Тарату материалы 2 страница

Медициналық мақсаттағы резеңкелердің айрықша ерекшелігі, оларды регенератордан – резеңкені екіншілік өңдеу өнімінен жасауға болмайды.

Көбіне медицинада табиғи каучуктан; құрамында боялмаған және улы емес антиоксиданттары бар изопренді каучуктан; құрамында кремний және фтор бар органикалық каучуктардан жасалған бұйымдар қолданылады.

Каучуктан басқа резеңкенің құрамына вулканизациялайтын агенттер, вулканизацияны тездететіндер, толықтырғыштар, жұмсартқыштар, тозуға қарсы заттар, күшейткіштер, бояғыштар, арнайы заттар және т.б. кіреді. Осы мақсаттарға қандай да бір химиялық қосылыстарды таңдау каучуктың химиялық құрылымымен, бұйым және қоспаның технологиялық процесінің мүмкіндіктерімен, қоданылуымен және эксплуатация жағдайымен анықталады

Медициналық резеңке бұйымдарды дайныдаудың технологиялық процесі келесі операциялардан құралады:

1. резеңке қоспаны алу;

2. жартылай фабрикатты дайындау;

3. резеңке бұйымдарды алу немесе қалыптау;

4. вулканизация;

5. өңдеу, монтаж, ақауларын табу;

6. сапасын бақылау, таңбалау, буып-түю.

Резеңке қоспаны алу төрт негізгі стадиядан тұрады.

1. Каучукты пластификациялау резеңке араластырғыштарда 8-10 атм. қысымда 100-110°С жүргізіледі. Алдымен каучукты бөліктерге бөледі және іліп тастайды.

2. Резеңке қоспаның ингредиенттерін дайныдау және оларды белгілі бір ретпен енгізу. Егер ингредиенттер кондицияланбаған түрде түссе, онда оны алдымен дайындау керек. Ашық түсті ингредиенттерді (мысалы, бор, каолин) ауада кептіреді және ауа сепарациясынан өткізеді (отсеиванию).

3. Араластыру резеңке араластырғыштарда 20-40 минут бойы жүргізіледі.

4. Резеңке қоспаны әртүрлі қондырғылардың көмегімен суыту: салқындатқыш жүйелер, фестонды суытқыш қондырғылар, кәдімгі ванналар және т.б. Суытқыш ауаның температурасы 8-10°С болу керек.

Резеңкенің әртүрлі қасиеттерін өлшеу және әртүрлі физикалық сынау түрлерін жүргізу резеңкені алудың барлық стадияларында маңызды роль атқарады. Барлық зерттеулер сыртқы жағдайлардың және қоршаған ортаның әсерінен материалдардың қасиеттерін анықтаға бағытталады.

Механикалық сынауларды үлгілерге және арнайы дайындалған конструкцияларға, сонымен бірге дайын өнімдерге де жүргізеді.

Дайын өнімдерді сынаудың келесідей түрлері болады:

· дайын өнімдерден кесіп алынған үлгілерге зертханалық сынаулар;

· дайын өнімдерді арнайы немесе әмбебап қондырғыларда сынау;

· дайын өнімдерді эксплуатация кезінде сынау.

Қолданылуы бойынша механикалық сынаулар үш негізгі топқа бөлінуі мүмкін:

· жалпы әдістер материалдардың механикалық қасиеттерінің сандық сипаттамаларын анықтауға мүмкіндік береді;

· арнайы әдістердің көмегімен шартты көрсеткіштер алынады;

· бақылау әдістері бақыланатын материал көрсеткіштерінің берілген нормадан ауытқуын анықтау үшін бір материалдың әртүрлі партияларын сынау үшін қолданылады.

Тозуға сынау. Тозу себептері – жарықтың, жылудың, ауадағы оттегінің және т.б. әсері Тәжірибе жүзінде табиғи және жасанды тозу жағдайлоары қолданылады. Табиғи жағдай – арнайы жасалмаған, ескіру факторлар регламенттелмеген жағдай. Табиғи ескіру әдістері резеңке бұйымдардың эксплуатациясына және сақтау жағдайларына сәйкес келеді, бірақ ол ұзақ уақытқа созылады. Сынауды тездету үшін үлгілерді аздап созғылайды.

