Пытанні і заданні для самападрыхтоўкі. Выберыце правільны варыянт адказу

Тэсты

Выберыце правільны варыянт адказу

1. Правыя «чырвоныя» у паўстанні 1863 – 1864 гг.

а) прызнавалі права на нацыянальнае самавызначэнне літоўцаў, украінцаў і беларусаў;

б) прызнавалі роўнасць нацыянальных правоў беларусаў, літоўцаў, украінцаў з палякамі, але выступалі за адзіную незалежную Польшчу ў межах 1772 г.;

в) аграрнае пытанне планавалі вырашыць шляхам ліквідацыі памешчыцкага землеўладання;

г) разлічвалі на сялянскую рэвалюцыю і саюз з расійскімі рэвалюцыянерамі.

2. У газеце «Мужыцкая праўда» не было заклікаў да:

а) узброенай барацьбы з самадзяржаўем;

б) падтрымкі польскага нацыянальна-вызваленчага руху;

в) барацьбы з праваслаўнай царквой;

г) інтэрнацыянальнай еднасці беларускага і рускага народаў.

3. Беларуская сацыялістычная грамада падчас рэвалюцыі 1905 – 1907 гг. найбольш актыўна дзейнічала ў асяроддзі:

а) рамеснікаў і рабочых беларускіх гарадоў;

б) беларускіх сялян;

в) салдат у вайсковых гарнізонах Беларусі.

4. Пасля заканчэння першай расійскай рэвалюцыі Беларуская сацыялістычная грамада як палітычная партыя:

а) перайшла на нелегальнае становішча;

б) прыпыніла сваю дзейнасць;

в) перастала існаваць увогуле;

г) злілася з партыяй эсэраў.

5. Характар дзейнасці газеты «Наша Ніва» можна вызначыць як:

а) рэвалюцыйна-прапагандысцкі;

б) афіцыйна-інфармацыйны;

в) ліберальна-асветніцкі;

г) адкрыта-апазіцыйны.

6. Беларускі народны камітэт – гэта:

а) каардынацыйны орган беларускіх палітычных і грамадскіх арганізацый, які дзейнічаў на тэрыторыі Беларусі, акупаванай Германіяй;

б) тайная арганізацыя, якая была створана для каардынацыі рэвалюцыйнай дзейнасці сярод бежанцаў-беларусаў у гарадах цэнтральнай Расіі;

в) каардынацыйны орган беларускіх нацыяналістаў, якія падчас Першай сусветнай вайны выступілі за стварэнне на тэрыторыі Беларусі незалежнай дзяржавы.

7. Першай легальнай недзяржаўнай газетай у Беларусі была:

а) Мужыцкая праўда;

б) Віленскі веснік;

в) Гоман;

г) Губернские ведомости;

д) Епархиальные ведомости:

е) Минский листок;

ж) Наша доля.

Дакументы і матэрыялы:

1. Каліноўскі, К. За нашу вольнасць: Творы, дакументы / К. Каліноўскі. – Мн., 1999.

2. 1863 г. 26 апреля – Донесение Б. К. Рейхарта В. А. Долгорукову о действиях польских повстанческих отрядов в Минской губ. // Хрестоматия по истории Белоруссии. – Минск, 1977. – С. 287 – 288.

3. 1863 г. июня … – Из «Мужыцкай праўды» обращение К. Калиновского к белорусским крестьянам – призыв становиться в ряды борцов за свободу и справедливость // Хрестоматия по истории Беларуси. – С. 289 – 290.

4. Маніфест 17 кастрычніка 1905 года // Беларускі гістарычны часопіс. – 1995. – № 1. – С. 82.

5. Программа Белорусской Социалистической Громады // Октябрь 1917 и судьбы политической оппозиции. В 3-х ч. – Гомель, 1993. – Ч. 2. У истоков политического противостояния. – С. 14 – 16.

6. Луцкевіч, А. За двадцать пяць гадоў (1903 – 1928): Успаміны аб працы першых палітычных арганізацый / А. Луцкевіч. – Мінск, 1991.

7. 1897 г. – Из материалов первой всеобщей переписи населения России о грамотности населения по сословиям // Хрестоматия по истории Белоруссии. – С. 424 – 428.

Літаратура

Гісторыя Беларусі: падручнік: У 2 ч. Ч. 1. Ад старажытных часоў – па люты 1917 г. / Пад рэд. Я. К. Новіка, Г. С. Марцуля. – Мінск: Выш. шк., 2007. – С. 262 – 266, 323 – 350, 369 – 374 (спіс літаратуры на с. 392 – 394).

Новік, Я. К. Гісторыя Беларусі. Ад старажытных часоў – па 2008 г.: вучэб. дапам. / Я. К. Новік, І. Л. Качалаў, Н. Я. Новік. – Мінск: Выш. шк., 2009. – С. 177 – 182, 208 – 214, 237 – 241, 251 – 257, 261 – 263, 271 – 275.

Арлоў, У. А. Прысуд выканаў невядомы: Ігнат Грынявіцкі / У. А. Арлоў. – Мінск, 1992.

З гісторыі палітычных партый: Вуч. дапам. для студэнтаў. – Мн., 1993.

Сташкевіч, М. Перадумовы і працэс стварэння палітычных партый на Беларусі (канец XIX ст. – люты 1917 г.) / М. Сташкевіч // Беларускі гістарычны часопіс. – 1999. – № 3 – 4.

Тэма V. Падзеі Кастрычніцкай рэвалюцыі ў Беларусі. Нацыянальна-дзяржаўнае будаўніцтва. Грамадзянская вайна і іншаземная інтэрвенцыя: Пачатак Найноўшага часу ў айчыннай гісторыі (люты 1917 – 1920 г.)

(2 гадзін)

Семінарскія заняткі

Беларусь у перыяд грамадзянскай вайны і іншаземнай інтэрвенцыі. Нацыянальна-дзяржаўнае будаўніцтва

План

1. Пашырэнне нямецкай акупацыі Беларусі ў пачатку 1918 г. Брэсцкі мірны дагавор. Абвяшчэнне Беларускай Народнай Рэспублікі (БНР).

2. Утварэнне Беларускай ССР. Пачатак станаўлення беларускай савецкай дзяржаўнасці.

3. Беларусь у перыяд польскай інтэрвенцыі. Барацьба беларускага народа супраць польскіх інтэрвентаў.

Прыкладныя тэмы рэфератаў:

1. Брэсцкі мірны дагавор у гістарычным лёсе беларускага народа.

2. Барацьба беларускага народа супраць нямецкіх акупантаў у 1918 г.

3. Пазіцыя бальшавікоў па нацыянальным пытанні.

4. Беларускі нацыянальны рух ва ўмовах польскай інтэрвенцыі.

1. Як і ў якіх умовах была абвешчана Беларуская Народная Рэспубліка?

2. З чым звязаны крызіс БНР? Як ён паўплываў на лёс рэспублікі і Беларускай сацыялістычнай грамады?

3. Ахарактарызуйце палітычную барацьбу ў бальшавісцкай партыі напярэдадні ўтварэння БССР. Якія палітычныя сілы падрыхтавалі абвяшчэнне БССР?

4. Назавіце прычыны, якія прывялі да ўтварэння Літоўска-Беларускай ССР.

5. Чым характарызавалася жыццё Беларусі ва ўмовах польскай акупацыі?

6. Як адбылося другое абвяшчэнне БССР?

Дата добавления: 2015-06-26