I. ТОДЛТН. Нег дәкҗ аңгудын хан ирвск күндәр гемтнә

II. УМШТН

Арат чонас яһҗ өшәһән авв?

Нег дәкҗ аңгудын хан ирвск күндәр гемтнә. Цуг аңгуд энүнә мендинь медхәр ирнә. Һанцхн арат ирхш. Чон энүнә тускар ховлна. Терүгинь арат соңсна. Ирвск чонд келнә:

– Арат ирхлә, тер дарунь нанд зәңгл!

Арат ирнә. Чон ирвскд зәңглнә. Ирвск аратас сурна:

– Иим олн хонгт альд геедрвч?

– Таниг эмнх эм хәәһәд йовув! – гиҗ арат хәрү өгнә.

– Тегәд яһвч, эм олвч? – гиҗ ирвск сурна.

– Кемр та чонын чимг мөөлҗәд идчкхлә, тана гемтн тер дарунь һарар шулсн мет эдгҗ одх, – гиҗ арат хәрү өгнә.

Ирвск дорнь чоныг тавгарн цокҗ унһана, хумсарн чимгинь авад иднә.

Ирвсклә мендләд, арат герүрн һарад йовна. Ардаснь чон цусан цүврүләд, мөлкәд һарна. Арат энүнд келнә:

– Кемр чи хаадудт церглхәр седсн болхла, сәәнәр ухалл уга төрүц үг бичә кел! – гив.

Сурврмудт хәрү өгтн:

1. Чон ирвскд юуна тускар ховлна?

2. Ирвск чонд ямаран даалһвр өгнә?

3. Арат ирвскд ю келнә?

4. Чонла ямаран зеткр болна?

5. Эн тууль ямаран уха заана?

Тууль дүрәр умштн:

*Көдлмшин девтрәр көдллһн.

Ухата керә

рис. ворона кидает камушки в кувшин

рис. кувшин рис. речная галька

буһш

хад чолун

Дата добавления: 2014-11-06