И ныне и присно и во веки веков. Аминь

Бог создал на Земле два самых прекрасных существа – женщину и мужчину. И задумал так, чтобы они взаимно дополняли друг друга, а не противостояли. В наших различиях заключена - наша сила, красота и гармония. Мы живем для того, чтобы подарить своему спутнику счастье. Но как это сделать?

Космические секреты радостной и здоровой жизни

На нашем тренинге Вы узнаете о том, по каким правилам строятся идеальные отношения между мужчиной и женщиной и как их создавать, как найти партнера и создать счастливую семью, в которой и дети вырастут счастливыми. Ведь и наши дети – индивидуальности, к которым возможно применить эти законы, тем самым не подавляя их излишней заботой, ограничивая в получении бесценного жизненного опыта, позволяя им самим найти свое место в этой жизни!

Тебе жизненно необходимо ЭТО, если:

· Ты не чувствуешь себя яркой, прекрасной и соблазнительной…

· Ты даешь больше, чем получаешь…

· Мужчина тебя не ценит…

· Ты проводишь вечера в одиночестве…

· Он пропадает без объяснений после второго свидания…

· Его все устраивает, а ты хочешь все изменить…

В программе тренинга:

* Секреты счастья * – 12 золотых правил жизни - Секреты радостной и здоровой жизни. Вы узнаете о том, по каким правилам строятся идеальные отношения между мужчиной и женщиной и как их создавать.

* Женские и мужские премудрости * - Совсем не та женщина любима, что сама может оплатить свой счет или вытащить машину из кювета. Мужчин влечет лишь к той, которая является соблазнительной любовницей, понимающей подругой и вдохновляющей музой!

А также:

· Дефиле. Привлекательная походка.

· Техника «Сексуальный крючок».

· 5 магических взглядов на привлечение мужчин.

· Комплекс «Сила Солнца» - Специальные упражнения древней йоги для омоложения, коррекции фигуры, развития силы, гибкости и выносливости.

· Практика «Источник женской силы» - Вы оздоровитесь, наполнитесь красотой и молодостью, вы почувствуете свою женскую сущность.

· Практика «Круг женской личной силы» - у величение своей женской силы.

· Практика «Яростная Богиня» - Возвращение гармонии, энергии и силы для достижения успеха.

· Упражнение «Астроудар» - Избавление от накопившейся энергии за день, избавление от своих слабостей и недостатков

· Практика «Прощение себя»- Очищение сердца и души от обид накопившихся за жизнь.

С собой: блокнот, ручку, каблуки, набор декоративной косметики

Тренинг проводит Адая Багратиони

· психолог по вопросам межличностных взаимоотношений

· тренер личностного роста и личной эффективности

· тренер женских практик по развитию женственности, сексуальности

· тренер оздоровительных практик

· создатель авторских методик

Опыт работы с людьми 22 года

В настоящий момент:

· Основатель и руководитель центра развития творчества и самопознания «МирОтворение»

· Руководитель клуба «Академия женского счастья Адаи Багратиони»

· Автор уникального курса для женщин «12 шагов в создании гармоничных отношений»

Контактный телефон:

Богоро́дичен: Д у́шу мою́, Де́во, смире́нную,/ бу́рею жития́ искуше́ний ны́не я́ко кроме́ управле́ния бы́вшую,/ потопля́емую волна́ми, грехо́в бре́менем я́вльшуся преиспо́лнену/ и во дно а́дово приити́ бе́дствующу,/ предвари́, Богоро́дице, моли́тв Твои́х ми́лостию,/ тишину́ подаю́щи и бед изыма́ющи./ Приста́нище бо Ты еси́ небу́рное,/ моля́щися Сы́ну Твоему́ и Бо́гу/ прегреше́ний оставле́ние дарова́ти ми:// Тя бо и́мам наде́жду, недосто́йный раб Твой.

Песнь 4:

Кано́н Богоро́дицы, глас 1:

Хор:

Ирмо́с: Услы́шах, Го́споди,/ слух Твоего́ смотре́ния/ и просла́вих Тя,// Еди́не Человеколю́бче. (Дважды)

Припе́в: Пресвята́я Богоро́дице, спаси́ нас.

Тропа́рь: Я зв мои́х душе́вных, Влады́чице, и пло́тских неду́гов,// Бо́га ро́ждшая, разреше́ние пода́ждь ми. (Дважды)

Припе́в: Пресвята́я Богоро́дице, спаси́ нас.

Тропа́рь: О т обстоя́ния изба́ви мя, Ма́ти Бо́жия,// и бу́ри, и бед Твои́ми моли́твами, Еди́на Всепе́тая.

Припе́в: Пресвята́я Богоро́дице, спаси́ нас.

Тропа́рь: О бурева́ема волна́ми жите́йскими исхи́ти, Де́во,// ко Твоему́ приста́нищу наставля́ющи мя.

Пе́рвый кано́н святи́телей, глас 1:

Припе́в: Святи́телие Христо́вы Васи́лие, Григо́рие и Иоа́нне, моли́те Бо́га о нас.

Тропа́рь: Р азу́мливы от ни́жния му́дрости бы́вше,/ правле́ние, пресла́внии, от Боже́ственныя стяжа́сте,// те́мже, я́ко рабы́ню, сию́ о́ной всему́дре покори́сте. (Два́жды)

Припе́в: Святи́телие Христо́вы Васи́лие, Григо́рие и Иоа́нне, моли́те Бо́га о нас.

