II. УМШТН. Шатрин балһсн юуһарн ончта?

I. ТОДЛТН

Фото городка Сити-Чесс

Сити Чесс

Шатрин балһсн юуһарн ончта?

Элст балһсна өмн үзгт сәәхн цутхлң тосхгдв. Шатрин балһсн 1998-гч җил секгдв.Эн балһсна архитектормуд С. Курнеев, Л. Амнинов, А. Босчаев.

Шатрин балһсн 33-гч Цуг орчлңгин шатрин олимпиадт нерәдгдҗ тосхгдсмн. Һол тосхлт – шатрин бәәшң. Эн ишкә герин янзта. Энүнд Цуг орчлңгин олимпиад болн 69-гч ФИДЕ-н конгресс давла. Эн тосхлт өндртән тавн давхр, кемҗәһәрн 6 182 дөрвлҗн м. (спортивн зал, кафе, конференцзал, офисмүд). Сити-Чесст гиичлүрмүд, шатрин бурхн Каиссын талвң, аквапарк болн нань чигн бәәдл-җирһлин болн сойлын чинртә объектмүд бәәнә. Зураһар энд 87 хошад-нәәмәд патьрта 1 болн 3 давхр коттеджмүд тосхгдв. Өдгә цагин таалта 150 патьр болн хойр олна объект бәәнә. Эн бәәрн кемҗәһәрн 37 миңһн дөрвлҗн м. коттеджмүдтә тавн зүсн тосхлтас тогтна. Нааран йирин гермүд, мансардта гермүд, нег секцтә гермүд, терраста гермүд, усадьбта гермүд орна. Баһ коттедж кемҗәһәрн – 94, 21 дөрвлҗн м. болна. Хойр хораһас тогтна. Тавн хората коттедж – 327 дөр. м. болна.

Шатрин балһснд скульптор В. Васькинә «Йөрәл» гидг нертә көшә бәәнә.

1998-гч җилд болсн симпозиумд нерәдсн өвәрц композиц Сити-Чесс балһсиг кеерүлнә. Эн композиц «Планета Каисса» гидг нертә. Бәәшңгин хораст олн зүсн һәәхүлмүд көдлнә. Шатрин музейд соньн экспозицс бәәнә.

Сити-Чесс балһсна аһуд ик биш православн чонҗ зогсчана. Эн модн чонҗ 100 кү багтана. Әрәсән чонҗмудын эгл янзар тосхгдв. Чонҗ Св. Георгий Победоносцин нер зүүнә.

Сурврмудын хәрү текстәс олҗ умштн:

1. Сити-Чесс балһсн кедүдгч җилд секгдв?

2. Энүнә архитектормуднь кемб?

3. Шатрин балһснд ик чинртә ямаран олимпиад давв?

4. Шатрин һол баәшң юуна янзта?

5. Энд ямаран конгресс давв?

6. Ямаран кемҗәтә гермүд тосхгдв?

7. Цутхлң аллейд бәәсн көшә ямаран нертә?

8. Энүнә скульпторнь кемб?

9. «Планета Каисса» гидг композиц юунд нерәдгдсмб?

*Көдлмшин девтрәр көдллһн.

Иҗл һол

Дата добавления: 2014-11-06