Москва «Искусство» 1978 2 страница

ПСАЛОМ 23
П(са)л(о)м д(а)в(и)д(о)въ, въ единъ от днии.

1. Г(оспод)ня есть земля, и исполнение ея, вселенная и вси живоущеи на неи.
2. То на морихъ основалъ ю есть, и на рекахъ оуготовалъ ю есть.
3. Кто вьзыдеть на гороу г(оспод)ню; или кто станеть на месте с(вя)темь его;

4. Неповиненъ роукама и ч(и)стъ с(е)рдц(е)мь, иже не прият на соуе д(у)ша своя,
и не клятся льстью искренемоу своемоу.
5. Съ прииметь бл(а)г(о)с(ло)в(е)нье от г(оспод)а, и милостыня
от б(ог)а сп(а)са своего.
6. Съи род ищющих г(оспод)а, ищющих лице б(ог)а ияковля.
7. Возмете врата князи ваши, и возметес(я) врата вечьная: и внидеть ц(а)рь славы.
8. Кто есть съ ц(а)рь славы; г(оспод)ь крепокъ и силенъ, г(оспод)ь силенъ вь брани.
9. Возмете врата князи ваши, и возметеся врата вечная: и внидеть ц(а)рь славы.
10. Кто есть съ ц(а)рь славы; г(оспод)ь силамъ, тъ есть ц(а)рь славы.

СЛАВА:

К А Ф И З МА Ч Е Т В Е Р Т А Я

ПСАЛОМ 24
Д(а)в(и)д(о)въ п(са)л(о)мъ.

1. К тобе г(оспод)и вьзъдвигох д(у)шю мою. б(ож)е мои, на тя оуповахъ,
да не постыжюся в векъ, ни посмеютьмися врази мои:
2. Ибо вси терпящеи тя не постыдятся.
3. Да постыдятся безаконноующеи всоуе.
4. Поути твоя г(оспод)и, скажи ми, и стезямь твоим наоучи мя.
5. Настави мя на истиноу твою, и наоучи мя, яко ты еси б(ог)ъ сп(а)съ мои,
и тобе терпех весь д(е)нь.
6. Помяни щедротъ твоихъ г(оспод)и, и м(и)л(ос)ти твоя, яко от века соуть.
7. Грехъ оуности моея, и невежьствия моего не помяни: по м(и)л(о)сти твоеи
помяни мя ты, ради бл(а)гости твоея, г(оспод)и.
8. Бл(а)гъ и правъ г(оспод)ь, и сего ради законъ положить съгрешающимь на поути.
9. Наставить кроткыя на соуд, наоучить крепкыя поутемь твоимь.
10. Вси поутие г(оспод)ни милость и истина, възискающимь завета его,
и свидения его.
11. Ради имени твоего г(оспод)и, очести грехъ мои: много бо есть.
12. Кто есть ч(е)л(о)в(е)къ бояися г(оспод)а; законъ положить емоу на поути,
иже изволи.
13. Д(у)ша его въ бл(а)гыхъ въдворится, и семя его наследить землю.
14. Держава г(оспод)ь боящимся его, и заветъ его явить имь.
15. Очи мои воиноу кь г(оспод)оу, яко тъ истергьнеть от сети нозе мои.
16. Призри на мя и помилоуи мя, яко единород и нищь есмь азъ.
17. Скорби с(е)рдца моего оумножишася, от бедъ моихъ избави мя.
18. Вижь смирение мое, и троуд мои, и отпоусти вся грехы моя.
19. Вижь врагы моя, яко оумножишас(я), и ненавидениемь неправеднымь
вьзненавидеша мя.
20. Схрани д(у)шю, избави мя, да не постыжюся, яко оуповах на тя.
21. Незлобивии и правии прилепляхоуся мне, яко потерпех тя г(оспод)и.
22. Избави б(ож)е изр(аи)ля от всех скорбии его.

ПСАЛОМ 25
П(са)л(о)мъ д(а)в(и)д(о)в.

1. Соуди ми г(оспод)и, яко азъ незлобою моею ходих: и на г(оспод)а
оуповая и не изнемогоу.
2. Искоуси мя г(оспод)и, и стяжи мя, ражези оутробы моя и с(е)рдце мое.
3. Яко м(и)л(о)сть твоя пред очима моима есть,
и бл(а)гооугодих во истине твоеи.
4. Не седохъ сь снемомь соутнымь, и съ законопрестоупными не внидоу.
5. Възненавидехъ ц(е)ркве лоукавноующих, и с неч[ес]тивыми не сядоу.
6. Оумыю в неповинных роуце мои, и обыидоу олтарь твои г(оспод)и:
7. Оуслышати ми глас хвалы твоея, и поведати вся чюдеса твоя.
8. Г(оспод)и, вьзлю[бихъ] бл(а)голепие домоу твоег(о),
и место вселения славы твоея.
9. Да не погоубиши с неч[ес]тивыми д(у)шю мою,
и съ моужии крови животъ мои,
10. Ихже в роукоу безакония, и десница ихъ исполнися мьзды.
11. Аз же незлобою моею ходих: избави мя г(оспод)и и помилоуи мя.
12. Нога моя ста на правоте: вь ц(е)ркв(а)хъ бл(а)г(о)с(ло)в(лю) тя г(оспод)и.