Тропа́рь: Л юбому́дрии, му́дрыя а́ще лю́бите, умудри́теся/ и глаго́лати научи́теся вси, и́же словесе́м чудя́щиися,// дея́ния опа́сству и виде́ния отту́ду обуча́ющеся.

Припе́в: Пресвята́я Богоро́дице, спаси́ нас.

Богоро́дичен: Я́ ко по́зден дождь, напоследи́ бы́вый, у́тренний,/ вод и веко́в Соде́тель, во чре́во Твое́ ука́нув, Всенепоро́чная,// во вре́мя прохлажда́яй оскудева́ющия.

Второй кано́н святи́телей, глас 8:

Припе́в: Святи́телие Христо́вы Васи́лие, Григо́рие и Иоа́нне, моли́те Бо́га о нас.

Тропа́рь: С толп о́гнен, лю́дем ве́рным предваря́ющий и опаляя́ющий враги́ ве́ры,/ племена́ же спаса́яй, изве́стно после́дующия,/ Вели́кий яви́ся Васи́лий,/ да дерза́ет и побежда́ет Христо́ва Це́рковь,// толи́ким обогати́вшися побо́рником.

Припе́в: Святи́телие Христо́вы Васи́лие, Григо́рие и Иоа́нне, моли́те Бо́га о нас.

Тропа́рь: Я зы́ка сла́дость и слу́ха вся́каго услажде́ние,/ твое́ сло́во бысть, Григо́рие,/ ма́нна жи́зни, роса́ сла́дкости, мед, и́же из ка́мене,/ А́нгельский хлеб Небе́сный, несы́тно насыща́тися услажде́ния его́ увещева́я// и исполня́яй сла́дости причаща́ющияся.

Сла́ва Отцу́ и Сы́ну и Свято́му Ду́ху.

Тропа́рь: Р ека́ дарова́ний духо́вных напо́лнися да́же и до разли́тия,/ и до́брое лице́ земли́, я́ко сла́достный пото́к,/ от златы́х напая́ет уст, веселя́щи и утучня́ющи Христо́в вся́кий град// Боже́ственных волн струя́ми.

И ны́не и при́сно и во ве́ки веко́в, ами́нь.

Богоро́дичен: Е стество́, про́сто стерпе́вшее сложе́нию/ и я́вльшееся вы́шше сли́тия в Твое́м, Влады́чице, Сы́не,/ трие́ Богоно́снии учи́телие испове́даша, от двою́ во́лю и сугу́баго де́йства,// сугу́ба по естеству́ пропове́давше.

Катава́сия Сре́тения, глас 3:

Хор: Покры́ла есть небеса́ доброде́тель Твоя́, Христе́,/ из киво́та бо проше́д святы́ни Твоея́ нетле́нныя Ма́тере,/ в хра́ме сла́вы Твоея́ яви́лся еси́/ я́ко младе́нец руконоси́мь,// и испо́лнишася вся́ Твоего́ хвале́ния.

Песнь 5:

Кано́н Богоро́дицы, глас 1:

Хор:

Ирмо́с: Све́та Пода́телю/ и веко́в Тво́рче, Го́споди,/ во све́те Твои́х повеле́ний наста́ви нас:// ра́зве бо Тебе́, ино́го бо́га не зна́ем. (Дважды)

Припе́в: Пресвята́я Богоро́дице, спаси́ нас.

Тропа́рь: О ру́жие непобеди́мое на разли́чная искуше́ния вра́жия иму́ще,/ вся́каго вражде́бных озлобле́ния избавля́емся при́сно,// и́же Тя, Богоро́дицу Чи́стую, ве́дущии. (Дважды)

Припе́в: Пресвята́я Богоро́дице, спаси́ нас.

Тропа́рь: З ако́на исполне́ние, я́же вы́шшая Херуви́мов,/ родила́ еси́ Бо́жия из Тебе́ воплоще́нна Сы́на Единоро́дна,// Его́же о рабе́х Твои́х умоли́.

Припе́в: Пресвята́я Богоро́дице, спаси́ нас.

Тропа́рь: В ся́ческих Творца́ на руку́ Твое́ю поне́сши,/ Сего́ нам Твои́ми моли́твами благопреме́нна дава́й,// ны́не от се́рдца к Тебе́ прибега́ющим.

Пе́рвый кано́н святи́телей, глас 1:

Припе́в: Святи́телие Христо́вы Васи́лие, Григо́рие и Иоа́нне, моли́те Бо́га о нас.

Тропа́рь: Т ы исто́чник Твои́х дарова́ний испи́ти весьма́, Человеколю́бче, дал еси́ святы́м,/ ума́лен ника́коже истоща́нием, мир же весь упои́в// и́же от чре́ва их Боже́ственными пото́ки.

Припе́в: Святи́телие Христо́вы Васи́лие, Григо́рие и Иоа́нне, моли́те Бо́га о нас.

Тропа́рь: Ч то́ ми зла́то?/ Что́ ми бога́тство, и сла́ва, и могу́тство?/ Ды́мове, расходя́щиися по возду́ху:/ вся да исче́знут, вся да прено́сит ветр.// Мне бога́тство еди́но многорачи́тельно – учи́телей тро́ица вити́йствующая.

Припе́в: Святи́телие Христо́вы Васи́лие, Григо́рие и Иоа́нне, моли́те Бо́га о нас.

Тропа́рь: Т о́чит река́ нетле́нную пи́щу и Боже́ственное питие́,/ то́чит а́лчущим безсме́ртное бра́шно и жа́ждущим нетле́нное питие́,/ вода́ жива́ во ве́ки и содержа́щая жи́вы пию́щия:// вси многотеку́щия жи́зни насы́титеся.

