Студопедия

КАТЕГОРИИ:


Архитектура-(3434)Астрономия-(809)Биология-(7483)Биотехнологии-(1457)Военное дело-(14632)Высокие технологии-(1363)География-(913)Геология-(1438)Государство-(451)Демография-(1065)Дом-(47672)Журналистика и СМИ-(912)Изобретательство-(14524)Иностранные языки-(4268)Информатика-(17799)Искусство-(1338)История-(13644)Компьютеры-(11121)Косметика-(55)Кулинария-(373)Культура-(8427)Лингвистика-(374)Литература-(1642)Маркетинг-(23702)Математика-(16968)Машиностроение-(1700)Медицина-(12668)Менеджмент-(24684)Механика-(15423)Науковедение-(506)Образование-(11852)Охрана труда-(3308)Педагогика-(5571)Полиграфия-(1312)Политика-(7869)Право-(5454)Приборостроение-(1369)Программирование-(2801)Производство-(97182)Промышленность-(8706)Психология-(18388)Религия-(3217)Связь-(10668)Сельское хозяйство-(299)Социология-(6455)Спорт-(42831)Строительство-(4793)Торговля-(5050)Транспорт-(2929)Туризм-(1568)Физика-(3942)Философия-(17015)Финансы-(26596)Химия-(22929)Экология-(12095)Экономика-(9961)Электроника-(8441)Электротехника-(4623)Энергетика-(12629)Юриспруденция-(1492)Ядерная техника-(1748)

Москва «Искусство» 1978 3 страница





ПСАЛОМ 41
1. С(ы)н(о)въ кореовъ, в конець.

2. Имже образомь желаеть елень на источникы водныя,
сице желаеть д(у)ша моя к тобе б(о)же.
3. Вжада д(у)ша моя к б(ог)оу крепкомоу и живомоу:
когда приидоу, явлюся лицю б(о)жию;
4. Быша слезы моя мне хлеб д(е)нь и нощ(ь), егда г(лаго)л(а)хоу мне
на всяк д(е)нь: где ес(ть) б(ог)ъ твои;
5. Сия помяноух, и излиях на мя д(у)шю мою: яко проидоу в место крова
дивна, даже до домоу б(ож)ия, въ гласе радования и исповедания
шюма праздьноующаго.
6. Въскоую прискорбьна еси д(у)ше моя; и вьскоую смоущаеши мя; оуповаи на
б(ог)а, яко исповемся емоу, сп(асе)нье лицю моемоу, и б(ог)ъ мои.
7. Во мне самомь д(у)ша моя смоутися: сего ради помяноух тя от земля
иерданьскыя, и ермоньскыя, от горы малы.
8. Бездьна бездьноу призываеть въ гласе хлябии твоихъ:
вся высоты твоя и волъны твоя по мне преидоша.
9. Въ д(е)нь заповесть г(оспод)ь м(и)л(ос)ть свою, и нощию пес(нь) его от мене,
м(о)л(и)тва б(ог)оу живота моего.
10. Рекоу бо(г)оу: застоупникъ мои еси, почто мя забы;
и въскоую сетоуя хожю, егда стоужает ми врагъ;
11. Егда скроушахоуся кости моя, поношахоу ми врази мои, егда
г(лаго)л(а)хоу мне на всякъ д(е)нь: где есть б(ог)ъ твои;
12. Вьскоую прискорбьна еси д(у)ше моя; и вьскоую смоущаеши мя;
оуповаи на б(ог)а, яко исповемся емоу, сп(а)с(е)нье лицю моемоу, б(ог)ъ мои.

ПСАЛОМ 42
Д(а)в(и)д(о)въ.

1. Соуди ми б(ож)е, и ра[з]cоуди прю мою: от языка непреподобна,
от ч(е)л(о)в(е)ка неправедна и льстива избави мя.
2. Яко ты еси б(о)же держава моя. вьскоую отриноу мя;
и вьскоую сетоуя хожю, егда стоужаеть ми враг;
3. Посли светъ твои,[и] истиноу твою: та мя настависта,
и введоста мя в гороу с(вя)тоую твою, и в села твоя.
4. И внидоу къ олтарю б(о)жию, къ б(ог)оу веселящемоу оуность мою:
исповемся тобе в гоуслех б(ож)е, б(ож)е мои.
5. Въскоую прискорбьна еси д(у)ше моя; и вьскоую смоущаеши мя;
оуповаи на б(ог)а, яко исповемся емоу, сп(асе)нье лицю моемоу, и б(ог)ъ мои.

СЛАВА :

 

ПСАЛОМ 43
1. С(ы)н(о)въ кореовъ, разоумъ, в конець.

