Замежная палітыка Рэспублікі Беларусь

Як адна з краін-заснавальніц ААН, Беларусь выступала афіцыйным суб’ектам міжнароднага права з 1946 г. Суверэнітэт БССР у пытаннях замежнай палітыкі насіў, аднак, дэкларатыўны характар. Дзеянні БССР на міжнароднай арэне напрамую вызначаліся Масквой і падпарадкоўваліся задачам і прыярытатам замежнай палітыкі Савецкага Саюза.

Фактычна толькі пасля 1991 г. Беларусь атрымала магчымасць стаць паўнавартасным супольнікам на міжнароднай арэне. На сенняшні дзень незалежнасць РБ прызнана з боку больш чым 130 краінаў Свету. У якасці раўнапраўнага супольніка РБ прынята ў Міжнародны Валютны Фонд, Міжнародны банк рэканструкцыі і развіцця.

4 лютага 1993 г. Вярхоўны Савет Беларусі ратыфікаваў Дагавор аб скарачэнні і абмежаванні стратыгічных наступальных узбраенняў. Рэспубліка Беларусь стала першай краінай Свету, якая дабраахвотна адмаўлялася ад разбуральнай зброі. Гэта акцыя была высока ацэнена міжнароднай суполььнасцю і ўзняла аўтарытэт Беларусі. У 1994 г. з афіцыяльным візітам РБ наведаў прэзідэнт ЗША Б.Клінтан.

Паводле згаданага дагавора Беларусь вывезла са сваёй тэрыторыі на тэрыторыю Расійскай Федэрацыі усе стратэгічныя ядзерныя баегалоўкі і тым самым далучылася да дагавору 1968 г. аб непашырэнні ядзернай зброі. Прынятая ў канцы 1992 г. Вярхоўным Саветам праграма рэарганізацыі ўзброеных сілаў прадугледжвала скарачэнне беларускага войска з 130 да 60 тыс.чал., адмову ад валодання ядзернай зброяй і наданне Беларусістатуса нейтральнай дзяржавы. 5 снежня 1994 г. у Будапешце на сустрэчы кіраўнікоў дзяржаў і урадаў АБСЕ (структура еўрапейскага Саюза) падпісаны мемарандум аб гарантыях бяспекі Беларусі, Казахстана і Беларусі. Дакумент падпісалі Расія, ЗША, Вялікабрытанія, Паўночная Ірландыя.

На сучасным этапе ў замежнай палітыцы РБ прыярытэтным накірункам з’яўляецца ўсходні (краіны СНД, арабскага Бліжняга Усходу, Венесуэла, Кітай), часткай якога з’яўляецца курс на збліжэнне з Расіяй.

У 1995 г. паміж Беларуссю і Расіяй падпісаны дагавор аб дружбе, дабрасуседстве і супрацоўніцтве, які паслужыў падставай для будучых пагадненняў аб ваенным супрацоўніцтве і мытным саюзе. 2 красавіка 1996 г. падпісана Дамова аб Садружнасці Беларусі і Расіі. Грамадзянам абедзьвюх краін дэклараваліся роўныя правыў атрыманні адукацыі, ахове здароўя, працашладкаванні. Ствараўся Вышэйшы Савет Супольнасці, старшынёй якога стаў прэзідэнт Беларусі А. Лукашэнка. У дакуменце Статута саюза Беларусі і Расіі (1997) прадугледжвалася глыбокая інтэграцыя абедзвюх краін (агульнае грамадзянства, агульная эканамічная прастора). 8 снежня 1999 г. у Маскве падпісаны дагавор аб стварэнні саюзнай Дзяржавы. У ім меўся пункт аб увядзенні адзінай валюты з 2005 г.

Супрацьлеглым бокам замежнай палітыкі РБ ёсць пагаршэнне адносін з краінамі ЕС і ЗША.

Дата добавления: 2015-06-30