Припе́в: Пресвята́я Богоро́дице, спаси́ нас.

Богоро́дичен: И мя́ше кре́пость на ны зло́ба, но не в коне́ц:/ изнемо́же бо по Де́ве, в кре́пости Си́льнаго ро́ждшей,// подъе́мшаго плотску́ю не́мощь и си́льнаго в зло́бе умертви́вша.

Второй кано́н святи́телей, глас 8:

Припе́в: Святи́телие Христо́вы Васи́лие, Григо́рие и Иоа́нне, моли́те Бо́га о нас.

Тропа́рь: И́ же Боже́ственных веще́й и челове́ческих му́дрыя хитрецы́,/ и́же су́щих естества́ любои́стинне я́ве нам извести́вшия/ и Зижди́теля тех всем сказа́вшия я́ко ле́по,// благода́рными гла́сы восхва́лим.

Припе́в: Святи́телие Христо́вы Васи́лие, Григо́рие и Иоа́нне, моли́те Бо́га о нас.

Тропа́рь: Г о́рькое и те́рпкое я́же ко спасе́нию лече́б/ услади́ша му́дрыми слове́с уче́ньми же, и хитростьми́, и благода́тьми,/ душ Боже́ственнии лечи́телие:// наслажда́йтеся, вси благочести́вии, и, красу́еми, спаса́йтеся.

Сла́ва Отцу́ и Сы́ну и Свято́му Ду́ху.

Тропа́рь: М олчи́т вся́ко сло́во, Богопропове́дником глаго́лющим Боже́ственная,/ и удержава́ет над Ве́тхим заве́том Но́вый,/ предлага́ющий честны́я скрижа́ли, и́же в нем законополага́ющих,// к ни́мже причита́ется все ве́рных сосло́вие.

И ны́не и при́сно и во ве́ки веко́в, ами́нь.

Богоро́дичен: Б езсме́ртное естество́ сме́ртное претече́ во святы́ню,/ и Де́ва Отрокови́ца безпло́тныя А́нгелы превзы́де,/ я́ко Бо́га ро́ждшая, Царя́ А́нгельскаго,// на Него́же зре́ти о́нем невозмо́жно.

Катава́сия Сре́тения, глас 3:

Хор: Я́ко ви́де Иса́иа обра́зно/ на Престо́ле превознесе́на Бо́га,/ от а́нгел сла́вы дориноси́ма,/ о окая́нный, вопия́ше, аз:/ прови́дех бо воплоща́ема Бо́га,// Све́та Невече́рня, и ми́ром влады́чествующа.

Песнь 6:

Кано́н Богоро́дицы, глас 1:

Хор:

Ирмо́с: В бе́здне грехо́вней валя́яся,/ неизсле́дную милосе́рдия Твоего́ призыва́ю бе́здну:// от тли, Бо́же, мя возведи́. (Дважды)

Припе́в: Пресвята́я Богоро́дице, спаси́ нас.

Тропа́рь: С пасе́ния приста́нище ве́дый тя, пла́вая многопеча́льнаго жития́ пучи́ну,/ призыва́ю Тя, Влады́чице,// Ко́рмчая души́ мое́й бу́ди. (Дважды)

Припе́в: Пресвята́я Богоро́дице, спаси́ нас.

Тропа́рь: Ч и́стаго жития́ отпадо́х ле́ностьми, окая́нный,/ но возведи́, Благослове́нная Всечи́стая,// повеле́нием Сы́на Твоего́ сочета́вши.

Припе́в: Пресвята́я Богоро́дице, спаси́ нас.

Тропа́рь: М и́лости Твоея́, Богоро́дице, сподо́би мя,/ премии́лостиваго Сло́ва поро́ждшая,// И́же Свое́ю кро́вию от тли челове́ки изба́вльшаго.

Пе́рвый кано́н святи́телей, глас 1:

Припе́в: Святи́телие Христо́вы Васи́лие, Григо́рие и Иоа́нне, моли́те Бо́га о нас.

Тропа́рь: С во́йства в Тро́ице три сбогосло́вите:/ нерожде́ние Отца́, Сло́ва же рожде́ние// и Ду́ха исхожде́ние Сама́го.

Припе́в: Святи́телие Христо́вы Васи́лие, Григо́рие и Иоа́нне, моли́те Бо́га о нас.

Тропа́рь: Д несь до́му сему́ светоявле́нное спасе́ние:/ два бо и три собра́нныя Христо́с, во И́мя Свое́ почеству́яй,// посреде́ прису́тствует сих.

Припе́в: Святи́телие Христо́вы Васи́лие, Григо́рие и Иоа́нне, моли́те Бо́га о нас.

Тропа́рь: Н еиспы́танна земна́я глубина́ к Небе́сной высоте́,// но от земли́ святы́я вознесе́ вы́шше небе́с, Небе́сное жела́ние.

Припе́в: Пресвята́я Богоро́дице, спаси́ нас.

Богоро́дичен: Н ов Тя исто́чник, Де́во,/ и вину́ та́ин иму́ще, трие́ Богоглаго́льницы// но́выми предложе́ньми новоле́пное прили́чествует нарече́ние.

Второй кано́н святи́телей, глас 8:

Припе́в: Святи́телие Христо́вы Васи́лие, Григо́рие и Иоа́нне, моли́те Бо́га о нас.

Тропа́рь: Т ро́ицу еди́нственную богосло́вити научи́хомся,/ Еди́ницу Тро́ичную пе́ти прия́хом,// покланя́тися навыко́хом от отце́в Еди́ному Естеству́ Триипоста́сному.

