Студопедия

КАТЕГОРИИ:


Архитектура-(3434)Астрономия-(809)Биология-(7483)Биотехнологии-(1457)Военное дело-(14632)Высокие технологии-(1363)География-(913)Геология-(1438)Государство-(451)Демография-(1065)Дом-(47672)Журналистика и СМИ-(912)Изобретательство-(14524)Иностранные языки-(4268)Информатика-(17799)Искусство-(1338)История-(13644)Компьютеры-(11121)Косметика-(55)Кулинария-(373)Культура-(8427)Лингвистика-(374)Литература-(1642)Маркетинг-(23702)Математика-(16968)Машиностроение-(1700)Медицина-(12668)Менеджмент-(24684)Механика-(15423)Науковедение-(506)Образование-(11852)Охрана труда-(3308)Педагогика-(5571)Полиграфия-(1312)Политика-(7869)Право-(5454)Приборостроение-(1369)Программирование-(2801)Производство-(97182)Промышленность-(8706)Психология-(18388)Религия-(3217)Связь-(10668)Сельское хозяйство-(299)Социология-(6455)Спорт-(42831)Строительство-(4793)Торговля-(5050)Транспорт-(2929)Туризм-(1568)Физика-(3942)Философия-(17015)Финансы-(26596)Химия-(22929)Экология-(12095)Экономика-(9961)Электроника-(8441)Электротехника-(4623)Энергетика-(12629)Юриспруденция-(1492)Ядерная техника-(1748)

Судебник 1550 г. 2 страница




71. А намесником и волостелем, которые держат кормленья, и тиуном великого князя, и боярским тиуном, и детей боярских тиуном татя и душегубца и всякого лихово человека без докладу не продати, ни казнити, ни отпустити. А хто татя или душегубца и всякого лихово человека отпустит, или кого без докладу продаст или казнит, и на том судье исцовы иски доправити вдвое, а в государеве пене кинути в тюрму до царева государева указу.
72. А по городом намесником городцких посадцких всех людей промеж их судити, обяскивая по их животом и по промыслом и по розмету: сколько рублев хто цареву и великого князя подать дает, по тому их, обыскивая, судити и управа чинити. А разметные книги старостам и соцким и десяцким и всем людем тех городов своих розметов земсково дьяка руку за своими руками ежегод рисылати на Москву к тем бояром, и к дворецким, и казначеем, и к дьяком, у кого будут которые городы в приказе; а другие книги своих розметов старостам и соцким и десяцким тех городов, где хто живет, отдавати тех городов старостам и целовалником, которые к намесников в суде сидят. И хто тех городов городцкие посадцкие люди учнут промеж собя искати много, не по своим животом, и про тех исцов сыскивати розметными книгами, сколько он рублев с своего живота подати дает; и будет живота его столко есть, и на колко ищет, ино ему дати суд; а будет живота его столько нет, и тех исцев, а в их искех тем и винити, и пошлины имати по Судебнику, а в Цареве государеве пене велети дати на поруку да прислати к Москве к государю. А городцким посадцким людем искати на намесникех и на их людех (по) своим животоми по промыслом и по розмету; а которого году староста и целовал-лики розметных книг к Москве не пришлют, и в том году на намесника суда не дати. А по волостем волостелем судити черных людей по их жалобницам и управа им чинити безволо-китно. А хто взыщет много, не по животом, а ответчик учнет бити челом, а скажет, что тот истец ищет много, а живота его столко нет, на колко ищет, и тем волостелем посылати о том, выбираючи тех жо волостей лутчих людей да целовалника одного или дву лосмотря по делу, а велети про то обыскати накрепко: было ли живота его столко, на колко ищет. И скажут в обыску, что живота его столко было, и в том ему дати суд; а скажут в обыску, что живота его столко не было, ино его обвинити и пошлины на нем взяти, а в государеве пене, и в ябедничестве дати его на поруки да прислати с обыскным списком к Москве.
73. А который человек скажет, что у него был живот чюжой, и того обыскати, был ли у него тот живот и было ли столко того живота, и чей скажет тот у него живот был, ино про то обыскати было ли у него столко живота и которым обычаем тот у него живот взят; да по тому дело и вершити.
74. А на котором городе будут два намесника или на волости два волостеля, а суд у их не в розделе, и им имати пошлины по списку обема за одного намесника, а тиуномих за одного тиуна, и они себе делят по половинам, а которые городы или волости поделены, а случитца у них суд вопчей, и им обема пошлины имати одны, да те им пошлины меж собя делити по половинам же. А возмут те два намесника или два волостеля или два тиуна с одного дела пошлины вдвое, и уличат их в том, и тому, на ком пошлины взяли, на тех намесникех или на волостелех и на их тиунех те пошлины велети взяти втрое.
75. А хто пошлет пристава по намесника, по боярина, или по сына боярского, или по волостеля, и по их тиунов, и по Царева и великого князя тиуна и по довотчиков, и намеснику и волостелем и их тиуном, и великого князи тиуном и довотчиком отвечати к сроку ехати; а не поедут к сроку сами, и им к сроку в свое место посылати к ответу; а не приедут сами к ответу и в свое место отвечати не пришлют после срока за сто верст в седмой день, и тех.обинити и исцовы иски по жалобницам и неделщиков езд на тех доправити, да отдати иск ишеям. А срочных по приставным на намесников и на волостелей и на их тиунов не наметывати; а из далних городов росчитати по верстам по тому ж розчету. А з записми не посьшати никуды, оприч ведомых разбойных дел, и намесников и волостелей и их, тиунов и их людей, оприч приказных дел, в которых делех велит государь дати запись. А приставов з записью по намесников и по волостелей и по их тиунов давати, а велети им чинити срок, как съедет з жалованья, оприч тех записей, которую запись велят дати бояре, приговоря вместе; а одному боярину и дьяку пристава з записью не дати.
76. А о холопстве суд. По полной грамоте холоп. По ключу по селскому з докладною холоп з женою и з детми, которые у одново государя с ним в одной крепости и которые породни-лися в холопстве; а которые его дети родились до холопства, а учнутжитиу иново государя, или себе уснут жиги, то не холопи. А по городскому ключу не холоп. (По робе холоп); по холопе роба. По духовной холоп. По приданой робе холоп, а по холопе роба. А по тиунству без полные и без докладные не холоп; а по селскому ключу без докладные не холоп. А полному и докладному холопу сына своего слободного, который ся родил у него до холопства, не продати, а продаться он сам кому хочет, тому же ли государю, у кого отец его послужит, или иному кому хочет; а отцу его и матери у полные не стояти и ис холопства не взяти, потому что отец его и мата (сами) в холопех; да и в полных и в докладных то писати, что отец у него и мати есть, а у полные не стояли, потому что сами в холопех. а у кого отец в черньцех или мати в черницах, и тому отцу и матери у своего сына и у дочери у полные и у докладные не стояли же и из холопства не взяти; а в полные и в докладные писали, что у него отец или мати есть, а у полные и у докладные не стояли, потому что пострижены; да и не давати тем детей своих продаться он сам кому хочет.
77. А отпустные давати з боярского докладу; а боярам к тем отпустным печати свои прикладывати, а дьяком подписывати. А отпустные давати на Москве бояром да дьяком, да давати отпустные в Великом Новагороде да во Пскове наместником да дьяком. А пошлины имати от отпустные боярину или намесни-ку от печати з головы по девяти денег, дьяку от подписи з головы по алтыну, а подьячему, которой отпустную напишет, з головы по три денги. А оприч Москвы да Великого Новагорода и Пскова инде нигде ни в которых городех отпустньгх не давати. А хто положит отпустную без боярского докладу, и без ноугородцких и псковских намесников докладу, и без дьячие подписи, хоти и государя своего руку, и та отпустная не в отпустную.
78. А которые волные люди учнут бита челом князем, и бояром, и детем боярским, и всяким людем, а станут на собя давати кабалы за рост служит, и боле пятинатцати рублен на серебряника кабалы не имати. А старые кабалы, которые иманы на волных людей и болши пятинатцати рублев до сего Уло-женья, а за рост им в тех денгах у них служити, и тем людем кабалы приносити к бояром, и бояром к тем кабалам печати свои прикладывати, а дьяком подписывати; а вперед кто ту кабалу оболживит, и та кабала вершити по суду. А имати им кабалы на волных людей, а на полных людей, и на докладных, и на старинных холопей кабал не имати. А хто возмет на полного, или на докладного, или на старинного холопа кабалу, не опытав, или хто на него беглую грамоту возмет, а хто на того холопа положит полную или докладную, или доведет на него которое старинное холопство по духовной грамоте и по иным крепостям, и у того денги пропали; а чей тот холоп был, (а) скажет то, что от него тот холоп бежал, пократчи, и та гибель, взяти на том, хто, не обыскав, на чюжево холопа кабалу или беглую возмет; а тот холоп по старому холопству, или по полной, или по докладной, или по духовной тому государю.
79. А положат на одново холопа две полные или две докладные, и которая будет старее, тому тот холоп, а денги по новой полной или по докладной у того пропали; а снос старого государя взяти на том, хто положит новую полную или докладную, а тот ся ведает с своим знахорем сам; а станет тот на того знахаря бита челом о суде, ино на него дати суд.
80. А холопа рать полонит, а выбежит ис полону, и он слободен, а старому государю не холоп. А похочет тот холоп к своему к старому государю, и того холопа явити бояром, а дьяку подписати на старой крепости, а пошлины имати з головы по алтыну. Акоторой холоп побежит з государем своим один бежит без государя своего, а не рать полонит, и выйдет тот холоп ис которые земли опять к Москве, и он старому государю холоп по старому холопству, оприч того, нечто кому государь пожалует, Даст волную грамоту.
81. А детей боярских служилых и их детей, которые не служивали, в холопи не принимати никому, оприч тех которых государь от службы отставит.