2. Б(ож)е, оушима нашима оуслышахомъ, о(т)ци наши вьзвестиша намъ
дело, еже сдела вь д(ь)ни ихъ, въ д(ь)ни и первыя.
3. Роука твоя языкы потреби, и насадилъ я еси: озлоби люди, и изгна ихъ.
4. Не ороужьемь бо своимъ наследиша землю, и мышца ихъ не сп(а)се ихъ:
но десница твоя, и мышца твоя, и просвещенье лица твоего,
яко бл(а)гоизволи в них.
5. Ты еси самъ ц(а)рь мои и б(ог)ъ мои, заповедаяи сп(асе(нье ияковле.
6. О тобе врагы наша избодемъ рогы, и о имени твоемь оуничижимь
вьстающая на ны.
7. Не на лоукъ бо мои оуповаю, и ороужье мое не съпасеть мене:
8. Сп(ас)лъ бо ны еси от стоужающих намъ,
и ненавидящая нас посрамилъ еси.
9. О б(о)зе похвалимся весь д(е)нь, и о имени твоемь исповемся в век.
10. Ныне же отриноу и посрамилъ еси нас,
и не изидеши б(ож)е в силах наших.
11. Вьзвратил ны еси вьспять при вразех наших,
и ненавидящеи нас расхищахоу себе.
12. Дал ны еси яко овца снеди, и вь языцех рассеял ны еси.
13. Продасть люди своя бес цены, и не бе множьства
во въсклицаниих наших.
14. Положилъ еси нас поношенье соуседомъ нашимъ,
подраженье и пороуган(и)е соущим окр(е)стъ нас.
15. Положил ны еси притчю вь языцех, покыванию главе в людехъ.
16. Весь д(е)нь срамъ мои пред(о)мною есть, и стоуд лица моего покры мя,
17. От гл(ас)а поношающаго и оклеветающаго, от лица вражья изгонящаго.
18. Си вся придоша на ны, и не забыхомъ тобе,
и не неправдихомь в завете твоемь,
19. И не отстоупи въспять с(е)рдце наше:
и оуклонилъ еси стезя наша от поути твоего.
20. Яко смирил ны еси на месте озлобления, и прикры ны сень см(е)ртная.
21. Аще забыхомъ имя б(ог)а нашего,
и аще възьдехомъ роукы наша к б(ог)оу чюжемоу,
22. Не б(ог)ъ ли взыщеть сих; тои бо свесть таиная с(е)рдца.
23. Яко тобе ради оум(е)рщвяеми есмы вес(ь) д(е)нь,
вменихомся яко овца заколенью.
24. Вьстани, вськоую спиши г(оспод)и; вьскр(ес)ни, и не отрини до конца.
25. Вьскоую лице твое отвращаеши,
забываеши нищетоу нашю и печаль нашю;
26. Яко смерися в персть д(у)ша наша,прилпе земли оутроба наша.
27. В[о]скр(ес)ни г(оспод)и, помози намъ, и избави нас имени твоего ради.



 

 

ПСАЛОМ 44
1. В конець, с(ы)новъ кореовъ, разоум, о вьзлюбленем.

2. Отъригноу с(е)рдце мое слово бл(а)го, г(лаго)лю азъ дела моя ц(а)р(е)ви,
языкъ мои трость книжника скорописца.
3. Краснеиши добротою паче с(ы)н(о)въ ч(е)л(о)в(е)чьскъ, излияся
бл(а)г(о)д(а)ть во оустноу твоею: сего рад(и) бл(аго)сл(о)ви тя б(ог)ъ вь векы.
4. Препояши ороужье свое по бедре твоеи, силне,
5. Красотою твоею и добротою твоею, и напрязи, и спеи, и ц(а)рствоуи,
истины ради и кротости и правды: и наставить тя дивно десница твоя.
6. Стрелы твоя изъострены, силне:
люд(и)е под тобою падоуть вь с(е)рдци врагъ ц(а)р(е)въ.
7. Пр(е)ст(о)лъ твои б(ож)е в векъ века: жезлъ правости, жезлъ ц(а)рствия твоего.
8. Вьзлюбилъ еси правдоу, и вьзненавиде безаконье: сего рад(и) помаза тя б(ож)е
б(ог)ъ твои, елеемь радости пач(е) причастникъ твоихъ.
9. Смирна, и стакти, и касия от ризъ твоихъ, от тяжести слоновных,
из нихже вьзвеселиша тя.
10. Дщери ц(а)реи во ч(е)сти твоеи: предста ц(а)р(и)ця одесноую тобе,
в ризах позлащенах одеянна преоукрашена.
11. Слыши дщи и вижь, и прилони оухо твое, и забо(у)ди люди твоя,
и домь о(т)ца твоего:
12. И вжелееть ц(а)рь доброте твоеи, яко то есть г(оспод)ь твои,
и поклонишися емоу,
13. Дщи тирова с дары: лицю твоемоу помолятся богати людьстии.
14. Вся слава дьщери ц(а)р(е)ве вноутрь, рясны златы оде(я)на преоукрашена.
15. Приведоутся ц(а)рю д(е)вы вь след ея, и искренея ея приведоутся тобе:
16. Приведоутся вь веселье и радость, приведоутся вь ц(е)рк(о)вь ц(а(р(е)воу.
17. Вь о(те)ць твоихъ место быша с(ы)н(о)ве твои:
поставиши ихъ князя по всеи земли.
18. Помяноу имя твое во всякомь роде и роде: сего рад(и) людие исповедятся тобе
въ векы, и в векъ века.