Припе́в: Святи́телие Христо́вы Васи́лие, Григо́рие и Иоа́нне, моли́те Бо́га о нас.

Тропа́рь: С ло́во бе в нача́ле, ко Отцу́ Собезнача́льное,/ и Дух Бо́жий Бог бе Пребезнача́льный,/ про́сто, единосу́щно, соесте́ственно Божество́,// я́ко Боже́ственнии глаго́лют пропове́дницы.

Сла́ва Отцу́ и Сы́ну и Свято́му Ду́ху.

Тропа́рь: С овокупля́ю, и разделя́ю, я́же совокупле́нне разделя́емая,/ Еди́но Неразде́льно помышля́ю, и Три мню:// учи́тели прие́млю три Богоно́сныя, та́ко увеще́вающия мя ве́ровати.

И ны́не и при́сно и во ве́ки веко́в, ами́нь.

Богоро́дичен: Б езма́терний пре́жде пло́ти,/ безо́тчий же по воплоще́нии,/ Сын О́тчий и Ма́терний, и́же сия́ нарица́яй па́че ума́ обоя́:// Бо́гу бо подоба́ет чуде́с пресла́вная.

Катава́сия Сре́тения, глас 3:

Хор: Возопи́ к Тебе́ ви́дев ста́рец очи́ма спасе́ние,/ е́же лю́дем прии́де от Бо́га,// Хри́сте, Ты Бог мой.

Ектения́ ма́лая:

Диа́кон: П а́ки и па́ки ми́ром Го́споду помо́лимся.

Хор: Г о́споди, поми́луй.

Диа́кон: З аступи́, спаси́, поми́луй и сохрани́ нас, Бо́же, Твое́ю благода́тию.

Хор: Г о́споди, поми́луй.

Диа́кон: П ресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор: Т ебе́, Го́споди.

Иере́й: Ты бо еси́ Ца́рь ми́ра и Спас душ на́ших, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор: А ми́нь.

Конда́к святи́телей, глас 2:

С вяще́нныя и Боговеща́нныя пропове́дники,/ верх учи́телей, Го́споди,/ прия́л еси́ в наслажде́ние благи́х Твои́х и упокое́ние:/ труды́ бо о́нех и смерть прия́л еси́ па́че вся́каго всепло́дия,// Еди́не прославля́яй святы́я Твоя́.

И́кос:

К то дово́лен своя́ устне́ разве́рзти/ и подви́гнути язы́к к ды́шущим огне́м си́лою Сло́ва и Ду́ха?/ Оба́че толи́ко рещи́ дерзну́:/ я́ко все преидо́ша челове́ческое естество́ си́и трие́ мно́гими и вели́кими дарова́ньми,/ дея́нием же и виде́нием, по обоему́ све́тлы превозше́дше./ Те́мже зело́ вели́ких даро́в ты́я сподо́бил еси́,/ я́ко ве́рныя Твоя́ служи́тели,// Еди́не прославля́яй святы́я Твоя́.

Песнь 7:

Кано́н Богоро́дицы, глас 1:

Хор:

Ирмо́с: О́бразу злато́му, на по́ле Деи́ре служи́му,/ трие́ Твои́ о́троцы небрего́ша безбо́жнаго веле́ния,/ посреде́ же огня́ вве́ржени, ороша́еми поя́ху:// благослове́н еси́, Бо́же оте́ц на́ших. (Дважды)

Припе́в: Пресвята́я Богоро́дице, спаси́ нас.

Тропа́рь: Н а Кресте́ пригво́ждся, И́же из Тебе́ Воплоти́выйся, Богороди́тельнице,/ Ада́мово раздра́ рукописа́ние./ Его́же ны́не моли́, Всенепоро́чная,/ всех бед изба́витися ве́рою зову́щим:// благослове́н еси́, Бо́же оте́ц на́ших. (Дважды)

Припе́в: Пресвята́я Богоро́дице, спаси́ нас.

Тропа́рь: Н аде́жда блага́я, Засту́пница же ве́рных еси́, Владычице,/ и ны́не мо́лимся Тебе́, дарова́ти сострада́тельства пучи́ну всем,/ на Тя упова́ющим и Сы́ну Твоему́ зову́щим:// благослове́н еси́, Бо́же оте́ц на́ших.

Припе́в: Пресвята́я Богоро́дице, спаси́ нас.

Тропа́рь: К ра́сною оде́ждею спаси́тельных за́поведей, креще́нием оде́явся,/ оскверни́х ле́ностию, окая́нный,/ ны́не же Ти притека́ю, Де́во,// оде́ждею прося́ весе́лия Тобо́ю па́ки облещи́ся.

Пе́рвый кано́н святи́телей, глас 1:

Припе́в: Святи́телие Христо́вы Васи́лие, Григо́рие и Иоа́нне, моли́те Бо́га о нас.

Тропа́рь: П обежда́ется, блаже́ннии, и отбега́ет я́же пре́жде непостоя́нная де́рзость ересе́й:/ воск же, растаява́емый от лица́ огня́,/ любоде́ичное вся́кое уче́ние показу́ется,// ва́шим приража́ющееся огнедохнове́нным веща́нием. (Два́жды)

Припе́в: Святи́телие Христо́вы Васи́лие, Григо́рие и Иоа́нне, моли́те Бо́га о нас.

Тропа́рь: Л жи́вых у́бо уклони́шася е́ллинских буесло́вий,/ увеще́ние же томи́тельство, е́же в челове́цех, еди́но избра́ша,/ под ни́мже и́стину си́и трие́ утверди́вше,// си́це весь сонм ве́рных побежда́ют словесы́ и увещева́ют.

