Тэмы кантрольных работ для студэнтаў-завочнікаў

(9 семестр)

Вучэбны план для студэнтаў-завочнікаў прадугледжвае напісанне па курсу "Гісторыя навейшага часу" кантрольнай работы. Асноўнае яе задача палягае ў тым, каб замацаваць навыкі самастойнай работы студэнта з крыніцамі і літаратурай, а таксама садзейнічаць больш глыбокаму засваенню курса.

Пошук крыніц і літаратуры па тэме кантрольнай работы вядзецца самастойна. Вітаецца прыцягненне багацейшых рэсурсаў сеткі Інтэрнэт. Пры гэтым спасылкі на інтэрнэт-крыніцы павінны быць належным чынам (як і ў курсавых работах) аформленыя. Да выкарыстанай літаратуры трэба адносіцца дастаткова крытычна, пры гэтым крытыка павінна быць абгрунтаванай і карэктнай.

Кантрольная работа павінна складацца з чатырох асноўных частак: уводзін, асноўнай часткі, заключэння і спісу выкарыстаных крыніц і літаратуры. Ва ўводзінах вызначаюцца задачы работы, даецца кароткая характарыстыка крыніц і літаратуры. У асноўнай частцы раскрываецца асноўны змест тэмы. У заключэнні фармулююцца асноўныя вывады. Спіс літаратуры і спасылкі афармляюцца у адпаведнасці з патрабаваннямі, якія высоўваюцца да афармлення курсавых і дыпломных работ. Аб'ём кантрольнай работы, як правіла, складае 16-18 аркушаў школьнага сшытку пры рукапісным тэксце. Сам рукапісны тэкст павінны быць ячным і разборлівым. Аб'ём машынапіснага тэксту кантрольнай работы работы можа быць абмежаваны 10-12 старонкамі фармату А-4. Ён павінен быць адфарматаваным і вычытаным. Не дапускаецца механічнае перапісванне старонак крыніц, падручнікаў, манаграфічнай літаратуры і навуковых артыкулаў, а, тым больш, прадстаўленне ў якасці ўласнай самастойнай работы кантрольнай, "скачанай" з Інтэрнэту.

1. Лістападаўская рэвалюцыя ў Германіі.

2. Стварэнне Веймарскай рэспублікі.

3. Германія ў 1919-1929 гг.

4. Германія ў гады сусветнага эканамічнага крызісу 1929-1933 гг.

5. Унутраная палітыка нацыстаў у Германіі, 1933-1939 гг.

6. Знешняя палітыка нацысцкай Германіі ў 1933-1939 гг.

7. Вялікабрытанія ў 1918-1929 гг.

8. Вялікабрытанія ў гады сусветнага эканамічнага крызісу.

9. Вялікабрытанія ў 1933-1939 гг.

10. Францыя ў 1918-1929 гг.

11. Францыя ў 1930-я гг.

12. ЗША ў 1918-1923 гг.

13. ЗША падчас "эры росквіту" (1924-1929 гг.)

14. ЗША у гады "Вялікай дэпрэсіі".

15. Рэформы "новага курса" адміністрацыі Ф.Д.Рузвельта.

16. Унутрыпалітычная барацьба ў ЗША ў 1933-1939 гг.

17. Знешняя палітыка ЗША ў 1918-1939 гг.

18. Італія ў 1918-1922 гг.

19. Станаўленне фашысцкага рэжыму ў Італіі (1922-1926).

20. Італія ў перыяд складвання фашысцкай дыктатуры (1926-1929).

21. Фашысцкая Італія ў 1930-я гг.

22. Знешняя палітыка Італіі ў 1922-1939 гг.

23. Іспанія ў 1918-1931 гг.

24. Падзенне манархіі і буржуазна-дэмакратычная рэвалюцыя ў Іспаніі (1933-1939 гг.)

25. Грамадзянская вайна ў Іспаніі і усталяванне франкісцкага рэжыму.

26. Міжнародны рабочы рух у 1918-1939 гг.

27. Міжнародныя адносіны ў першыя пасляваенныя гады. Складванне Версальска-Вашынгтонскай сістэмы і яе сутнасць.

28. Міжнародныя адносіны ў 1924-1929 гг.

29. Міжнародныя адносіны ў 1930 я гг.

30. Рух Супраціўлення ў Еўропе.

Дата добавления: 2014-11-08