82. А хто займет сколько денег в рост, и тем людем у них не служити ни у кого, жиги им собе, а на денги им рост давати. А хто даст денег в заем в рост, да того человека станет держати у, себя, и забежит от него тот человек пократчи, и что снесет, то у него пропало, а по кабале денег лишен.
83. А наймит у государя не дослужит уроку своего, а пойдет проч, и он найму лишен. А которой государь наймиту не захочет дать найму, и уличит его в том наймит, и, на том доправити наем вдвоем.
84. А о землях суд. Взыщет боярин на боярине, или манастырь на манастыре, или боярин на манастыре, ино судити за три годы. А взыщет манастырь на боярине, ино судити за три ж годы, а дале трех годов не судити. А взыщет черной на черном, или помещик на помещике, за которыми земля царя и великого князя, или черной селской на помещике, или помещик на черном на селском, ино судити по тому ж за три годы; а дале годов не судити. А взыщут на боярине или на манастыре царя и великого князя земли, инно судити за шесть лет; а дале не судити. А которые земли за приставом в суде, и те земли держати. А государю и бояром и всем приказным людем по ишеину челобитью судьи на землю не посылати, а посылати судью на землю, выбрав одного не по их челобитью; а дву судей на землю не посылати.
85. А в вотчинах суд. Хто вотчину продаст, и детем его и внучатом до той вотчины дела нет, и не выкупити ее им; а братья будут или племянники в тех купчих в послусех, и им и их детем и внучатом до тое вотчины по тому ж дела нет. А не будет братья в послусех или племянников, и братья или сестры и племянники ту вотчину выкупят. А станет тот купец ту вотчину продавати, и тем продавцом вотчина у них кулиги полюбовно, как ему тот продавец ту вотчину продаст; а не полюбовно ему вотчины не выкупити. А судити о вотчине за сорок лет; а дале сорока лет вотчичем до вотчины дела нет. А до купель дела нет: хто куплю продаст, и детем и братьям и племянником тое купли не выкупати. А хто напишет свою куплю детем своим (после живота своего), ино им та вотчина: то им держати в вотчину, и вперед им та вотчина выкупити по тому ж указу за вотчину. А хто вотчину свою выкупит в те урочные сорок лет, и та ему вотчина держати за собою, а иному ему той вотчины не продати, ни заложит в чюжой род, а отдати ему вотчина в свой род по тому ж, кого в прежних купчих в послусех нет. А хто купит вотчину чюжими денгами или заложит или продаст, а доведет на него продавец, что он выкупил чюжими денгами и держит ее не за собою, та вотчина прежнему продавцу безденежно. А хто похочет вперед свою вотчину мимо вотчичев заложит у стороннего человека, и тем сторонним людем невотчичем те вотчины в заклад имати, в колке чего та вотчина судит. А возмет хто сторонней человек, а невотчич, вотчину в заклад во много болши тое цены, чего та вотчина судит, и хто вотчин учнет бити челом, что закладывает или уже заложил в чюжей род, и тому вотчину та вотчина в заклад взята в меру, чего та вотчина судит. А что тот денег в займы дал лишок болши тое цены, чего та вотчина судит, и у того (те) денги пропали. А хто свою вотчину рименит невотчичу, а примет денег, и хто вотчич учнет ту вотчину выкупати, и тому та вотчина выкупати, и тому та вотчина выкупити; а земли ему оставити в меру столко, сколко он своей земли променил.
86. А промеж сел и деревень городити огорода, по половинам: ачьею огородою учинитца протрава, ино томуплатити, чья огорода. А где отхожие пожни от сел и от деревень, ино поженному государю не городитись, городит тот всю огороду, чья к пожни земля ораная пришла. А хто вытравит какой хлеб или пожно, и тот хлеб и ложно платити тому, чья изгорода.
87. А хто сорет межу или грань ссечет из царевы и великого князя земли у боярина или у манастыря, или боярской у манастырского, или манастырской у боярской, и хто в тех межу сорет или грань ссекел, ино того бити кнутьем да исцу на нем взяти рубль; а крестьяне меж собя в одной волости или в селе хто у кого межу переорет или перекосит, ино волостелю или посельскому имати на нем за боран два алтына.
88. А крестьяном отказыватись из волости в волость, из села в село один срок в году: за неделю до Юрьева дни осеннего и неделя по Юрьеве дни осеннем. А дворы пожилые платят в полех за двор рубль да два алтына, а в лесех, где десять веръст до хоромного лесу, за двор полтина да два алтына. А которой крестьянин живот за кем год да пойдет проч, и он платит четверть двора; а два года поживет, и он платит полдвора; а три годы поживет, и он платит три четверти двора; а четыре годы поживет, и он платит весь двор, рубль и два алтына. А пожитое имати с ворот. (А за повоз имати з двора по два алтына; а оприч того пошлин на нем нет. А останетца у которого крестьянина хлеб в земле, и как тот хлеб пожнет, и он с того хлеба или с стоячего даст боран два алтына; а по кои места была рожь его в земле, и он подать цареву и великого князя платит со ржи, а боярского дела ему, за кем жил, не делати. А попу пожилово нет, и ходити ему (вон) безсрочно (воля). А которой крестьянин с пашни продасться кому в полную в холопи, и он выйдет безсрочно, и пожилово с него нет; в которой хлеб его останется в земле, и он с того хлеба подать цареву и великого князя платит; а не похочет подати платити, и он своего хлеба земляного лишен.
89. А убьют которого крестьянина на поле в розбое или в ыном в котором в лихом деле, и дадут того крестьянина за государя его, за кем живет, или выручит государь его тот, за кем живет, и пойдет тот крестьянин из-за него вон, ино его вьшустити; а на отказщика в том деле взяти порука з записью: попытают того крестьянина на том его государе, за кем жил, в ыном в какове деле, и он бы был в лицех.
90. А которой купец, идучи на торговлю, возмет у кого денги или товар, да на пути у него тот товар утеряетца безхитростно, истонет, или згорит, или рать или розбой возмет, и боярин, обыскав, велит тому дати цареву и великого князя (дьяку) полетнюю грамоту с великого князя печатью, посмотря по животом, платитца исцом в ыстину без росту. А хто у кого, взяв, идучи в торговлю, да пропьет или иным каким безумьем тот товар погубит без напрасньства, ино того выдати исцу головою до искупа. А в розбойном деле дадут кому полетнюю грамоту, и как своего розбою доищетца, или в его иску розбойников поймают, и у того та грамота полетняя не в грамоту.
91. А попа, и дьякона, и черньца, и черницу, и старую вдовицу, которые питаютца от церкви божьи, ино их судити святителю или его судьям; а будет простой человек с церковным, ино суд вопчей; а которая вдовица питаетца не от церкви божьи, а живет своим домом, ино то суд не святителской. А торговым людем городцким в манастырех в городцких дворех не жиги. А которые люди торговые учнут жиги на манастырех и тех манастырей сводити да и намесником их судити. А на манастырех жиги нищим, которые питаютца от церкви божьи.
92. А которой человек умрет без духовные грамоты, а не будет у него сына, ино статок весь и земля взяти дочери; а не будет у него дочери, ино взяти ближнему от его роду.
93. А хто купит на торгу что поношено у носящего или с лавки, из тому купити с порукою с рядовою; а хто без поруки купит, и тому тем быти и виновату.
94. А хто купит лошадь на Москве или в Московском уезде, и тем те лошади пятнати у пятенщиков на Москве да и в книги писати по старине. А пошлина пятенщиком имати по старине же.
95. А по городом и по волости где хто лошадь купит или менит, тут у намесников, и у волостелей, и у их пошлинников и пятнает; а записывати те лошади в книги у целовалников дьяку земскому; а пятенщиком, имати у купца денга, а с продавца денга же. А целовалником и дьяку земскому у тех намесников и у волостелей пятна их образец писати в книги спору для. А хто купит лошадь в своей волости или выменит, а до такова же дни не запятнает и в книги не запишет, и уличает его в том, хто купит или (вы)менит, и на том взяти намеснику или волостелю или пятенщику пропятенья два рубля. А хто поимався за ту лошадь да чего с тою лошадью взыщет, доколе ее не запятнил, и на том тот иск взяти без суда, хто ее не запятнил. А детем боярским купленые и меновые лошади пятнати по тому ж. А в служебнем походе хто у кого купит лошадь, и хто у него за ту лошадь поймаетца, и тот, хто купил, поставит свидетелей человек пять или шесть на того, у кого купил, а запретца тот, у кого купил, ино им суд. А хто где купит лошадь или выменит не в своем присуде, тот тут и пятнит; а приведет ту лошадь к себе непятнену, и уличат его в том, и на том пропятенья взяти, у кого он в присуде.
96. А намесником, и волостелем, и тиуном, и пятенщиком в городех и в волостях непродажных и доморощеных лошадей на пятнати. А хто учнет в городех и в волостях непродажные и доморощеные лошади пятнати, и доведут на него то, и хто на нем чего взыщет в тех лошадех, и те ему убытки платити без суда втрое, а в пене что государь укажет.
97. А которые дела преж сего Судебника вершены, или которые ек вершены в прежних во всяких делех, сужены и несужены, и тех дел всех не посуживати, быти тем делом всем в землях, и в холопстве, и в кабалах, и во всяких делех и в тиунстве по тому, как те дела преж сего вершены. А вперед всякие дела судити по сему Судебнику и управа чинити по тому, как царь и великий князь в сем своем Судебнике с которого дня уложил.
98. А которые будут дела новые, а в сем Судебнике не Написаны, и как те дела з государева докладу и со всех бояр приговору вершатца, и те дела в сем Судебнике приписывати.
99. Да велети проклинати по торгом на Москве и во всех городах Московские земли, и Новагородцкие земли, и Тверские земли и по волостем, чтоб ищея или ответчик судьям и приставом посулов в суде не сулили; а послухом, не видев, не послушествовати, а видев сказати в правду. А послух опослу- ' шествует, не видев, лживо, а обыщетца то опосле, ино на виноватом послухе гибель исцева и убытки все, а в вине казнити торговою казнью...
100. О суде с удельными князи. (А) взящет москвитин какова дела на селецких волостелех, которые селеца московские за уделными князми, ино судити царю и великому князю; а не отвечает волостель селецкой, и царю и великому князю его обвинити. А взыщет селецкой на селецком, судит их же волостель. Ане будет их князя на Москве, и волостелю к докладу с Москвы не вести, а ждати князя на Москве. А поведет их волостель с Москвы к докладу к своему князю, а утечет тех писцов один к царю и великому князю и бьет челом царю и великому князю на того волостеля, и царю и великому князю на того волостеля дати пристава; а повезет его через то в удел, и тем его царь и великий князь обинит. А бьет челом царю и великому князю царя и великого князя сын боярской на уделного человека, и царь и великий князь, воименовав своего судью, и пошлет к своему брату к уделному князю, коли будет князь на Москве, и уделной князь даст своего судью. А суду быти на Москве, хотя б тот человек был в его деле на Москве. А уделного князя сын боярской бьет челом на царева и великого князя человека, ино суду быти такоже на Москве. А бьет челом царю и великому князю жалобник уделного князя человек из его вотчины на царева и великого князя человека, и царь и великий князь даст пристава, да судит царь и великий князь сам. А на москвитине взыщет которого князя уделного городцкой человек, ино судити их намесником московским, а без судьи. А искати московитину на уделного князя городцком человеке, ино ему ехати с судьею, а судье быти московских намесников. А деловые люди в манастырских станех которого князя, и писцы царя и великого князя пишут их под сотника в дань и во все проторы, а князю над ними суд один. А случитца суд сместной в селцах в манастырских уделному с уделным, или деловым с становым и з городцким, или с селецким и с манастырским, и судьям доложити царя и великого князя, а третьего им в том нет ничего.