Припе́в: Пресвята́я Богоро́дице, спаси́ нас.

Богоро́дичен: В Тебе́ вся́ко прорече́ние воспочи́/ и коне́ц прия́ше удивля́ющее глаго́лющия:/ из Тебе́ же светле́е и прорече́ний чудеса́ то́чат, Чи́стая,// му́дрыя явля́юща сказа́тели.

Второй кано́н святи́телей, глас 8:

Припе́в: Святи́телие Христо́вы Васи́лие, Григо́рие и Иоа́нне, моли́те Бо́га о нас.

Тропа́рь: М олча́щии и зову́щии, ви́димии же и слы́шимии,/ доброде́тели и му́дрости, Богоглаго́ливии, столпы́ бы́ша,/ де́лом и сло́вом вопи́ти повелева́юще:// благослове́н Бог оте́ц на́ших.

Припе́в: Святи́телие Христо́вы Васи́лие, Григо́рие и Иоа́нне, моли́те Бо́га о нас.

Тропа́рь: Б о́жия гла́сы, свы́ше возгреме́вшия нам пречу́дно,/ мо́лнии же лучи́, и́же ва́ша веща́ния прие́млюще, всему́дрии,/ ку́пно у́бо пое́м с ва́ми:// благослове́н Бог оте́ц на́ших.

Сла́ва Отцу́ и Сы́ну и Свято́му Ду́ху.

Тропа́рь: И спуще́ни бу́дут гра́ди от каменнопра́щных язы́ков,/ сокруша́ющии гнила́я уче́ний,/ а́ще кто посреде́ де́рзнет суесло́вников, пра́вая не веща́я:// благослове́н Бог оте́ц на́ших.

И ны́не и при́сно и во ве́ки веко́в, ами́нь.

Богоро́дичен: В Тя, Де́во, всели́ся и по рождестве́ Де́ву оста́ви/ Иже устроя́яй стихи́и и претворя́яй естества́,/ я́коже хо́щет, Богороди́тельнице Мари́е./ К Нему́же вопие́м с Тобо́ю, Всенепоро́чная:// благослове́н Бог оте́ц на́ших.

Катава́сия Сре́тения, глас 3:

Хор: Тебе́ во огни́ ороси́вшаго о́троки богосло́вившия,/ и в Де́ву Нетле́нну все́льшагося Бо́га Сло́ва пои́м,/ благоче́стно пою́ще:// благослове́н Бог оте́ц на́ших.

Песнь 8:

Кано́н Богоро́дицы, глас 1:

Хор:

Ирмо́с: В пещь о́гненную ко отроко́м евре́йским снизше́дшаго/ и пла́мень в ро́су прело́жшаго Бо́га/ по́йте, дела́, я́ко Го́спода,// и превозноси́те во вся ве́ки. (Дважды)

Припе́в: Пресвята́я Богоро́дице, спаси́ нас.

Тропа́рь: С толп кре́пости тверд, и степе́нь, и Храни́тельницу, и Предста́тельницу/ стяжа́вше Тя ве́рою, спаса́емся ны́не.// Пое́м Рождество́ Твое́, Пречи́стая, и превозно́сим во вся ве́ки. (Дважды)

Припе́в: Пресвята́я Богоро́дице, спаси́ нас.

Тропа́рь: Б езсме́ртия проза́рный ве́мы Тя исто́чник, Богоро́дице,/ я́ко ро́ждшую Сло́во безсме́ртнаго Отца́,// Е́же вся от сме́рти избавля́ющее, превознося́щия Его́ во ве́ки.

Припе́в: Пресвята́я Богоро́дице, спаси́ нас.

Тропа́рь: С трую́ исцеле́ний нам всегда́, ве́рным, то́чиши,/ ея́же незави́стную благода́ть взе́млюще, ны́не воспева́ем Рождество́ Твое́, Пречистая,// и превозно́сим во вся ве́ки.

Пе́рвый кано́н святи́телей, глас 1:

Припе́в: Святи́телие Христо́вы Васи́лие, Григо́рие и Иоа́нне, моли́те Бо́га о нас.

Тропа́рь: Р азумева́ем благоче́стно и прославля́ем единоче́стно Еди́но Естество́,/ безмерномо́щную Еди́ницу же и Тро́ицу,/ вся сия́ словесы́ пра́вящую лу́чшими./ Та́ко бо сла́вити трие́ Богоно́снии преда́ша,// с ни́миже покланя́емся Ей во ве́ки. (Два́жды)

Припе́в: Святи́телие Христо́вы Васи́лие, Григо́рие и Иоа́нне, моли́те Бо́га о нас.

Тропа́рь: С оедини́шася трие́ Богопропове́дницы, соедини́вши Тро́ицу/ и неразде́льное во всех соблю́дшии, Боже́ственным естество́м:/ едину от Тоя́ восприя́ша неразде́льную сла́ву,// в похвале́ние еди́но созыва́ющую превознося́щия Ю́ во ве́ки.

Припе́в: Пресвята́я Богоро́дице, спаси́ нас.

Богоро́дичен: П рие́м, е́же по нам, возда́в же Свое́ Благоде́тель,/ соде́я то́кмо, не пострада́ же, Де́во:/ твори́т бо, но не в тле́ние устроя́ет,/ па́че же и стражда́ во́лею, стра́стию стра́сти реши́т,// я́коже трие́ отцы́ нас тайноуча́т.

Второй кано́н святи́телей, глас 8:

Припе́в: Святи́телие Христо́вы Васи́лие, Григо́рие и Иоа́нне, моли́те Бо́га о нас.

