Vastukaraine

Sygyzyn tuuli

Hurai da Oigei

Syväimen kaivo syvä,

Elaijan mägi korgei;

Kelle on eliä hyvä,

Ei sidä tiijä Oigei.

Toinah sit tiedäy Hurai?

Hurai ei sidä sano;

Hurai ei ole urai –

Sanas roih kummu kanoil...

45 * * *

Istun ma puolen yödy –

Elaigu tulou piäh:

Kenenbo vuitti on myödy,

Kedä ken ostau vie.

Kelle kui pidäy eliä,

Kelle jo loppu on;

Kui eččiu ižä emiä

Päivän dai tävven yön.

46 * * *

Pilven al ma kodvan astun,

Vihmu pergau, minä kastun.

Üksikai en peitä piädy,

Tiijät iče, enhäi ruostu...

47 * * *

Huondes tulou, silmät pezen,

Meijän kaivos puhtas vezi.

Ilmu pihal nereu-nereu,

Vihmu muadu kodvan pezöy.

Rippuu piälpäi pilvi kodvan,

Pikoituuli tuulou odva.

Sogeivihmal kazvau griba,

Gribah lähti vahnu siga.

Čökkäi jalgoih suappuat kirzu,

Kädeh otti suuren virzun.

Toi sit ehtäl gribua kodih,

Kaikil hyvä mieles rodih.

Keitti illan sigan akku,

Söimmö gribua kaikin raukku.

48 Murčiu vihmu muadu

Murčiu vihmu muadu,

Kastau vihmu pellon,

Se on syksyn ruado,

Rodih syksyn kello…

49 * * *

Ribuhiine pilvi

Istuu taivahas,

Kaččou järven silmih –

Iče tävves väis.

Kandau vačas vihmua,

On gu kohtuine,

Valgeipäiviä vihuau –

Kastuu koivuine...

Viheldäy tuuli,

Ukkailou huulih,

Lehtilöy kiškou,

Istuu muan niškal.

Puzerdau pilvii,

Kačo ei silmih –

Kiireh on tuulel

Hälištä suurel:

Pilvilöin vaččua

Vardoiččou, kaččou.

51 * * *

Tuuli pyhkiy pihua,

Vihmu pergau muadu:

Pilvi suitti vihmua –

Sygyzyn se ruado.

Astun minä, pastan,

Sovat vihmu kastau,

Minul pidäy astuo –

Vilu tuuli vastah.

Pilvi suitti vihmua,

Minä suittin riähkiä,

Olis tottu lihua,

Pakkus piälpäi riehtil.

Riehtiliä ei paku,

Voin vie astuo ielleh,

Kaimain ties palkun,

Tulou aino mieleh…

… Viego kodvan harpuan

Pitkäl matkal ties?

Viego ozan arbuan?

Roihgo aino ijäs?

52 * * *

Taivas kodvan vuodau,

Tuuli jallois kuadau,

Vihmu kastau muadu –

Tulou talvi myös.

Vilu ilmu tabai,

Meččäh tien salbai,

Kodvan kuudam rambai

Pilvilöinke yös.

53 * * *

Huondes vaihtau yödy,

Kevät vaihtau talvie,

Tämä vuozi syödy –

Lumi peittäy jälgii.

Tulou, tulou kezä,

Vuota lämmiä myös,

Azuu lindu pezän,

Valgei rodieu yö.

54 * * *

Päčis kižuau tuli,

Tuli halguo syöy.

Minä kodih tulin,

Istun, čuajuu juon.

Ikkunalluo istun,

Minuh kaččou yö,

Kaglas rippuu ristu,

Päčči halguo syöy.

Lähti vastukarai

Ammui minun elos,

Olizin gu urai,

Rippuzin sit kehnos.

Umbisolmes aigu,

Vastukarai vuvvet,

Hädiä suuri taigin,

Yhtet mielet uvvet.

56 * * *

En malta riähkättäh eliä,

Selläntuan riähkiä se on:

Žiälöinnyh en omua selgiä,

Ga yksikai voiton vie suan.

Olishäi uvvessah tulla

Lapsennu muailmal täh,

Tiedäzin kus ollah kullat,

Tiedäzin kus ollah täit.

Toiči jo väzyttäy eliä,

Ma elaigua smiettinyh en,

Ga yksikai en žiälei selgiä,

Sit jällespäi kupettau piän…

57 Meččy

Sygyzy meččiä jaksattau,

Talvi meččiä sellittäy,

Kevät jaksattau da sellittäy,

Kezä sovat čomendau…

58 * * *

Vilul huabu särizöy,

Koiru koin luo ärizöy,

Hukku eččoh jänöin jälgii

Lähtöy mečäs – hukal nälgy.

Дата добавления: 2015-06-30