Тэма: Пошукава-творчы накірунак развіцця і выхавання крэатыўнай асобы – мэта безадзнакавага навучэння. (З вопыту работы)

Безадзнакавае навучанне – гэта навучанне ў якім сістэма кантролю і адзнакі будуецца на змястоўна-ацэначнай аснове без выстаўлення адзнак.

Мэта безадзнакавага навучання – стварэнне ўмоў для захавання псіхафізічнага здароўя малодшых школьнікаў, развіццё ў іх унутранай матывацыі навучання, станаўленне адэкватнай самаацэнкі вучняў, развіццё здольнасцей самастойна ацэніваць вынікі асабістай вучэбнай дзейнасці.

На практыцы маёй работы ва ўмовах безадзнакавага навучання я імкнуся выхаваць крэатыўную асобу. Кіруюся метадамі развіцця, якія прапанаваны ў метадычнам пісьме. Кіруюся і правіламі пры ацэніванні вучняў: не скупіцца на пахвалу; лепш хваліць выканаўца; не стаўлю перад першакласнікамі некалькі задач адначасова, а стаўлю канкрэтныя мэты. Стараюся саздаваць праблемныя сітуацыі, дзе вучні шукаюць пошук рашэння, таму што праблемнае навучанне фарміруе гарманічна-развітую творчую асобу, здольную лагічна думаць, знаходзіць рашэнне ў розных праблемных сітуацыях. Пастаянная пастаноўка перад вучням праблемных сітуацый прыводзіць да таго, што ён не “пасуе” перад праблемамі, а стараецца іх рашыць. Тым самым мы маем справу з творчай асобай, якая заўсёды здольная да пошуку, да даследавання.   

Разам з тым, у нашым класе створана прадметна-развіваючае асяроддзе – гэта месца прызентацыі работ вучняў, дзе кожны вучань можа прадставіць сваю творчасць. Гэта і малюнак, аплікацыя, работы з пластыліну. Дзеці маюць магчымасць параўнаць, ацаніць сваю работу і паказаць сябрам, бацькам, ганарацца справай сваіх рук. А гэта садзейнічае выхаванню матывацыі да крэатыўнасці дзяцей.

Пошукава-творчы накірунак развіцця крэатыўнай асобы надае і правядзенне адукацыйна-выхаваўчых модуляў раз у паўгоддзе, дзе дэманструюцца дасягненні вучняў. Гэта выразнасць чытання дзяцей, здольнасць многа запамінаць, уменне трымацца на сцэне, іграць ролі персанажаў. Селета ў нас прысутнічалі настаўнікі музыкі Гродзенскай вобласці на АВМ Пасвяты і высока ацанілі крэатыўнасць дзяцей. Былі прадстаўлены тры фрагменты ўрокаў.. І яшчэ для нагляднага аналізу работ дзяцей створана капілка творчасці, якая вядзецца з дзіцячага сада.

Для таго, каб вучням было цікава і адначасова ішло развіццё асобы стараюся прапаноўваць ім удзельнічаць у добрых справах. Ахвотна ўдзельнічалі ў акцыі “Чудеса на Рождество”. Разам з вучнямі пятага класа, якія з’яўляюцца важатымі вучняў першага класа наведваем ветэранаў Дземчанка С.І., Буцкевіча М.П.. На калектыўных занятках тэатра выступаем перад выхаванцамі дзіцячага сада. Гледачам была прапанавана казка “Рукавічка”, арганізацыя ўзаемадзеяння праз дзіцячыя фальклорныя гульні. Вучні мелі магчымасць ацаніць сваю дзейнасць і выслухаць ацэнку сваіх меншых сяброў.

Пошукава-творчы накірунак развіцця і выхавання крэатыўнай асобы проста неабходны, так як ён фарміруе творчую асобу, здольную лагічна думаць сістэматызаваць і папаўняць веды, здольную да высокага самааналізу, самаразвіцця, самакарэкцыі.

Дата добавления: 2023-11-03