II. УМШТН. – Хулһр чиктә хулһн, чи бууһин тачкнлһнас әәдүч?

I. ТОДЛТН

II. УМШТН

Хулһн юунас әәнә?

– Хулһр чиктә хулһн, чи бууһин тачкнлһнас әәдүч?

– Ага, алг-булг шаазһа, әәдн угав!

– Мөрнә көлин әәһәс чи әәдүч?

– Нам сүрд гидн угав!

– Бухин оркллһнас әәдүч?

– Чирм гидн угав!

– Тегәд юунас әәдүч?

– Теегин өвснә сарҗңнлһнас әәдүв.

Сурврмудт хәрү өгтн:

1. Хулһн ямаран бәәдлтә?

2. Хулһн юунас әәхш?

3. Хулһн юунас әәнә?

4. Хулһн ямаран бәрцтә?

5. Тууль ямаран уха заана?

6. Хулһна бәрцтә улс бәәнү?

7. Хулһна тускар юн гиҗ санҗант?

*Көдлмшин девтрәр көдллһн.

Шаазһа Туула хойр

Рис. Сорока и заяц беседуют

Шаазһан келсн цуг юмн Туулад юңгад ирлцхш?

Кезәнә Шаазһа Туула хойр үр бәәҗ. Шаазһа йир мөшкәч билә. Туула әәмтхә билә. Нег дәкҗ эн хойр күүнднә:

– Туула, чини шүдн хурц болсн болхла, яһна!

– Юуна шүднлә әдл?

– Аратын шүднлә әдл.

– Э-э-э, Шаазһа, хурц шүднд юн сән бәәдви?

– Бор иньг мини, чини көл ут болсн болхла, яһна!

– Юуна көллә әдл?

– Гөрәснә көллә әдл.

– Яа-яа-яа, Шаазһа, ут көлд юн сән юмн бәәдви?

– Чамд, чиндр цаһан Туула, Һәрд шовуна хумсн бәәсн болхла, яһна!

– Э-э-э, Шаазһа, нанд Аратын шүдн, Гөрәснә көл, Һәрдин хумсн – эднә

алькнь чигн нөкд болшго. Мини зүркн әәмтхә. Туулан зүркинь чи бичә март.

Түүҗ умштн:

1. Хурц шүдн юунд бәәнә?

Туула аратын шүднә тускар ямаран хәрү өгнә?

2. Юунд хурдн көл бәәнә?

Гөрәснә көлин тускар ямаран хәрү өгнә?

3. Юунд ут хумсн бәәнә?

Шаазһан цуг келсн юмн туулад юңгад нөкд болшго?

4. Тууль ямаран уха медүлнә?

3. Ашлтын цәәлһвр кетн:

Дүрәр умшлһн:

Дата добавления: 2014-11-06