I. ТОДЛТН. Туг – орн-нутгин белгдл. Цуг орн-нутгуд эврә тугта

II. УМШТН

Зүсн болһн ю медүлҗәнә?

Туг – орн-нутгин белгдл. Цуг орн-нутгуд эврә тугта. Хальмг Таңһчд эврә туг бас бәәнә.

Элст балһсна тал дунд өндр цаһан гер дүңгәнә. Эн Хальмг Таңһчин залврин гер. Эн герин ора деер көк, шар болн цаһан зүстә туг делснә.

Шар зүсн – алтн нарна герл. Нарн орчлң гегәрүлнә. Цуг әмтә-тоот нарна нилчәр күч авна. Шар зүсн мана бурхн-шаҗна, чирә-зүсин өңг. Эн хальмгудын номар итклһнә темдг.

Көк зүсн – сарул, цевр көк теңгрин өңг, мөңк хаалһиг, сул бәәлһиг, нег зүсәр бәәлһиг медүлҗәнә.

Тугин тал дунд цаһан бадм цецг бәәнә. Бадм цецг улмта-унулта һазрт урһдг болвчн, сәәхн цаһан өңгтә. Ямаран чигн күчр-күндин хөөн шин сәәхн җирһл эрк биш ирх гисн тоолвриг эн цецглә залһлдулҗ келҗ болхмн.

Цаһан өңг мана цуг үүлдврин эв делдгч сана-седкл медүлҗәнә.

Сурврмудт хәрү өгтн:

1. Хальмгин туг кедү зүстә?

2. Зүсн болһн ю медүлнә?

Күүндтн:

Гернзл: Хальмг Таңһчин туг кедү зүстә?

Хоңһр: Мана таңһчин туг һурвн зүстә: шар, көк, цаһан.

Гернзл: Сурҗ болхий?

Хоңһр: Ээ, болх.

Гернзл: Эн һурвн зүсн өңг ю медүлнә?

Хоңһр: Шар зүсн – нарна герл, бурхн - шаҗна ном медүлнә.

Гернзл: Көк зүсн ю медүлнә?

Хоңһр: Көк зүсн – оньдин

сарул, көк теңгр

медүлнә.

Гернзл: Би меднәв, цаһан зүсн цевр-цер бәәдлин темдг, эсий?

Хоңһр: Ээ, тиим.

• • Соңстн. Тааҗ медтн: ямаран орн-нутгин туг?

Эн ик орн-нутгин туг. Янзарн утулң. Зүсәрн улан, цаһан, көк тасмта.

*Көдлмшин девтрәр көдллһн.

Хальмг Таңһчин сүлд

рис. Калмыцкий орнамент рис. Кольцо

зег төөлг

рис. рукопожатия

в рис. человека монгольской одежде

ниицән өөрд келн-улс

рис. лепестков лотоса

бадм цецгин хамтхасд

Дата добавления: 2014-11-06