Характэрныя тэрміны, паняцці. Агіяграфічная літаратура («Жыціі») – апісанні жыцця і подзвігаў людзей, прылічаных хрысціянскай царквой да ліку святых

Агіяграфічная літаратура ( «Жыціі» ) – апісанні жыцця і подзвігаў людзей, прылічаных хрысціянскай царквой да ліку святых. Падзя-лялася на біясы (непасрэдныя апісанні жыцця), марцірыі (пакут-ніцтвы), у каталікоў таксама вылучаліся транслатэоны (апісанні пера-носу рэшткаў святых).

«Аповесць мінулых часоў», «Аповесць мінулых гадоў» (стар.-рус. «Повесть временных лет») – помнік усходнеславянскага лета-пісання, створаны людзьмі блізкімі да кіеўскіх князёў. Меў тры рэдак-цыі, у якіх пададзена гісторыя Русі ад 852 року да 1110 уключна. Збярогся ў розных летапісных зводах (найбольш поўная рэдакцыя ў Іпацьеўскім і Лаўрэнцеўскім спісах). «Аповесць мінулых часоў» значна паўплывала на развіццё ўсходнеславянскага летапісання. У наступны час яна ўключалася амаль ва ўсе мясцовыя летапісы ў якасці своеасаблівых уводзінаў.

Балты – група індаеўрапейскіх плямён і народаў, якія гавораць ці гаварылі на балтыйскіх мовах або іх дыялектах, умоўная гістарычная назва продкаў сучасных літоўцаў і латышоў. Да прыходу славян пражывалі на тэрыторыі сучаснай Беларусі.

«Балцкая канцэпцыя» – тэорыя паходжання беларускага этнасу, распрацаваная расійскім навукоўцам В. Сядовым. Сцвярджае, што змяшэнне славянаў з балтамі прывяло да з’яўлення беларускай народ-насці. З’яўляецца адной з альтэрнатыўных канцэпцый побач з фіна-ўгорскай (І. Ласкоў), крывіцка-дрыгавіцка-радзіміцкай (Я. Карскі) і старажытнарускай (Я. Карнейчык).

Варагі – назва скандынаваў у Візантыйскай Імперыі, пазней на Русі.

Веча – народны сход у старажытнай і сярэдневяковай Русі і на Беларусі, орган дзяржаўнай улады (разам з князем) у асобных княст-вах. Найбольш звестак пра веча на Беларусі захавалася ў Полацкай зямлі. У перыяд феадальнай раздробленасці (канец ХІ–ХІІ стст.) роля веча значна ўзрасла. На ім вырашаліся пытанні вайны і міру, заканадаўства, заключэння дагавароў. Веча магло запрашаць і выга-няць князёў. Збіралі па меры неабходнасці, па ініцыятыве князя, пасад-нікаў ці гарадскога насельніцтва. Правам удзелу ў вечы карысталіся паўнапраўныя вольныя мужчыны, што мелі нерухомую маёмасць у горадзе.

Воласць – 1) сукупнасць зямельных уладанняў, якія належылі ад-ной асобе, на Русі і ў ВКЛ; 2) адміністрацыйна-тэрытарыяльная адзін-ка на Русі і ў ВКЛ, населеная сялянамі-даннікамі.

Дружына – ваенная арганізацыя на чале з князем.

Дрыгавічы – адно з племянных аб’яднанняў усходніх славян, якое лакалізавалася на тэрыторыі сучаснай паўднёвай Беларусі і пражывала там на працягу ІХ–ХІІ ст.На тэрыторыі, заселенай дрыгавічамі, узнік-ла Тураўскае княства. Характэрныя племянныя адзнакі: вялікія медныя або сярэбраныя пацеркі, аздобленыя зерню – напаяныя на паверхню пацерак дробныя сярэбраныя шарыкі; скроневыя кольцы-завушніцы з круглага дроту, на якіх замацаваны па тры металічныя пацеркі не-вялікіх памераў.

Дынастыя – рад правячых манархаў з аднаго роду (напрыклад, Рурыкавічы, Рагвалодавічы).

Евангелле – раннехрысціянскі твор, у якім расказваецца аб жыцці Іісуса Хрыста.

Канцэпцыя – (лац. conceptio – разуменне, сістэма) – пэўны спосаб разумення, трактоўкі якіх-небудзь з’яў, асноўны пункт гледжання, кіруючая ідэя для іх асвятлення; сістэма поглядаў на з’явы ў свеце, у прыродзе, у грамадстве; канструктыўны прынцып у навуковай, мастацкай, тэхнічнай, палітычнай і іншых відах дзейнасці; комплекс поглядаў, звязаных паміж сабой, і якія вынікаюць адзін з другога, сістэма шляхоў вырашэння абранай задачы.

