II. УМШТН. Баатр болһн юуһарн ончрна?

Баатр болһн юуһарн ончрна?

Хоңһрин дару суудгнь –

Тавлад суухларн,

Тәвн хойр күүнә зәәд суудг,

Тәкиһәд суухларн,

Хөрн тавн күүнә зәәд суудг,

Баатр Бумбин орндан

Киитн хар шорарн нер һатлгсн,

Заани тавг хәәсн хар күлгтә

Гүзән Гүмб гидг баатрнь

Миңһн нег җилә

Төр шажн хойриг

Булалдҗ келн суудг.

Күңкән дару суудгнь –

Сай өркәр авсн

Күүкн күрң һалзнта

Найн негн алд

Хәәв балтнь ээмәснь хөөдг уга,

Залу ямр чиирг болв гиҗ

Мөрн деер кү торһдг уга,

Күмни начн

Күнд һарта Савр болна.

Зүн тал һурвдгчнь –

Буйн төгс ааван

Көвүн уга хаяд,

Бурхн сәәхн ээҗән

Буй уга хаяд,

Бум өрк алвтан

Ной уга окад,

Арвн нәәмтә

Әңгр улан хатан

Һанц бийинь хаяд,

Буурл Һалзнарн ирҗ,

Эзн богдыг дахсн

Бульңһрин көвүн

Догшн Хар Санл болна.

Сурврмудын хәрүс текстәс олҗ умштн:

1. Гүзән Гүмбин бәәдлиг ямаран үгмүд медүлнә?

2. Эн баатр ямаран эрдмтә?

3. Күнд һарта Савр кенә дару сууна?

4. Энүнә ээм деер оньдин юн бәәнә?

5. Күнд һарта Саврин күчиг ямаран үгмүд медүлнә?

6. Буурл һалзн кенә мөрн? Эн баатр кениг үлдәһәд, Җаңһриг дахсмб?

*Көдлмшин девтрәр көдллһн.

4

ЭРҮЛ-МЕНД ХАРЛҺН

1. Сурһульчин өдрин диг-даран

Ахуч, диг-дарата күн бийдән олзта.

Рис. плакат с режимом дня

Рис.Правильная осанка 2. Чикәр суутн, нүдән саглтн

Эрүл-мендәс ахнь уга.

Дата добавления: 2014-11-06