Документ 1

4.

3.

2.

Тексты

1. Во имя отца, и сына, и святого духа. Бог, и святая Богородица, и отца моего молитва.

2. Приведох епископа Смоленску, эдумав с людьми своими, по повелению отца своего святого, еже хотев при животе своем сътворити, (и)но есть (зд)е первее сего не бывало епископьи, да яз недостойный, грешный се уста(в)ляю епископью, о нем же епископу выти живу и с клиросом своим в свои дни и в свое княженье, еже ми бог дал и отчя молитва.

3. А се даю святей Богородици и епископу: прощеники с медом и с кунами, и с вирою, и с продажами, и не надобе их судити никакому же человеку.

4. И се даю святей Богородици (и) епископу: десятину от всех даней смоленских, что ся в них сходить истых (к)ун, кроме продажи, и кроме виры, и кроме полюдья.

У Вержавлянех у Великих 9 погост, а в тех погостех платить кто же свою дань и передмер истужници по силе, кто что мо-га. А в тех погостех, а некоторый погибнеть, то тии десятины убудеть. А в тых погостех, во всех сходиться дани осм сот гривен, а передмера сто гривен, а на истужницех сто гривен, то ти ис того взяти епископу к святей Богородици сто гривен.

А во Врочницех (200) гривен, то ти ис того взяти епископу 20 гривен.

А в Торопчи дани четыриста гривен, а епископу с того взяти 40 гривен.

А в Жижци дани 130 гривен, а с того епископу взяти 13 гривен.

А в Каспли 100 гривен, а ис того епископу взяти 10 гривен.

А в Хотшине дани 200 гривен, а ис того епископу взяти 20 гривен.

А в Жабачеве дани 200 гривен, а ис того епископу взяти 20 гривен.

А в Вото(р)овичех дани 100 гривен, а ис того епископу взяти 10 гривен.

А в Шуйспей да(н)и 80 гривен, а ис того епископу 8 гривен.

А в Дешнянюх 30 гривен, а ис того (е)пископу три гривны.

А в Ветьскей дани 40 гривен, а ис того епископу четыре гривны.

А в Былеве дани 20 гривен, а и епископу ис того 2 гривны.

(A) в Бортницех на оной стороне 40 гривен, а ис того епископу 4 гривны.

В Витрине дани 30 гривен, а ис того епископу три гривны.

В Жидчичих 10 гривен, (а) ис того епископу гривна.

В Басеи 15 гривен, а и епископу ис того полторы гривны.

(B) Мирятичех дани 10 гривен, а епископу ис того гривна. В Добрятине дани (30) гривен, а епископу ис того три гривны.

В Доброчкове дани 20 гривен, а ис того епископу две гривне.

В Бобровницех дани 10 гривен, а ис того епископу гривна.

В Дедогостичех 10 гривен, а ис того епископу гривна.

А в Зарубе дани 30 гривен, а ис того епископу три гривны.

А в Женни дани 200 гривен, у Велицей, ис того святей Богородици и епископу 20 гривен.

В Пацини дани 30 гривен, а ис того епископу три гривны, а в гостиней дани не ведомо, а что ся соидеть, ис того святей Богородици и епископу десятина.

В Солодовницех 20 гривен, ис того святей Богородици (и е)пископу две гривны.

На Путьтине присно платять четыре гривны, бе(...)ници две гривны, коромити полпяты гривны, дедичи и дань, и вира 15 гривен, гость 7 гривен. А ис того святей Богородици и епископу три гривны без семи ногат.

На Копысе полюдья четыре гривны, а перевоза четыре гривны, а торгового 4 гривны, а с корчьмити, не ведомо, но что ся соидеть, ис того десятина святей Богородици.

На Прупой 10 гривен, а ис того епископу гривна, а в корч-митех не ведати, но что ся соидеть, ис того десятина святей Богородици.

(У) Кречюта дани 10 гривен, а святей Богородици и епископу гривна.

В Лучине полюдья (...) гривны, а мыта и корчмити не ведомо, но что ся снидеть, ис того епископу десятина.

Во Оболви гостинная дань, и что ся в ней снидеться, ис того святей Богородици и епископу десятина.

Во Искони дани 40 гривен, а ис того святей Богородици и епископу 4 гривны.

Суждали залесская дань, аже воротить Гюрги, а что будеть в ней, ис того святей Богородици десятина.

У Вержавску в городе три гривны десятины святей Богородици.

В Лодейницех 10 гривен дани, а ис того гривна святей Богородици.

5. И се даю ис Торопча от всех рыб, иже идеть ко мне, десятину святей Богородици и епископу.

6. (А ч)то ся наречеть области Смоленьское, или мала, или велика дань, любо княжа, любо княгинина, или чия си хотя, правити десятину святей Богородици, без всякого отпису деяти.

7. Село Дросенское со изгои и з землею святей Богородици и епископу и село Ясеньское и з бортником, и з землею, и с изгои святей Богородици.

8. И се есми дал землю в Погоновичох Мойшиньскую святей Богородици и епископу и озера Нимикорская и с сеножатьми, и уезд княжь, и на Сверковых луках сеножати и уезд княжь, озеро Колодарское святей Богородици.

