Харада

I. УМШТН

Харада

Хавр

Мөрн сар ирнә.

Мандлҗ нарн гилвкнә.

Мануртҗ тег суняна.

Мал-аһрусн идшлнә.

Көвкр цаһан үүлн

Көк теңгрәр нүүнә.

Каңкнсн зүсн өвсн

Кевсшң һазр бүркнә.

Тоһруд үүрән эргнә,

Торһа деер җиргнә,

Зурмн ормалдҗ чичкннә,

Зулҗ цоонгур орна.

Хаврин хоңһр салькн

Халх таалҗ үләнә.

Бамб цецгүд нәәхлнә,

Бәәдләрн нүд авлна.

Өврмҗтә сәәхн цаг!

Өргмҗәр чееҗм дүүрнә.

Дүркрсн йиртмҗд байсна,

Дурна шүлгән айслнав.

Бадм-Хаалһин И.

*Көдлмшин девтрәр көдллһн.

Эн дун ямаран җилин цаг медүлҗәнә?

Үгнь Эрнжәнә К. Көгҗмнь Манҗин Б.

Харада шовун, харада, рис. ласточки

Хаврин зәңг зөөнә.

Халад, җиргәд ниснә,

Хаврин айсар биилнә. (2 д.)

Нарн һазр ээнә,

Ноһан нигтәр урһна, рис. солнца, травки, цветов

Ноһана бетк болһнд

Намчта цецгүд шавшна. (2 д.)

Хавр, сәәхн хавр, рис. солнца

Халун нарта хавр,

Хавр, шуугата хавр,

Харада авч ирнә. (2 д.)

Сурврмудын хәрү олҗ умштн:

1. Ямаран шовун хаврин түрүһәр нисч ирнә?

2. Юуһарн эн байрлулна?

3. Нарн һазрт ямаран нилчән күргнә?

4. Хаврин бәәдл ямаран?

5. Эн шүлгин авторнь кемб?

Күүндтн:

А: Юн хаврин зәңг зөөнә?

Б: Харада хаврин зәңг зөөнә.

А: Харада хаврт яһҗ байрлна?

Б: Җиргәд ниснә, хаврин айсар биилнә.

А: Нарна дуланд йиртмҗ яһна?

Б: Ноһан нигтәр урһна, намчта цецгүд шавшна.

А: Хавр ямаран?

Б: Хавр сәәхн, дулан нарта, шуугата.

∙ ∙ Соңстн. Эн ямаран нертә шовун?

Эн шовун шаврар үүрән ясна. Эн чотл хар зүстә, ут сәәхн сүүлтә, шулун нислһтә, җиргсн дуута.

*Көдлмшин девтрәр көдллһн.

Теегин урһмл

Дата добавления: 2014-11-06