Источник: Памятники русского права. М., 1956. Вып. IV. С. 232—261.

 

Лета 7058 июня царь великий князь Иван Васильевич всеа Руси с своею братьею и з бояры сесь Судебник уложил: как судити бояром, и околничим, и дворецким, казначеем, и дьяком, и всяким приказным людем, и по городом наместником, и по волостем волостелем, и тиуном и всяким судьям.
1. Суд царя и великого князя судити бояром, и околничим, и дворецким, и казначеем, и дьяком. А судом не дружити и не мстити никому, и посулу в суде не имати. Также и всякому судье посула в суде не имати.
2. А который боярин, или дворецкой, или казначей, или дьяк просудитца, а обвинит кого не по суду без хитрости, или список подпишет и правую грамоту даст, а обыщетца то в правду, и боярину, и околничему, и дворецкому, и казначею, и дьяку в том пени нет; а исцом суд з головы, а взятое отдати назад.
3. А который боярин, или дворецкой, или казначей, или дьяк в суде посул возмет и обвинит не по суду, а обыщетца то в правду, и на том боярине, или на дворецком, или на казначеи, или на дьяке взяти исцев иск, а пошлины на царя и великого князя, и езд, и правда, и пересуд, и хоженое, и правый десяток, и пожелезное взяти втрое, а в пене что государь укажет.
4. А который дьяк список нарядит или дело запишет не по суду, не так, как на суде было, без боярского, или без дворецкого, или без казначеева ведома, а обыщетца то в правду, что он от того посул взял, и на том дьяке взяти перед боярином вполы да вкинута его в тюрму.
5. А подьячей, которой запишет не по суду для посула без Дьячего приказу, и того подьячего казнити торговою казнью, бити кнутьем.
6. А хто виноватой солжет на боярина, или на околничего, или на дворецкого, или на казначея, или на дьяка, или на подьячего, а обыщетца то в правду, что солгал, и того жалоб-ника, сверх его вины, казнити торговою казнью бити кнутьем, да вкинути в тюрьму.
7. А к которому боярину, или к дворецкому, или к казначею, или к дьяку придет жалобник его приказу, и ему жалобника своего приказу от себя не отсылати, а давати ему жалобником своего приказу всем управа, которой будет жалобник бьет челом по делу. А которому будет жалобнику без государева ведома управы учинити не мочно, ино челобитье его сказати царю государю. А которой боярин, или дворецкой, или казначей, или дьяк жалобника своего приказу отошлет, а жалобницы у него не возьмет и управны ему или отказу не учинит и царю государю челобитья его не скажет, и учнет тот жалобник бити челом государю, что ему управы не учинили, и государь ту его жалобницу отошлет к тому, чей суд, и велит ему управу учинити, и бояре ему, или дворецкий, или казначей управы не учинят же, и тем, которые управы не учинят, быти от государя в опале. А который жалобник бьет челом не по делу и бояре ему откажут, и тот жалобник учнет бити челом, докучати государю, и того жалобника вкинути в тюрму.
8. А имати боярину, и дворецкому, и казначею, и дьяку в суде от рублевого дела на виноватом пошлин, кто будет виноват, ишея или ответчик, и боярину, или дворецкому и казначею на виноватом одиннатцать денег, а дьяку семь денег, а подьячему две денги. А будет дело выше рубля или ниже рубля, и им имати пошлины по розчету, а болши им того не имати. А от записки подьячему не имати ничего. А возьмет боярин, или дворецкой, или казначей, или дьяк, или подьячей, или неделщик на ком что лишек, и на том взята втрое. А хто учнет бити челом на боярина, или на дьяка, или на подьячего, или на неделщика, что взяли на нем сверх пошлин лишок, и обышетца то, что тот солгал, и того жалобника казнити торговою казнью да вкинути в тюрму.
9. А досудятца до поля, да не став у поля помирятца, и боярину, и дворецкому, иказначею, и дьяку, иподьячему имати по тому ж указу, а околничему, и дьяку, и неделщику пошлин полевых не имати. А возьмет боярин, или околничей, или дворецкой, или казначей, или дьяк, или подьячей (или недел-шик) лишок болши того, и обыщетца то, и на том взята втрое. А обыщетца то, что жалобник солгал, и того жалобника казнити торговою казнью да вкинута в тюрму.
10. А у поля став помирятца, и боярину, и дворецкому, и казначею, и дьяку имати пошлины по тому ж розчету; а околничему имати полевых пошлин четверть рубля, а дьяку четыре алтыны, а подьячему денга, а неделщику имати четверть рубля, да неделщику же имати вязчего два алтына; а болши им того не имати. А хто возмет лишок, и на том взята втрое. А обыщетца то, что жалобник солгал, и того жалобника казнити торговою казнью да вкинути в тюрму.
11. А побьютца на поле в заемном деле или в бою, и околничему полтина да за доспех убитого три рубля, а дьяку четверть рубля, да неделщику полтина, да неделщщику ж вязчего четыре алтыны без дву денег, а подьячему две денги. А не станет хто у поля или от поля збежит, ино околничим и дьяку и неделщику имати на том, как и с мирового дела; а избные пошлины с рубля по гривне; а болши им того не имати. В возмет хто лишок, и на том взята втрое. А обыщетца то, что жалобник солгал, и того жалобника казнити торговою казнью да вкинути в тюрму.
12. А побьютца на поле в потоге, или в душегубстве, или в розбое, или в татбе, ино на убитом исцово доправити, да околничему на убитом полтина да за доспех убитого три рубли, а дьяку четверть рубля, а неделщику полтина ж, да неделщику ж вязчего четыре алтына без дву денег, а подьячему две денги. А убитого дата на поруку: как его государь попытает, ино его поставити перед государем; а не будет по нем поруки, ино его вкинути в тюрму, доколе по нем порука будет.
13. А к полю приедет околничей и дьяк, и околничему и дьяку вспросити исцев, ищей и ответчиков: хто за ним стряпчеи и поручники; и кого за собою стряпчих и поручников скажут, и им тем велети у поля стояти; а доспеху и дубин и ослопов стряпчим и поручником у себя не держати. А бой политиком давати околничим и дьяком ровен. А которые будут у поля опричные люди, и околничему и дьяку от поля их отсылати; а которые прочь не пойдут, и им тех отсылати в тюрму.
14. А битися на поле бойцу з бойцом или небойцу с небойцом, а бойцу с небойцом не битца; а похочет небоец з бойцом на поле битись, ино им на поле битись. Да и во всяких делех бойцу з бойцом, а небойцу с небойцом, или бойцу с небойцом по небойцове воле на поле битись по тому ж.
15. А ищея пошлетца на послуси в заемном деле без кабалы или в какове делее ни буди, а послуси став да меж собя порозятца: иные молвят в ысцовы речи, а иные в ысцовы речи не молвят; и которые молвят в ысцовы речи, а попросят с ними те послухи поля, которые не молвят в ысцовы речи, ино им присужати поля; а убьют на поле послуси те, которые послушествовали в ысцовы речи, тех послухов, которые в ысцовы речи не послушествовали, ино исцево и пошлины имати по списку на ответчикех и на тех полусех, которые не послушествовали в ысцовы речи. А которые послуси не послушествовали в ысцовы речи убьют на поле тех послухов, которые послушествовали в ысцовы речи, ино имати по списку на ишее и на тех послусех, которые ему послушествовали. А не попросят поля те послуси, которые послушествовали в ысцовы речи, с теми послухи, которые послушествовали в ысцовы речи, или послухи не договорят в ысцовы речи, ино тем ищея виноват. А по кабале порознят послухи и дьяк, ино по тому же.
16. А кого послух опослушествует в бою, или в грабежу, или в займех, ино судити на ответчикову волю: хочет, с послухом на поле лезет или, став у поля у креста, на целованье ему или без целованья даст; а вины в том ответчику и пошлин полевых убитых нет; а побьютца на поле, и пошлины судные и полевые взяти по указу на убитом.
17. А против послуха ответчик будет стар, или мал, или чем увечен, или поп, или чернец, или черница, или жонка, и тому против подслуха наймит, а послуху наймита нет. А который послух чем будет увечен без хитрости, или будет в послусех поп, или чернец, или черница, или жонка, тем наймита наняти волно же. А что правому или его послуху учинитца убытка, и те убытки имати на виноватом.
18. А послух перед судью не придет, есть ли за ним речи, нет ли, ино на том послухе исцово и убытки и все пошлины взяти; а с неделщиком и с праведчиком о сроде тому послуху суд.
