У падрыхтоўцы да заняткаў выдзяляюцца наступныя этапы

Як працаваць на семінарскіх занятках

На семінарскіх занятках выступаюць студэнты, паказваючы свае веды па разглядаемай тэме. Выступленні могуць быць рознымі па фор-ме: чытанне рэферата, даклад па асноўным пытанні, судаклад, да-паўненне, папраўка, абагульненне. Тэма семінара з’яўляецца агульнай для ўсёй групы студэнтаў. Звычайна кожны з іх рыхтуецца па кожным з разглядаемых на семінары пытанняў. Выступленні і даклады, зробленыя на семінары, абмяркоўваюцца. У выніку можа ўзнікнуць дыскусія, што садзейнічае развіццю ў студэнтаў здольнасцей дакладна выкладаць свае думкі, быць пераканаўчымі ў спрэчцы. Падчас семінара выяўляюцца незразумелыя і недастаткова засвоеныя пытанні, якія ўдакладняюцца. Выкладчык кіруе семінарам, пры неабходнасці дапаўняе і выпраўляе студэнтаў.

Асновай для падрыхтоўкі студэнтаў да семінарскіх заняткаў з’яў-ляецца распрацаваны кафедрай план заняткаў. У ім даюцца назвы ўсіх семінарскіх заняткаў з указаннем колькасці выдзеленых на іх разгляд гадзін, пералічваюцца вывучаемыя пытанні, асноўная і дадатковая літаратура.

1. Падрыхтоўчы. Ён уключае азнаямленне з тэмай семінара, вы-вучэнне зместу плана, вызначэнне аб’ёму працы, выпрацоўку плана падрыхтоўкі.

2. Засваенне асноўнага вучэбнага матэрыялу. Выкарыстоўваюцца канспект лекцыі і падручнік, які служыць у якасці ўдакладняючай крыніцы ведаў.

3. Паглыбленне ведаў. Спачатку чытаецца найбольш важная спе-цыяльная літаратура па тэме, пасля – дадатковая, у тым ліку энцыкла-педыі. Па магчымасці праглядаецца Інтэрнэт. Пры гэтым робяцца вы-піскі па кожным з разглядаемых пытанняў тэмы. Пажадана выпісваць таксама незразумелыя словы і выразы з тым, каб пазней удакладніць іх значэнне праз даведачную літаратуру або ў выкладчыка.

4. Заключны этап. Пасля назапашвання матэрыялу важна асэн-саваць яго, для чаго карысна прадумаць і скласці план выступлення па кожным з пытанняў разглядаемай тэмы.

Семінар стане цікавым і карысным толькі тады, калі кожны студэнт падрыхтуецца да заняткаў настолькі добра, што ў яго ўзнікне жаданне выказаць свае меркаванні і падзяліцца сваімі думкамі.

Да студэнтаў на семінарскіх занятках прад’яўляюцца наступныя патрабаванні.

1. Абавязкова прыходзіць на заняткі падрыхтаванымі.

2. Звяртацца за кансультацыяй да выкладчыка, калі ў працэсе падрыхтоўкі ўзнікаюць складанасці.

3. Быць актыўным, выказваць свае думкі, заўвагі, дапаўняць і ўдакладняць адказы таварышаў, задаваць ім пытанні.

4. Пасля заняткаў з улікам выступленняў унесці неабходныя змены ў канспекты, спіс літаратуры.

Пры падрыхтоўцы да выступлення на семінарскіх занятках важна прытрымлівацца агульных патрабаванняў.

1. Скласці план выступлення, надаць яму стройную структуру.

2. Дакладна і лаканічна выказваць думкі, сачыць за якасцю мовы.

3. Творча выкарыстоўваць усе веды па дадзеным пытанні, набытыя з розных крыніц: кніг, лекцый, інтэрнэта, з асабістага вопыту і назіранняў.

4. Рабіць аргументаваныя, пераканаўчыя і дакладныя высновы.

5. Выступаючы з дапаўненнямі, не паўтараць ужо сказанае таварышамі. Каб пазбегнуць паўтораў, неабходна быць уважлівым і адразу ж уносіць змены ў асабісты план выступлення.

Дата добавления: 2014-12-25