Тропа́рь: Я́ же Бог соедини́ в единоче́стнем едине́нии,/ похвали́тель да не разлуча́ет челове́к,/ но ра́вны непщу́я в те́хже дарова́ниих,/ ра́вных и пе́ний песнопоя́й да сподо́бит:/ о́троцы, благослови́те, свяще́нницы, воспо́йте,// лю́дие, превозноси́те во вся ве́ки.

Припе́в: Святи́телие Христо́вы Васи́лие, Григо́рие и Иоа́нне, моли́те Бо́га о нас.

Тропа́рь: С и́льнии и непобори́мии Божества́ спобо́рницы/ и и́стины нелжи́вии споспе́шницы,/ глубины́ Ду́ха до́бре испыта́вше,/ Боголе́пная о Бо́зе разуме́ния отту́ду составля́ют и у́чат пе́ти:// лю́дие, превозноси́те Христа́ во вся ве́ки.

Благослови́м Отца́, и Сы́на, и Свята́го Ду́ха, Го́спода.

Тропа́рь: С Небесе́ у́бо велича́йшая два свети́ла просвеща́ют/ по прее́мству друг дру́га подсо́лнечную;/ от земли́ же светле́е всю вселе́нную озаря́ют три по тому́жде превели́кая свети́ла,/ светя́ще с друг дру́гом и пою́ще ку́пно:// лю́дие, превозноси́те Христа́ во ве́ки.

И ны́не и при́сно и во ве́ки веко́в, ами́нь.

Богоро́дичен: Н ас ра́ди воплоще́ние и стра́сти честны́я,/ нас ра́ди Бог с ме́ртвыми бысть,/ сме́рти у́бо невку́сен, я́ко страсте́й свобо́ден,/ к пло́ти же сме́ртней обще́нием глаго́лемый,/ и стра́сти причасти́ся, и сме́рти,// с не́юже превозно́сим Христа́ во ве́ки.

Катава́сия Сре́тения, глас 3:

Хор: Хва́лим, благослови́м, покланя́емся Го́сподеви, пою́ще и превознося́ще во вся ве́ки.

Нестерпи́мому огню́ соедини́вшеся,/ Богоче́стия предстоя́ще, ю́ноши,/ пла́менем же неврежде́ни,/ Боже́ственную песнь поя́ху:/ благослови́те, вся дела́ Госпо́дня, Го́спода// и превозноси́те во вся ве́ки.

Диа́кон: В елича́й, душе́ моя́, Честне́йшую Небе́сных во́инств, Де́ву, Пречи́стую Богоро́дицу.

Песнь 9:

Кано́н Богоро́дицы, глас 1:

Хор:

Ирмо́с: От Бо́га Бо́га Сло́ва,/ неизрече́нною му́дростию прише́дшаго обнови́ти Ада́ма, я́дию в тле́ние па́дшаго лю́те,/ от Святы́я Де́вы неизрече́нно воплоти́вшагося нас ра́ди,// ве́рнии единому́дренно пе́сньми велича́ем.

Хор:

Припе́в: Велича́й, душе́ моя́,/ Честне́йшую Небе́сных во́инств, Де́ву, Пречи́стую Богоро́дицу.

Ирмо́с: От Бо́га Бо́га Сло́ва,/ неизрече́нною му́дростию прише́дшаго обнови́ти Ада́ма, я́дию в тле́ние па́дшаго лю́те,/ от Святы́я Де́вы неизрече́нно воплоти́вшагося нас ра́ди,// ве́рнии единому́дренно пе́сньми велича́ем.

Хор пое́т припе́вы, чтец чита́ет тропари́:

Припе́в: Велича́й, душе́ моя́,/ Честне́йшую Небе́сных во́инств, Де́ву, Пречи́стую Богоро́дицу.

Тропа́рь: Б огоблаже́нная Отрокови́це, наде́жду мою́ всю усе́рдно возлага́ю на Тя:/ спаси́ мя, Ма́ти и́стинныя Жи́зни,/ и сла́дости присносу́щныя насы́титися моли́, Чи́стая,// ве́рою и любо́вию Тя пе́сньми велича́ющему.

Припе́в: Велича́й, душе́ моя́,/ Честне́йшую Небе́сных во́инств, Де́ву, Пречи́стую Богоро́дицу.

Тропа́рь: Б огоблаже́нная Отрокови́це, наде́жду мою́ всю усе́рдно возлага́ю на Тя:/ спаси́ мя, Ма́ти и́стинныя Жи́зни,/ и сла́дости присносу́щныя насы́титися моли́, Чи́стая,// ве́рою и любо́вию Тя пе́сньми велича́ющему.

Припе́в: Велича́й, душе́ моя́,/ Честне́йшую Небе́сных во́инств, Де́ву, Пречи́стую Богоро́дицу.

Тропа́рь: Я́ вльшися, Де́во, дверь Боже́ственнаго Све́та,/ души́ моея́ мрак Све́та Твоего́ невеще́ственными блиста́нии озари́/ и ве́чнаго огня́ изба́витися мне умоли́, Чи́стая,// ве́рою и любо́вию Тя пе́сньми велича́ющему.

Припе́в: Велича́й, душе́ моя́,/ Честне́йшую Небе́сных во́инств, Де́ву, Пречи́стую Богоро́дицу.

Тропа́рь: В о чре́во Твое́ всели́ся,/ Его́же из чре́ва пре́жде веко́в Оте́ц роди́ Сы́на,/ соверше́н бысть Челове́к,/ и исто́чник дарова́ний Тя, Богома́ти,/ показа́ нам,// ве́рно покланя́ющимся несказа́нному Твоему́ Рождеству́.