19. А на ком взыщет жонка, или детина, мал или стар, или черница, ино им наймита наняти волно, а ответчику против наймита наймит же; а исцу и ответчику крест целовати, а наймитом битися. А похочет истец или ответчик сам битися с наймитом, и он бьетца.
20. А хто взыщет человекех на трех или на четырех по жалобнице, и напишет в жалобнице человек десять или пятнадцать, или болши или менши, и те два или три за себя и за иных товарищев отвечают, а за иных отвечают, и за которых по жалобнице отвечают, ино тех судити в их жеребьех. А за которых людей не отвечают по жалобнице, ино в тех жеребьех велети посылати пристава. А будет по тех людей ходила приставная, ино по той срочной в их жеребьех давати безсудные.
21. А на которого из них ездок накинет срочную на одного, и тот срочные своей товарищем своим, которые с ним в срочной писаны, не покажет, и на которых его товарищев выляжет в их жеребьех безсудная грамота, ино тем людем с тем дати суд, хто им срочные не показал.
22. А которые люди учнут искать на намесникех или на волостелех и на их людех по жалобницам и которые намесники или волостели за своих людей по жалобницам не за всех учнут отвечати, а исцы учнут искати на намесникех на волостелех и на их людех всего своего иску по жалобнице и без тех, за которых людей не отвечают, и по тем их жалобницам судити во всем иску по жалобницам и без тех людей, за которых не отвечают.
23. А которых исцы учнут примешивати к намесничим людем или к волостелиным людем городцких людей или волостных, а намесничи или волостелины люди за тех городцких людей или за волостных отвечати не похтят, и намесничих и волостелиных людей судити в их вытех, а на тех городцких или на волостных людей в их вытех давати пристава; а до намесничих и до волостелиных людей в тех вытех дела нет.
24. А которые люди иногородцы учнут бити челом на намесников или на волостелей о обидных делех, как те намесники или волостели, едучи на жалованье, и на жалованье живучи, или едучи з жалованья, кого чем изобидят, и тем людем иногородцом приставов по тех намесников и по волостей и по их людей и до съезду з жалованья давати, а велети тем намесником и волостелем присылатив свое место к ответу людей своих. А которые иногородцы не учнут о тех своих обидных делех бити челом на намесников или на волостелей и на их людей по году, и тем людем тогды приставов и суда на намесников и на волостелей и на их людей не давати.
25. А который ишея взыщет бою и грабежу, и ответчик скажет, что бил, а не грабил, и ответчика в бою обвинити и безчестье на нем взяти; а в пене, посмотря по человеку, что государь укажет; а в грабеже суд и правда, а во всем не обвинити. А скажет, что грабил, а не бил, и на том грабеж доправити, хто скажет грабил; а в пене, посмотря по человеку, что государь Укажет; а в бою суд и правда. А в ыных делех судити по тому ж, в чем скажетца виноват, то на нем взяти; а в пене что государь укажет, посмотри по человеку; а в достали суд и правда, крестное целованье.
26. А безчестие детем боярским, за которыми кормленья, указати против доходу, что на том кормленье доходу по книгах а жене его безчестья вдвое против того доходу. А которые дети боярские емлют денежное жалованье, и сколько которой жалованья имал, то ему и безчестье, а жене вдвое против его жалованья. А дьяком полатным и дворцовым безчестье что царь и великий князь укажет, а женам их вдвое против их безчестья. А гостем болшим безчестья пятьдесят рублев, а женам их вдвое против их безчестья. А торговым людем и посадским людем и всем середним безчестья пять рублев, а женам их безчестья против их безчестья вдвое. А боярскому человеку доброму безчестья пять рублев, опричь тиунов и доводчиков, а жене его вдвое; а тиуну боярскому или довотчику и праведчику безчестья против его доходу, а женам их вдвое. А крестьянину пашенному и непашенному безчестья рубль, а жене его безчестья два рубля. А боярскому молодчему или черному городцкому человеку молодчему безчестья рубль же, а женам их безчестья вдвое. А за увечье указывати крестьянину; посмотря по увечью и по без-честью; и всем указывати за увечье, посмотря по человеку и по увечью.
27. Акоторый чюжеземец взыщет чего на чюжоземце ж, ино того воля, на ком взыщут: хочет сам отцелуетца, что в том не виноват, или у креста положит, чего на нем ищут, и истец, поцеловав крест, да возмет. А который человек здешнего государьства взыщет на чюжоземце и чюжоземец на здешнем человеке, и в том им дати жеребей; чей ся жеребий вымет, тот, поцеловав, свое возмет или отцелуетца.
28. А которое будет дело судит царь и великий князь, или дети царя и великого князя или бояре, и которой суд не кончаетца, оставят его в обговоре, а дьяку исцевы и отвечиковы речи велети записати перед собою; или о чем ся пошлют на 14ослушество, и дьяку то велети записывати перед собою ж; да те ему дела держати у собя за своею печатью, доколе дело кончаетца. А которые дела дадут дьяки подьячим с черна начисто переписывати, и дьяком к тем жалобницам и к делом по сставом руки свои прикладывати, а как подьячей с черна начисто дело перепишет, и дьяку те дела все справити самому, да к тем делом дьяку рука своя приложити; и держати те дела дьяку у собя за своею печатью. А подьячим дел у себя никоторых не держати; а вымут у подьячего список или дело не за дьячею печатью, а руки дьячие у того списка или у дела или у жалобницы не будет, и тот иск и пошлины и езд взяти на дьяке, в подьячего бита кнутьем; а вымут у подьячего список или дело за городом или на подворбе, и тот иск взяти на дьяке, а подьячего казнити торговою казнью да выкинута ис подьячих, и ни У кого ему в подьячих не быти.
29. А которые дела судят бояре, и тот суд велети дьяком записывати перед собою; а исцом у записки не стояти. А будет надобе на которое дело исца или ответчика вспросити, ино его к себе позвати, да вспросив его, от записки отослати. А как дело их запишет дьяк, и того дела перед ысцы не чести, а прочести его бояром.
30. Аслучитца сут смесной, ищея или ответчик судимы будут не одному судье, и хто по кого взведет пристава в какове деле ни буди, и тот ишея возмет у своего судьи за собою сторожа да идет к тому судье просити пристава, у кого в присуде тот, на ком ему искати, да перед тем судьею ищет; а будет тот ответчик, не сходя с суда, против на нем взыщет, и ему перед тем судьею и отвечати. Да и во всяких делех судити смесной суд тому судье, у кого ответчик в присуде. А пошлины обоим судьям имати по указу, а делитись судьям пошлинами по половинам; а пошлины обема судьям имати одны.
31. А хто кого поймает приставом в бою, или в лае в займех, а на суд ига не похотят, и они доложат судьи, да помирятца, а судье пошлин и продажи на них нет, опричь езду и хоженого. А которые жалобницы зададут судьям и оба исца до суда помирятца, и по тем жалобницам судьям пошлин не имати.
32. А неделщику на суде на бояр, и на околничих, и на Дворецких, и на казначеев, и на дьяков посулов не (просити, и самому неделщику посулов не) имати. А который неделщик возмет на судей, на боярина, или на околничего, или на дворецкого, или на казначея, или на дьяка посул, или собе посул возмет, и уличат его в том, и того неделщика казнити торговою казнью, а посула на нем доправити втрое да из недель выкинута.
33. А пошлины имати отправьте грамоты боярину от печати по девяти денег с рубля, а дьяку имати от подписи с рубля по алтыну, а подьячему, которой правую грамоту напишет, имати с рубля по три денги; а болши того не имати. А хто возмет болши того; и уличат его в том, и на том взяти втрое. А обыщетца то, что жалобник солгал, и того жалобника казнити торговою казнью да кинута в тюрму.
34. А докладной список боярину, или дворецкому, или казначею печатати, а дьяку подписывати. А имати от печати боярину, или дворецкому, или казначею с рубля по алтыну, а дьяку с рубля по четыре денги; а болши того не имати. А хто возмет лишок и уличат его в том, и на том взята втрое. А обьпцетца то, что жалобник солгал, и того жалобника казните торговою казнью да вкинута в тюрму.

