Хальмг дуд

Хальмгин дуд олн янзта. Ут дун, шог дун, дурна туск, залу-зөрмгин туск, бәәдл-җирһлин туск, төрскнә туск дуд бәәнә. Ут дууг сәәхнәр, утар татҗ дуулна. Эн дууг ирсн гиичин тооврт дуулна.

Бәәдл-җирһлин туск дуд олн бәәсмн. Кезәңк күүкд улсин күнд хөв медүлҗәх дун «Төгрәш». Эн дуунд баахн күүкнә зовлңгта җирһлин тускар келгднә. Экдән нерәдсн дуд бәәнә: «Ээҗин дун», «Актюбин һол» болн нань чигн. Дурни туск дуд бас олн. Тедн дунд «Богшурһа», «Нүүдлә», «Сәәхн иньг мини». Дәәнд одсн улст нерәдсн дуд бәәнә. Үлгүрнь, «Әәт майор» гидг дун. Эн дуунд Әәт гидг нертә баахн көвүнә тускар келгднә. «Сөм хамрта парнцс» гидг дун 1812 җилд болсн дәәнә тускар. Эн дәәнд хальмгуд бас орлцла, францур күрлә. «Тавн уулын белднь» бас дәәнә туск дун.

Шог дуд бас бәәнә. Үлгүрнь, «Чикндән делдң, нүдндән өөртә». Эн күүкд күүнә туск шог дун. Сергмҗтә дун «Ялуха» бәәнә. Эн дуунд баахн күүкнә сәәхн дүр-бәәдлиг, шулун-шудрмгиг магтна.

Харада рис. ласточка летит

( дун)

Үгнь Эрнҗәнә К.

Көгҗмнь Манҗин Б.

Харада шовун, харада,

Хаврин зәңг зөөнә.

Халяд жиргәд ниснә,

Хаврин айсар биилнә.) 2д.

Нарн һазр ээнә, рис. солнце, трава, цветы

Ноһан нигтәр урһна,

Ноһана бетк болһнд

Намчта цецгүд шавшна.) 2д.

Сурврмудт хәрү өгтн:

Юуна туск дуд бәәнә?

Экин туск дуд заатн.

Дурни туск дуд заатн.

Шог дуд ю медүлнә?

Дәәнә туск дуунд цергчнрин ямаран авц-бәрц медүлнә?

*Көдлмшин девтрәр көдллһн.

Дата добавления: 2014-11-06