ПСАЛОМ 45
1. Д(а)в(и)д(о)в.

2. Б(ог)ъ намъ прибежище и сила, помощникъ вь скорбех обретших ны зело.
3. Сего ради не оубоимся, егда смоущается земля,
и прелагаются горы вь с(е)рдца морьская.
4. Въ[з]шюмеша и смоутишас(я) воды ихъ, смоутишася горы крепостию его.
5. Речная оустремления веселять град б(о)жии,
[о]с(вя)тилъ есть село свое вышнии.
6. Б(ог)ъ посреде его, и не подвижится, поможеть емоу б(ог)ъ оутро заоутра.
7. [С]моутишася языци и оуклонишася ц(а)рствия:
дасть глас свои вышнии, и потрясеся земля.
8. Г(оспод)ь силъ с нами, застоупникъ нашь б(ог)ъ ияковль.

 

9. Придете и видите дела б(о)жия, яже положи чюдеса на земли:
10. От[ъ]емля брани до конца земли, лоукъ скроушить,
и сломить ороужье, и щитъ сожжеть огнемь.
11. Оупразнитеся и разоумеите, яко азъ есмь б(ог)ъ:
вьзнесоуся вь языцехъ, вьзнесоуся на земли.
12. Г(оспод)ь сил с нами, застоупникъ нашь б(ог)ъ ияковль.

СЛАВА :

К А Ф И З М А С Е ДЬ М А Я

ПСАЛОМ 46
Д(а)в(и)д(о)въ, в конець.

1. Вси языци вьсплещете роуками, въскликнете б(ог)оу гл(асо)мь радости.
2. Яко г(оспод)ь вышнии страшенъ, ц(а)рь велеи по всеи земли.
3. Покори люд(и) намъ, и языкы под ногы наша:
4. Избра намъ достоянье свое, добротоу ияковлю, юже вьзлюби.
5. Взыде б(ог)ъ вь (во)скликновении, г(оспод)ь вь гл(ас)е троубне.
6. Поите б(ог)оу нашемоу, поите, поите ц(а)р(е)ви нашемоу, поите.
7. Яко ц(а)рь всеи земли б(ог)ъ, поите разоумно.
8. Вьц(а)рися б(ог)ъ над языкы: б(ог)ъ седить на пр(е)ст(о)ле с(вя)темь своемь.
9. Князи людстии собрашася съ б(о)гомь авраамлимь: яко б(о)жии
державнии [земли] зело вьзнесошася.

ПСАЛОМ 47
1. Песнии с(ы)н(о)в кореов.

2. Велеи г(оспод)ь, и хваленъ зело, въ граде б(ог)а нашего, в горе с(вя)теи его,
3. Бл(а)гокореномь радованьемь всея земля. горы сионьскыя, ребра северова,
град ц(а)ря великаго.
4. Б(ог)ъ вь тяжестех его знаемь есть, егда застоупаеть и.
5. Яко се ц(а)рье земьстии собрашася, снидошас(я) вкоупе.
6. Тии видевше тако, дивишася, смоутишася и подвизашася:
7. Трепетъ приятъ я, тоу болезьни яко ражающия.
8. Д(у)х(о)мь боурномь скроушиши корабля фарсиискыя.
9. Якоже слышахом, тако и видехомь вь граде г(оспод)а силъ, в граде б(ог)а
нашего: б(ог)ъ основаяи в векъ.
10. Прияхомь б(ож)е м(и)лость твою посреде людии твоихъ.
11. По имени твоемоу б(ож)е, тако и хвала твоя на концехъ земля:
правды исполнь десница твоя.
12. Да вьзвеселитьс(я) гора сионьская, и вьзърадоуются дщери июдеискыя,
соудебъ рад(и) твоихъ г(оспод)и.
13. Обыидете сионь, и приимете и, поведите вь столпехъ его:
14. Положите с(е)рдца ваша в силоу его, и разьделите домь его, яко да
повесте в роде иномь.
15. Яко тои есть б(ог)ъ нашь вь векы, и въ век века. то оупасет ны в векы.

 

ПСАЛОМ 48
1. В конець, с(ы)н(о)въ кореовъ.