Резеңке медициналық бұйымдарға жылытқыштар, мұзға арналған құтылар, астығак қоятын дөңгелектер, спринцовкалар, жатыр сақиналары, резеңке баллондар және мехтар, ирригатор кружкасы, астыға қоятын дәрет қабылдағыштар, медициналық клеенкалар, резеңкеден және синтетикалық материалдан жасалған түтіктер жатады.

Жылытқыштар - ыстық сұйықтықпен толтырылатын және науқас ағзасына жалпы және жергілікті әсер ету үшін қолданылатын сосуд.

Мұзға арналған резеңке құтылар жарақаттану, шығу, созылу кезінде, сонымен бірге гинекологиялық практикада жергілікті емдеу үшін қолданылады..

Астыға қоятын дөңгелектер теріні жараланудан қорғау үшін және оны емдеу үшін қолданылады.

Спринцовкалар әртүрлі каналдар мен қуыстарды жуу үшін және де клизма үшін қолданылады. Олар ұштары жұмсақ немесе қатты болып келетін қабырғалары серпімді резеңке баллондар.

Жатыр сақиналары – жатырдың түсіп қалуын сақтандыруға арналған қалыпты қуыс бұйымдар, ашық тонды резеңкеден жеті нөмірде шығарылады.

Резеңке баллондар мен мехтар сарғыш немесе қызыл түсті, спирттің және сулы-спиртті ерітінділердің әсеріне тұрақты берік резеңкеден дайындалады.

Ирригаторлы кружка жууға арналған және ол кең мойынды резервуар, резеңке трубкамен патруб арқылы бірігеді.

Резеңкеден және синтетикалық материалдардани жасалған түтіктер жарларды емдеу кезінде дренаж жасау үшін, қан құюға, ағзаға сұйықтық енгізу немесе сорып алу үшін, сонымен бірге зертхана практикасында қолданылады.

Астыға қойылатын дәрет қабылдағыштар аурхана және үй жағдайында ауры науқастарға күтім жасау үшін қолданылады.

Медициналық клеёнкалар төмек жабдықтарын және жиһазды бүлінуден қорғайды.

1. О.А.Васнецова. Медицинское и фармацевтическое товароведение.- Москва: «ГЭОТАР-Медиа», 2005.

2. Умаров С.З., Наркевич И.А., Костенко Н.П., Пучинина Т.Н. Медицинское и фармацевтическое товароведение. – Москва: ГЭОТАР-MED, 2004.

БАҚЫЛАУ СҰРАҚТАРЫ (кері байланыс)

1. Резеңкенің құрамы (вулканизациялайтын агенттер, тездеткіштер, толықтырғыштар, жұмсартқыштар және т.б.).

2. Резеңке қоспаны алудың технологиялық процесі.

3. Резеңке қоспаны алудың негізгі стадиялары.

4. Резеңке бұйымдарды сынау.

5. Медицинада қолданылатын резеңке бұйымдар.

ДӘРІС № 3

Тақырып: Шыныдан және фарфордан жасалған медициналық бұйымдар

Мақсаты: Әйнектен және фарфордан жасалған медициналық мақсаттағы бұйымдарды қарастыру (бастапқы материалы, дайныдаудың технологиялық процесі және т.б.)

Дәріс жоспары:

1. Керамикадан жасалған медициналық бұйымдар

2. Фарфор және фаянс.

3. Керамикадан бұйымдарды дайындау процесі.

4. Әйнек бұйымдар.

5. Медициналық бұйымдарды дайындауға қолданылатын әйнектердің түрлері.

6. Әйнек бұйымдарды дайныдаудың технологиялық процесі.

Дәріс тезисі:

Керамика – қалыпқа келтірілген және кептірілген жартылай фабрикатты күйдіре отырып саз шикізатын тиісті өңдеу арқылы дайындалатын бұйымдар мен материалдар. Күйдіру немесе пісіру кезінде кристалды су бөлініп шығады, бұл бұйымға жоғары химиялық, механикалық және термиялық тұрақтылықты береді. Керамикалық материалдардың құрамына каолин, пластикалы саз, кварцты құм, дала шпаты кіреді.

Керамика материалдарының екі түрі болады фарфор және фаянс, олар бір-бірінен өздерінің тұтынушылық қасиеттері бойынша ерекшеленді.

Медицинада керамика санитарлық-техникалық бұйымдарды, науқастарды күту бұйымдарын, дәріханалық және зертханалық ыдыстарды (стакандар, кружка, тигль, буландыруға арналған чашкалар және т.б.), тісті протездеуде және диагностикалық аппаратура детальдарын (пьезокерамика) жасауда қолданылады. Эндопротездердің өндірісінде корундты керамика қолданылады.

