Студопедия

КАТЕГОРИИ:


Архитектура-(3434)Астрономия-(809)Биология-(7483)Биотехнологии-(1457)Военное дело-(14632)Высокие технологии-(1363)География-(913)Геология-(1438)Государство-(451)Демография-(1065)Дом-(47672)Журналистика и СМИ-(912)Изобретательство-(14524)Иностранные языки-(4268)Информатика-(17799)Искусство-(1338)История-(13644)Компьютеры-(11121)Косметика-(55)Кулинария-(373)Культура-(8427)Лингвистика-(374)Литература-(1642)Маркетинг-(23702)Математика-(16968)Машиностроение-(1700)Медицина-(12668)Менеджмент-(24684)Механика-(15423)Науковедение-(506)Образование-(11852)Охрана труда-(3308)Педагогика-(5571)Полиграфия-(1312)Политика-(7869)Право-(5454)Приборостроение-(1369)Программирование-(2801)Производство-(97182)Промышленность-(8706)Психология-(18388)Религия-(3217)Связь-(10668)Сельское хозяйство-(299)Социология-(6455)Спорт-(42831)Строительство-(4793)Торговля-(5050)Транспорт-(2929)Туризм-(1568)Физика-(3942)Философия-(17015)Финансы-(26596)Химия-(22929)Экология-(12095)Экономика-(9961)Электроника-(8441)Электротехника-(4623)Энергетика-(12629)Юриспруденция-(1492)Ядерная техника-(1748)

Антыгітлераўскі супраціў на тэрыторыі Беларусі. Вызваленне Беларусі




Большасць насельніцтва Рэспублікі ўзнялася на абарону сваёй Радзімы. Студэнты павінны засвоіць, што шырокі размах на Беларусі атрымаў партызанскі рух, які з цягам часу стаў усенародным па сваіх мэтах і сацыяльна-дэмаграфічным складзе ўдзельнікаў. Пацвярджэнне гэтаму 374 тыс. партызан, 70 тыс. падпольшчыкаў і 400 тыс. скрытага партызанскага рэзэрву, які дапамагаў партызанам. Сярод партызан было 71,1% беларусаў, 19,3% рускіх, 3,9 % украінцаў, 5,7 % прадстаўнікоў іншых нацыянальнасцей. У партызанскіх атрадах змагалася каля 4 тыс.замежных антыфашыстаў.

Першы заклік да ўсенароднай барацьбы ў тыле гітлераўскіх войск прагучаў у дырэктыве СНК і ЦК ВКП(б) ад 29.06.1941 г. Неабходна мець на ўвазе, што ў напружаных абставінах прыфрантавой і франтавой паласы, у якую трапіла Беларусь у першыя месяцы вайны, функцыі арганізацыі барацьбы з ворагам узяла на сябе камуністычная партыя.

Усяго на акупіраванай тэрыторыі летам 1941 г.было пакінута 8 тыс. камуністаў. Неабходна адзначыць, што па розных прычынах большая частка з іх была ліквідавана захопнікамі яшчэ ў 1941 годзе. Больш трывалымі аказаліся атрады, утвораныя ў 1942г. У час акупацыі на тэрыторыі Беларусі дзейнічалі 203 падпольныя партыйныя (КП(б)) органы. Сакратары абкомаў узначальвалі партызанскія злучэнні.

Ужо на пяты дзень вайны ўтварыўся першы партызанскі атрад пад кіраўніцтвам В.З. Каржа. Да 25 ліпеня 1941 г. на Беларусі было сфарміравана больш за 100 атрадаў і груп, якія налічвалі 2644 чалавек. Адным з першых быў Суражскі атрад у Віцебскай вобласці пад кіраўніцтвам М.Ф. Шмырова. На Палессі значныя ўдары па ворагу наносіў партызанскі атрад “Чырвоны Кастрычнік”, які ўзначальваў Ц.П. Бумажкоў, а потым Ф.І. Паўлоўскі. Ім першым з партызан прысвоена званне Героя Савецкага Саюза (жнівень 1941г.).

Студэнтам варта падкрэсліць, што сярод актыўных удзельнікаў барацьбы былі і тыя, хто не ўваходзіў у склад партызанскіх атрадаў. Жыхары вёсак забяспечвалі партызан харчаваннем, адзеннем, вялі разведку, дапамагалі выводзіць са строю шашэйныя і чыгуначныя камунікацыі, парушаць лініі сувязі.

