I. Тодлтн

Хаврин тег

Эндрк тег

I. УМШТН

Хальмг тег

Теегин өрүни бәәдл ямаран?

Хальмг тег эң-зах уга ик. Мана таңһчд кесг Бельгий эс гиҗ Голландь багтхмн. Альдаран хәләв чигн у, тегш тег налана. Эн тег өнр-өргн. Саглрсн сәәхн тәрмр модар ховр, булг-усар хатяр.

Эргүләд энд-тендән хәләхнь, идшлҗ йовх мал үзгднә. Толһаһан һазрла наалдулчксн үкрмүд, сүүдрәр шооһад (баглрад), әңкләд зогссн хөд үзгднә.

Зо деер һархла, уулас гүүсн дольган мет, җирлһн җирс-җирс гинә.

Салькнд цаһан өвсн нәәхлҗ һаңхна. Холас хәләсн күүнд, көк теңгсин көөстсн усна дольган болҗ үзгднә. Үүлн уга мелтхр көк теңгрәс, өңгтә шар нарн цонаҗ хәәрнә. Өрүн эрт нуурмуд, боодгуд усар налаҗ цәәнә. Өрүн эрт будн дорагшан бууна. Үкрмүд өрүн кевтрәсн босад, бәәрн талан йовна. Хөн өрүн кевлһән кевәд, киитн җөөлн өвсн деер кевтнә. Хотна захд бәәх темәдин зәрмнь кевлһән кевәд, зәрмснь үмсн деер көлвәдәд кевтцхәнә. Өрүн гегән орад, күн босх цаг болна.

Сурврмудт хәрү өгтн:

1. Теегин аһу ямаран?

2. Теегт юн ховр болна?

3. Зо деерәс юн үзгднә?

4. Цаһан өвснә нәәхллһн юуна бәәдлтә?

5. Өрүһәр нарн яһҗ халулна?

6. Цуг әмтә тоот яһҗ сернә?

Айслулҗ умштн:

Шүлгт юуна тускар келгдҗәнә?

…Теегин темәд сольҗ, Баһчуд өмнәсм зөрлцнә,

Тегшдән машид гүүлднә. Бииллдсн эдн йовцхана,

Теңгрин үүл хурлзулҗ, Дуулсн дунь ниилнә,

Төрскнә һәрдс нислднә. Диилврүр уралан дуудна.

Шиңкән бәрсн гермүдт Теңгс, уул һатлад,

Шин айсмуд җиңннә, Темцәд чамдан ирләв.

Җиңнсн эн айсднь, Эндрк эврәннь теегт

Җирһлин булг буслна. Эн зург үзләв.

Җимбин А.

*Көдлмшин девтрәр көдллһн.

рис. тюльпанов в степи

Дата добавления: 2014-11-06