Фарфорды каолин, саз, кварц және дала шпатының жұқа дисперсті қоспасын жоғарыи температурада күйдіру арқылы алады, мұндай фарфордф далашпатты деп атайды (полевошпатовы). Сонымен бірге сазды, цирконды, борнокальцилі, литилі және де фарфордың басқа да маркалары пайда болды. Фарфордың механикалық беріктігі, термиялық және химиялық тұрақтылығы, электр изоляциялық қасиеттері жоғары.

Фаянсты дайындау үшін фарфордың өндірісінде қолданылатын шикізат қолданылады, бірақ шикізатының рецептурасы және бұйымды күйдіру технологиясы өзгеше. Фаянстың фарфордан айырмашылығы, оның кеуектілігі және суды жұтуы жоғары (90,12% дейін), сондықтан барлық фаянсты бұйымдарды жұқа су өткізбейтін қабатпен жабады.

Керамика бұйымдарын дайындаудың технологиялық процесі ретімен жүргізілетін келесі операциялардан тұрады:

1) керамикалық массаны дайындау;

2) бұйымды қалыптау;

3) қалыпталған бұйымды кептіру және пісіру;

4) күйдіру;

5) суыту;

6) өңдеу;

7) жинау;

8) сапасын бақылау;

9) таңбалау;

10) буып-түю.

Әйнек – бұл бейорганикалық қосылыстар мен олардың қоспаларының сұйық балқымаларынан алынатын суытылған заттар.

Әйнектің негізі әйнек түзуші оксидтер болып табылады, олар бойынша әйнектер: силикатты, алюмосиликатты, борофторалюмосиликатты, алюмофосфатты, силикотитанды, силикоцирконилі және т.б. болып бөлінеді.

Қолданылуы бойынша әйнектер химиялық тұрақты, термотұрақты, электровакуумды, электрлік, оптикалық және арнайы (соның ішінде медициналық) болып бөлінеді.

Медициналық әйнектердің тұтынушылық қасиеттері олардың химиялық құрамымен анықталады.

Оптикалық әйнек – бұл көзілдірік линзаларын және медициналық приборлардың оптикалық элементерін дайындау үшін қолданылатын әйнектер. Оптикалық әйнек химиялық құрамына байланысты түссіз немесе жарықты қалыпты өткізетін және фотохромды болып бөлінеді.

Химиялық-лабораторлық әйнектер зертханалық ыдыстарды, приборлар мен аппараттарды дайындау үшін қолданылады.

Арнайы термометриялық әйнектер өлшеу шектері -200°С-ден 600°С-ге дейін болатын термометрлерді дайындау үшін қолданылады.

Светотехникалық әйнектерге сәуле спектрінің жеке бөліктерін таңдамалы жұтатын қабілеті бар әйнектер жатады.

Қорғаныш әйнектері ағзаны зиянды және тым ашық сәулелерден қорғауға арналған. Оларға жылы инфрақызыл сәулелерін жұтатын жылудан қорғайтын әйнектер, металдарды пісірумен байланысты жұмыстарды орындау барысында қолданылатын күңгірт қорғаныш әйнектері және рентген және γ-сәулелерді жұтатын қорғаныш әйнектері жатады.

Әйнек бұйымдарды дайындау процесі келесі стадиялардан тұрады:

1) шихтаны дайындау;

2) әйнекті қайнату;

3) бұйымды қалыптау;

4) күйдіру;

5) өңдеу;

6) детальдарын жинау және біріктіру;

7) сапасын бақылау;

8) таңбалау;

9) буп-түю.

1. О.А.Васнецова. Медицинское и фармацевтическое товароведение.- Москва: «ГЭОТАР-Медиа», 2005.

2. Умаров С.З., Наркевич И.А., Костенко Н.П., Пучинина Т.Н. Медицинское и фармацевтическое товароведение. – Москва: ГЭОТАР-MED, 2004.

БАҚЫЛАУ СҰРАҚТАРЫ (кері байланыс)

1. Керамикалық медициналық бұйымдар.

2. Керамикалық бұйымдарды дайындаудың технологиялық процесі.

3. Әйнек және әйнектің құрамы.

4. Әйнектен бұйымдарды дайындаудың технологиялық процесі.