У маі 1942 года для цэнтралізацыі кіраўніцтва партызанскім рухам пры Стаўцы Вярхоўнага Галоўнакамандавання быў створаны Цэнтральны штаб партызанскага руху (ЦШПР), у верасні 1942 г. - Беларускі штаб партызанскага руху (БШПР).

Да 1943 г. супраціўленне гітлераўскім захопнікам на акупіраванай тэрыторыі Беларусі набыло ўсенародны размах, ператварылася ў фактар

 

буйнога ваенна-стратэгічнага і палітычнага значэння. Аб гэтым яскрава сведчаць стварэнне партызанскіх зон і “рэйкавая вайна”.Першая партызанская зона ўзнікла восенню 1941 г. Да восені 1943 г. партызаны стварылі і кантралявалі больш за 12 зон, што складала 108 тыс. км² - на амаль 60 % акупіраванай тэрыторыі Беларусі дзейнічала савецкая ўлада. “Рэйкавая вайна” на Беларусі праводзілася ў тры этапы (3.08 - 15.09.1943; 19.09 - пач. лістапада 1943; 20.06.1944 г.), падчас буйных наступальных аперацый Чырвонай Арміі. Знішчаныя камунікацыі, а было ўсяго падарвана болей 193 тыс. рэяк, не дазволілі акупантам своечасова забяспечыць франтавыя часткі неабходным.

Важную ролю ў барацьбе з акупантамі адыгрывала дзейнасць падпольшчыкаў. Мужна, кожны дзень рызыкуючы жыццём, змагаліся з ворагам падпольшчыкі Гомеля, Магілёва, Віцебска, Оршы, Бабруйска, Брэста, Ліды, Пінска і інш. гарадоў і населеных пунктаў Беларусі - усяго больш за 70 тыс. чалавек. Сярод іх было каля 74 % беларусаў, 15,4% - рускіх, 4% - украінцаў, 1,9% - яўрэяў, 1,8% - палякаў, 2,9% - прадстаўнікоў іншых нацыянальнасцей.

Усяго за тры гады вайны партызаны Беларусі знішчылі і паранілі ў тыле ворага больш за 500 тыс. гітлераўцаў і іх памагатых, падарвалі і пусцілі пад атхон 11128 эшалонаў, 34 бронепаязды, разграмілі 948 штабоў і гарнізонаў, падарвалі і знішчылі 18,7 тыс. аўтамашын, 1355 танкаў і бронемашын, збілі і спалілі на аэрадромах 305 самалётаў, знішчылі 438 гармат і г.д. Страты партызан склалі 44791 чалавек.

Актыўны і непасрэдны ўдзел прымалі партызанскія атрады ў вызваленні роднай Беларусі. Студэнты павінны памятаць, што першы раённы цэнтр Беларусі Камарын быў вызвалены яшчэ 22 верасня 1943 г.; 26.09.43 г. – Хоцімск, 28.09.43 г. – Клімавічы, 30 верасня 1943 г. – старажытны беларускі горад Крычаў. Варта адзначыць, што ў вызваленні Беларусі прымала удзел 1-я польская дывізія імя Т. Касцюшкі, першае баявое хрышчэнне яна атрымала 12.10.1943 г. пад мястэчкам Леніно каля Горак.

Асноўная частка Беларусі была вызвалена ад гітлераўскіх акупантаў летам 1944 года ў выніку аперацыі "Баграціон" (Беларуская наступальная аперацыя). Яна распачалася раніцай 23 чэрвеня 1944 г. сіламі 1-га Прыбалтыйскага, 3-га і 2-га Беларускіх франтоў. Нягледзячы на тое, што гітлераўцы ўздоўж р. Дняпро падрыхтавалі моцны абарончы рубеж, савецкая армія паспяхова пераадолела яго і разграміла значныя сілы ворага. 27 чэрвеня была вызвалена Орша, 28 чэрвеня – Магілёў, 1 ліпеня – Барысаў, 3 ліпеня – Мінск. Пад сталіцай Беларусі была знішчана 105 – тысячная гітлераўская групоўка войск. 16 ліпеня было вызвалена Гродна, 28 ліпеня – Брэст. Студэнты павінны мець на ўвазе, што менавіта вызваленнем Брэста завяршылася выгнанне гітлераўскіх захопнікаў з беларускай зямлі. Распачалося вызваленне Польшчы і іншых еўрапейскіх краін.