Пе́рвый кано́н святи́телей, глас 1:

Припе́в: Велича́й, душе́ моя́,/ во иера́рсех свети́ла три вели́кая.

Тропа́рь: С е ва́ше де́лание и па́ства,/ за ю́же велича́йшия боле́зни претерпе́сте, во еди́но соше́дшеся,/ ку́пно же три вы соприе́мше,// о́бщую и́мать похвалу́ ва́ше сладча́йшее соедине́ние.

Припе́в: Велича́й, душе́ моя́,/ трисия́тельныя Христо́вы Це́ркве.

Тропа́рь: Н е обоюдоо́стрый меч благода́ть,/ но трео́стрый на ра́тников тоя́ предлага́ет:/ еди́н небокова́нен меч, треми́ крепостьми́ изощре́н,// при́сно побо́рствуяй по Трисия́нном Еди́ном Божестве́.

Припе́в: Велича́й, душе́ моя́,/ просвеща́ющия Христо́ву Це́рковь.

Тропа́рь: В а́ше жи́тельство на Небесе́х бя́ше, пресла́внии,/ и плоть нося́щих во ве́ки нескве́рну,/ в ни́хже всесоверше́нне ны́не живу́ще,/ су́щим на земли́ нам пребыва́ющим// Вы́шняя моли́те и мы́слити, и де́яти.

Припе́в: Велича́й, душе́ моя́,/ Честне́йшую Небе́сных во́инств,/ Де́ву Пречи́стую Богоро́дицу.

Богоро́дичен: Т есни́т мя широта́ Твои́х вели́чий, Влады́чице,/ подавля́ющи сло́во от ча́стости,/ и пресла́вно ми случа́ется е́же недоумева́тися от благомо́щества,// те́мже толи́ко Тя Возвели́чившаго сла́вим.

Второй кано́н святи́телей, глас 8:

Припе́в: Велича́й, душе́ моя́,/ Пресвяты́я Тро́ицы три па́стыри.

Тропа́рь: В озвы́сися Тро́ичная доброде́тель и вся́ческая сла́вы испо́лни,/ ину́ю лучу́ нам возсия́вши трисве́тлу, я́ко свое́ осия́ние, Небе́сныя тайноводи́тели,// и́миже на Боже́ственное о́ныя виде́ние, благоче́ствующе наставля́емся.

Припе́в: Велича́й, душе́ моя́,/ от Трисо́лнечнаго Свети́ла три вели́кая.

Тропа́рь: Н е есть вто́рство в трие́х сих,/ старе́йшинства бо ки́йждо их но́сит,/ пе́рвый не сый, и единочестны́я превышша́я:/ присвоя́ют же па́че друг дру́га побе́ду прера́достно,// не вмеща́ется бо зде за́висти де́рзость, растлева́ющия единомы́слие.

Велича́й, душе́ моя́,/ Триипоста́снаго и Неразде́льнаго Божества́ держа́ву.

Тропа́рь: О тце́в благоче́стие, своя́ перворо́дныя сы́ны показа́вшее,/ ча́да возражда́ет све́ту при́сная/ и непоро́чная те́ми, соверша́емая Ду́хом,/ жизнь глаго́лавшим в них,/ и цел соблюда́ти испроша́ет до конца́ мир,// его́же от них насле́дствова.

Велича́й, душе́ моя́,/ Честне́йшую Небе́сных во́инств Де́ву Пречи́стую Богоро́дицу.

Богоро́дичен: С ы́на Бо́га жива́го му́дрых учи́телей верх пропове́да,/ Твоего́ Сы́на, от открове́ния О́тча,/ не от пло́ти и кро́ве сие́ тайноуве́дав, Ма́ти Бо́жия./ Те́мже Тя и Де́ву просла́вив,// Ма́терь и Богоро́дицу возвели́чи.

Катава́сия Сре́тения, глас 3:

Хор: В зако́не се́ни и писа́ний/ о́браз ви́дим, ве́рнии:/ всяк му́жеский пол, ложесна́ разверза́я, свят Бо́гу./ Тем перворожде́нное Сло́во,/ Отца́ Безнача́льна,/ Сы́на Первородя́щася Ма́терию неискусому́жно,// велича́ем.

Ектения́ ма́лая:

Диа́кон: П а́ки и па́ки ми́ром Го́споду помо́лимся.

Хор: Г о́споди, поми́луй.

Диа́кон: З аступи́, спаси́, поми́луй и сохрани́ нас, Бо́же, Твое́ю благода́тию.

Хор: Г о́споди, помилуй.

Диа́кон: П ресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помя́нувше, са́ми себе́ и друг дру́га, и весь живо́т наш Христу́ Бо́гу предади́м.

Хор: Т ебе́, Го́споди.

Иере́й: Я́ко Тя хва́лят вся си́лы небе́сныя, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор: А ми́нь

Диа́кон: С вят Госпо́дь Бог наш.

Хор: С вят Госпо́дь Бог наш

Диа́кон: Я́ ко Свят Госпо́дь Бог наш.

Хор: С вят Госпо́дь Бог наш.

Диа́кон: Н ад все́ми людьми́ Бог наш.

Хор: С вят Госпо́дь Бог наш.

Свети́льны святи́телей:

Т ри светоза́рныя свети́льники, па́че со́лнечных луч/ от Светонача́льныя Тро́ицы и Трисо́лнечныя Еди́ницы,/ преесте́ственно сме́шены,// Богоно́сныя восхва́лим отцы́.

