Тэма: Вымаўленне гука [ц']

Тып урока: традыцыйны.

Мэты:

· пазнаёміць вучняў з вымаўленнем мяккага гука [ц'], яго асаблівасцямі;

· адпрацоўваць правільнае вымаўленне гука [ц'], практыкаваць ў арфаэпічна правільным чытанні слоў і тэкстаў;

· пашыраць фанематычны слых, слоўнікавы запас, памяць вучняў;

· вучыць працаваць у групах;

· выхоўваць патрэбу ў авалоданні мовай як сродкам зносін, вучыць дабрыні, супрацоўніцтву.

Абсталяванне: магнітафон, малюнкі, лялька, карцінкі для работы ў групах.

Ход урока

I. Арганізацыйны момант

- Паглядзіце адзін на аднаго, скажыце ветлівыя словы.

II. Праверка дамашняга задання

Работа у парах

- Ці выканаў сусед заданне?

III. Чыстапісанне

IV. Паведамленне тэмы ўрока

- Да нас завітаў хлопчык Гук (паказаць ляльку альбо малюнак) i прынёс нам казку пра сябе. Але які гэта гук, вы даведаецеся, калі паслухаеце яе. (Настаўнік чытае практ. 38, с. 17.)

- Дык які гэта гук?

- Гэта i будзе тэма нашага урока.

V. Работа па тэме урока

- Адгадайце загадку:

Маленькія лапкі, на лапках царапкі,

Ціхенька ступае, мышак выглядае. (Коцік.)

(Загадку запісаць на дошцы i знайсці літару ц.)

2) Вусная работа. Практ. 39, с. 17.

- Чаму плакаў коцік?

- Хто яго пакрыўдзіў?

- Ці добра зpaбiў кухар?

Слоўнікавая работа:

кухар — повар.

3) Работа ў сшытках. Практ. 40, с. 18.

- Што павінен быў зрабіць кухар? (Папрасіць прабачэння.)

- Успомніце гэтыя словы, аб ix гаворыцца ў практ. 40, с. 18 (пісьмова).

VI. Фізкультхвілінка(пад музыку)

Раз-два-тры-чатыры — (Дзеці крочаць на месцы.)

Коцік вушкі натапырыў. (Крочаць, паказваюць вушкі коціка.)

Ідзе з лесу воўк, воўк,

I зубамі шчоўк, шчоўк.

(Ідуць паходкай воўка, раскрываюць рот на словы «шчоўк, шчоўк» —

можна i вымаўляць гэтыя словы.)

Мы схаваліся ў кусты:

Коцік, я, i ты, i мы.

(Прысядаюць на кукішкі i лічацъ, паказваючы на кожнага рукой.)

Ты ж, ваўчына, пачакай,

Як схаваемся — шукай.

(Паграджаюць пальчыкам, на слова «шукай» нахіляюць галаву на рукі.)

VII. Замацаванне

1. Работа ў парах, гульнявы момант

Практ. 41, с. 18.

2. Работа ў групах (заданні запісаны на картках).

1 група. Запісаць сказы, словы ў дужках змяніць па сэнсе:

Пошту прывезлі на (самалёт).

Мой бацька працуе ў (шахта).

2 група. Змяніць словы па ўзоры:

масты — мосцікі                білеты — ...

кусты — ...                          вінты — ...

каты — ...

3 група.  Практ. 43, с. 19.

(Праверыць работу ўcix груп.)

VIII. Вынік урока. Рэфлексія

- Як вымаўляецца гук [ц']?

- Падарыце хлопчыку Гуку тварыкі з настроем, які быў у вас на ўроку.

- Малайцы! Працавалі вы ўсе зладжана.

IX. Дамашняе заданне

Практ. 42.

Дата добавления: 2023-11-03