II. Умштн

I. ТОДЛТН

III. ТОДЛТН

• • Соңстн. Мөриг насарнь яһҗ йилһнә?

Түрүн җилд – унһн.

Хойрдгч җилд – дааһн.

Һурвдгч җилд: эрнь – үрә, эмнь – бәәсн.

Дөрвдгч җилд: эрнь – дөн мөрн, эмнь – гүн.

Тавн настадан: эрнь – туулн мөрн, аҗрһ; эмнь – туулҗн гүн.

*Көдлмшин девтрәр көдллһн.

Хальмгин нертә бичәч Хоньна Михаил

портрет писателя

Хоньна Михаил

Бичәчин төрсн һазр ямаран нертә?

Хоньна Михаил – Хальмг Таңһчин билгтә бичәч, хальмгин нертә үрн, зөргтә партизан. Эн 1919-гч җилин туула сарин нег шинд төрҗ һарсмн. Энүнә өсч-боссн һазрнь – Баһ Дөрвдә нутгин Цаһан Нур хотн.

Эн хальмг келн-әмтнә драматическ театр үүдәһәчнрин негнь болв. Театрт кесг җилд үүлдҗ йовсмн. Эгл актёрас экләд, хөөннь театрин һардач болсмн. Төрскән харсгч Алдр дәәнлә теегин зөргтә үрн Белоруссин һазрт нерән туурулсн партизан болсмн. Хоньна Михаил җирһлиннь туршт кесг соньн үүдәврмүд бичсмн. Өсч-боссн хотндан бас олн үүдәврмүд нерәдсмн. Тедн дунд «Цаһан Нур» нертә шүлг бәәнә.

Хоньна Михаилын җирһлин хаалһнь 1981-гч җилд һаха сарин 22-т төгссмн.

Сурврмудын хәрү текстәс олҗ умштн:

1. Хоньна Михаил кедүдгч җилд төрсмб?

2. Энүнә өсч-боссн һазр ямаран нертә?

3. Билгин үүдәлтән юунас авн эклсмб?

4. Зөргтә партизан нерән ямаран һазрт зүүсмб?

5. Олн үүдәврмүдән ямаран хотнд нерәдсмб? Юңгад?

Күүндтн:

Гилән: Бичәчин нер-усинь зааҗ келтн.

Мергн: Бичәчин нер-усньХоньна Михаил.

Гилән: Хоньна Михаил альд төрсмб?

Мергн: Энүнә төрсн һазр – Баһ Дөрвдә нутг, Цаһан Нур селән.

Гилән: Билгин үүдәлтән юунас авн эклсмб?

Мергн: Хальмг театрас авн эклсмн.

Гилән: Дәәнә цагт альд дәәллдҗ йовсмб?

Мергн: Белоруссин һазрт дәәллдҗ йовсмн.

Энд алдр партизана нер зүүсмн..

Гилән: «Цаһан Нур» шүлгән юунд нерәдсмб?

Мергн: Өсч-боссн һазртан нерәдсмн.

• • Соңстн. Бичәчин нер заатн:

Эн Хальмг Таңһчин билгтә бичәч, хальмгин нертә үрн, зөргтә партизан. Эн 1919-гч җилин туула сарин нег шинд төрҗ һарсмн. Энүнә өсч-боссн һазрнь – Баһ Дөрвдә нутгин Цаһан Нур хотн.

*Көдлмшин девтрәр көдллһн.

Дата добавления: 2014-11-06