ДӘРІС № 3

Тақырып: Пластикалық массалар және басқа да металл емес бұйымдар

Мақсаты: Медицинада қолданылатын пластикалық массаларды және басқа да металл емес материалдарды қарастыру (артықшылығы және кемшілігі және т.б.).

Дәріс жоспары:

1. Полимерлі материалдар.

2. Пластикалық массалар және пластикалық материалдан жасалған бұйымдар.

3. Пластмасса материалдардың артықшылығы.

4. Пластмасса материалдардың кемшілігі.

Дәріс тезисі:

Медиицнада ең жиі қолданылатын органикалық материалдарға әртүрлі олигомерлер мен жоғары молекулярлы қосылыстар негізіндегі полимерлі материалдар жатады.

Полимерлер – молекулалары өзара химиялық байланыстармен біріккен көптеген топшалардан тұратын жоғары молекулярлы қосылыс.

Мономер – төменгі молекулярлы зат, молекулалары бір-бірімен немесе басқа заттардың молекулаларымен полимерп түзе отырып байланысқа түсе алады

Олигомерлер – гомологиялық қатардың сүшелері, молекулаларының мөлшері бойынша жоғары молекулярлы қосылыстар мен мономерлердің арасында орнгаласқан.

Полимерлі материалдар – жоғары молекулярлы қосылыстардың негізіндегі материалдар, әдетте көп компонентті және көп фазалы болып келеді. Полимерлі материалдардың келесідей топтары болады: пластикалық массалар, каучук, латекс, резеңке, желім, талшық, полимерлі плёнкалар, бояу материалдар және жабындар және т.б.

Пластикалық массалар (пластмассалар, пластиктер) – жоғары икемді және созылмалы күйде болатын негізін полимерлер құрайтын материалдар, ал эксплуатация кезінде «йнек тәрізді және жоғары кристалды түрлерде болады.

Қазіргі кезде пластмассаларрдан көптеген медициналық саймандарды және олардың детальдарын дайындайды, мысалы буждар, катетерлер, трахеостомиялық түтіктер, стетоскоптар, шприцтер, сонымен бірге науқастарды күту бұйымдары.

Пластмассаларға құрамына жоғары молекулярлы қосылыстар кріетін органикалық және бейорганикалық текті материалдар жатады.

Пластмассалар негізгі заттан (байланыстырушы негіз), толықтырғыштардан, қатайтқыштардан, тұрақтандырғыштардан және бояғыштардан тұрады.

Пластмассаны түзетін негізгі зат – жасанды шайыр. Термопластикалық (термопластар) және термореактивті (реактопластар) шайырлар болады.

Термопластардан бұйымды қалыптау кезінде қатаю жүрмейді, сондықтан материал өзінің созылғыш қалпына келу қабілетін сақтайды.

Реактопластардан бұйымды жасау торлы полимер түзілетін химиялық реакциямен жүреді, яғни қатаяды. Және пластик өзінің созылғыш қалпына қайта келу қабілетін жоғалтады.

Пластмассаға толықтырғыштарды оның беріктігін ұлғайту, арнайы қасиеттерді бері және құнын төмендету үшін енгізеді. Толықтырғыштар ретінде органикалық және бейорганикалық текті табиғи жетімді материалдарды қолданады

Жоғары температура кезінде қатайтқыштар вулканизациялайтын әсер көрсетеді, нәтижесінде шайыр және барлық композиция қатады. Әрбір шайыр үшін өздерінің қатайтқыштары қолданылады.

Бояғыштар ретінде бейорганикалық пигменттер, температураға тұрақты органикалық пигменттер және лактар қолданылады.

Пластмассалар көптеген өздерінің қасиеттерімен басқа конструкциялық материалдардан тиімді ерекшеленеді.

· Орташа алғанда пластмассалар алюминийден 2 есе, болаттан, мыс, қорғасын, қоладан 5-7 есе жеңіл.

· Көптеген пластмассаларда беріктік көрсеткіштері металдарға қарағанда төмен. Бірақ кейбір пластмасса түрлерінің шартты беріктігі болаттың жоғары маркаларына қарағанда жоғары болады.

· Пластмассалардың негізгі түрлері металдарға қарағанда тек атмосфералық коррозияға ғана емес, сонымен бірге әртүрлі қышқылдардың, сілтілердің, еріткіштердің әсеріне тұрақты болады.

