхьиз хьана.

Словарда перевод, къайда яз, совершенный виддин глаголдин патав гва; несовершенный виддин глаголдин патав см. лишан эцигнава, мелела:

ДОКАЗЫВАТЬ несов., см. доказать.

Эхирда - ся авай глаголар словарда анжах абурук кар ам ийизвай касдихъ вичихъ элкъуьнин ва я кьведан арада уртахдиз хьунин мана квайла ганва. Ихьтин глаголдин несовершенный виддин патав адан перевод ганвай глаголар –1) возвратный глаголдин совершенный вид. 2) гьа глаголдин действительный залог къалурнава. Месела:

ВОЗВРАТИТЬ (перевод ганва…)

ВОЗВРАТИТЬСЯ (перевод…)

ВОЗВРАЩАТЬСЯ несов., см 1) возвратиться; 2) возвратить.

Глаголдикай тир тIварар словарда, гзафни-гзаф, анжах абурук кар, процесс къалурунилай гъейри цIийи, са затIунин, кардин тIварвилин манани кваз хьайитIа ва я абурук кечмиш жери (переходный) ва кечмиш тежер (непереходный) кьве глаголдинни мана кваз хьайитIа, ганва. Месела:

ИССЛЕДОВАНИЕ 1. см. исследовать. 2. исследование (илимдин рекьелди ахтармишна са месэладикай кхьей затI).

ВОЗВРАЩЕНИЕ см. возвратить и возвратиться.

7. Прилагательнияр. Качестводин прилагательнияр лезги прилагательнийрин -ди, -бур суффиксар галачир определение жедай формадалди перевод авунва, месела:

СИНИЙ вили;

КРАСНЫЙ яру.

Глаголдин формайрикай арадал атай прилагательнияр лезги чIалан причастийрин, бязи манаяр прилагательнийрии гьа определение жедай формадалди ва бязи манаяр наречийралди перевод авунва.

Гьар са кьилдин дуьшуьшда лезги чIалан прилагательнидин ва я причастиедин гьи форма урус чIалан прилагательнидив кьазватIа, им, предложениедин манадиз килигна, словардикай менфят къачудай касди вичи хкяна кIанда.

Амма са кар чир хьун лазим я хьи, прилагательниди сифетламишзавай, определитзавай гаф урус чIалан глаголдин тIварцIин форма тирла, лезги чIалаз а прилагательни наречидалди перевод авуна кIанда. Месела: а) спешное дело тади кар; б) спешное отступление тадиз кьулухъ чIугун.

Урус чIалан относительный (талукьвилин) прилагательнияр словарда талукьвилин падежда авай существительнидалди перевод авунва; гагь-гагь перевод авунин маса формаяр ва алатарни ганва. И формайралди, гьелбетда, урус чIалан относительный прилагательнидин вири манаяр гьамиша перевод ийиз жедач, амма абуру словарь кIелдайдаз урус чIалан прилагательнидин асул мана, метлеб кьатIун ва переводдин патахъай лезги чIалан формайрикай кьадайди хкягъун патал куьмек гуда.

8. Предлогар, союзар ва кIусар лезги чIалан союзралди, послелогралли ва кIусаралди ва я предложениедик кваз ва я лезги чIалан падежрин эхирралди, суффиксралди перевод авунва; и эхиримжи дуьшуьшда падеждин эхирдин ва я суффиксдин вилик дефис эцигнава (в, без, на предлогриз килиг).

СЛОВАРНЫЕ СТАТЬИ

Дата добавления: 2014-01-11