35. А с холопа и с робы от правые грамоты и от отпустные боярину, или дворецкому, или казначею имати от печати з головы по девяти денег, а дьяку имати от подписи з головы по алтыну, а подьячему, которой правую грамоту или опускную напишет, з головы имати по три денги.
36. А хто займет денги в кабалу в рост, и на те кабалы отписи без боярского докладу и без дьячие подписи не быти. А боярину от всякие отписи, в колке отпись ни буди, от печати имать по три денги, а дьяку от подписи имати по две денги, да подьячему, которой отпись напишет, имати по денге.
37. А с царева и великого князя суда и детей царя и великого князя суда пошлин на виноватом по тому ж, как и з боярского суда, с рубля по одиннадцати денег, кому государь укажет, а дьяку семь денег, а подьячему две денги.
38. А цареву и великого князя печатнику и детей царя и великого князя печатнику имати от печати от правые грамоты с рубля по девятии денег, а дьяку с рубля по алтыну, а подьячему, которой правую грамоту напишет, имати с рубля по три денги.
39. А з докладного списка царя (и) великого князя доклада и детей царя (и) великого князя доклада имати царя и великого князя печатнику и детей царя (и) великого князя печатнику с рубля по девяти денег, а дьяку от подписи с рубля по алтыну, а подьячему, которой на списке напишет, имати с рубля по две денги.
40. А с холопа и с робы от правые грамоты имати печатнику з головы по девяти денег, а дьяку от подписи имати з головы по алтыну, а подьячему, которой правую грамоту напишет, имати з головы по три денги.
41. А от срочных от подписей имати дьяку с срочные по две денги, а от отписных срочных дьяку имати от подписи с рубля по три денги, а подьячим от подписи имати с рубля по две денги. Апохотят оба исца, ишея и ответчик, срок отписати, и они оба платят от подписи и от писма и неделщику хоженое по половинам. А которой ищея или ответчик к сроку не поедет, а пришлет сроку отписывати, и тому все платити одному от обеих срочных и хожение, опричь служильных людей. А будет оба исцы, ищея и ответчик, служилые люди, а пошлют их на службу, а похотят перед тем сроком недели за две или за три до того сроку, на которой день велено им на службе быти, по срочным срок отписати, и тем служилым людем недели за две или за три срок отписывати беспошлинно для службы. А срочные дьяком держати у собя за своею печатью. А как давати безсудные, и дьяком срочные снести в одно место самим, да розобрав срочные самим дьяком по сроком, да велети (им) подьячим безсудные давати и сроки отписывати. А у подьячих дьяком срочных не держати; а которой дьяк учнет срочные держати у подьячих, и у чьего подьячего ищея или ответчик с приставом вымет срочную подписану до сроку, а не за дьячею печатью, и на том дьяке тот иск, что в срочной написан, доправити; а дьяк с (своим) подьячим сам ся ведает.
42. А безсудные и правые давати за сто верст семым днем, а дале того по тому ж розчету. А пошлин имати от правые и от безсудные царя и великого князя печатнику от печати с рубля по алтыну, а дьяку от подписи с рубля по алтыну ж, а подьячему с рубля по две денги; а болши им того не имати. А хто возмет болши того и уличат его в том, и на том взяти втрое. А хто солжет, и того казнити торговою казнью да вкинута в тюрму.
43. А велит государь кому какову дата грамоту льготную, или уставную, или полетнюю с красной печатью, и что возмет печатник от которые грамоты от печати, а дьяку (от) подписи взяти тоже. А тарханных вперед не давати никому; а старые грамоты тарханные поимати у всех.
44. А от приставных имати царя и великого князя печатнику и дьяку у неделщиков по езду, с которые приставные рубль езду, и печатнику имати у неделщика с рубля по алтыну, а дьяку от подписи алтын же с рубля. А будет езду до которого города (рубля) болши или менши, и печатнику и дьяку по тому ж розчету. А будет в приставной иск менши езду, и дьяком тех приставных не подписывати, а того неделщика вкинута в тюрму Да сказати царю государю. А без неделщиков дьяком приставных не подписывати, а в приставной болши двадцати вытей не писати; а неделщику от приставной (один) езд; от которого города в который город приставная написана. А подпишет которой дьяк приставную, а в приставной иск будет менши езду, или подпишет приставную без неделщика, и уличат его в том, и что в приставной иску, и то взяти на дьяке, а в пене что государь укажет.
45. А хоженое неделщику в городе десять денег, а на правду вдвое; а от поруки неделщиком поминок не имати; а езд неделщику имати до которого города по указу, а правды имати вдвое езду; а болши того им не имати.
46. А езду от Москвы до Коломны полтина, до Коширы полтина, до Хотуни десять алтын, до Торусы двадцать алтын, до Олексина полтретьятцать алтын, до Колуги рубль, до Ярославца полтина, до Боровска полтина ж, до Вышегорода полтина, до Кременска двадцать алтын, до Можайска полтина, до Вязмы полтора рубля, до Воротынска сорок алтын, до Козелска рубль с четвертью, до Одоева сорок алтын, до Белева рубль с четвертью, до Мезецка сорок алтын, до Оболенска полтина, до Звенигорода две гривны, до Дмитрова десять алтын, до Радонежа четверть (рубля), до Переславля двадцать алтын, до Ростова рубль, до Ярославля рубль с четвертью, до Вологды полтретья рубля, до Белаозера полтретья рубля, до Устюга пять Рублев, до Вятки полосма рубля, до Вычегды семь рублев, до Двины и до Колмогор восемь рублев московская, до Юрьева рубль, до Володимеря рубль с четвертью, до Суздаля рубль с четью, до Суздаля рубль с четью, до Костромы полтора рубля, до Галича полтретья рубля, до Мурома полтора рубля, до Стародубских князей отчины полтора рубля, до Мещеры два рубля, до Новагорода до Нижнего полтретья рубля, до Углеча рубль, до Бежецкого Верху полтора рубля, до Романова городка рубль с четью, до Клина полтина, до Каширы рубль, до Твери рубль, до Зубцова рубль, до Опок рубль, до Хлепни сорок алтын, до Торшку рубль с четью, до Вереи полтина, до Медыни полтретьятцать алтын, до Великого Новагорода полтретья рубля, до Пскова полчетверта рубля, до Смоленска полтретья рубля, до Иваня города полчетверта рубля, до Луки до Торопца полчетверта рубля; а где будет болши того верст, ино имати по тому ж розчету.
47. А ездити неделщиком с приставными и на поруку давати самим или своих ездоков посылати, а людей им своих с приставными не посылати; а от поруки им самим и их ездоком поклонного, с приставными ездячи, не имати ничего. А в котором городе неделщик живет, и ему в тот город с приставными не ездити, и в свое место не посылати ни в какове деле.А которого неделщика (пустят в недели, и сколько у которого неделщика) будет заговорщиков и ездоков, кому с кем в заговоре делати и кому от кого с приставными ездити, и тому неделщику тех своих ездоков приводити к дьяком, которые дьяки у кормленей будут, да тех своих заговорщиков и ездоков неделщиком у дьяков записывати в книги для того, чтобы неделщики своих заговорщиков и ездоков не отпирали. А какову обиду или продажу ездок кому учинит и уличат его в том, и тот иск взяти на неделщике, от кого тот ездок ездил, а ездока казнити торговою казнью. А держати неделщику до семи ездоков, а болши семи ездоков неделщику не держати. А которого ездока изымают, тот ездок в книгах у кормленных дьяков ни у которого будет неделщика не писан, и того ездока казнити торговою казнью; а будут тому ездоку исцы, и тех исцов иски взяти на том ездоке без суда. А как неделщик из недель выйдет, и тем ездоком в том городе от ыных неделщиков не ездити: а которого ездока изымают, а он ездит в том же городе от ыного неделщика, и того ездока казнити торговою казнью да кинути в тюрму; а будут тому ездоку исцы, и те иски все взяти без суда на том неделщике и на ездоке, от которого ездит. А которой ездок в котором городе живет, и тому ездоку ни от какова неделщика в том городе не ездити; в которого ездока изымают, а он в котором городе живет, в том же и с приставными ездит, и хто ему будут исцы, и те иски все взяти (на нем) без суда, а его казнити торговою казнью. А что заговорщик кому учинит какову продажу или обиду и уличат его в том, и те иски все взяти на всем заговоре, а его вкинути в тюрму. А без заговорщиков неделщиком недель не делати.