ПСАЛОМ 26
Пс(а)л(о)мъ д(а)в(и)д(о)в, преж(е) помазан(ия).

1. Г(оспод)ь просвещение мое и сп(аси)т(е)ль мои, когося оубою; г(оспод)ь
защититель животоу моемоу, от когося оустрашю;
2. Внегда приближатися на мя злобоующе снести плоти моихъ, оскорбьляющеи
мя и врази мои, ти изнемогоша и падоша.
3. Аще ополчится на мя полкъ, не оубоитс[я] с(е)рдце мое: аще вьстанеть
на мя брань, нань азъ оуповаю.
4. Едино просих от г(оспод)а, то взыщоу: иже жити ми в домоу г(оспод)ни
вся дни живота моего, зрети ми красоты г(оспод)ня, и посещати
ц(е)рковь с(вя)тоую его.
5. Яко скры мя въ крове своемь, въ д(е)нь зла моего покры мя в таине
крова своего, на камень вьзнесе мя:
6. И ныне се вьзнесе главоу мою на врагы моя: обыдох, и пожрохъ вь крове его
жертвоу хваления и вьскликьновения: пою и в[о]спою г(осподе)ви.
7. Оуслыши г(оспод)и глас мои, имже возв(а)х, помилоуи мя, и оуслыши мя.
8. Тобе реч(е) с(е)рдце мое: г(оспод)а взыщю. възыска тебе лице мое,
лица твоего г(оспод)и взыщю.
9. Не отврати лица твоего от мене, и не оуклонися гневомь от раба твоего:
помощникъ ми боуди, и не отрини мене, и не остави мене б(ож)е
сп(аси(т(е)лю мои:
10. Яко о(те)ць мои и м(а)ти моя остависта мя, г(оспод)ь же вьсприят мя.

11. Законъ положи ми г(оспод)и в поути твоемь, и настави мя на поути
правы врагъ моихъ ради.
12. Не предажь мене вь д(у)ш(а)хъ стоужающиимь ми: яко вьсташа на мя
св(и)детели неправедни, и солга неправдоу собе.
13. Вероую видети бл(а)гая г(оспод)ня на земьли живых.
14. Потерпи г(оспод)а, моужаися, и да крепится с(е)рдце твое,
и потерпи г(оспод)а;

СЛАВА:

ПСАЛОМ 27
П(са)л(о)м д(а)в(и)д(о)в.

1. Къ тобе г(оспод)и вьззовоу, б(ож)е мои, не премолчиши от мене: и да
не когда премолчиши от мене, и оуподоблюся низъходящиимь в ровъ.
2. Оуслыши г(оспод)и глас моления моего, егда молюся тобе, вънегда
възьдети ми роуце мои кь ц(е)ркви с(вя)т(е)и твоеи.
3. Не привлеци мене съ грешникы, и с делающими неправдоу не
погоуби мене, г(лаго)лющиими миръ съ ближьними своими,
зла же въ с(е)рдцих своихъ.
4. Дажь имъ г(оспод)и, по деломъ ихъ, и по лоукавьствоу начинания ихъ,
по деломь роукоу ихъ даждь имъ, възъдажь вьзда[я]ние ихъ имь.
5. Яко не разоумеша в дела г(оспод)ня, и вь дела роукоу его: разориши их, и
не сзижеши ихъ.
6. Бл(а)г(о)с(ло)в(е)нъ г(оспод)ь, яко оуслыша глас моленья моего.
7. Г(оспод)ь помощникъ мои, и защититель мои: нань оупова с(е)рдце мое,
и помощник ми быс(ть), и процвете плоть моя: и волею моею исповемся емоу.
8. Г(оспод)ь оутверженье людемь своимь, и защититель сп(асе)ниемь
х(ри)с(т)а своего [есть].
9. Сп(а)си (господи) люди своя, и бла(го)слови достоянье свое: и оупаси я,
и возми я до века.

ПСАЛОМ 28
П(са)л(о)мъ д(а)в(и)д(о)въ, исхода сеннаг(о).

1. Принесете г(осподе)ви с(ы)н(о)ве б(о)жии, принесете г(осподе)ви
с(ы)ны овня, принесете г(осподе)ви славоу и честь.
2. Принесете г(осподе)ви славоу имени его: поклонитеся г(осподе)ви
въ дворе с(вя)темъ его.
3. Глас г(осподе)нь на водах: б(ог)ъ славы вьзгреме, г(оспод)ь на водах многахъ.
4. Глас г(осподе)нь вь крепости, глас г(осподе)нь в велелепоте.
5. Глас г(осподе)нь скроушающаго кедры,
и стрыеть г(оспод)ь кедры ливаньскыя.
6. И истнить я яко телець ливаньскыи: и възлюбленныи яко с(ы)нъ единорож[ь].