2. Оуслышите сия вси языци, вноушите вси живоущеи по вселенеи,
3. Земнии же [и] с(ы)н(о)ве ч(е)л(о)в(е)чьстии, вкоупе богатъ и оубогъ.
4. Оуста моя вьзг(лаго)лють премоудрость, и поученье с(е)рдца моего разоумъ:
5. Приклоню вь притчю оухо мое, разгноу въ пс(а)лт(и)ри гадание мое.
6. Вскоую боюся вь д(е)нь лютъ; безаконье пяты моея обьидет мя.
7. Надеющиися силе своеи, и мьножьствомь богатъства своего хвалящеся:
8. Братъ не избавить, избавит ли ч(е)л(о)в(е)къ;
не дас(ть) б(ог)оу измены за ся,
9. И цены избавленье д(у)ша своея: и оутроудися в векы,
10. И живъ боудет до конца, не оузрить пагоубы.
11. Егда видить прем(у)дрыя оумирающая, вкоупе безоуменъ и несмысленъ
погибнета, и оставита чюжимъ богатъство свое.
12. И гроби ихъ и храми ихъ въ векъ, и села ихъ в род и род,
нарекоша имена своя на земных.
13. И ч(е)л(о)в(е)къ вь ч(ес)ти сыи не разоуме, приложися скотех несмысленых,
и оуподобися имъ.
14. Се поуть их соблазнъ имъ, и по сих во оустехъ своихъ бл(а)гоизволять.
15. Яко овца въ аде положены соуть, см(е)рть оупасеть ихъ: и оудолеють имъ
правии заоутра, и помощь ихъ обетшаеть въ аде, от славы своея изриноушася.
16. Обаче б(ог)ъ избавить д(у)шю мою из роукы адовы, егда прииметь мя.
17. Не боися, егда обогатееть ч(е)л(о)в(е)къ, ли егда оумножится слава домоу его:
18. Иде оумирая, не оставит ли вся, ниже снидеть с нимь слава его.
19. Яко д(у)ша его в животе его б(лаго)сл(о)вится: исповестьтися [тобе],
егда бл(а)го створиши емоу.
20. Внидеть до рода о(т)ець своихъ, и до век(а) не оузрить света.
21. И ч(е)л(о)в(е)къ во ч(ес)ти сыи не разоуме, приложися скотех
несмысленых и оупод(о)бися имъ.

СЛАВА :

ПСАЛОМ 49
Асафовъ.

1. Б(ог)ъ б(о)гомь г(оспод)ь г(лаго)ла, и призва землю,
от въстока с(о)лнца до западъ.
2. От сиона красота лепоты его.
3. Б(ог)ъ яве приидеть, б(ог)ъ нашь, и не премолчить:
огнь пред нимъ вьзгорится, и окр(е)стъ его боуря велия.
4. Призоветь н(е)бо свыше, и земля, ра[з]соудити люд(и) своя.
5. Сберите емоу пр(е)п(о)д(о)бныя ег(о), завещавающая заветъ его о жертвах.
6. Вьзвестять н(е)б(е)са правдоу его, яко б(ог)ъ соудии есть.

 

7. Слышите, люд(и)е мои, и вьз(гла)г(о)лю вам: изр(аи)лю, и
засведетельствоую тобе: б(ог)ъ, б(ог)ъ есмь азъ.
8. Не о жертвах твоих обличаю тобе, алкавтоматы же твоя
пред(о)мною есть воиноу.
9. Не приимоу от домоу твоего телецъ, ни от стад твоихъ козелъ.
10. Яко мои соут(ь) вси зверие доубравнии, и скоты в горах, и волове.
11. Познах вся птица н(е)б(е)сныя, и красота селная со мною есть.
12. Аще възалчю, не рекоу тобе: моя бо есть вселеная и исполнение ея.
13. Еда ямь мяса оунча, ли кровь козлью пью;
14. Пожри б(ого)ви жертвоу хвале, и вьзъдаи же вышнемоу обеты твоя:
15. И призови мя въ д(е)нь печали твоея, и избавлю тя, и прославиши мя.
16. Грешникоу же рече б(ог)ъ: вьскоу ты поведаеши оправданья моя,
и приемлеши заветъ мои оусты твоими;
17. Ты же вьзненавиде наказанье, и отверже словеса моя вьспять.
18. Аще видяше татя, течаша с нимь, и с прелюбодеемь оучастье
свое полагаше.
19. Оуста твоя оумножиша злобоу, и языкъ твои исплетааше лщения:
20. Седя на брата своего клеветааше, и на с(ы)на м(а)т(е)ре своея
полагаше соблазнъ.
21. Сия створилъ еси, оумолчах. вьзнепщева безаконье, яко боудоу
тобе под(о)бен: обличю тя, и поставлю пред лицемъ твоиъ грехы твоя.
22. Разоумеите же сия забывающеи б(ог)а, да не когда похитит,
и не боудет избавляяи.
23. Жертва хвале прославить мя: и тоу поуть имже явлю емоу сп(асе)нье мое.

ПСАЛОМ 50
1. В конець, д(а)в(и)д(ов), егда прииде к немоу
2. нафан пр(о)р(о)къ и обличи его.

3. Помилоуи мя б(ож)е по велицеи м(и)л(о)сти твоеи,
по многымъ щедротамъ твоимъ, очести безаконье мое.
4. Наипаче омыи мя от безаконья моего, и от греха моего очисти мя.
5. Яко безаконье мое азъ знаю, и грехъ мои пред(о)мною есть воиноу.
6. Тобе единомоу согреших, и лоукавое пред тобою створих: яко да
оправдишися вь словесех своих, и преприши, внегда соудити ти.
7. Се бо в безаконьи зачатъ есмь, и вь гресех роди мя м(а)ти моя.
8. Се бо истиноу вьзлюбилъ еси, безвестная и таиная премоудрости твоеи,
явил ми еси.
9. Окропиши мя иссопомъ, и очищюся, омыеши мя, и паче снега оубелюся.
10. Слоухоу моемоу даси радость и веселье, вьзрадоуются кости смиреныя.
11. Отврати лице твое от грехъ моих, и вся безаконья моя очести.
12. С(е)рдце чисто сзижи во мне б(ож)е, и д(у)хъ правъ обнови въ оутробе моеи.
13. Не отверзи мене от лица твоего, и д(у)ха с(вя)т(а)го твоего не отими от мене.
14. Вьздаи же ми радость сп(асе)нни твоего,
и доухомъ вл(а)д(ы)чнымь оутверди мя.
15. Наоучю безаконныя поутемь твоимь, и неч[ес]тивии к тобе обратятся.