Кіеўская Русь – раннефеадальная старажытнаруская дзяржава ўсходніх славян. Склалася ў 2-й пал. ІХ – 1-й пал. Х ст. Сталіца – Кіеў. Існавала як адносна адзіная дзяржава да пач. ХІІ ст. Займала тэры-торыю ад Прычарнаморскіх стэпаў да Паўночнай Дзвіны, ад Днястра і Заходняга Буга да Волга-Окскага міжрэчча.

Князь – кіраўнік дзяржаўнага ўтварэння (у славян – княства, зем-лі). На Русі старэйшы з князёў называўся вялікім князем, а астатнія – удзельнымі князямі.

Крывічы – адно з племянных аб’яднанняў усходніх славян, якое пражывала ў басейне Верхняга Дняпра, Заходняй Дзвіны, Волгі, на поўдні Чудскага возера. У канцы І тыс. да н. э. распалася на тры групы: полацкую, смаленскую і пскоўскую. У канцы Х ст. на тэрыторыі рассялення полацкіх крывічоў склалася Полацкае княства. Характэрныя племянныя адзнакі: бранзалетападобныя драцяныя скроневыя кольцы з завязанымі канцамі і шкляныя залачоныя пацеркі, пярсцёнкі, шыйныя грыўні.

Монатэізм (грэч. monos – адзін + theos – бог) – сістэма рэлігійных вераванняў, заснаваная на ўяўленні пра адзінага Бога (адзінабожжа) у адрозненне ад політэізму (многабожжа). Монатэізм – характэрная асаблівасць хрысціянства, іудаізму і ісламу.

Натуральны ўклад – гаспадарка, у якой усё неабходнае выраб-ляецца і спажываецца самім уладальнікам. Пры ім грамадства склада-лася з патрыярхальных сялянскіх сем’яў, сельскіх абшчын, феадаль-ных памесцяў, якія выконвалі ўсе віды гаспадарчых работ. Існавала пераважна ў першабытнаабшчынным грамадстве, пры рабаўладальніц-тве і феадалізме, калі грамадскі падзел працы быў слаба развіты. У ся-лянскай гаспадарцы Беларусі панаваў да сярэдзіны ХІХ ст.

Павіннасць – прымусовыя асабістыя і маёмасныя абавязкі насель-ніцтва на карысць дзяржавы, феадалаў і царквы. Падатковай адзінкай у сельскай мясцовасці была абшчына. Унутры яе павіннасці размяр-коўваліся па дворышчах, дымах (назва сялянскай гаспадаркі на Русі).

Пагост – тэрмін, распаўсюджаны ў старажытнарускіх крыніцах, які на працягу Х–ХVІІІ стст. меў рознае значэнне. Першапачаткова па-гостам называлі цэнтр сельскай абшчыны і месца збору даніны. Пас-тупова ім сталі называцца адміністрацыйна-тэрытарыяльныя адзінкі, якія складаліся з некалькіх паселішчаў, а таксама цэнтральнае пасе-лішча гэтай акругі. З распаўсюджваннем на Русі хрысціянства ў па-гостах будаваліся цэрквы, пры якіх знаходзіліся могілкі.

Політэізм (грэч. poli – мноства + theos – бог) – многабожжа, вера ў некалькіх або многіх багоў. Узнік у перыяд распаду першабытнай аб-шчыны на аснове адухаўлення і персаніфікацыі стыхійных сіл і розных з’яў прыроды, шанавання разрозненных духаў родаплемянных рэлігій. Політэістычнымі былі рэлігіі старажытных егіпцян, грэкаў, рымлян і іншых народаў, у тым ліку і славян.

Радзімічы – адно з племянных аб’яднанняў усходніх славян, якое пражывала ў міжрэччы Дняпра і Дзясны па цячэнні Сожа і яго прыто-ках. Характэрныя племянныя адзнакі: бронзавыя або сярэбраныя скро-невыя кольцы (7-прамянёвыя і 7-лапчатыя), у жаночым касцюме выка-рыстоўвалі дробны бісер, золаташкляныя пацеркі і падвескі, якія сім-валізавалі нябесныя свяцілы.

Раннефеадальная дзяржава – дзяржава, якая ўтварылася на пачат-ковай стадыі развіцця феадалізму і характарызуецца несфарміраванымі інстытутамі дзяржаўнай улады.

