II. УМШТН. Хавр ноһан ширәр Өдр ут далваһан

I. ТОДЛТН

II. УМШТН

Хавр ю авч ирнә?

Хавр ноһан ширәр Өдр ут далваһан

Хотл балһсим ширдв. Өмнм сөгдҗ делгв

Каңкнсн бамб цецгүд «Хавр гидгтн эн,

Күн болһнд белглв. Хәәрлҗ эдлтн», - болв.

Халуһан һазрт күргҗ,

Хаврин нарн деегшлв.

Тәрән, аһурсн әмдрҗ,

Түргәр чинәһән авв.

Шугран В.

Сурврмудын хәрү олҗ умштн:

1. Хавр яһҗ балһс кеерүлнә?

2. Ямаран белгән белглв?

3. Хаврин өдр ямаран болв?

4. Хаврин нарн яһв?

5. Юн чинәһән авв?

Күүндтн:

А: Хавр альдаран ирв?

Б: Хавр балһснур ирв.

А: Әмтиг юуһар байрлулв?

Б: Каңкнсн бамб цецгүдәр байрлулв.

А: Өдр яһҗ сольв?

Б: Өдр ут болв.

А: Хавр ю медүлв?

Б: «Хавр гидгтн эн,

Хәәрлҗ эдлтн», - болв.

А: Хаврин нарн юуһан күргв?

Б: Халун күчән күргв.

А: Нарна халун күчнд юн әмдрв?

Б: Тәрән, аһурсн чинәһән авв.

• • Соңстн. Эн ямаран цагин эклц?

Халун баһрна,

Аһар серүднә,

Чиг чииглнә,

Өвсн шарлна.

*Көдлмшин девтрәр көдллһн.

Зөг харулд һарлһн

Рис. пчёлы в саду.

Зөгмүд альдаран нисв?

Хавр ирнә, нарна күчнд цасн хәәлнә. Усар ивтрсн һазрт шин ноһан бултана.

Үвлин ут нөөрәсн зөг сернә. Савһр көләрн хойр нүдән арчна, хаҗудк үүрмүдән серүлнә. Эдн цуһар терзәр һазак бәәдл шинҗлнә. Цаста, мөстә киитн үвл чилв, угай? – гиҗ хәләлднә.

Шар нарн мандлад бәәсиг, төгәлңдән дулан сәәхн бәәхиг үзчкәд, үвлзңгәсн һарад, альмна моднур нисцхәнә.

Альмн, чамд үвләс түрү һарсн зөгмүдт өгх юмн бәәдг болвзго? Үвлин дуусн өлн бәәввидн, – гицхәнә.

– Уга, тадн дегд эрт нисҗ ирвт, мини цецг ода чигн цецгәләд уга. Чииһүр одад хәләтн, – гиҗ альмна модн келнә.

Зөгмүд чииһүр ниснә. Сәәхн иньг минь, чи минь! Өлссн зөгмүдин төлә чамд цецгүд бәәввзго? – гинә.

– Сәәхн иньгүдм минь, маңһдур иртн, эндр нан деер нег чигн секгдсн цецг уга. Секгдсн цагт гиичнрән байртаһар тоохв, – гиҗ чи хәрү өгнә.

Зөгмүд бамб цецгүр нисҗ ирнә. Терүнә цоохр толһаһурнь өөрдхлә, үнр чигн, бал чигн уга болна.

Һундлта, геснь өлссн зөгмүд герүрн нисхәр седв. Генткн хамтхасна дор хар көк цецг үзгднә. Тернь нил цецг бәәҗ. Цецг хамтхасан секҗ өгнә – сәәхн үнртә шүүсн дүүрң бәәдг болна. Зөгмүд цадтлан ууҗ-идҗ авад, байрта, тиньгр герүрн нисҗ ирнә.

К. Д. Ушинский

Сурврмудын хәрү текстәс олҗ умштн:

1. Ямаран цаг ирв?

2. Зөгмүд серәд ю шинҗлнә?

3. Эдн юунур нисв?

4. Альмна моднас ю сурв?

5. Альмна модн юңгад эдниг тооҗ чадсн уга?

6. Альмна модн эдниг юунур илгәнә?

7. Чииһин модн эдниг кезә иртн гинә?

8. Бамб цецгт юн уга болна?

9. Ямаран цецг эдниг сәәнәр тоов?

10. Энүнд юн дала бәәҗ?

*Көдлмшин девтрәр көдллһн.

Кен юуһар көлг кенә?

Дата добавления: 2014-11-06