II. УМШТН. Бумбин орнд кен гидг баатрмуд бәәнә?

Бумбин орнд кен гидг баатрмуд бәәнә?

Бумбин орна баатрмуд Җаңһрин сәәхн бәәшңднь дуңһра күцәд суудг болна. Ямр дараһар сууна гихнь:

Эзн богд Җаңһрин

Эркн сән сөңч,

Эрк Тугин көвүн

Орчлңгин Сәәхн Миңъян болдг болна.

Барун бийинь ахлҗ суудгнь – Ирсн йирн йисн җилә юмиг

Тууҗҗ келдг,

Ирәд уга йирн йисн җилә юмиг

Тааҗҗ меддг

Байн Күңкән Алтн Чееҗ,

Далн хаани нутгин төр шаҗн хойриг

Һар деерән бәрәд,

Ямр ик берк зарһ ирв гиҗ

Түдл уга хаһлад,

Хар торһн дөрвлҗн деер суудг гинә.

Зүн бийинь ахлдгнь –

Төвшүн Ширкгин ач гинә,

Бөк Мөңгн Шигшрһин ууһн көвүн гинә,

Шилтә Зандн Герл хатни

Эркн хөрн хойр настаднь һарсн

Арслңгин Арг Улан Хоңһр гинә.

Хәр цаһан далан хамчҗ,

Хамг бийән күүчҗ,

Далн хаани нутг

Даңһар орулҗ өгсн гинә.

Түүҗ умштн:

1. Зүн бийинь ахлдг баатрин тускар.

2. Энүнә өрк-бүлин улсинь заатн.

3. Эн ямаран баатр?

4. Залу-зөрмгинь цәәлһҗәх үгмүд олтн.

5. Барун бийнь кен ахлна?

6. Эн баатриг цәәлһҗәх үгмүд олтн.

7. Җаңһрин эркн сән сөңч кемб?

• • Соңстн. Эн баатрин нерн кемб?

Барун бийинь ахлҗ суудгнь –

Ирсн йирн йисн җилә юмиг

Тууҗҗ келдг,

Ирәд уга йирн йисн җилә юмиг

Тааҗҗ меддг.

*Көдлмшин девтрәр көдллһн.

I. ТОДЛТН

Рис. богат. Савра рис. богат. рис. богат.

Гюзян Гюмбе Санала

Тяжелорукого

Савр баатр Гүзән һүмб Санл баатр

Дата добавления: 2014-11-06