 


16. Избави мя от кровии б(ож)е, б(о)же сп(асе)нья моего:
взрадоуется языкъ мои правде твоеи.
17. Г(оспод)и, оустне ми отверьжеши, и оуста моя възвестять хвалоу твою.
18. Яко аще бы вьсхотелъ жертве, далъ бымъ оубо: всясожжения не бл(а)говолиши.
19. Жертва б(ог)оу д(у)хъ скроушенъ: с(е)рдце скроушено и смирено,
б(ог)ъ не оуничижить.
20. Оубл(а)жи г(оспод)и бл(аго)воленеемь твоимь сиона,
и да сзижются стены иер(у)с(а)л(и)мовы.
21. Тогда бл(а)говолиши жертвоу правде, вьзношенье и всесожежение:
тогда вьзложать на олтарь твои телецъ.

СЛАВА :

ПСАЛОМ 51
1,2. В конець, разоум.

3. Что ся хвалиш(и) о злобе силне; безаконие вес(ь) д(е)нь.
4. Неправьдоу оумысли языкъ твои, яко бритва изъострена сътворилъ еси лесть.
5. Вьзлюбилъ еси злобоу паче бл(а)гостыня, неправдоу, неже г(лаго)л(а)ти правдоу:
6. Вьзлюбилъ еси вся г(глаго)лы потопныя, языкъ льстивъ.
7. Сего рад(и) б(ог)ъ разроуши тя до конца, въсторгнеть тя,
и преселить тя от села твоего, и корень твои от земля живых.
8. Оузрять праведнии, и оубоятся, и о нем вь[з]смеются, и рекоуть:
9. Се ч(е)л(о)в(е)къ, иже не положи б(ог)а помощника собе, но оупова на
множьство богатъства своего, и възможе соуетою своею.
10. Аз же яко маслина плодовита в домоу б(о)жии:
оуповах на м(и)л(о)сть б(о)жию в векы, и в векъ века.
11. Исповемся тобе в векы, яко сьтворилъ еси: терпьлю имя твое,
яко бл(а)го пред препод(о)бными твоими.

ПСАЛОМ 52
1 Д(а)в(и)д(о)въ, в конець, о малеефе, разоумъ асафовъ,

2. Рече безоуменъ вь с(е)рдци своем: нес(ть) б(ог)а.
растлеша и омразишася в безакониих, нес(ть) творяи бл(а)га.
3. Б(ог)ъ с н(е)б(е)се приниче на с(ы)ны ч(е)л(о)в(е)чьскыя, видети:
аще есть разоумевая, или взиская б(ог)а.
4. Вси оуклонишася, вкоупе неключими быша: нес(ть) творяи бл(а)га,
нес(ть) до единого.
5. Ни ли разоумеють вси делающеи безаконье, снедающеи люди моя
въ хлеба место; б(ог)а не призваша.
6. Тоу оустрашишася страха, идеже не бе страха.
7. Яко б(ог)ъ рассыпа кости ч(е)л(о)в(е)кооугодникомь:
постыдешас(я), яко б(ог)ъ оуничижи их.
8. Кто дас(ть) от сиона сп(асе)нье изр(аи(л(е)во; егда вьзратить б(ог)ъ
пленение люд[и]и своих, възрадоуется ияковъ, и вьзвеселится израиль.

 

ПСАЛОМ 53
1,2. Д(а)в(и)д(ов), в конец.

3. Б(ож)е, во имя твое сп(аси) мя, и в силе твоеи соуди ми.
4. Б(ож)е, оуслыши м(о)л(и)твоу мою, вноуши г(лаго)лы оустъ моих:
5. Яко чюжии всташа на мя, и крепции взискаша д(у)ша моя:
и не предложиша б(ог)а пред собою.
6. Се бо б(ог)ъ помогает мне, и г(оспод)ь застоупникъ д(у)ши моеи:
7. Възъврати злая врагомъ моимъ: истиною твоею потреби их.
8. Волею пожроу тобе, исповемся имени твоемоу г(оспод)и, яко бл(а)гъ:
9. Яко от всякия печали избавил мя еси, и на врагы моя возре око мое.

ПСАЛОМ 54
1. В кон(ец), пении, разоум асафов.

