Дебиеттер. Келушілерді қабылдау және олармен қарым – қатынас жасау

Лекция №15

Келушілерді қабылдау және олармен қарым – қатынас жасау.

Келушілерді қабылдау.

Лекция жоспары:

1. Келушілерді қабылдау ережелері.

2. Келушілермен қарым – қатынас жасау.

3. Келушілерді қабылдау әдебі.

1. Кузин Ф.А., Культура делового общения М.: Тандем, 2006

2. Баева О.С. Ораторское искусство и деловое общение.- М.: Просвещение,2003

3. Бороздина Г.В. Психология делового общения. М.: Просвещение,2005

4. Фишер Р., Эртель Д. «Подготовка к переговорам» Москва, Филинъ,2007- 218с.

Келушілерді қабылдауда маңызды рөлді сөйлеу мәдениеті алады. Дәл мұндай қарым-қатынас еңбек сферасындада маңызды болып табылады. Кәсіпорындағы басшының мәдениет деңгейі ұжым жұмысшылары үшін маңызды орынды алады. Өз қоластындағы қызметкерлерді қадірлейтін, жақсы ниетті, олармен қарым-қатынас кезінде мәдениетті адамның басшылығымен жұмыс жасаған қызықты және жағымды. Мұндай басшылықтағы ұжымда жұмыс жасайтын қызметкерлердің ұжымдық мүмкіндіктері жан-жақты түрде ашылып, жағымды атмосфера қалыптасады.

Ал, керісінше адамдарды қадірлемейтін басшының жетекшілігімен ешқандай қызметкер жұмыс жасағысы келмейді. Бұл олардың жұмыс істеу қабілетінің төмендеуі мен денсаулығына әсерін тигізеді.

Адамдармен қарым-қатынас кезіндегі адамгершілік пен әдептілік, әсіресе қоластындағы қызметкерлермен қарым-қатынастар басшының қасиеттерінің ажырамас бөлігі болуы керек.

Келушілерді қабылдау әдебі

Басшының қызметкерлерімен қарым-қатынас мәдениеті қандай болуы керек?

Егер театр киім ілгіштен басталатын болса, ал кез-келген мекеме кіреберістен, қабылдау бөлімінен басталады.

Кез-келген мекемеде қабылдау уақыты көрсетілген тақтайша ілінген бе? Әрине, өмір бір жерде тұрмайды және белгіленген уақытта адам болмауы мүмкін. Бұл жағдайда, күткен адамдардан кешірім сұрағаннан кейін, барлығы түсіндіріліп, кездесудің жаңа уақыты белгіленуі керек.

Хатшы кездесуге белгіленген адамдарға күнін алдын-ала хабарлауы керек. Мекеменің басшысының орынбасары да көптеген сұрақтарды шеше алады. Кейбір басшылар бір күнде бірнеше келушілерді қабылдауға үйренген, олардың ойынша, қасындағы басқа күтушілерді көргендер уақытты ұзақ созбайды, кездесу тез аяқталады деп ойлайды. Бұл адамдардың қажеттілігіне немқұрайлы қараушылық болып есептеледі. Қабылдау кезінде әңгіме телефон қоңырауларымен бірнеше рет үзілуі мүмкін. Бұлар, әрине әңгімеге кедергі жасайды. Сонымен қатар, басшының да көңіл-күйі, денсаулығы нашар болуы мүмкін. Бірақ жақсы басшы әрдайым өзінің жаман мінезін көрсетпеуге тырысады, себебі бұл жұмысқа кедергі келтірмеуі керек.

Сондай-ақ, ұжымда әрбір қызметкер өзін «шефтің» көмекшісі ретінде сезіне алатындай жағдай жасаған басшы үлкен беделге ие болады. Бұл әрине туыстық қатынасты білдірмейді, бірақ та бастықтың қызметкерлерін қатты дауыстап шақырғаны да жағымсыз естіледі. Жақсы басшы өз қоластындағы қызметкерлерді есімі бойынша біледі; әр кезде барлығымен сәлемдесіп жүреді; ашуын басқалардан алмайды,әңгіме кезінде дауыс көтермейді, өз қатесін түсініп, қызметкерлеріне олардың қателіктерін қайталап айта бермейді.

Тәрбиелі адамдар сәлемдесер кезде бір уақытта бастарын иеді, ал бөлімшеге кірген адамдар бірінші сәлемдеседі. Қызметкерлер жауап береді, бірақ орындарынан тұрмаса да болады. Егер ұзақ әңгімелесетін болса, онда отыруды ұсынады. Қызметкерлермен әңгіме барысында басшы іске қатысы жоқ қағаздарды қарап, телефонмен ұзақ сөйлесудің немесе шыдамсыздық танытып, стөлді саусақтарымен «барабандатудың» қажеті жоқ. Бірақ та әңгіме ұзақ созылып кетсе, басшы орындығынан тұру арқылы әңгіменің аяқталғанын білдіруі керек.

Сөзсіз қарым –қатынас жасау.

К.С. Станиславскийдің тұжырымы бойынша: «Адамдар бір – бірімен өздерінің бес сезім мүшелері арқылы және қарым-қатынастың көрінбейтін жолдары арқылы сөйлеседі: көздерімен, мимикамен, дыбыспен, қол және саусақтың қимылдарымен, сондай-ақ сәуле шығару арқылы».

К. Гельвеций: «Қоғам – тек іспен дәлелдеген қадір-қасиетті ғана қадірлейді».

Әрбір адамның жеке және іскерлік қасиеттерін көрсетудің маңызды сферасы – еңбек ұжымы болып табылады. Еңбек моральінде кәсіби әдеп ерекшеленеді. Ол нақты еңбек қызметіндегі адамдардың этикалық принциптері мен тәртібінің нормаларын анықтайды. Басшының кәсіби міндеті – қызметкерлерінің кәсіби ойларын тыңдай білу болып табылады. Бұл жағдайда ең маңызды басқару әдебі – еңбек ұжымының мүшелерін адамгершілік мақсаттарымен және дәлелдерімен қамтамасыз ету болып табылады.

Бақылау сұрақтары

1. Келушілермен қарым-қатынастың негізгі ережелері.

2. Келушілермен қарым-қатынас әдебі.

3. Басқару әдебі дегеніміз не?

Дата добавления: 2014-01-15