I. ТОДЛТН. Моһа сарин чилгчәр нарна күчн икднә

Хавр

II. УМШТН

Хаврин тег юуһарн сәәхн?

Моһа сарин чилгчәр нарна күчн икднә. Тег цаснас, мөснәс сулдна. Хотхр һазрмудар цувгудын усн тогтна. Энд-тенд өргн цандгуд делврнә.

Хаврин ирлһн цуг әмтә-тоотыг сергәнә. Бичкн бор богшурһас цандгт шалвачна, бийән сергәнә. Һазр дорас шорһлҗд һарна. Эдн хаврин көдлмшән эклнә. Дулан һазрас шовуд нисч ирнә.

Мөрн сар хамгин сәәхн, таалмҗта цаг. Эн кемлә йиртмҗ йосндан сәәхрнә. Зер-земшин модд цаһан, оошк цецгәсәр кеернә, сәәхн үнрәрн каңкнна. Һазр шин ноһаһар, олн зүсн цецгәсәр эрәтрҗ кеернә. Ик холас ноһана каңкнсн үнр соңсгдна. Шар, улан, цаһан цецгәсин царңгуд энд-тенд төөнрҗ сәәхрнә. Цецгәс деегүр олн зүсн эрвәкәс цервнә. Хаалһар гүлүрг үзгднә, зурмн нүкнәсн шаһана, ут сүүлтә ялмн энд-тенд өсрҗ гүүнә.

Аһарт батхн ниснә. Ут җивртә темәлҗрһн, сөм хоңшарта зөг дүүгнә. Эдн эдл хотан хәәҗ ниснә. Цуг әмтә тоот дулан хаврт байрлна.

Теегт машид күрҗгннә, тәрәнә көдлмш эклнә. Әмтн малын төл авна.

Пунцга Н.

Сурврмудт хәрү өгтн:

1. Моһа сарин чилгчәр теңгрин бәәдл яһҗ хүврнә?

2. Хавр ирхлә, цуг әмтә тоот яһна?

3. Мөрн сар юуһарн өвәрц?

4. Хаврин теегт ямаран көдлмш һарна?

Күүндтн:

А: Моһа сарин бәәдл ямаран?

Б: Моһа сард цасн, мөсн хәәлнә.

Цандгуд делврнә.

А: Шовуд дулан һазрас кезә нисч ирнә?

Б: Моһа сарин чилгчәр нисч ирнә.

А: Йиртмҗ кезә йосндан сәәхрнә?

Б: Мөрн сард сәәхрнә.

А: Теегт ямаран көдлмш эклнә?

Б: Тәрәнә көдлмш эклнә.

Малын төл авна.

∙ ∙ Соңстн. Эн ямаран цаг?

Халун салькн үләнә,

Шора-тоосн бүргнә,

Һазрин көрсн хална,

Әмтә-тоот цаңһна.

*Көдлмшин девтрәр көдллһн.

Рис. ласточки рис. ручья рис. телята, ягнята на

солнышке лежат

хаврин зәңгч цувгин урсхл нарна герлд ээврлнә

Рис дети босиком бегат по траве собирают цветы

көл нүцкәр ноһаһар гүүлднә цецгүд түүнә

Дата добавления: 2014-11-06