2. Вноуши б(ож)е м(о)л(и)твоу мою, и не презри моленья моего:
3. Воньми, и оуслыши мя: вьскоръбех печалию моею, смоутихся.
4. От гла(са) вражия, и от стоужения грешнича: яко оуклониша на мя
безаконье, и въ гневе враждовахоу мне.
5. С(е)рдце мое сьмоутися во мне, и страх см(е)ртьныи нападе на мя:
6. Боязнь и трепетъ прииде на мя, и покры мя тма.
7. И рех: кто дасть ми криле яко голуби; полечю и почию.
8. Се оудалихся бегая, и въдворихся в поустыню.
9. Чаяхъ б(ог)а, сп(а)сающаго мя от малод(оу)шия и боуря.
10. Потопи г(оспод)и, и раздели языкы ихъ: яко видех безаконье и
пререканье вь граде.
11. Д(е)нь и нощь обидеть и по стенам его: безаконье и троуд
посреде ег(о), и неправда:
12. И не оскоуде от поути его лихва и лесть.
13. Яко аще ми бы врагъ поносилъ, претерпелъ бымъ оубо, и аще бы
ненавидяи мене на мя велеречевалъ, оукрылся быхъ от него.
14. Ты же ч(е)л(о)в(е)че равнод(у)шне, вл(а)д(ы)ко мои и знаемыи мои,
15. Иже коупно насладил мя еси брашна:
вь храме б(о)жии ходихове единомышлениемь.
16. Да приидет же см(е)рть на ня, и снидоуть въ адъ живи:
яко злоба в жилищих ихъ посреде их.
17. Азъ къ б(ог)оу возвах, и г(оспод)ь оуслыша мя.
18. Вечеръ и оутро и полоуд(ь)не повемъ, и възвещоу, и оуслышить глас мои.
19. Избавить миромь д(у)шю мою от приближающихся мне:
яко во мнозе бяхоу со мною.
20. Оуслышить б(ог)ъ, и смирить их, сыи преже векъ.
нес(ть) бо имъ изменения, яко не оубояшася б(ог)а.
21. Простреть роукоу свою на вьзданье: оскверниша заветъ его.
22. Разъделишас(я) от гнева лица его, и приближишас(я) с(е)рдца ихъ:
оумякноуша словеса ихъ паче елея, и та соуть стрелы.

 

23. Вьзверзи на г(оспод)а печаль твою, и ть тя препетаеть:
не дасть в векы молвы праведьникоу.
24. Ты же б(ож)е низведеши их вь стоуденець истления: моужье крови
и льсти не преполовять д(ь)нии своих. аз же г(оспод)и оуповаю на тя.

СЛАВА :

К А Ф И З М А В О С Ь М А Я

ПСАЛОМ 55
1. Д(а)в(и)д(о)въ.

2. Помилоуи мя б(ож)е, яко попра мя ч(е)л(о)в(е)къ: весь д(е)нь боряся стоужи ми.
3. Попраша мя врази мои весь д(е)нь: яко мнози борющеися со мною свыше,
4. В д(е)нь не оубоюся, аз же оуповаю на тя.
5. О б(о)зе похвалю словеса моя: на б(ог)а оуповах,
не оубоюся, что створить мне ч(е)л(о)в(е)къ.
6. Вес(ь) д(е)нь словес моихъ гноушахоуся: на мя вся помышленья ихъ на зло.
7. Веселятся и скрыють: ти пятоу мою хранять, якоже потерьпеша д(у)шю мою.
8. Ни очемъ же сп(а)сеши ихъ, гневомь люд(и) низъбиеши.
9. Б(ож)е, животъ мои исповедах тобе: и положилъ еси слезы моя
пред соб(о)ю, яко въ обетовании твоемь.
10. Възвратятся врази мои вспять, вонже д(е)нь аще призовоу тя:
се познах, яко б(ог)ъ мои еси ты.
11. О б(о)зе похвалю г(ла)г(о)лъ, о г(оспод)е похвалю слово.
12. На б(ог)а оуповах, не оубоюся, что створить мне плот(ь).
13. Во мне б(ож)е м(о)л(и)твы, яже вьздамъ хвале твоеи:
14. Яко избавилъ еси д(у)шю мою от см(е)рти, очи мои от слез, и нозе мои от
въспополъзновения, бл(а)гооугожю пред г(осподе)мь в свете живоущих.

ПСАЛОМ 56
1. Д(а)в(и)д(о)въ.

2. Помилоуи мя б(ож)е, помилоуи мя: яко на тя оупова д(у)ша моя,
и на сень крилоу твоею надеюся, дондеже преидеть безаконие.
3. Възовоу кь б(ог)оу вышнемоу, б(ог)оу бл(а)годеявьшемоу мне.
4. Посла с н(е)б(е)се, и сп(ас)е мя, дасть в поношенье попирающая мя:
посла б(ог)ъ м(и)л(о)сть свою, и истиноу свою,
5. Избавилъ есть д(у)шю мою от среды скименъ: поспах смоущенъ. с(ы)н(о)ве
ч(е)л(о)в(е)чьстии, зоубы ихъ ороужья и стрелы, и языкъ их мечь остръ.
6. Вьзнесися на н(е)б(е)са б(ож)е, и по всеи земли слава твоя.
7. Сеть оуго[то]ваша ногама моима, и смириша д(у)шю мою: ископаша
пред лицемь моимъ ямоу, и впадошас(я) в ню.
8. Готово с(е)рдце мое б(ож)е, готово с(е)рдце мое: вьспою и пою славе моеи.
9. Вьстани славо моя, вьстани псалтырю и гоусли: вьстану рано.