7. Глас г(осподе)нь пресекающаго пламен[ь] огня.
8. Глас г(осподе)нь стрясающаго поустыню:
стрясеть г(оспод)ь поустыню кадискоую.
9. Глас г(осподе)нь свершающаго елени, и открыеть доубравы:
и въ ц(е)ркви его всякъ, кто г(лаго)леть славоу.
10. Г(оспод)ь потопъ населяеть, и седить г(оспод)ь ц(а)рь вь векъ.
11. Г(оспод)ь крепость людемь своимъ дасть:
г(оспод)ь бл(аго)сл(о)вить люди своя миромъ.

ПСАЛОМ 29
1. П(са)л(о)мъ давидовъ, песни, обновления храма, в конец.

2. Възнесоу тя г(оспод)и, яко под[ъ]ят мя, и не вьзвеселилъ еси врагы моя о мне.
3. Г(оспод)и б(ож)е мои, вьзвахъ къ тобе, и исцели мя:
4. Г(оспод)и вьзвелъ еси от ада д(у)шю мою, сп(а)слъ мя еси
от низъхо[дя]щих в ровъ.
5. Поите г(осподе)ви препод(о)бнии его, и исповедаите память с(вя)т(ы)ня его.
6. Яко гневъ вь ярости его, и животъ въ воли его:
вечеръ водворится плачь, а заоутра радость.
7. Аз же рехъ въ обилии моемь: не подвижюся въ векъ.
6. Г(оспод)и, волею твоею подажь доброте моеи силоу.
отвратилъ же еси лица своего, и бых смоущенъ.
9. К тобе г(оспод)и въз[з]овоу, и к б(ог)оу моемоу помолюся.
10. Кая полза вь крови моеи, внегда снити ми въ истление; егда исповестьтися
прость; или вьзвестить истиноу [твою];
11. Слыша г(оспод)ь, и помилова мя: г(оспод)ь быс(ть) помощникъ мои,
12. Обратилъ еси плачь мои въ радость мне, растерзалъ еси вретище мое,
и препоясал мя еси веселиемь:
13. Яко да вьспоеть тобе слава моя, и не оумилюся.
г(оспод)и б(ож)е мои, и в векъ исповемтися.

СЛАВА:

ПСАЛОМ 30
1. В конец, пс(а)л(о)мъ д(а)в(и)д(о)въ, изстоупления.

2. На тя г(оспод)и уповах, да не постыжюся в векъ: правдою твоею
избави мя и изми мя.
3. Приклони ко мне оухо твое, и оускори изяти мя: боуди ми вь б(ог)ъ защититель,
и в домоу прибежища, [еже] спасти мя.
4. Яко держава моя, и прибежище мое еси ты, и имени твоего ради
наставиши мя, и препитаеши мя.
5. Истергьнеши мя от сети сея, юже скрыша ми,
яко ты еси защититель мои г(оспод)и:

6. В роуце твои предаю д(у)хъ мои: избавил мя еси г(оспод)и б(ож)е истине.
7. Възненавиделъ еси хранящая соуетная затщее: аз же на г(оспод)а оуповах.
8. Вьзрадоуюся и вьзвеселюся о милости твоеи, яко призре [еси] на смирение мое,
сп(а)слъ еси от бед д(у)шю мою:
9. И неси мене затворилъ в роукахъ вражьихъ,
поставилъ еси на пространьне нозе мои.
10. Помилоуи мя г(оспод)и, яко скорбьлю: смоутися от ярости око мое,
д(у)ша моя и оутроба моя.
11. Яко исчезе в болезни животъ мои, и лета моя вь в[о]здыхани[и]хъ:
изнеможе нищетою крепость моя, и кости моя смоутишася.
12. От всех врагъ моих быхъ поношение, и соуседомь моимь зело,
и страхъ знаемымь моимъ: видящеи мя вонъ бежаша от мене.
13. Забвенъ бых, яко м(е)ртвъ от с(е)рдца: быхъ яко с[о]соудъ погоубленъ.
14. Яко слышах гаждение многых живоущих окр(е)стъ: внегда собратися имъ
вкоупе на мя, прияти д(у)шю мою с[о]вещаша.
15. Аз же на тя г(оспод)и оуповах: рехъ: ты еси б(ог)ъ мои.
16. В роукоу твою жребие мои: избави мя из роукы врагъ моихъ,
и от гонящиихъ мя.
17. Просвети лице твое на раба твоего, сп(а)с(и) мя милостию твоею.
18. Г(оспод)и, да не постыжюся, яко призвах тя:
да постыдятся неч(ес)тивии, и снидоуть въ адъ.
19. Немы да боудоуть оустны льстивыя, гл(аго)лющая на праведнаго безаконие,
гордынею и оуничижениемъ.
20. Коль много множьство бл(а)гости твоея г(оспод)и, яже скрылъ еси боящимся
тобе, сделалъ еси оуповающимъ на тя пред с(ы)ны ч(е)ловечьскыми.
21. Скрыеши ихъ в таине лица твоего от мятежа ч(е)л(о)в(е)ч(ь)ска,
покрыеши ихъ въ крове от пререкания языкъ.
22. Бл(агос)л(о)в(е)нъ г(оспод)ь, яко оудиви м(и)л(о)сть свою вь граде обьстояния.
23. Аз же рехъ въ изстоуплени(и) моемъ: отверженъ есмь от лица очию [твоею]:
сего ради оуслышалъ еси глас молитвы моея, егда взовоу к тобе.
24. Вьзлюбите г(оспод)а вси преподобнии его, яко истины взискаеть г(оспод)ь,
и възъдаеть излиха творящимъ гордыню.
25. Моужаитеся, и да крепится с(е)рдце ваше, вси оуповающеи на г(оспод)а.

