I. ТОДЛТН. Нарн зөвәр деегшән һарч одсн цаг

II. УМШТН

Дорҗ теңгст ю үзв?

Нарн зөвәр деегшән һарч одсн цаг. Дорҗ теңгсин көвәд күрәд ирв. Теңгс соньмсҗ хәләв. Энүг кедү хәләвв чигн күүнә бах ханхш. Теңгс нег бәәдләр бәәхш. Зәрмдән ә-чимән уга тагчг болна, зәрмдән шуугҗ дольгална. Өндр дольган эргән цокна. Иим цагла теңгс ик әәмшгтә. Салькн тогтнхла, теңгс номһрад, уснь налаһад, көкрәд одна. Теңгс олн соньн нуувч хадһлна.

Нег өрүн Дорҗ теңгст өөмхәр шиидв. Арһул саглҗ уснд орв. Теңгсин уснд олн зүсн соньн юмн үзгдв. Дорҗ үкс булхад, теңгсин йорал шинҗлв. Түрүн болҗ олн зүсн өңгтә җирмәхәс үзв. Җирмәхәс Дорҗас зулв. Теңгсин цегән усна һатцас йорал сәәнәр үзгднә. Йоралд кевтх чолудын зәрмснь йир сәәхн бәәдлтә. Теңгсин уснд бәәдг олн зүсн урһмл күриһәд үзгдҗәх ө-шуһу модд болҗ медгднә.

Цааранднь хәләһә бәәтл ик чигн хавхнт үзгдв. Дорҗ энүнәс әәсн уга. Энүгәр эн икәр соньмссн уга. Дорҗд теңгсин мөрд икәр таасгдв. Көвүнүр цөөкн теңгсин мөрд, хоңшаран шовалһчкад, өөрдҗ йовна. Бийүрн аашсн теңгсин мөрд үзчкәд, Дорҗ йир икәр байрлв. Көвүнә цуглулсн коллекцд һанцхн хатмл теңгсин мөрн билә. Эн мөрдәс негинь бәрҗ авхла йир сән болх билә, гиҗ Дорҗ ухалв. Уснд булххар седсн кемлә эцкнь эрг деерәс дуудв:

– Дорҗ, хама бәәнчи? Би чамаг кесгтән хәәвв. Удлго керм йовн гиҗәнә. Чамаг уснд өөмә бәәтл, кермәсн дутн гиҗәнәвидн. Үкс гиҗ һарч ир! – гисн дун соңсгдв.

Эцкиннь ду соңсчкад:

– Не, не. Ода хувцан өмсч бәәнәв, – гиҗ Дорҗ хәәкрв. Эн үкс гиҗ чиигтә махмуд деерән хувцан өмсәд, эцк талан гүүһәд һарв.

Сурврмудт хәрү өгтн:

1. Теңгс бәәдлән яһҗ сольна?

2. Дорҗ уснд булхад, түрүн болҗ ю үзв?

3. Дорҗиг хавхнт соньмсулв?

4. Көвүн ю үзчкәд байрлв?

5. Теңгсин мөрд юңгад энүг соньмсулв?

6. Дорҗ эцктәһән юн деер суухар адһв?

*Көдлмшин девтрәр көдллһн.

Кермәр йовлһн

Рис реки, на реке пароходы, баржи. По обеим берегам лес, селения.

Дата добавления: 2014-11-06