 


10. Исповемся тобе вь людех г(оспод)и, пою тобе вь языцех:
11. Яко вьзвеличися до н(е)б(е)съ м(и)л(о)сть твоя, и до облакъ истина твоя.
12. Възнесися на н(е)б(е)са б(ож)е, и по всеи земли слава твоя.

ПСАЛОМ 57
1. Д(а)в(и)д(ов), в конець.

2. Аще воистиноу оубо правдоу г(лаго)л(е)те, право соудите с(ы)н(о)ве человечьстии:
3. Ибо вь с(е)рдци безаконье делаете на земли, неправдоу роукы ваша сплетают.
4. Отоужени быша грешници от ложеснъ, заблоудиша от чрева, г(лаго)л(а)ша лжю.
5. Ярость ихъ по образоу змииноу, яко аспид глоухии, и затыкаяи оуши свои,
6. Яже не слышить гласа обавающих, обаваемъ обавается от пр(е)м(оу)дра.
7. Б(ог)ъ скроушить зоубы ихъ во оустехъ ихъ:
чреновныя лвомъ съкроушилъ есть г(оспод)ь.
8. Оуничижатся яко вода мимотекоущия: напряжеть лоукъ свои,
дондеже изнемогоуть.
9. Яко воскъ растаявъ отимоутся: паде огнь на них, и не видеша с(о)лнца.
10. Преже да иже не разоумети терьния вашего рамна, яко живы,
яко вь гневе пожре ихъ.
11. Възвеселится праведникъ, егда видить месть,
роуце свои оумыеть вь крови грешника.
12. И рече ч(е)л(о)в(е)къ: аще оубо есть плод праведника,
несть оубо б(ог)ъ соудя имь на земли.

СЛАВА :

ПСАЛОМ 58
1. Д(а)в(и)д(ов), в конец.

2. Измии мя от врагъ моих б(ож)е, и от въстающих на мя отими мя:
3. Избави мя от творящих безаконие и от моужь кровии сп(аси) мя.
4. Яко се оуловиша д(у)шю мою, нападоша на мя крепции:
ни безаконье мое, ни грехъ мои г(оспод)и:
5. Без безакония текох, и направих: вьстани въ стретение мое и вижь.
6. И ты г(оспод)и б(ож)е силъ, б(ож)е из(раи)л(е)въ, вонми посети вся языкы:
не оущедри весе делающая безаконие.
7. Вьзвратятся на вечеръ, и вьзалчють яко пси, и обыидоуть град.
8. Се ти отвещають оусты своими, и ороужие во оустнах ихъ, яко кто слыша;
9. И ты г(оспод)и посмеешися имъ, оуничижиши вся языкы.
10. Державоу мою к тобе схраню: яко ты б(ож)е, застоупникъ мои еси:
11. Б(ог)ъ мои, м(и)л(о)сть его [пред]варить мя: б(ог)ъ мои,
явить мне на вразех моихъ.
12. Не оуби ихъ, да не когда забоудоуть законъ твои. ражени ихъ силою твою,
и низложи ихъ защитниче мои г(оспод)и,

 


13. Грех оустъ ихъ, слово оустенъ ихъ: и яти боудоуть в гордыни своеи,
и от клятвы и лжы вьзвестятс(я) в кончине.
14. В гневе кончины, и не боудоуть: и оуведять,
яко б(ог)ъ обладаеть ияковомь и конци земля.
15. Вьзвратятся на вечеръ, и вьзалчють яко пси, и обиидоут град.
16. Ти разидоутся ясти, аще ли же не насытятся, и поропьщоуть.
17. Аз же въспою силоу твою, и възрадоуюся заоутра м(и)л(о)сти твоеи:
яко быс(ть) застоупникъ мои, и прибежище мое вь д(е)нь печали моея.
18. Помощникъ мои еси, тобе пою: яко б(ож)е застоупни[к] мои еси,
б(ож)е мои, м(и)л(ос)ть твоя.

ПСАЛОМ 59
1,2. Д(а)в(и)д(овъ).