ПСАЛОМ 31
Д(а)в(и)д(овъ).

1. Б(ла)ж(е)ни, имже отпоустишася безакония, и имже отъкрышася греси.
2. Бл(а)ж(е)нъ моужь, емоуже не вменит г(оспод)ь греха,
ниже есть во оустех его лесть.
3. Яко оумолчах, обетшаша кости моя, зовоущоу ми вес(ь) д(е)нь:
4. Яко д(е)нь и нощь отяготе на мне роука твоя,
вьзвратихся на стр(а)сть, егда оунзе ми тернь.
5. Безаконие мое познах, и греха моего не покрыхъ, рехъ: исповемь на мя
безаконье мое г(осподе)ви: и ты отпоустилъ еси неч[ес]тье с(е)рдца моего.

6. За то помолится к тобе всякъ преподобьныи во время бл(а)гопотребно:
обаче в потопе вод многъ к немоу не приближатся.
7. Ты еси прибежище мое от скорби одеръжащая мя:
радости моя, избави мя от обышодших мя.
8. Вразоумлю тя, и наставлю тя вь поуть, вонже поидеши:
оутвержю на тя очи мои.
9. Не боудете яко конь и мескъ, имже нес(ть) разоума: браздами и оуздою
челюсти ихъ вьстягнеши, не приближающимся к тобе.
10. Многы раны грешномоу: оуповающего же на г(оспод)а м(и)л(о)сть обыдеть.
11. Възвеселитеся о г(оспод)е, и радоуитеся праведнии, и хвалитеся вси
правии с(е)рдцемь.

СЛАВА:

К А Ф И З М А П Я Т А Я

ПСАЛОМ 32
Д(а)в(и)д(о)въ.

1. Радоуится праведнии о г(оспод)е, праведнымъ подобаеть похвала.
2. Исповедаитеся г(осподе)ви в гоуслех, во пса(л)тири десятьстроунне
поите емоу:
3. Вьспоите емоу пес(нь) новоу, добре поите емоу со вьсклицаниемь.
4. Яко право слово г(оспод)не, и вся дела его в вере.
5. Любить м(и)л(ос)т(ы)ню и соуд г(оспод)ь, м(и)л(о)сти г(оспод)ня
исполнь земля.
6. Словесемь г(оспод)нимъ н(е)б(е)са оутвердишася,
и д(у)хомь оустъ его вся силы ихъ:
7. Сбирая яко мехъ воды морьскыя, полагая вь с[о]кровищихъ бездны.
8. Да оубоится г(оспод)а вся земля, от негоже подвижются вси живоущеи
по вселенеи:
9. Яко то реч(е), и быша: то повеле, [и] создашас(я).
10. Г(оспод)ь разоряеть c[о]веты языкъмъ, отметаетъ же мысли людемь,
и отметаеть с[о]веты князь.
11. С[о]ветъ же г(осподе)нь вь векы пребывает, и мысли с(е)рдца его в род и род.
12. Бл(а)ж(е)нъ языкъ, емоу есть г(оспод)ь б(ог)ъ его, люд(и),
яже избра вь достоянье собе.
13. Сь н(е)б(е)се призре г(оспод)ь, видети вся с(ы)ны ч(е)л(о)в(е)чьскыя.
14. С готоваго жилища своего призре на вся живоущая на земли:
15. Создавыи единъ с(е)рдца ихъ, разоумеваяи вся дела ихъ.
16. Не сп(а)сется ц(а)рь многою силою, и исполинъ не сп(а)сется
множьствомь крепости своея.
17. Ложь конь вь сп(а)с(е)нье, въ множьстве же силы своея не сп(а)сется.
18. Се очи г(оспод)ни на боящихся его, и оуповающая на м(и)л(о)сть его:
19. Избавити от см(е)рти д(у)ша ихъ, и препитати их вь глад.

20. Д(у)ша же наша чаеть г(оспод)а, яко помощникъ и защитникъ нашь есть:
21. Яко о немь вьзвеселится с(е)рдце наше, и во имя с(вя)тое его оуповахомь.
22. Боуди г(оспод)и. м(и)л(о)сть твоя на насъ: якоже оуповахомъ на тя.

ПСАЛОМ 33.
1. Д(а)в(и)д(овъ).