· Көптеген пластмасса түрлерінің тозуға төзімділігі жоғары.

· Көптеген пластмассалар – жақсы диэлектриктер, яғни электр тогын нашар өткізеді немесе мүлде өткізбейді.

· Пластмассадан жасалған бұйымдардың беттері қатты, мөлдір болады, оларды бояудың және тегістеудің қажеті жоқ. Дайындау процесінде әртүрлі пигменттерді енгізу арқылы кез келген түстегі бұйымдарды алуға болады, соның ішінде көп түсті табиғи тастарды, теріні, перламутрды имитациялай отырып.

· Пластмассалардың негізгі артықшылығы – олардан бұйымдарды әртүрлі әдістердің көмегімен қалыптау мүмкіндігі.

Осы аталған құнды қасиеттерміен бірге пластмассалардың кемшіліктері де бар.

· Белгілі бір температура интервалында ғана қажетті қасиеттерін сақтауы (-60°С-ден +120°С-ға дейін).

· Жылу өткізгіштігінің төмендігі.

· Металдармен салыстырғанда беріктігінің және қаттылығының төмендігі.

· Жүктің, жылудың, жарықтың, судың әсерінен және атмосферадлық жағдайда ұзақ уақыт болғанда қасиеттерін өзгертуі.

1. О.А.Васнецова. Медицинское и фармацевтическое товароведение.- Москва: «ГЭОТАР-Медиа», 2005.

2. Умаров С.З., Наркевич И.А., Костенко Н.П., Пучинина Т.Н. Медицинское и фармацевтическое товароведение. – Москва: ГЭОТАР-MED, 2004.

БАҚЫЛАУ СҰРАҚТАРЫ (кері байланыс)

1. Полимерлі материалдар және олардың түрлері.

2. Пластмасса массаларының құрамы.

3. Пластмасса массаларының артықшылығы мен кемшіліктері.

ДӘРІС № 4

Тақырып: Фармацевтикалық және медициналық тауарлардың ассортименті

Мақсаты: Фармацевтикалық және медициналық тауарлардың ассортиментін, ассортиментті талдауды және ассортименттің негізгі көрсеткіштерін қарастыру.

Дәріс жоспары:

1. Ассортименттің түрлері: өнеркәсіптік және сауда.

2. Сауда ассортиментінің негізгі түсініктері.

3. Тауарлар ассортиментін талдау.

4. Ассортименттің негізгі көрсеткіштері.

Дәріс тезисі:

Ассортимент – бір-бірінен типтері, мөлшері, дозасы және басқа да белгілері бойынша ерекшеленетін белгілі бір тауарлар тобының құрамы және қатынасы.

Ассортимент екі түрлі болады: өнеркәсіптік және саудалық.

Өнеркәсіптік ассортимент - өнеркәсіптің әртүрлі салаларының кәсіпорындары шығаратын тауарлардың жиынтығы.

Тауартануда өнеркәсіптік ассортименттің өзі келесілерді бөледі:

• саланың өнеркәсіптік ассортименті - бір саланың кәсіпорындары шығаратын тауарлар жиынтығы;
• регионның өнеркәсіптік ассортименті – облыс, өлке, қала, аудан кәсіпорындары шығаратын тауарлардың жиынтығы;
• кәсіпорынның өнеркәсіптік ассортименті – бір кәсіпорын шығаратын тауарлар жиынтығы.

Саудалық ассортименті – көтерме және бөлшек сауда кәсіпорындарына немесе сауда айналысына түсетін тауарлар ассортименті. Ол тапсырыстарда, сауда прейскуранттарында беріледі.

Сауда ассортиментінде келесідей түсініктер болады.

Тауарлық номенклатура, тауар-микс – сатушыларға ұсынылатын барлық ассортименттегі тауарлар бірліктерінің және тауар топтарының жиынтығы.

Ассортименттік топ, ассортименттік қатар – ұқсас функцияларды орындауларына байланысты бір-бірімен тығыз байланысты тауарлардың жиынтығы.

Ассортименттік топша – бір белгімен біріктірілген тауарлар жиынтығы, ассортименттік топтың ең ұсақ бөлімшесі.

Тауарлық бірлік, ассортименттік позиция – белгілі бір түрдегі, химиялық құрамдағы немесе басқа бір сапалық көрсеткіштерімен сипатталатын тауарлық ассортимент немесе сауда маркасы шегіндегі жеке бұйым.

