О лоньскыхъ кобылицах

О кобылах

О назимых свиньяхъ

О вепрехъ

О свиньяхъ

О козахъ

О овцах

Дополнительные статьи пространной Русской Правды по карамзинскому списку

О мужи кроваве

Аще приидеть кровавь моужъ на дворъ или синъ, то видока емоу не искати, но платити емоу продажа за бесчестие, каковъ боудеть; аще ли не боудеть на немъ знамения, то привести ему видокъ, слово противоу слова, а кто боудеть почялъ, томоу платити коуны, въ что и объложать; аще же и кровав приидеть или боудеть самъ почялъ, а вылезоуть послоуси, то то емоу за платежь, оже и били.

Аще же ударить мечемъ или ножемъ, а не утьне на смерть, то князю вины 9 гривенъ, а истьцу за раноу соудять, а оже лечебное; потнеть ли на смерть, то вира платити.

Аще ли пьхнеть муж моужа любо к ce6е, любо от себя, ли по лицу оударить, или жръдию ударить, а без зънамения, а видокъ боудеть, бещестие емоу платити; аже будеть боляринъ великых боляръ, или менших боляръ, или людинъ городскыи, или селянинъ, то по его пути платити бесчестие; а оже боудеть варягъ или колобягъ, крещения не имея, а боудеть има бои, а видокъ не боудеть, ити има роте по своей вере, а любо на жребии, а виноватый въ продажи, въ что и обложать.

Эти статьи вставлены после статьи «о месячном резу» (см. ст. 47). Время составления этих статей относится к XIII - XIV вв. (М. Н. Тихомиров. Исследование, стр. 178 - 180).

Печатается по изданию «Правда Русская», т. I, изд. АН СССР, М.-Л., 1940, стр. 352 - 354, 361.

А от 20 овець и от двоу приплода на 12 летъ, 90000 овець и 100 овець и 12 овець, а борановъ 90000 и 100 и 12 борановъ.

А всего борановъ и овець на 12 лет 180000 и 200 и 23.

А овца метана по 6 ногатъ, а боранъ по 10 резанъ, а за то за все кунами 40000 гривенъ и 5000 грывенъ и 50 гривенъ и 5 гривенъ и 40 peзaн.

А на техъ овцахъ и на боранехъ роунъ 300000 и 60000 и 400 и 40 и б роунъ; а на техъ роунехъ коунами 7000 гривенъ и 200 и 8 гривенъ и 40 резанъ и 6 резанъ; а роуно чтено по peзaне.

А от 20 козъ и от 2 приплода на 12 летъ 90000 козъ и 100 козъ и 12 козъ.

А то кунами 20000 и 7000 и 30 гривенъ и 3 гривны и 30 резанъ.

А коза метана по 6 ногатъ. А козловъ 90000 и 100 и 11 козловъ, а то коунами 10000 и 8000 гривенъ и 20 гривенъ и 10 резанъ; а козелъ метанъ по 10 резанъ.

А от 3 свиней приплода на 12 летъ 70000 и 3000 и 700 и 20 и 8 свиней.

А то коунами 30000 и 6000 и 800 и 60 гривенъ и 4 гривны.

А вепревъ 40000 и 9000 и 100 и 40 вепревъ.

А то коунами 10000 и 4000, 700 и 40 гривенъ и 3 гривны и 40 резанъ; а вепрь метанъ по 6 ногатъ.

А назимыхъ 3 свиньи, а от техъ приплода на 10 летъ 60000 и 100 и 40 и 4 свиньи.

А то коунами 30000 и 70 и 2 гривны.

А свинья метана по полугривне; 3 вепри старые 40 и 5 резанъ.

А от 2 кобылъ на 12 летъ приплода 30 и 2 кобылы, а третьячинъ 20 кобыл, а лоньщинъ 20 жеребпцевъ.

А однолетных 10 кобылъ, а 10 жерепьцевъ.

А то кунами 100 и 30 гривенъ и 2 гревны; а кобыла метана по 3 гривны.

А третьячина по гривне.

А лоньщина по 30 резанъ.

А однолетное по 6 ногатъ метано.

А техъ всехъ лошадей числом 90 и двое.

А от лоньскои кобылици приплода на 9 лет 4 кобылы и с материю, а третьячинъ 3 кобылици, а лоньскыхъ 2 кобылици.

А от техъ кобылъ 10 жеребцевъ.

А старыи единъ жеребець; а то коунами 20 гривенъ и 2 гривны.

А техъ лошадей 20 числомъ.

Дата добавления: 2014-12-26