 

 

6 Вынікі Другой сусветнай вайны

 

2 верасня 1945 года прадстаўнікамі ЗША, Англіі, СССР і Японіі быў падпісаны афіцыяльны акт аб капітуляцыі апошняга хаўрусніка Германіі – Японіі. Завяршылася Другая Сусветная вайна, якая працягвалася шэсць год, за гэты перыяд свет згубіў ад 55 да 75 млн чалавек, у 5-7 разоў болей, чым у Першую Сусветную вайну.

Студэнты павінны засвоіць галоўныя вынікі Другой Сусветнай вайны:

а) Супольная перамога антыгітлераўскай кааліцыі, якая здолела адстаяць агульначалавечыя каштоўнасці;

б) Знішчаны чалавеканенавісніцкі таталітарны гітлераўскі рэжым у Германіі;

в) Краіны і народы, якім пагражаў гітлерызм і фашызм адстаялі сваё права на існаванне і суверэнітэт;

г) Рост нацыянальнай самасвядомасці ў краінах трэцяга свету ў ходзе вайны ініцыіраваў пачатак распаду каланіяльнай сістэмы, рост нацыянальна-вызваленчага руху;

д) Вырашаючую ролю ў перамозе над гітлерызмам, безумоўна, адыграў СССР – гэта добра разумелі жыхары ўсіх краін свету. Таму рэзка ўзрос аўтарытэт сацыялістычнай краіны, што ў перспектыве прывяло да абрання ў першае дзесяцігоддзе пасля вайны насельніцтвам шэрагу краін падобнага шляху развіцця і стварэння сацыялістычнай сістэмы.

е) Стварэнне вясной-летам 1945 года новай сусветнай арганізацыі – ААН, якая па-сённяшні дзень з'яўляецца самай уплывовай арганізацыяй свету.

ж) Вялікія эканамічныя страты і чалавечыя ахвяры.

 

 

Заключэнне

 

За гады вайны беларускі народ панёс вялікія страты. Гітлераўцы знішчылі на тэрыторыі рэспублікі каля 2290 тыс. мірных жыхароў, каля 380 тыс. грамадзян БССР было прымусова вывезена ў Германію. У баявых дзеяннях на франтах і ў партызанах Беларусь страціла 600 тыс. чалавек. Захопнікі зруйнавалі 209 гарадоў і гарадскіх пасёлкаў, 9200 вёсак, разбурылі дзесяткі тысяч заводаў і фабрык, знішчылі 96% энергетычных магутнасцей, спапялілі жыллёвую і камунальную гаспадарку, знішчылі сельскагаспадарчую тэхніку калгасаў і саўгасаў. Каля 9 тыс. нарабаваных трактароў, больш за 1 тыс. камбайнаў і іншага вытворчага інвентару было адпраўлена ў Германію. Усяго страты Беларусі склалі больш як 75 млрд руб. (у цэнах 1941 г.). Аднак беларускі народ выцярпеў усё гэта, не разгубіўся і здолеў аднавіць свой вытворчы патэнцыял. Народ пераможца яскрава засведчыў сваю прагу да волі і захавання суверэнітэту сваёй Радзімы.

Такім чынам, студэнты павінны зрабіць для сябе выснову, што ў складаны перыяд сусветнай гісторыі СССР і буржуазна-ліберальныя краіны здолелі на пэўны час пераадолець узаемныя прынцыповыя ідэалагічныя рознагалоссі для таго, каб абараніць планету ад рэальнай пагрозы ўсталявання безчалавечага гітлераўскага "новага парадку". Пасля вайны СССР хутка аднавіў гаспадарку, значна пашырыў сферу міжнароднага ўплыву. У гісторыі міжнародных адносін распачынаўся працяглы перыяд глабальнага супрацьстаяння дзвюх сусветных дзяржаў – СССР і ЗША, у аснове якога былі глыбокія ідэалагічныя супярэчнасці па пытаннях грамадскага ладу. Але ўвесь час дзяржавы (урады і насельніцтва) памяталі аб прычынах, ходзе і выніках Другой Сусветнай вайны і робяць усё, каб яна была апошняй і недапусціць узнікненне наступнай.

 

 





Поделиться с друзьями:


Дата добавления: 2015-06-25; Просмотров: 737; Нарушение авторских прав?; Мы поможем в написании вашей работы!


Нам важно ваше мнение! Был ли полезен опубликованный материал? Да | Нет



studopedia.su - Студопедия (2013 - 2024) год. Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав! Последнее добавление




Генерация страницы за: 0.017 сек.