Славяне – індаеўрапейская група народаў, найбуйнейшая ў Еўро-пе. У сярэдзіне І тыс. да н. э. пачынаецца працэс рассялення славян са сваёй гістарычнай «прарадзімы» (хутчэй за ўсё басейна Одэра і Дняп-ра) на прасторах Еўропы, на якіх жыло рознае мясцовае насельніцтва. У выніку этнічная і моўная супольнасць славян паступова падзяляецца на тры групы: усходнія (беларусы, рускія, украінцы), заходнія (палякі, чэхі, славакі, лужычане) і паўднёвыя (балгары, сербы, харваты, македонцы, чарнагорцы, баснійцы-мусульмане). Масавае славянскае засяленне Беларусі распачалося ў VІ ст. і доўжылася да X–XІ стст. Асноўны масіў славянства тут склалі дрыгавічы, крывічы і радзімічы.

Сярэднія вякі, Сярэднявечча – назва эпохі паміж старажытнасцю (антычнасцю) і Адраджэннем. Храналагічныя межы – ад канца IV–V да сярэдзіны XV – пачатку XVI стст. У межах гэтай эпохі вылучаюць тры перыяды: раннія сярэднія вякі – канец IV–XI стст.; высокія сярэднія вякі – XI – першая палова XIII стст. і познія сярэднія вякі – другая палова XIII – пачатак XVI стст. Асноўныя прыкметы Сярэднявечча: перавага аграрнага сектара над гандлёвым і прамысловым; панаванне натуральнай гаспадаркі, нязначная роля гарадоў; моцная роля царквы і высокая ступень ідэалагізацыі грамадства (рэлігійнасць); іерархічная структура грамадства і сістэма васалітэту; панаванне буйнай зямельнай уласнасці, якая знаходзілася ў руках класа феадалаў, умоўны характар феадальнай уласнасці на зямлю; своеасаблівы статус сялян, якія не з’яўляліся ўласнікамі зямлі, а былі яе трымальнікамі на розных умовах.

Феадалізм (лац. feodum – уладанне) – грамадскі лад, які заснаваны на прыватнай уласнасці на зямлю і эксплуатацыі асабіста залежных ся-лян. На тэрыторыі Беларусі, Расіі і Украіны існаваў на працягу ІХ–ХІХ стст.

Фіна-угры – фіна-ўгорскія народы – група народаў, якія размаў-ляюць на фіна-ўгорскіх мовах і жывуць у Заходняй Сібіры, Цэнтраль-най, Паўночнай і Усходняй Еўропе. Да пачатку сярэднявечча падзяля-ліся на мноства плямёнаў і племянных груповак (эстонцы, фіна-суомі, лівы, карэлы і г. д.)

Фрэска (іт. affresco – свежы) – жывапіс па сырой тынкоўцы, адна з тэхнік сценных роспісаў. Пры высыханні вапны, што ўтрымліваецца ў тынкоўцы, утвараецца тонкая празрыстая кальцыевая плёна, якая робiць фрэску даўгавечнай. У цяперашні час тэрмінам «фрэска» могуць называць любы сцянны жывапіс, незалежна ад яе тэхнікі.

Хрысціянства – адна з сусветных рэлігій. Узнікла ў I ст. н. э. ва ўс-ходніх правінцыях Рымскай імперыі. Асноўныя напрамкі хрысці-янства: праваслаўе, каталіцызм, пратэстантызм.

Шлях «з вараг у грэкі» – водны (марскі і рачны) шлях у сярэдня-веччы са Скандынавіі праз Усходнюю Еўропу ў Візантыю. Ён ішоў з Варажскага (Балтыйскага) мора па рацэ Няве і Ладажскім возеры, затым па рацэ Волхаў у Ільменскае возера, далей па рацэ Ловаць, затым волакам у Днепр. Найбольшае значэнне меў у X – першай трэці XI стст.

Эпіграфіка – спецыяльная гістарычная дысцыпліна, якая займаец-ца даследаваннем старажытных надпісаў.

Этнас (грэч. ethnos – племя, народ) – устойлівая супольнасть лю-дзей, якая склалася гістарычна на пэўнай тэрыторыі і характарызуецца агульнасцю мовы, культуры, побыту, рыс псіхікі і самасвядомасці, адлюстраванай у адзінай назве (этноніме).

Язычніцтва (паганства, лац. paganus – язычнік) – агульны тэрмін для абазначэння старажытных вераванняў і культаў. Для яго ха-рактэрна: вера ў шматлікіх багоў, абагаўленне розных прыродных сіл і стыхій, перакананне ў рэальным існаванні душы, добрых і злых духаў (анімізм), вера ў цудадзеную сілу асобных матэрыяльных прадметаў (фетышызм), уяўленні пра роднасць паміж людзьмі і пэўным відам жывёл, раслін (татэмізм) і магічныя дзеянні. Найбольш паважанымі язычніцкімі багамі славянскіх плямён былі Пярун (бог грому і маланкі), Вялес (бог жывёлагадоўлі), Сварог (бог неба) і яго сын Дажбог (бог сонца).

Дата добавления: 2014-12-25