9. И се даю на посвет святей Богородици из двора своего осмь копий воску и на горе огород с капустником, и з женою, и з детьми; за рекою тетеревник с женою и з детми святей Богородици и епископу.

10. Бысть мое сотщание к святей Богородици по повелению святого отца моего, что же мога, то же даю.

11. А т(я)жь епископълих не судити никому же, судить их сам епископ:

первая тяжа роспуст;

другая тяжа, аже водить кто две жоне;

третьяя тяжа, аще кто поиметься чрес закон;

а четвертая – уволочская, аже уволочет кто девку; што возметь князь – с епископом наполы, или посадник что възметь свои тяжи, то с епископом наполы;

а пятое, аже ту женку, то епископу;

шестая вопрос, а то епископу: зелья и душегубства – тяжа епископля;

семая, аже бьетася две жене, то епископля тяжа.

(А)же церковный человек доидеть чего, то своему епископу.

Девятая, аже кого бог отведеть церковных людей.

12. А не будеть зла ничего церкви, да се яз молъвлю, и уставил есми епископью, поручен Смоленеск богом, и деднею, и отцовою молитвою.

13. Да се яз, князь Ростислав с первым епископом своим Маноилом, да се уставляю яз: аже будеть или тяжа, или продажа епископля, да не надобе ни князю, ни посаднику, ни тивуну, ни иному никому же от мала и до велика, и по всей волости смоленьской.

14. Се же ныне с божиею помощью и со святою Богородицею в сии дни полны дани, а по сем что бог устроить. По божью строю чи которая дань оскудееть, или ратью, или коим образом, (а п)о силе что почнетъ давати тыи дани, а ис того десятина святей Богородици.

15. Да сего (н)е посуживай никто же по моих днех, ни князь, ни людие. Аже ли кто посудить сея грамоты, что есми дал к святей Богородици, да той отвечаеть в страшный день святей Богородици и сия клятва будеть на нем, а яз буду без греха.

16. Паки ли приложить кто сию епископью опять к Переяславстей епископьи, завистию переступя слово святого митрополита русского Михаила, а разрушить сию епископью Смоленьскую, то князь отиметь свое опять, еже был уставил епископу пристроивати святей Богородици. Да же кто разрушить сей замысл святого отца моего Мьстислава и митрополита русского Михаила, (аже) яз, грешный сын Мстиславль, надеяся на матерь божью, на святею Богородицу, (у)ставляю сию епископью, да же кто разрушить ю, да сам отвечаеть святей Богородици и сия клятва святых отец буди на нем, а яз буду без греха.

1. Се яз, худый и грешный и недостойный епископ Маноил с благородным и христолюбивым князем моим Михаилом утвержаеве, еже написана, утвержена и сотворена о благодати и благословением святого духа поставлеником моим митрополитом русским кир Михаилом при благовернем и христолюбивем князи моем кир Михаил(е) и утвердил устав церковный именем Ростислав, по отца своего святого молитвы и по повелению его уставил есть епископью Смоленьскую.

2. Да же кто по моем князи или по мне переступить (или) посудить сию грамоту и уставо с(и) или князь, или ин кто, да будеть ему бог противен в день судный и святая Богородица, да будеть проклят от святых апостол и святых отец 318, иже повелеша: в кыим граде достоить епископу быти, да пос-тавять и от всех святых; аще кто разрушить се, да будеть проклят.

3. Или епископ который начнеть несытьством хотя ити в Переяславль и сию епископью приложити к Переясловлю, да буди ему клятва, яже се преже писана и святого митрополита русского Михаила, иже составил сию епископью.

4. Или отдасть что, и не правити иметь святей Богородици, еже есть написано зде, буди ему тая же клятва и буди ему анафема.

(А) се и еще и холм даю святей Богородици и епископу, яко же дано дедом моим Володимером Семеонови преже епископу строити наряд церковный и утверженье.

В лето 6659, индикта 14, месяца сентября 30.

А се погородие.

От Мьстиславля 6 гривен урока, а почестья гривна и три лисици.

А се от Крупля гривна урока, а пять ногат за лисицу.

А се от Вержавска две гривне урока, а за три лисици 40 кун без ногаты.

А се от Копосы 6 гривен урока и две лисици, а почестья 35 кун.

А се от Поциня урока полторы гривны, а за две лисици 22 куне.

А от Лучина три гривны урока, а две лисици, и осетр.

А се от Ростиславля три гривны, а почестья гривна и четыри лисици.

От Елны урока три гривны и лисица.

А Изяславлее гривна.

А у Торопчи урока 40 гривен, и 15 лисиц, и 10 черных кун, невод, тре(...)ица, бредник, трои сани рыбы, полавочник, две скатерти, три убрусы, берковеск меду.

А се в Жижци пять гривен, а почестья гривна и лисица.

А у Дорогобужи три гоны короткий, а почестья гривна, а пять лисиц.

КОММЕНТАРИЙ

Дата добавления: 2015-05-06