Перманентнае змяненне (эвалюцыя) жанраў, Жанравы сінтэз

Лекцыя ІІ. Эвалюцыя і сінтэз жанраў як заканамернасць

• Перманентнае змяненне (эвалюцыя) жанраў
• Публіцыстыка да электронікі. Кароткі гістарычны экскурс
• Электроніка і публіцыстыка: сучасныя тэхналагічныя і

псіхалагічныя стасункі

Спачатку агульны тэзіс пра заканамернасць перманентнага змянення любой формы любога зямнога аб’екта або чалавечай супольнасці. Зразумела, гэта датычыцца і журналістыкі з яе заканамерным жа перманентным змяненнем форм, жанраў, тэхналогій, з дапамогай якіх забяспечваецца інфармацыйны абмен у грамастве. Анак сам працэс абмену магчымы толькі тады, калі ёсць што на што абменьваць, іншымі словамі, павінен быць рознажанравыя прадукты інфармацыйнага абмену, якія і ствараюць журналісты. Зрэшты, без журналіста і журналістыкі пэўнай падзеі, з’явы, адметнай асобы для масавай аўдыторыі, тым больш “замежнай” (па-за межамі дадзенага рэгіёну), як бы і не існуе. Бо менавіта журналіст, які пабачыў, пачуў, адчуў падзею, з’яву або асобу, надае ім нейкую вербальную, гукавую, візуальную і іншую форму, з дапамогай якой гэта падзея, з’ява або асоба і пачынае сваю вандроўку спачатку па каналах СМІК, а затым і па “каналах” свядомасці аўдыторыі. А вось сам працэс “надання формы” любому факту жыцця, падзее, з’яве, асобе (стварэнне інфармацыйнага прадукту) разнастайны і перманентна зменлівы, падобны кроплі вады або кроплі ртуці: працэс фарматворчасці бесперапынна рухлівы, формы і абліччы-“абалонкі” фактаў руху жыцця мяняюцца як аб’ектыўна-самастойна, так і пад уплывам грамадства і яго разнастайных патрэб, у тым ліку інфармацыйных. Гэты зразумелы і хрэстаматыйны тэзіс пацвярджаецца гісторыяй узнікнення і эвалюцыі жанраў журналістыкі і эвалюцыяй самой журналістыкі ад часоў папірусаў і каменных брускоў да віртуальнага Інтэрнету.

Прыкладна так здарылася і з жанрамі, формамі ды тэхналогіямі журналістыкі: ад прасцейшай вербальнай або сімвалічнай знакавай формы перадачы інфармацыі да шматкампанентнай формы інфармацыйных і камунікатыўных зносін. У дадзеным выпадку шматкампанентнасць выступае як спалучэнне розных знакавых сімвалаў – моваў розных розных навук, відаў мастацтва, мовы электроннай графікі і інш., якія сінтэзуюцца ў сучаснай электроннай журналістыцы.

Дата добавления: 2013-12-11