I. ТОДЛТН. Цаһан Сарин байрла ямаран авъяс давулна?

II. УМШТН

Цаһан Сарин байрла ямаран авъяс давулна?

Цаһан Сарин байр сәәхн авъяста. Өрк болһн байрин өмн өдр гертән күңшү һарһна. Олн зүсн янзта боорцг кенә. Боорцгудт эдлҗ йовсн юмна янзс орулна. Үлгүрнь: хуцин толһа, темән боорцг, мөрнә кит, шор, мошкмр, җола, һалун, хорха боорцг болн нань чигн. Онц чинртә боорцг – целвг. Орчлңгин гегән – нарн целвг боорцгт орна. Шор белг – эн боорцгиг хойр таласнь җидин үзүр дуралһад кенә. Хортн дәврхлә, терүг дарх зер-зев манад олдх гисн йортаһар кегднә. Хорха боорцг – үрн-садна то, малын төл олн болтха гиснә темдг. Өвртә тоһш – үкрин өвр дуралһҗ кенә. Үстә хот элвг болтха гиснә темдг. Кит – мөрнә дотрин хамгин әмтәхн хот. Мөрн мал магтҗах темдг. Хуц – ик чинртә мал. Хөн малын өслт өргҗтхә гиснә темдг. Темән - өврмҗтә мал. Дөрвн зүсн малын негнь. Мошкмр – хөөнә нәрн гесн.

Хуцин толһа, целвг, мөрнә кит, җола болн цөөкн тоһш боорцгудар дееҗ өргнә. Өдгә цагт дееҗд балта-нуһл, улан, цаһан деншгүд болн цаасн мөңг тәвнә.

Цаһана өдр өрк болһн хувц-хунран һаза сергәнә.

Эн өдр герин эзн күүкд күн өрүн эрт цә чанна. Цәәһәр дееҗ бәрнә. Өрк-бүлин улс цаһана цә эдлнә. Өөр бәәх көгшдүд болн элгн-сад дуудна, цәәһәр тоона. Ирсн улс герин эзнлә цаһална. Көгшдүд бичкдүдиг барун халхаснь үмснә, йөрәнә.

Асхн домбран цокна, биилнә, дуулна, нәәрлнә. Олн зүсн марһа давулна.

Хотна бөкнр дөрлднә. Эн өдр мөрнә урлдан болна.

Пунцга Н.

Сурврмудт хәрү өгтн:

1. Цаһана боорцгуд юуна янзс медүлнә?

2. Дееҗд ямаран боорцгуд тәвнә?

3. Кү тоодг авъяс яһҗ давулна?

4. Хувцна туст ямаран авъяс бәәнә?

5. Нәәрән яһҗ давулна?

*Көдлмшин девтрәр көдллһн.

Урһа модд икәр урһахмн

рис. тополь дуб берёза акация клён ива

уласн хар модн хусм лир агч бурһсн

Дата добавления: 2014-11-06