2. Бл(агос)л(о)влю г(оспод)а на всяко время, воиноу хвала его во оустехъ моих.
3. О г(оспод)е похвалится доуша моя: да оуслышать кротции и вьзвеселятся.
4. Възвеличите г(оспод)а со мною, и вьзнесемь имя его вькоупе.
5. Взысках г(оспод)а, и оуслыша мя, и от всехъ скорбии моихъ избави мя.
6. Пристоупите к немоу, и просветитеся, и лица ваша не постыдятся.
7. Се нищии возва, и г(оспод)ь оуслыша и, и от всехъ скорбии его сп(а)се и.
8. Ополчится анг(е)лъ г(осподе)нь окрестъ боящихся его, и избавит их.
9. Въкоусите и видите, яко бл(а)гъ г(оспод)ь: бл(а)ж(е)нъ моужь,
иже оуповаеть нань.
10. Боитеся г(оспод)а вси с(вя)тии его, яко нес(ть) лишенья боящимся его.
11. Богатии обнищаша и вьзалкаша: а взискающеи г(оспод)а не
лишатся от всякого бл(а)га.
12. При[и]дете чада, послоушаите мене, страха г(оспод)ня наоучю вы.
13. Кто есть ч(е)л(о)в(е)къ хотяи животоу, любяи дни видети бл(а)гы;
14. Оудержи языкъ свои от зла, и оустне свои, еже не гл(агола)ти льсти.
15. Оуклонися от зла, и с(о)твори бл(а)го: взищи миръ, и пожени его.
16. Очи г(оспод)ни на праведныя, а оуши его въ м(о)л(и)твоу ихъ.
17. Лице же г(оспод)не на творящая злая, потребити от земля память ихъ.
18. Возваше праведни, и г(оспод)ь оуслыша ихъ,
и от всехъ печалии ихъ избави я.
19. Близь г(оспод)ь с(о)кроушенных с(е)рдцемь, и смиреныя д(у)хомь сп(а)сет.
20. Многы скорби праведнымь, и от всехъ ихъ избавить я г(оспод)ь.
21. С[о]хранить г(оспод)ь вся кости ихъ, едина от них не скроушится.
22. См(е)рть грешникомъ люта, и ненавидящеи праведнаго прегрешат.
23. Избавить г(оспод)ь д(у)шю рабъ своихъ, и не прегрешать вси
оуповающеи нань.

СЛАВА:

ПСАЛОМ 34
Д(а)в(и)д(о)въ.

1. Соуди г(оспод)и обидящимъ мя, възбрани борющимся со мною.
2. Приими ороужие и щитъ, и стани в помощь мне.
3. Изсоуни ороужье, и заври пред гонящимъ мя: рци д(у)ши моеи,
сп(асе)нье твое есмь азъ.
4. Да постыдятся и посрамятся ищющеи д(у)ша моя: да възратятся
вьспять, и постыдятся мыслящеи мне злая.

5. Да боудоут яко прах пред лицемь ветроу, и анг(е)лъ г(осподе)нь стоужая имь.
6. Боуди поуть ихъ тма и ползокъ, и ангел г(осподе)нь поганя ихъ.
7. Яко вьсоуе ськрыша мне пагоубоу сети своеи, въсоуе поносиша д(у)ши моеи.
8. Да приидеть емоу сеть, яже не свесть, в ловитвоу, яже скры, обыидеть его,
и вь сеть да впадется в ню.
9. Д(у)ша же моя вьзрадоуется о г(оспод)е, насладится о сп(асе)ньи твоем.
10. Вся кости моя рекоуть: г(оспод)и, г(оспод)и, кто подобенъ тобе; избавляя
из роукы крепльших его, и нища и оубога от расхищающих его.
11. Вьставше на мя сведетелие неправеднии, ихже не видех, вьпрашахоу мя.
12. Вьздающе ми злая въздобряя, и бещадие д(у)ши моеи.
13. Аз же, внегда они агавие творяхоу ми, облачахся во вретище, и смирихъ
постомь д(у)шю мою, и м(о)л(и)тва моя в надра моя вьзратится.
14. Яко искренемоу, яко братоу нашемоу тако оугожах:
яко плача и сетоуя тако смирихся.
15. И о мне вьзвеселишася и собрашася: собрашася на мя раны,
и не чюх, разделишася, и не оумилишася.
16. Искоусиша мя, подраж(а)ша мя подражениемъ, скрежташа на мя зоубы своими.
17. Г(оспод)и, когда оузриши; оустрои д(у)шю мою от злодеиства ихъ,
от лев единородною мою.
18. Исповемься тобе вь ц(е)рк(в)и мнозе, в людех тяжцех вьсхвалю тя.
19. Да не порадоуютьмися враждоующеи ми без правды, ненавидящеи
мя вьсоуе, и помизающе очима.
20. Яко мне оубо мирно гл(аголя)хоу, и на гневъ льсти помышляхоу.
21. Ра(з)шириша на мя оуста своя, реша: бл(а)гоже, бл(а)гоже, видеста очи наши.
22. Виделъ еси г(оспод)и, не премолчи: г(оспод)и, не отстоупи от мене.
23. Вьстани г(оспод)и, и вонми соудъ мои, б(ож)е мои и г(оспод)и мои, на прю мою.
24. Соуди ми г(оспод)и по правде моеи, г(оспод)и б(ож)е мои, да не порадоуютьмися.
25. Да не рекоуть вь с(е)рдцихъ своихъ: бл(а)гоже бл(а)гоже д(у)ши нашеи:
ни да не рекоуть, пожрохомь и.
26. Да постыдятся и посрамятся вкоупе радоующеися зломь моимъ:
да облекоутся вь стоуд и срамъ велеречюющии на мя.
27. Да възрадоуются и възвеселятся хотящеи правде моеи, и да рекоуть воиноу,
да вьзвеличится г(оспод)ь, хотощеи миръ рабоу его.
28. И языкъ мои поучится правде твоеи, весь д(е)нь хвале твоеи.