48. А в которой город или в которою волость приедет неделщик или ездок с приставною, и ему явити приставная намеснику или волостелю их тиуном; а будет оба исцы того города или волости, а намеснику или волостелю оба будут судимы, и ему обоих исцев ставити перед намесником, или перед волостелем, или перед их тиуны. А не явит неделщик или ездок его намеснику или волостелю приставные, или их тиуном и обоих исцов перед тем намесником или перед волостелем и перед их тиуны не поставит, а будут оба исцы, ишея и ответчик, одного города или одной волости, а ему будут оба судимы, и тот неделщик езду лишен, а доводчику на том неделщике или на его ездоке взяти хоженое.
49. А кого даст неделщик на поруку в какове деле ни буди, и ему исцев и ответчиков не волочити, а ставити их перед судьями; а сроки им крестьяном отписывати и безсудные по срочным давати по сроком по указу безволокитно, а хто станет волочите после срока, и на том взяти тому, кого волочит, проести по три денги на день. А от безсудные неделщиком,, оприч пошлин, не имати ни у кого ничего. А коли неделщик срок отпишет обоим исцом вместе, и ему взяти с обеих сторон одно хоженое; а оприч того не взяти ему нечего. А в езду в своем даст на поруку доколе ся дело кончает, и ему езд взяти на виноватом. В которой ищея или ответчик к сроку не приедет, а пришлет в свое место срока отписывати, а неделщику взяти хоженое на одном на том, кто периедет в его место срока отписывати.
50. А хто по кого пошлет пристава, а сам к сроку не приедет, или ответчик на тот срок не станет, и что после срока тому учинитца убытка, что даст пошлин и что живучи проест, и правому те все убытки и проесть взяти на виноватом; а проести имати на человека на голову на день по три денги.
51. А пересудчиком пересуд имати на виноватом по две гривны, а менши рубля пересуду нет; а с поля со всякого пересуд; а список хто оболживит да шлетца на правду, и в том пересуд. А Подвойским правого десятка четыре денги, а имати на виноватом же.
52. А приведут кого с поличным впервые, ино его судити да послати про него обыскати. И назовут его в обыску лихим человеком, ино его пытати; и скажет на собя сам, ино его казнити смертною казнью; а не скажет на собя сам, ино его вкинут в тюрму до смерти, а исцево заплатит из его статка. А скажут в обыску, что он добрый человек, ино дело вершити по суду.
53. А пошлют которого неделщика имати татей и розбойни-ков, и ему имати татей и розбойников безхитростно, а не поноровити ему никому; а изымав ему татя и разбойника, не отпустит, ни посула не взята; в опричних людей ему не имати. А поноровит которой неделщик татю или разбойнику по посулом, а его отпустит, и уличат его в том, ино на том неделщике исцев иск доправити, а его казнити торговою казнью да вкинути в тюрму, а в казни что государь укажет.
54. А у которого неделщика сидят тати, и ему татей без докладу на поруки не дати и не спродати ему татя. А которой неделщик без докладу, (и) без боярского и без дьячего ведома, а татей подает на поруки или татя спродаст, и уличат его в том, и на том неделщике исцев иск доправити вдвое, а того неделщика казнити торговою казнью да кинути в тюр му, а в казни что государь укажет.
55. У которого татя поймают с какою татбою ни буди впервые, оприч церковные и головные татбы, а в ыной в предней татбы довода на него не будет, ино его казнити торговою казнью, бита кнутьем, да исцев иск доправити, а его дати на крепкую поруку. Ане будет по нем крепкие поруки, ино его вкинути в тюрму, доколе по нем порука будет. А не будет у которого татя столко егатков, чем исцово заплатити, ино его, бив кнутьем, да исцу в его гибели выдати головою на правеж до искупа; а исца дати на поруку, что ему, доправя свое, отдати его боярам. А не похочет истец по себе поруки дати в том, что ему, доправя свой иск, да того татя привести к судье, и того татя вкинути в тюрму, доколе по нем порука будет. А как по нем порука будет, и тогды нанем за тою порукою, хто его ис тюрмы выручит, исцев иск доправити. И как истец, взяв на нем свое, отдаст его бояром, и бояром велети его дати на крепкую поруку, хто ему будут вперед иные исцы; а не будет по нем крепкие поруки, ино его вкинути в тюрму, доколе по нем порука будет. А судье с того не имати ничего.
56. А поймают того же татя с татбою вдругие, ино его пытати; и скажет на собя сам, ино его казнити смертною казнью, а исцево заплатити из его статка; а не будет у которого татя с исцову гибель, ино его велети казнити смертною казнью, а исцу в его гибели не выдати. А пытан тать на собя не скажет, ино про него послати обыскати; и скажут про него, что он лихой человек, ино его всадити в тюрму до смерти; а назовут его Добрым человеком, ино его дати на крепкую поруку; а не буди по нем крепкие поруки, ино его вкинут в тюрму, доколе по нем порука будет крепкая.
57. А на кого тать взмолвит, и про того обыскати. И будет по обыску в какове в прежнем деле прирочной человек з Доводом, ино его пытати; и скажет на собя сам, мно его казнити татиною казнью. А не будет на него довода и в обыску про него лиха не скажут, ино татиным речем не вериги, дати его на поруку.
58. А на кого взмолвят дети боярские человек десять или пятнадцать добрых, или черных людей человек пятнадцать или двадцать добрых жо крестьян и целовалников по крестному Целованью, что он тать, а довода на него в прежних делех не будет, у кого крал или татбу плачивал, ино на том взяти исцову гибель без суда, а его дати на крепкую поруку; а не будет по нем крепкие поруки, ино его вкинути в тюрму, и без крепкие поруки его ис тюрмы не выпущати. А мошеннику та же казнь, что и татю. А кто на оманщике взыщет и доведут на него, ино у ищеи иск пропал, а оманщика, как ни приведут, ино его битикнутьем.
59. А доведут на кого разбой, или душегубство, или ябедничество, или подписку, или иное лихое какое дело, а будет ведомо(й) лихой человек, и боярину того велети казнити смертною казнью, а исцево велети заплатити из его статка; и что ся его статка за исцовым останется, и то отдати в прогоны. А не будет у которого у лихово столько статка, чемисцово заплатити, и боярину того лихово в ысцеве гибели исцу не выдати, а велети его цареву и великого князя тиуну московскому да дворскому казнити смертною казнью. А боярину и дьяку и неделыцику от того не имати ничего.
60. А на кого доведут татбу или душегубство или иное какое лихое дело, оприч разбою, в котором городе или волости, а будет ведомой лихой человек, и намеснику или волостелю велети того казнити смертною казнью, а исцево велети допра-вити из его статка; а что статка отисцева останетца, и намеснику и его тиуну то имати собе. А не будет у которого лихово статка, чем исцева заплатити, и ему того лихово исцю в его гибели не выдати, а велети его казнити смертною казнью, а на исце намеснику или волостелю (и) их тиуном не имати ничего. А приведут кого в розбое или на кого в суде доведут, что он ведомой розбойник, и намесником тех отда(ва)ти губным старостам. А старостам губным, оприч ведомых розбойников (у намесников) не вступатися ни в что. А татей им судити по царевым и великого князя по губным грамотам, как в них написано.
61. А государьскому убойце, и градскому здавцу, и коромол-нику, и церковному татю, и головному татю, и подметчику, и зажигальнику, ведомому лихому человеку, живота не дати, казнити его смертною казнью. А будет ис тех кому лихому истец, и заплатити исцево из его статка; а что ся его статка останет за исцовым, и то отдати в прогоны. А не будет у которого лихово столко статка, чем исцово заплатить, ино его исцу в его гибели не выдати, казнити его смертною казнью.
