Кондак 11

Икос 10

Стеною крепкою в годину лютых гонений на Церковь Христову явися заступление твое обители Покровстей, мати всечестная. Прилежно бо на небесех молила еси Бога, на милость его приклоняющи, да сохранит от поругания обитель святую сию. Ныне же мы, благоговейно чтуще тя, благодарно возглашаем:

Радуйся, обители Покровския на земли основательнице;
Радуйся, на небеси о ней немолчная предстательнице.

Радуйся, по отшествии своем нас не оставляющая;
Радуйся, всякую душу спасти желающая.

Радуйся, врагов наших невидимо отгоняющая;
Радуйся, просящих твоея помощи заступающая.

Радуйся, согрешающих кроткая обличительнице;
Радуйся, святыни крепкая хранительнице.

Радуйся, с небесе милостиво на нас призирающая;
Радуйся, заповеди Христовы исполняти нас научающая.

Радуйся, вся терпети ради Небеснаго Царствия убеждающая;
Радуйся, у гроба своего прошения наша исполняющая.

Радуйся, Анастасие, царственная княгине, венцем преподобия увенчанная.

Пение благодарственное Царице Небесней непрестанно возносится во обители твоей, мати святая, прославляющи неоскудевающия щедроты Господни и присное попечение твое о нас, недостойных. Обаче недоумеюще достойно восхвалити тя, преподобная, умиленною душею вопием о тебе Христу: Аллилуия.

Дата добавления: 2015-06-26