ПСАЛОМ 35
1. Д(а)в(и)д(овъ).

2. Рече законопрестоупникъ, да согрешаеть въ собе:
нес(ть) страха б(ож)ия пред очима его.
3. Яко оульсти пред нимъ, и обрести безаконие свое, и възненавидети.
4. Гл(аго)ли оустъ его безаконье и лесть: не изволи разоумети да оубл(а)жить.
5. Безаконие помысли на ложи своемь: предста всякомоу поути небл(а)гоу,
о злобе же не негодова.
6. Г(оспод)и, на н(е)б(е)си м(и)л(о)сть твоя, и истина твоя до облакъ:
7. Правда твоя яко горы б(о)жия, соудбы твоя без[д]на многа:
ч(е)л(о)в(е)кы и скоты сп(а)сеши г(оспод)и.

8. Яко оумножилъ еси м(и)л(о)сть твою б(ож)е: с(ы)н(о)ве же ч(е)л(о)в(е)чьстии
въ кровъ крилоу твою надею[т]ся.
9. Оупиются от обилья домоу твоего, и потокомъ пища твоея напоиши ихъ.
10. Яко от тобе есть источникъ животоу, въ свете твоемь оузримъ светъ.
11. Пробави м(и)л(о)сть твою ведоущим тя, и правдоу твою правымь с(е)рдц(е)мь.
12. Да не приидеть мне нога горъдыня, и роука грешнича да не подвижит мя.
12. Тоу падоша вси делающеи безаконье, изриновени быша, и не могоуть стати.

СЛАВА:

ПСАЛОМ 36
Д(а)в(и)д(овъ).

1. Не ревноуи лоукавымь, ни завиди творящимь безакон(ь)е.
2. Зане яко трава скоро изсышють, яко зелие злака скоро отпадоуть.
3. Оуповаи на г(оспод)а, и твори бл(а)гостыню, и насели землю,
и оупасешися вь богатьстве ея.
4. Насладися г(осподе)ви, и дасть ти прошение с(е)рдца твоего.
5. Открыи къ г(оспод)оу поуть твои, и оуповаи нань, и с[о]творить.
6. И изведеть яко светъ правдоу твою, и соудбоу твою яко полоудне.
7. Повинися г(осподе)ви, и оумоли и. не ревноуи спеющемоу поутемь своимь,
ч(е)л(о)в(е)коу творящемоу законопрестоупление.
8. Престани от гнева, и остави ярость, не ревноуи, яко лоукавновати.
9. Зане лоукавноующии потребятся: терпящеи же г(оспод)а, тии наследять землю.
10. И еще мало, и не боудеть грешника: и възыщеши места его, и не обрящеши.
11. Кротции же наследять землю, и насладятся на множьстве мира.
12. Назираеть грешныи праведнаго, и поскрегчеть нань зоубы своими.
13. Г(оспод)ь же посмеется емоу, зане прозрить, яко прииде д(е)нь его.
14. Ороужье извлекоша грешници, напрягоша лоукъ свои, стреляти нища и
оубогаго, заклати правыя с(е)рдц(е)мь.
15. Ороужье ихъ внидет вь с(е)рдца ихъ, и лоуци ихъ с[о]кроушатся.
16. Лоуче мало праведникоу, паче богатъства грешных многа.
17. Яко мышца грешных с[о]кроушится, оутвержает же праведныя г(оспод)ь.
18. Свесть го(оспод)ь поути непорочных, и достоянье ихъ в векы боудеть.
19. Не постыдятся во время люто, и во дни глада насытятся:
яко грешници погыбноуть.
20. Врази же г(оспод)ни, коупно прославитися имъ и вьзьнести[ся],
исщезающе яко дымъ исщезоша.
21. Заемлеть грешникъ, и не възвращаеть, праведныи же милоуеть и даеть.
22. Яко бла(го)словящеи его наследять землю, кленоущеи же его потребятся.
23. От г(оспод)а стопы ч(е)л(о)в(е)коу исправятся, и поути его вьсхощеть зело.
24. Егда ся падеть и не разбьется, яко г(оспод)ь под[ъ]емлеть роукоу его.
25. Оунъ бехъ, и состарехся, и не видехъ праведника оставлена,
ни семяни его просяща хлеба.