62. А боярам и детем боярским судити, за которыми кор-мленья с судом з боярским; а на суден у них и у их тиунов быти, где дворской — дворскому, да старосте, и лутчим людем, целовальником. А судные дела у намесников и у их тиунов земским дьяком, а дворскому да старосте и целовалником к тем судным делом руки свои прикладывати. А противни с тех судных дел слово в слово писати намесничим дьяком, а намесником к тем противнем печати свои прикладывати. Да тех судных дел записку земсково дьяка руку з дворского и старое-тиною и с целовалниковыми руками намесником имати к собе. А противни тех дел намесником дьяков своих руку (с) своими печати давати дворскому да старосте и целовалником. А которые старосты и целовалники грамоте не умеют и которые грамоте умеют, тем старостам и целовалником к судному списку земского дьяка руке руки свои прикладывати. А противнем с тех дел намеснича дьяка руке быти у того старосты и целовалников, которые грамоте не умеют, и они его держат у собя спору для. А без дворского и без старосты и без целовалников намесником и их тиуном суда не судити; а где дворского нет и преж сего не бывал, ино быти в суде у намесников и у их тиунов старосте и целовалником; а без старост и без целовалников суда не судити. А посулов намесником и их тиуном и их людем не имати, а на государя своего тиуну и пошлиннику никому посулов от суда не просити. А имати намесником от суда пошлин: доищетца ишея свое в заемном деле или в бою или в лае, и ему имати навиноватом с рубля по гривне, то ему и с тиуном; а не доищетца ишея своего, а будет шцея виноват, и его имати на ищее с рубля по тому ж, а будет дело выше рубля или ниже, ино имати на ищее или на ответчик по тому ж розчету. А довотчику его имати хоженое и езди правду по уставной грамоте; а где не будет грамоты, и ему имати хоженое в городе по четыре денги, в езд на версту по денге, а на правду в городе или в волости вдвое. А досудятца до поля да, став у поля, помирятца и ему имати с рубля по гривне ж, то ему и с тиуном, да полевых пошлин полтретьятцать алтын. А побьютца на поле, ино на Убитом взяти полевых пошлин полтора рубля, а доспеху не имати. А побьютца на поле в пожеге, или в душегубстве, или в розбое, или в татбе, а убьют ответчика, ино на убитом исцово Доправити, а сам убитой в казни и в продаже намеснику и его ТиУну. А убьют на поле ищею в пожеге, или в душегубстве, или в розбое, или в татбе, и наместнику на нем имати с его иску чертветная пошлина по полуполтине с рубля, то ему и с тиуном, Да полевых пошлин полтора рубля, а доспеху не имати.
63. А суд боярской: которому намеснику дано с судом з боярским, и ему давати полные и докладные; а правые и беглые давати з докладу; а без докладу правые и беглые не дати.
64. А детей боярских судити наместником по всем городом по нынешним царевым государевым жаловалням по их вопчим грамотам.
65. А правые грамоты имати боярину или сыну боярскому, за которыми кормленье с судом з боярским, от печати с рубля по полутретья алтына, то ему и с тиуном, да дьяку его, которой (правую) грамоту напишет, имати от писма с рубля по три денги; а тиун его даст правую грамоту, и он емлет на государя своего и на себя от печати по тому ж с рубля по полутретья алтына, а дьяк емлет от писма, которой грамоту напишет, с рубля по три денги. А с холопа и с робы от полные боярину или сыну боярскому, за которым кормленье с судом з боярским, имати от печати з головы по полутретья алтына, а дьяку от писма з головы по три денги.
66. А намесником и волостелем, которые держат кормленья без боярского суда, полных и докладных не давати, и холопа и робы без докладу не выдати, ни грамоты беглые не дати; також холопу и робе на государя праве грамоты без докладу не дати. А которой намесник или волостель без боярского суда, а выдаст холопа или робу без докладу и правую даст, и та грамота не в грамоту; а что государь того холопа или робы убытка своего скажет, и то взяти на судье вдвое, а исцом суд з головы.
67. А тиуну намесничу на кормленье государю на холопа, ни холопу на государя правые грамоты без докладу не дати. А которой тиун государю на холопа или холоп на государя даст без доклада правую грамоту, и тому холопу, которой возмет правую грамоту на государя, дати суд з головы да то дело кончат по суду, а намеснича или волостелина тиуна до царева государева указу вкинути в тюрму, а убытки все взяти правому на тиуне. А даст тиун государю на холопа правую грамоту без докладу, и та правая грамота не в грамоте, а дати суд з головы.
68. А которому намеснику дан в кормленье город с волость-ми, или ему даны в кормление волости, а в которых волостех наперед сего старост и целовалников не было, и ныне в тех во всех волостех быти старостами целовальником. И случитца кому ис тех волостей перед намесником или перед его тиуном искати или отвечати, и в суде быти у намесников и у волостелей и у их тиунов тех волостей старостам и целовалником, ис которые волости хто ищет или отвечает. А судные дела писати земскому дьяку тое ж волости. А без старости без целовалников намесником и волостелем, за которыми кормленья з боярским судом, и за которыми кормленья без боярского суда, и их тиуном такоже не судити. И посула в суде намесником и волостелем и их тиуном не имати.
69. А пришлет намесник или волостель или их тиуни список судной к докладу, а будет ищея или ответчик у докладу список оболживит, ино послати на правду по дворсково, и по старосту, и по целовалников, которые у того дела в суде сидели, да велети им того дела и противень списка намеснича или волостелина дьяка руку с намесничею или с волостелиною печатью на исправу с собою привести. Да будет те судные мужи скажут, что суд таков был, и руки у списка их, и противень будет намеснича или волостелина дьяка с тем судным списком з земского дьяка рукою сойдетца слово в слово, и тем тот виноват.хто список лживил, и список на него подписати. А скажут судные мужы, что суд был, да не таков, и список не земского дьяка рука, и руки, скажут, у списка не их, и противень будет намеснича или волостелина дьяка с судным списком не в слово а слово, и по тому списку исцев иск взяти на судье, а пеню судье сверх того, что государь укажет. А будет скажет дворской, и судные мужи, и староста, и целовалники, которые грамоте умеют, что суд был таков, и руки у списка их, а те судные мужы, которые грамоте не умеют, с ними порознятца, скажут, что был суд, да не таков, а которой противь намеснича или волостелина дьяка руку положат, и тот противень ссудным списком не слово в слово, и тем виноват судья и судные мужи, которые по списку такали; и взяти исцев иски на судье и на тех судных мужех, которые по списку такали, и пеню сверх того что государь укажет. А не станет за списком ищея или ответчик (на срок), а довотчик на него запись поручную положит, и того, которой не стал, по довотчикову слову обвинити; а подписати на него список за сто верст по сроце семьш днем; а дале ста верст или ближе, ино подписывати списки после срока по тому ж розчету.
70. А кого намесничи или волостелины люди учнут давати от кого на поруки до суда и после суда, и по ко м поруки не будет, и намесничим людем тех людей являти в городе приказщиком городовым, да дворскому, и старосте, и целовалником, а в волости являти старостам и целовалником, которые у намесников и у волостелей и у их тиунов в суде сидят; а не явя тех людей, по ком поруки не будет, намесничим и волостелиным людем к собе не сводити и у собя их не ковати. А кого намесничи или волостелины люди не явя приказщиком, да дворскому, да, старосте и целовалником, к собе сведут да у собя его скуют, и хто тем людем род и племя придут на намесничих или на волостелиных людей к приказщиком, да к дворскому, и к старосте, и к целовалником о том бити челом и являти, и приказщиком, да дворскому, и старосте, и целовалнику у намесничих и у волостелиных людей тех людей выимати; и кого у намесничих и у волостелиных людей вымут скована, а им не явлена, но на намесниче или на волостелине человеке взята того безчестье, посмотря по человеку; а чего тот на намесниче или на волостелине человеке взыщет, и тот иск взяти на нем вдвое.

