I. ТОДЛТН. Кезә чигн эрүл-мендән батлх кергтә

II. УМШТН

Күүнә эрүл-мендд юн олзта?

Кезә чигн эрүл-мендән батлх кергтә. Энүнә төлә цогц-махмудан чаңһатн. Өрүн болһн физзарядк кетн. Цевр аһар киилтн. Киитн усар көл-һаран бүдлтн, чиирг болтн. Киитн цевр аһарт наадтн. Үвлд цанар, конькиһәр, лыжар доштн. Дошсн цагтан гиигн хувц өмстн.

Үвләр киитн ус уухмн биш. Догшн салькта киитнлә дошхмн биш. Кииһән хамрарн автн.

Зуна халун өдрмүдлә сул цаһан хувц өмсх кергтә. Зуна цагт бичкдүд нурһлҗ һаза бәәнә. Халун нарнас толһаһан саглх кергтә. Иим өдрмүдт толһадан гиигн махла зүүх кергтә.

Зуни цагт уснд яһж өөмх кергтә?

Өдрт нег дәкҗ өөмҗ болҗана. Уснд өөмсн цагтан 5-10 минутас үлү бәәхмн биш. Уснд уданар өөмхлә, күн чинәһән алдна, толһа өвднә. Уснас һарад, махмудан хүүрә кенчрәр сәәнәр арчх кергтә. Сүүдртә һазрт 15-20 минутд амрх кергтә. Көлстә бийәрн уснд орхмн биш, юңгад гихлә күн царцна, гем-шалтг ирнә.

Түүҗ умштн:

1. Эрүл-мендән батлхин төлә ю кех кергтә?

2. Үвләр бийән царцлһнас яһҗ саглх кергтә?

3. Зунын цагла халун нарнас яһҗ саглх кергтә?

4. Өөмсн цагт бийән яһҗ чикәр бәрх кергтә?

Сурврмудт хәрү өгтн:

1. Эрүд-менд бәәхин төлә ю кех кергтә?

2. Махмуд чиирг болхин төлә ю кех кергтә?

3. Ямаран аһар киилхд олзта?

4. Үвләр ямаран наадд цогц батрулна?

5. Уснд юңгад удан бәәхмн биш?

*Көдлмшин девтрәр көдллһн.

Зуни цагт эрүл-мендән батруллһн

Рис детского лагеря.

рис. лес

рис. река

урһа модд һол

рис. горы рис. дети

уул күүкд

Зургуд хәләтн.

• Зургт юн зурата?

• Лагерь ямаран һазрт бәәнә?

• Эн күүкд ю кеҗәнә?

Дата добавления: 2014-11-06