Пытанні для самакантроля

Гістарычныя даты

Слоўнік гістарычных тэрмінаў і паняццяў

Асаднікі — вайсковыя і цывільныя каланісты, якіх польскі ўрад перасяляў з цэнтральнай Польшчы на землі Заходняй Беларусі і Заходняй Украіны з мэтаю падтрымкі свайго панавання на гэтых землях.

Ваяводства — найбольш буйная адміністрацыйна-тэратарыяльная адзінка ў складзе Польскай дзяржавы.

Гміна — адміністрацыйна-тэратарыяльная адзінка ў Польшчы, у склад якой уваходзяць некалькі сельскіх грамад.

Злоты — грашовая адзінка Польскай дзяржавы.

Камасацыя — ліквідацыя цераспалосіцы звядзеннем сялянскіх надзелаў з наступным выхадам на хутары; складаючая частка аграрнай рэформы, абвешчанай Сеймам у 1919 г.

“Крэсы Усходнія” — назва, якую ўжывалі афіцыйныя польскія колы ў адносінах да Заходняй Беларусі і часткі Заходняй Украіны, калі яны ўваходзілі ў склад міжваеннай Польшчы.

Латыфундыя — вялікае прыватнаўласніцкае землеўладанне.

Павет — адміністрацыйна-тэратарыяльная адзінка ў складзе Польскай дзяржавы, займае прамежкавае становішча паміж гмінай і ваяводствам.

Паланізацыя — сістэма мерапрыемстваў дзяржаўных органаў, культурных устаноў і каталіцкага духавенства па асіміляцыі беларускага і ўкраінскага народаў.

Парцэляцыя — разбіўка зямлі на дробныя надзелы (парцэлы) ад 2 да 20 га і продаж праз дзяржаўныя банкі з ліку памешчыцкіх, дзяржаўных і так званых пустуючых зямель.

Пастарунак — паліцэйскі ўчастак.

Пацыфікацыя — адна з пашыраных форм рэпрэсіўнай палітыкі польскіх улад супраць удзельнікаў нацыянальна-вызваленчага руху ў Заходняй Беларусі і Заходняй Украіне.

Санацыя — назва дзяржаўнага рэжыму ў Польшчы ў 1926-1939 гг., мэтаю якога было недапушчэнне бальшавізму ў Заходнюю Еўропу.

Сейм Другой Рэчы Паспалітай — парламент міжваеннай Польшчы.

Сервітут (зямельны) — права праезду, прагону і выпасу жывёлы, рыбнай лоўлі на чужой тэрыторыі, карыстанне сенажацямі, ляснымі ўгоддзямі і інш.

1917 — 1939 гг.	Дзейнасць БХД-БНА.
18 сакавіка 1921 г.	Падпісанне Рыжскага міру.
1921-1937 гг.	Дзейнасць ТБШ.
Кастрычнік 1923 г.	І з`езд КПЗБ.
1925 — 1927 гг.	Дзейнасць БСРГ.
12 мая 1926 г.	Дзяржаўны пераварот Ю. Пілсудскага.
3 лютага 1927 г.	“Косаўскі расстрэл”.
17 красавіка — 28 мая 1928 г.	Суд над 56 дзеячамі БСРГ.
3 — 4 жніўня 1933 г.	Рэвалюйцынае выступленне сялян Кобрынскага павета супраць польскіх улад.
1934 — 1939 гг.	Існаванне канцлагера ў Бярозе-Картузскай.
1935 — 1936 гг.	Выступленне нарачанскіх рыбакоў.
23-30 сакавіка 1936 г.	Судовы працэс 16-ці (у Вільні).
1938 г.	Роспуск КПП і КПЗБ.
17 верасня 1939 г.	Пераход Чырвонай Арміяй савецка-польскай мяжы.

1. Пасля якіх падзей тэрыторыя Заходняй Беларусі ўвайшла ў склад Польшчы?

2. Якія абавязкі брала на сябе Польшча пры падпісанні Рыжскай мірнай дамовы?

3. На якія тэрытарыяльна-адміністратыўныя адзінкі была падзелена Заходняя Беларусь?

4. У чым сутнасць рэжыма санацыі?

5. Якую ролю адыграла КПЗБ у рэвалюцыйным руху Заходняй Беларусі? Як Вы ацэньваеце яе роспуск?

6. Каго Вы ведаеце з кіраўнікоў нацыянальна-вызваленчага руху Заходняй Беларусі?

7. Як Вы ацэньваеце насаджэнне на тэрыторыі Заходняй Беларусі асаднікаў і іх далейшую дзейнасць?

8. Якія палітычныя партыі дзейнічалі на тэрыторыі Заходняй Беларусі ў 1921-1939 гг.?

9. Якія масавыя выступленні сялян і рабочых Заходняй Беларусі ў барацьбе за свае правы Вы можаце назваць?

10. Параўнайце становішча Заходняй Беларусі ў 1921-1939 гг. і БССР гэтага ж перыяду?

Дата добавления: 2015-06-25