71. А намесником и волостелем, которые держат кормленья, и тиуном великого князя, и боярским тиуном, и детей боярских тиуном татя и душегубца и всякого лихово человека без докладу не продати, ни казнити, ни отпустити. А хто татя или душегубца и всякого лихово человека отпустит, или кого без докладу продаст или казнит, и на том судье исцовы иски доправити вдвое, а в государеве пене кинути в тюрму до царева государева указу.
72. А по городом намесником городцких посадцких всех людей промеж их судити, обяскивая по их животом и по промыслом и по розмету: сколько рублев хто цареву и великого князя подать дает, по тому их, обыскивая, судити и управа чинити. А разметные книги старостам и соцким и десяцким и всем людем тех городов своих розметов земсково дьяка руку за своими руками ежегод рисылати на Москву к тем бояром, и к дворецким, и казначеем, и к дьяком, у кого будут которые городы в приказе; а другие книги своих розметов старостам и соцким и десяцким тех городов, где хто живет, отдавати тех городов старостам и целовалником, которые к намесников в суде сидят. И хто тех городов городцкие посадцкие люди учнут промеж собя искати много, не по своим животом, и про тех исцов сыскивати розметными книгами, сколько он рублев с своего живота подати дает; и будет живота его столко есть, и на колко ищет, ино ему дати суд; а будет живота его столько нет, и тех исцев, а в их искех тем и винити, и пошлины имати по Судебнику, а в Цареве государеве пене велети дати на поруку да прислати к Москве к государю. А городцким посадцким людем искати на намесникех и на их людех (по) своим животоми по промыслом и по розмету; а которого году староста и целовал-лики розметных книг к Москве не пришлют, и в том году на намесника суда не дати. А по волостем волостелем судити черных людей по их жалобницам и управа им чинити безволо-китно. А хто взыщет много, не по животом, а ответчик учнет бити челом, а скажет, что тот истец ищет много, а живота его столко нет, на колко ищет, и тем волостелем посылати о том, выбираючи тех жо волостей лутчих людей да целовалника одного или дву лосмотря по делу, а велети про то обыскати накрепко: было ли живота его столко, на колко ищет. И скажут в обыску, что живота его столко было, и в том ему дати суд; а скажут в обыску, что живота его столко не было, ино его обвинити и пошлины на нем взяти, а в государеве пене, и в ябедничестве дати его на поруки да прислати с обыскным списком к Москве.
73. А который человек скажет, что у него был живот чюжой, и того обыскати, был ли у него тот живот и было ли столко того живота, и чей скажет тот у него живот был, ино про то обыскати было ли у него столко живота и которым обычаем тот у него живот взят; да по тому дело и вершити.
74. А на котором городе будут два намесника или на волости два волостеля, а суд у их не в розделе, и им имати пошлины по списку обема за одного намесника, а тиуномих за одного тиуна, и они себе делят по половинам, а которые городы или волости поделены, а случитца у них суд вопчей, и им обема пошлины имати одны, да те им пошлины меж собя делити по половинам же. А возмут те два намесника или два волостеля или два тиуна с одного дела пошлины вдвое, и уличат их в том, и тому, на ком пошлины взяли, на тех намесникех или на волостелех и на их тиунех те пошлины велети взяти втрое.
75. А хто пошлет пристава по намесника, по боярина, или по сына боярского, или по волостеля, и по их тиунов, и по Царева и великого князя тиуна и по довотчиков, и намеснику и волостелем и их тиуном, и великого князи тиуном и довотчиком отвечати к сроку ехати; а не поедут к сроку сами, и им к сроку в свое место посылати к ответу; а не приедут сами к ответу и в свое место отвечати не пришлют после срока за сто верст в седмой день, и тех.обинити и исцовы иски по жалобницам и неделщиков езд на тех доправити, да отдати иск ишеям. А срочных по приставным на намесников и на волостелей и на их тиунов не наметывати; а из далних городов росчитати по верстам по тому ж розчету. А з записми не посьшати никуды, оприч ведомых разбойных дел, и намесников и волостелей и их, тиунов и их людей, оприч приказных дел, в которых делех велит государь дати запись. А приставов з записью по намесников и по волостелей и по их тиунов давати, а велети им чинити срок, как съедет з жалованья, оприч тех записей, которую запись велят дати бояре, приговоря вместе; а одному боярину и дьяку пристава з записью не дати.
76. А о холопстве суд. По полной грамоте холоп. По ключу по селскому з докладною холоп з женою и з детми, которые у одново государя с ним в одной крепости и которые породни-лися в холопстве; а которые его дети родились до холопства, а учнутжитиу иново государя, или себе уснут жиги, то не холопи. А по городскому ключу не холоп. (По робе холоп); по холопе роба. По духовной холоп. По приданой робе холоп, а по холопе роба. А по тиунству без полные и без докладные не холоп; а по селскому ключу без докладные не холоп. А полному и докладному холопу сына своего слободного, который ся родил у него до холопства, не продати, а продаться он сам кому хочет, тому же ли государю, у кого отец его послужит, или иному кому хочет; а отц




Поделиться с друзьями:


Дата добавления: 2015-06-27; Просмотров: 329; Нарушение авторских прав?; Мы поможем в написании вашей работы!


Нам важно ваше мнение! Был ли полезен опубликованный материал? Да | Нет



studopedia.su - Студопедия (2013 - 2024) год. Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав! Последнее добавление




Генерация страницы за: 0.013 сек.