Сла́ва Отцу́ и Сы́ну и Свято́му Ду́ху.

С ве́та прия́телища, светолу́чныя мо́лнии,/ Васи́лия ны́не Вели́каго, Григо́рия Богосло́ва, Златоу́стаго Иоа́нна,// да восхва́лим вси.

И ны́не и при́сно и во ве́ки веко́в. Ами́нь.

Свети́лен Трио́ди:

Е ди́нственное Божество́, О́тче, Сы́не и Ду́ше,/ мольба́ми Васи́лия, Григо́рия и Иоа́нна и Пречи́стыя Богоро́дицы// да не отлучу́ся Твоея́ сла́вы.

Хвали́тны псалмы́, глас 2:

Хор: В ся́кое дыха́ние да хва́лит Го́спода./ Хвали́те Го́спода с небе́с,/ хвали́те Его́ в вы́шних.// Тебе́ подоба́ет песнь Бо́гу.

Х вали́те Его́ вси а́нгели Его́,/ хвали́те Его́ вся си́лы Его́.// Тебе́ подоба́ет песнь Бо́гу.

Чтец: Стихи́ры святи́телей, глас 5:

На 4. Стих: Хвали́те Его́ на си́лах Его́,/ хвали́те Его́ по мно́жеству вели́чествия Его́.

Стихира: Р а́дуйся, святи́телей тро́ица,/ Це́ркве вели́кая забра́ла,/ столпи́ благоче́стия, ве́рных утвержде́ние,/ ерети́чествующих низпаде́ние,/ Христо́вы упа́сшии лю́ди Боже́ственными уче́нии/ и разли́чными доброде́тельми воспита́вшии,/ благода́ти я́снии пропове́дницы,/ зако́ны произложи́вшии Христо́ву исполне́нию,/ вожди́ к Вы́шним, ра́йстии вхо́ды,/ Христа́ умоли́те// низпосла́ти душа́м на́шим ве́лию ми́лость.

Стих: Хвали́те Его́ во гла́се тру́бнем,/ хвали́те Его́ во псалти́ри и гу́слех.

Стихира: Р а́дуйся, святи́телей тро́ица,/ Це́ркве вели́кая забра́ла,/ столпи́ благоче́стия, ве́рных утвержде́ние,/ ерети́чествующих низпаде́ние,/ Христо́вы упа́сшии лю́ди Боже́ственными уче́нии/ и разли́чными доброде́тельми воспита́вшии,/ благода́ти я́снии пропове́дницы,/ зако́ны произложи́вшии Христо́ву исполне́нию,/ вожди́ к Вы́шним, ра́йстии вхо́ды,/ Христа́ умоли́те// низпосла́ти душа́м на́шим ве́лию ми́лость.

На 2. Стих: Хвали́те Его́ в тимпа́не и ли́це,/ хвали́те Его́ во стру́нах и орга́не.

Стихира: Р а́дуйся, святи́телей тро́ица,/ небоше́ственнии земни́и А́нгели,/ ми́ра спасе́ние, челове́ков ра́дость/ и вселе́нныя учи́телие,/ Сло́ва побо́рницы,/ вра́чеве прему́дрии неду́гов душе́вных и теле́сных,/ приснотеку́щия ре́ки духо́вныя,/ словесы́ напая́ющии земно́е все лице́,/ Богосло́внии сте́пени, златосло́ви Боже́ственнии,/ Христа́ умоли́те// низпосла́ти душа́м на́шим ве́лию ми́лость.

Стих: Хвали́те Его́ в кимва́лех доброгла́сных, хвали́те Его́ в кимва́лех восклица́ния./ Вся́кое дыха́ние да хва́лит Го́спода.

Стихира: Р а́дуйся, святи́телей тро́ица,/ земны́я тве́рди со́лнца,/ лучи́ и свети́ла от Трисо́лнечнаго озаре́ния,/ помраче́нных прозре́ние,/ цве́ти благово́ннии рая́ красне́йшии,/ Богосло́ве, му́дрый же Васи́лие, Златоу́сте,/ дщи́цы Ду́ха, скрижа́ли Богоначерта́нныя,/ сосцы́, источа́ющии спасе́ния млеко́,/ му́дрости украше́ние,/ Христа́ умоли́те// душа́м на́шим дарова́ти ве́лию ми́лость.

Сла́ва Отцу́ и Сы́ну и Свято́му Ду́ху.

В остру́бим трубо́ю пе́сней,/ да ликовству́им пра́зднственная и взыгра́ем, ра́дующеся,/ в пречестно́е торжество́ учи́телей на́ших./ Святи́телие и лю́ди да стеку́тся и воспле́щут в пе́снех,/ я́ко уче́ний источи́вшия ре́ки превели́кия три,/ доброто́чныя присноживо́тныя Ду́ха/ па́стырие и учи́телие,/ Пречестны́я Тро́ицы трегу́быя священнотаи́нники,/ соше́дшеся, да восхва́лим./ Филосо́фи – му́дрыя, иере́и – па́стыри,/ гре́шницы – предста́тели, ни́щии – обогати́тели,/ су́щии в ско́рбех – уте́шители,/ пу́тницы – спутеше́ственники,/ и́же в мо́ри – ко́рмчии/ и вси, и́же везде́ те́пле предваряя́ющия,/ Боже́ственныя архиера́рхи похваля́юще, та́ко рцем:/ пресвяти́и учи́телие,/ потщи́теся изъя́ти ве́рныя от жите́йских собла́знов// и изба́вити ве́чных мук моли́твами ва́шими.

Дата добавления: 2015-06-28