I. ТОДЛТН. Хойр барж чирсн керм Иҗл һолар йовҗ йовна

II. УМШТН

Иҗл һолын көвәһәр юн бәәнә?

Хойр барж чирсн керм Иҗл һолар йовҗ йовна. Керм деерәс һолын хойр көвә тодрхаһар үзгднә.

Зүн көвәнь барунасн маштг. Барун көвәнь зөвәр өндр. Хойр эргин дундаһур өргн Иҗл һол көкрәд, урсад бәәнә.

Керм усар урсхҗ йовх келкәтә модд давад һарв. Мана кермәс һарсн дольган келкәтә модд деер суусн улсиг дәәвлүләд бәәв. Тедн цугтан инәлдәд, шууглдад йовна. Әмт зөөдг сәәхн керм барж чирҗ йовсн кермлә зөрлцәд, ишкрәд давв.

Һолын амар цуглрсн цуг әмтн манур һарарн зааһад, шууглдад бәәв.

Иҗлин барун амнднь бичкн селәд үзгднә. Хаһлчксн һазр налаһад үзгднә. Тәрәнәс хол биш идшлҗ йовх мал үзгднә. Үзгдҗәх мал холас йир бичкн болҗ үзгднә. Хөөдиннь өөр гирлгән түшәд зогссн хөөчнр йилһрҗ медгднә.

Хөн сарин нарна толян цонҗ халулна. Усна дольган нег-негән көөлдҗ гүүнә.

М. Горький

Сурврмудт хәрү өгтн:

1. Иҗлин көвә ямаран бәәдлтә?

2. Иҗл һолар юн йовна?

3. Керм деерәс юн үзгднә?

4. Керм ю давҗ һарв?

5. Иҗлин барун амнднь юн үзгднә?

6. Хөн сарла Иҗл һол ямаран болна?

7. Ямаран селән Иҗл һолын эрг деер үзгднә?

8. Хальмг селән ямаран эрг деернь бәәнә?

*Көдлмшин девтрәр көдллһн.

Горизонтын үзгс

(Рис. направлений по солнцу)

өмн үзг

деед үзгдорд үзг

ар үзг

Дата добавления: 2014-11-06