Кондак 4

Икос 3

Имущи велию веру Промыслу Божию, чужда бе ропоту душа твоя, мати всечестная, и, яко злато в горниле, испыта тя Господь скорбьми и болезнию многолетнею. Ты же, не чающи себе исцеления, молитву сердечную творила еси, Всесильнаго Бога, спасшаго тя, непрестанно восхваляющи. Сего ради приими от нас пение сие:

Радуйся, агнице, козни лукаваго мужественно претерпевшая;
Радуйся, крест болезней с кротостию вземшая.

Радуйся, от мира суетнаго недугом избавленная;
Радуйся, врачми земными оставленная.

Радуйся, Христа утешением имевшая;
Радуйся, во псалмех его воспевавшая.

Радуйся, Псалтирь источником радования именовавшая;
Радуйся, молитве Иисусовой со тщанием прилежавшая.

Радуйся, страждущим сострадательнице благосердая;
Радуйся, об унывающих молитвеннице усердная.

Радуйся, недужных телес врачевание;
Радуйся, отчаянных душ упование.

Радуйся, Анастасие, царственная княгине, венцем преподобия увенчанная.

Бурею недоумения движима, мати многострадальная, во южныя страны отправилася еси, лечения ради недуга твоего, обаче ничтоже возможе исцелити тя. На пути же паки в землю Русскую восхотела еси поклонитися Горе Афонстей, взывающи к Пречистей Владычице удела сего: Аллилуия.

Дата добавления: 2015-06-26