Тауар варианты, тауар бірлігінің варианты, тауардың түрі – белгілі бір мөлшердегі, көлемдегі, массадағы, дәрілік қалып түріндегі, бумадағы тауар бірлігі және т.б.

Ассортиментті басқару – бұл рационалды ассортиментті құруға бағытталған қызмет. Ассортиментті басқарудың негізін қалаушы элементтерге ассортиментті қалыптастыру және ассортименттің тиімділігін анықтайтын көрсеткіштер бойынша талаптар деңгейін белгілеу жатады.

Ассортиментті қалыптастыру – нақты қажеттіліктерді қанағаттандыра алатын және ұйым жетекшілігі алға қойған мақсаттарға жетуге мүмкіндік беретін тауарлар жиынтығын құру бойынша қызмет. Әрбір ұйым өзінің ассортименттік саясатын жүргізеді.

Ассортименттік саясат – ұйым жетекшілігі анықтайтын ассортиментті қалыптастырудың негізгі бағыттары, мақсаты және міндеттері.

Ассортиментті жаңарту – жаңашыл көрсеткішінің көбеюімен сипатталатын тауарлардың сапалық және сандық өзгерісі.

Ассортиментті тұрақтандыру – жаңару дәрежесінің төмендігімен және жоғары тұрақтылығымен сипатталатын тауарлар жиынтығының жай-күйі.

Ассортиментті қысқарту – тауарлардың кеңдігі мен толықтығын азайту есебінен тауарлар жиынтығының сандық және сапалық өзгеруі.

Ассортиментті қысқартудың себептеріне сұраныстың азаюы, ұсыныстың жеткіліксіздігі, жеке тауарлардың өндірісінде немесе сатылуында табыстың аз болуы немесе шығынның көп болуы жатады.

Ассортиментті кеңейту – тауарлардың кеңдігін, толықтығын және жаңашылдығын ұлғайту есебінен тауарлар жиынтығындағы сапалық және сандық өзгерістер.

Тауарлар ассортиментіне талдау жүргізу медициналық және фармацевтикалық тауарларға қажеттілікті анықтау үшін және дәріхана немесе емдеу ұйымдарының жұмысын объективті бағалау үшін жүргізіледі.

Көбінесе медициналық және фармацевтикалық тауарлардың ассортиментіне талдауды келесі көрсеткіштер бойынша жүргізеді: кеңдігі, толықтығы, тереңдігі, құрылымы, тұрақтылығы, жаңару дәрежесі.

Ассортименттің кеңдігі – бұл номенклатуралық немесе формулярлық тізімдерде, классификаторларда, мемлекеттік реестрлерде берілген тауарлардың бөлшек немесе көтерме сауда желілеріндегі бар тауарлардың ассортименттік тобының (топшаларының, түрлерінің) саны.

Ассортименттің толықтығы (тауарлық линияның қаныққандығы, ұзындығы) – бұл номенклатуралық немесе формулярлық тізімдерде, классификаторларда, мемлекеттік реестрлерде берілген бөлшек немесе көтерме сауда желісіндегі бар бір ассортименттік топтағы тауарлар бірлігінің саны.

Ассортименттің тереңдігі – бұл номенклатуралық немесе формулярлық тізімдерде, классификаторларда, мемлекеттік реестрлерде берілген бөлшек немесе көтерме сауда желісіндегі бір ассортименттік топтағы немесе бір тауар бірлігіндегі тауарлар вариантының саны.

1. О.А.Васнецова. Медицинское и фармацевтическое товароведение.- Москва: «ГЭОТАР-Медиа», 2005.

2. Умаров С.З., Наркевич И.А., Костенко Н.П., Пучинина Т.Н. Медицинское и фармацевтическое товароведение. – Москва: ГЭОТАР-MED, 2004.

БАҚЫЛАУ СҰРАҚТАРЫ (кері байланыс)

1. Ассортимент және ассортименттің түрлері.

2. Дәріханадағы ассортиментті басқару қандай мақсатпен жүргізіледі?

3. Дәріхана ұйымдарындағы ассортиментке талдау қандай мақсатапен жүргізіледі?

4. Ассортименттің негізгі көрсеткіштері.

ДӘРІС № 3

Тақырып: Физиологиялық және көзілдірік оптикасы

Мақсаты: Көздің құрылымын, көздің көруінің бұзылыстарын қарастыру

Дата добавления: 2015-04-30