26. Весь д(е)нь милоуеть, и взаемь даеть праведныи,
и семя его в бл(аго)с(ло)в(е)нии боудеть.
27. Оуклонися от зла, и створи бл(а)го, и живи въ векы века.
28. Яко г(оспод)ь любить соуд, и не оставить пр(е)п(о)д(о)бныхъ своихъ, в векы
схранятся: безаконници же ижьженоутся, и семя неч[ес]тивых потребится.
29. Праведници же наследять землю, и вселятся в векы века на неи.
30. Оуста праведнаго поучатся премоудрости, и языкъ его вьзг(лаго)леть соуд.
31. Законъ б(ог)а емоу вь с(е)рдце его, и не запноутся стопы его.
32. Сматряеть грешныи праведнаго, и ищеть оум(е)ртвити и:
33. Г(оспод)ь же не оставить его в роукоу его, ни осоудитъ же его,
егда соудити емоу.
34. Потерпи г(оспод)а и с[о]храни поути его, и вьзнесеть тя наследити землю:
егда потребятся грешници, оузриши.
35. Видехъ неч[ес]тиваго превозносящася и высящася яко кедры ливаньскыя:
36. И мимо идох, и се не бе, и възысках его, и не обретеся место его.
37. Храни незлобоу, и вижь правотоу, яко есть останокъ ч(е)л(о)в(е)коу мирноу.
38. Безаконници потребятся вкоупе, останьци же неч[ес]тивыхъ потребятся.
39. Сп(асе)нье же праведнымъ от г(оспод)а, и защититель имъ есть во время скорби:
40. И поможеть имь г(оспод)ь и избавить ихъ, и изметь их от грешник,
и сп(а)сеть ихъ, яко оуповаша нан(ь).

СЛАВА:

К А Ф И З М А Ш Е С Т А Я

ПСАЛОМ 37
1. Д(а)в(и)д(овъ), о споминании соуботе.

2. Г(оспод)и, не яростью твоею обличи мене, ни гневомъ твоимъ покажи мене:
3. Яко стрелы твоя оунзоша во мне, и оутвердилъ еси на мне роукоу твою.
4. Нес(ть) и[с]целения в плоти моеи, от лица гнева твоего.
нес(ть) мира в костехъ моихъ, от лица грехъ моихъ.
5. Яко безаконье мое превзидоша главоу мою, яко бремя тяжко отяготеша на мне.
6. Вьсмердешася и согниша раны моя от лица безоумья моего.
7. Пострадах и смирихся до конца, вес(ь) д)е)нь сетоуя хожахъ:
8. Яко лядвия моя наполнися пороугании, и нес(ть) и[с]целения вь плоти моеи.
9. Озлобленъ бых и смирихся до зела, рыках от вьздыханья с(е)рдца моего.
10. Г(оспод)и, пред тобою все желанье мое, и вьзъдыханье мое от тобе не оутаися.
11. С(е)рдце мое смоутися, остави мя сила моя, и светъ очию моею,
и тъ нес(ть) со мною.
12. Дроузи мои и искрении мои прямо мне приближишася и сташа:
13. Ближнии мои отдалече мене сташа, и ноужахоуся ищющеи д(у)ша моя,
ищющеи злая мне гл(агола)хоу соуетная, льстемь вес(ь) д(е)нь пооучахоуся.
14. Аз же яко глоух не слышах, и яко немь не отверзая оустъ своихъ:
15. И бых яко ч(е)л(о)в(е)къ не слыша, и [не] [и]мы[и] вь оустех своих обличения.

16. Яко на тя г(оспод)и оуповах, ты оуслышиши г(оспод)и б(ож)е мои.
17. Яко рех, да не когда порадоуют ми ся врази мои, внегда подвижастася
нози мои, на мя велеречевахоу.
18. Яко азъ на раны готовъ, и болезнь моя пред(о)мною есть воиноу.
19. Яко безаконья моя азъ вьзвещю, и попекоуся о гресе моемь.
20. Врази же мои живоуть, и оукрепишася паче мене, и оумножишас(я)
ненавидящеи мя бес правды.
21. Въздающе мне злая вьзъбл(а)гая, облыгахоу мя, зане гонях бл(а)гостыню.
22. Не остави мене г(оспод)и б(ож)е мои, и не отстоупи от мене:
23. Вонми в помощь мою, г(оспод)и б(ож)е сп(асе)ния моего.

ПСАЛОМ 38
1. Д(а)в(и)д(о)въ, в конець.

2. Рехъ: схраню поути моя, да не согрешю языкомь моимъ: положих оустомь
моимь хранило, егда вьстати на мя грешномоу.
3. Онемехъ и смирихся, и оумолчах от бл(а)гъ, и болезнь моя обновися.
4. Согреяся с(е)рдце мое во мне, и в пооучени моемь разгорится огнь:
г(лаго)лахъ языкомъ моимъ:
5. Скажи ми г(оспод)и кончиноу мою, и число днии моихъ, кое есть,
да разоумею, что лишюся азъ;
6. Се пядию изьмерены положилъ еси дни моя, и съставъ мои яко ничтоже
пред тобою: обаче всяческая соуета, всякъ ч(е)л(о)в(е)къ живыи.
7. Иде оубо образомь ходить ч(е)л(о)в(е)къ, обаче всоуе мятется:
съкрываеть, и не весть, комоу сбирает ея.
8. И ныне кто терпение мое, не г(оспод)ь ли; и съставъ мои оу тобе есть.
9. От всех безаконии моихъ избави мя, поношенье безоумномоу дал мя еси.
10. Онемехъ и не отверзохъ оустъ моихъ, яко ты створи.
11. Отими от мене раны твоя, от крепости бо роукы твоея азъ скончахся.
12. Въ обличении о безакон[и]и показалъ еси ч(е)л(о)в(е)ка, истаялъ еси яко
паоучиноу д(у)шю его: обаче всоуе всякъ ч(е)л(о)в(е)къ.
13. Оуслыши м(о)л(и)твоу мою г)оспод)и, и моленье мое вноуши, слезъ
моихъ не премолчиши: яко преселникъ азъ от тобе и пришлець,
якоже вси о(т)ци мои.
14. Ослаби ми, да почию, преже даже не отидоу, и ктомоу не боудо.

