II. Умштн

I. ТОДЛТН

Рис. солнце рис. Водоём

Рис. дети играют

Нарн, усн, аһар ямаран тус күргнә?

Эрүл-менд болхин төлә күүнд эркн кергтәнь нарн, аһар, усн һурвн мөн. Эдниг чикәр эдлхлә, гем-шалтг уга, чиирг болхнь лавта.

Нарн, нарна толь күүнә цусиг ясрулна, күүнә цогцин өңгинь сольна. Нарн цогц деер хурдг олн зүсн микробсиг алҗ уга кенә. Цогцан нарнд зөвәрнь ээҗәх кергтә. Зуг энүг кемҗәһәр давулх кергтә. Дегд удан наршлхмн биш.

Дегд удан цогцан халулхла, күүнә арсн шатна, толһа экләд өвднә, нөр тату болна.

Күүнд цевр аһар бас кергтә. Цевр аһар күүнә эрүл-мендиг батрулна.

Ханядн-тому ирлһиг гетлгнә. Цевр аһарт наадлһн, серглһн эркн кергтә. Оньдин цевр аһарт бәәсн күн чаңһ-чиирг, эрүл-менд болна, ут нас наслна.

Усна чинр бас ик. Уснд өөмлһн цогциг чиирг кенә. Цогц-махмуд батрна. Уснд дегд удан өөмхмн биш. Дару-дарунь өөмхмн биш. Нурһлҗ үдин хотын өмн өөмхмн. Нег саамд 5 – 10 минутас давҗ өөмхмн биш. Өөмхиннь өмн нарнд кевтәд, невчк цогцан дуладхтн. Нарнд бийән ээхләрн, толһаһан хальчлтн.

Уснд өөмснә хөөн күүнә цогц-махмуд сергнә, хот-хол эдллһн ясрна.

Чинәнь алдрдг, көл-һар шарклдг гемтә бичкдүд болн шиңкн шалтглад эдгсн күн уснд өөмх зөв уга.

Түүҗ умштн:

1. Ямаран һурвн юмн эрүл-мендд олзта?

2. Нарна герлин чинр ямаран?

3. Цевр аһарин олз ямаран?

4. Усна нилч ямаран?

Рис. беседующих детей

Сурврмудт хәрү өгтн. Күүндвр давултн:

А: Эрүл-мендиг юн батрулна?

Б:

А: Нарна герлкүүнә цогц-махмудт ямаран олзта?

Б:

А: Нарна герлд юн ясрна?

Б:

А: Уснд өөмлһн ямаран олз өгнә?

Б:

А: Уснд юңгад удан бәәҗ болшго?

Б:

А: Цевр аһар ямаран олз өгнә?

Б:

*Көдлмшин девтрәр көдллһн.

Айслулҗ умштн.

Бичкн эмчин нернь кемб?

Дата добавления: 2014-11-06