ПСАЛОМ 39
1. Д(а)в(и)д(о)въ, в конець.

2. Терпя потерпехъ г(оспод)а, и внят ми, оуслыша м(о)л(и)твоу мою:
3. И вьзведе мя от рова стр(ас)тии, и от бернья тименна, и постави на
камени нозе мои, и исправи стопы моя.
4. И вложив в оуста моя пес(нь) новоу, пение б(ог)а нашего. узрять
мнози и оубоятся, и оуповають на г(оспод)а.
5. Бл(а)ж(е)нъ моужь, емоуже есть имя г(оспод)не оупование его,
и не призре вь соуетная и неистовления ложная.

6. Многа створилъ еси ты г(оспод)и б(ож)е мои, чюдеса твоя,
и помышленьемь твоимь нес(ть) кто оуподобится тобе.
вьзвестих и г(лаго)лахъ, оумножишас(я) паче числа.
7. Жерт[в]ы и приношенья не вьсхоте, тело же свершилъ еси мне:
всесожжения и о гресех не взиска.
8. Тогда рехъ: се приидоу. вь свитьце книжнемь пишеть о мне:
9. Створити волю твою б(ож)е мои вьсхотех, и законъ твои посреде чрева моего.
10. Бл(а)говестих правдоу твою вь ц(е)ркви велице, се оустнама моима
не вьзбраню: г(оспод)и, ты разоуме.
11. Правдоу твою не скрых вь с(е)рдци моемь, истиноу твою и сп(асе)ние
твое рехъ, не потаихъ м(и)л(о)сть твою и истиноу твою от сонма многа.
12. Ты же г(оспод)и не оудали щедрот твоих от мене: м(и)л(о)сть твоя и
истина твоя воиноу застоуписта мя.
13. Яко одержаша мя злая, имже нес(ть) числа: яша мя безакония моя, и не
вьзмогох зрети: оумножишася паче власъ главы моея, и с(е)рдце мое остави мя.
14. Бл(а)говоли г(оспод)и избавити мя: г(оспод)и, в помощь мою вонми.
15. Да постыдятся и посрамятся вкоупе ищоущеи д(у)ша моя изяти ю:
да вьзвратятся вьспять, и постыдятся хотящеи мне злая.
16. Да приимоуть абие стоуд свои гл(аголя)щеи мне: бл(а)гоже, бл(а)гоже.
17. Да вьзрадоуются и вьзвеселятся о тобе вси ищоущеи тобе, г(оспод)и:
и рекоуть воиноу, вьзвеличится г(оспод)ь: любящеи сп(а)с(е)нье твое.
18. Аз же нищь есмь и оубогъ, г(оспод)ь приять мя: помощникъ мои, и
защититель мои еси ты, б(ож)е мои, не закости.

СЛАВА:

ПСАЛОМ 40
1. Д(а)в(и)д(овъ), в конець.

2. Бл(а)ж(е)нъ разоумеваяи на нища и оубога, вь д(е)нь лютъ избавить и г(оспод)ь:
3. Г(оспод)ь схранит и, и живить и, оубл(а)жить и на земли,
и не предасть его в роуце врагомь его.
4. Г(оспод)ь поможеть емоу на одре болезни его:
все ложе его обратилъ еси въ недоугъ его.
5. Азъ рехъ: г(оспод)и, помилоуи мя, исцели д(у)шю мою, яко согреших ти.
6. Врази мои реша злая мне: когда оумреть и погыбнеть имя его;
7. И въхожаше видети, въсоуе г(лаго)лаше с(е)рдце его, собра безаконье собе,
исхожеше вонъ, и г(лаго)лаше вкоупе.
8. На мя шептахоу вси врази мои, на мя помышляхоу злая мне.
9. Слово законопрестоупно възложиша на мя: еда спяи не приложит
вьскр(ес)ноути;
10. Ибо ч(е)л(о)в(е)къ мира моего, нан[ь] же оуповах, ядыи хлебъ мои,
вьзвеличи на мя пятоу.
11. Ты же г(оспод)и помилоуи мя, и въскр(е)си мя, и въздамъ имъ.

12. О семь познах, яко вьсхоте мя, яко не възрадоуется врагъ мои о мне.
13. Мене же за незлобие приятъ, и оутвердил мя еси пред собою въ векъ.
14. Бл(а)г(о)с(ло)в(е)нъ г(оспод)ь б(ог)ъ израилевъ от века, и до века:
боудет, боудет.

Дата добавления: 2014-11-25