3. Б(ож)е отриноул ны еси, и разроушил ны еси: разгневался еси,
и оущедрил ны еси.
4. Стрясе землю, и смоути ю: и[с]цели съкроушения ея, яко подвижася.
5. Явилъ еси людемь своимъ жестокая, напоил ны еси вина оумилению.
6. Далъ еси боящимся тобе знаменье, оубежати от лица лоукоу.
7. Яко да избавятся вьзлюблении твои, сп(а)си десницею твоею, и оуслыши мя.
8. Б(ог)ъ вьз(гла)г(о)ла вь с(вя)темь своемь: вьзрадоуюся, и разьделю сикимоу,
и оудолъ селомъ разьмерю.
9. Мои ест(ь) галаадъ, и мои есть манасии, и ефремь крепость главы моея,
июда ц(а)рь мои.
10. Моавъ конобъ оупования моего: на идоумею простроу сапогъ мои,
мне иноплеменници покоришася.
11. Кто ведет мя в град обьстояния; ли кто наставит мя до идоуимея;
12. Не ты ли б(ож)е, отриноувыи ны; и не изидеши б(ож)е в силах наших;
13. Даи же намъ помощь от печали, и соуетно сп(асе)ние ч(е)л(о)в(е)чьско.
14. О б(о)зе створимь силоу, и тъ оуничижить стоужающая намъ.

ПСАЛОМ 60
1. Д(а)в(и)д(о)въ.

2. Оуслыши б(ож)е, моленье мое, вонми м(о)л(и)твоу мою:
3. От конець земля к тобе возвахъ, егда оуны с(е)рдце мое,
на камен(ь) вьзнесе мя, наставил мя еси,
4. Яко быс(ть) оупованье мое, и столпъ крепости от лица вражия.
5. Вселюся в селе твоемь в векы, покрыюся вь крове крилоу твоею.
6. Яко ты б(ож)е оуслыша м(о)л(и)твоу мою:
далъ еси достояние боящимся имени твоего.
7. Д(е)нь на д(е)нь ц(а)рю приложиш(и): лета емоу до д(ь)не рода и рода.
8. Пребываеть в векы пред б(о)гомь: м(и)л(о)сть и истиноу его кто взищеть;
9. Тако пою имени твоемоу в векы, вьздати ми м(о)л(и)твы моя д(е)нь д(ь)не.

СЛАВА :

 


ПСАЛОМ 61
1. В конец, о идифоуме.

2. Не б(ог)оу ли повинется д(у)ша моя; от того бо сп(асе)нье мое.
3. Ибо то б(ог)ъ мои, и сп(а)съ мои, застоупникъ мои, не подвижюся паче.
4. Доколе належите на человека; оубиваете вси вы, яко стеноу преклоненоу,
и плотъ вьзриновенъ.
5. Обаче ценоу мою с[о]вещаша отриноути: текоша в жажю,
оусты своими бл(а)г(осло)в(л)яхоу, и сердьцемь своимь кленяхоу.
6. Обаче б(ого)ви повинися д(у)ше моя: яко от того терпенье мое.
7. Ибо то б(ог)ъ мои и сп(а)съ мои, застоупникъ мои, не преселюся.
8. О б(о)зе сп(асе)нье мое, и слава моя. б(ог)ъ помощи моея,
и оупованье мое на б(ог)а.
9. Надеитеся нань вес(ь) снемь людии: излеите пред нимь с(е)рдца ваша:
яко б(ог)ъ помощникъ нашь.
10. Обаче соуетнии с(ы)н(о)ве ч(е)л(ове)ч(е)стии, лживи с(ы)н(о)ве
ч(е)л(о)в(е)чьстии въ мирилех не правдити: ти от соуеты вкоупе.
11. Не оуповаите на неправдоу, на вьсхыщенье не желаите:
богатьство аще течеть, не прилагаите с(е)рдца.
12. Единою г(лаго)ла б(ог)ъ, двое се слышах: яко держава б(о)жия,
13. И твоя г(оспод)и м(и)л(ос)ть: яко ты вьздаси комоуждо по деломъ его.

ПСАЛОМ 62
1. Д(а)в(и)д(о)в, егда бе в поустыни.

2. Б(ож)е б(ож)е мои, к тобе оутренюю, в[оз]жеда тобе д(у)ша моя, коль
множицею тобе плот(ь) моя, в земли поусте, и непроходне, и безводне.
3. Тако вь с(вя)темь явихся тобе, видети силоу твою и славоу твою.
4. Яко лоучьши милость твоя паче живота: оустне мои похвалита тя.
5. Тако бл(а)г(о)с(ло)влю тя в животе моемь, о имени твоемь вьздежю роуце мои.
6. Яко тоука и масти исполнися д(у)ша моя,
и оустне радости вьсхвалять тя оуста моя.
7. Аще поминах тя на постели моеи, на оутрених пооучахся вь тя:
8. Яко быс(ть) помощникъ мои, и вь крове крилоу твоею вьзрадоуюся.
9. Прилпе д(у)ша моя по тобе, мене же приятъ десница твоя.
10. Ти же всоуе искаша д(у)ша моея: да внидоуть вь преисподняя земли:
11. Предадятся в роуце ороужью, части лисо[во]мъ боудоуть.
12. Ц(а)рь же вьзвеселится о б(о)зе: похвалится всякъ кленыися имъ,
яко заградишася оуста г(ла)г(о)л(ю)щиимъ неправдоу.

 


 

ПСАЛОМ 63
1. Д(а)в(и)д(ов).

2. Оуслыши б(ож)е глас мои, егда молюся к тобе: от страха вражия
изми д(у)шю мою.
3. Покрыи мя от сонма злобивых, от множьства делающих неправдоу:
4. Иже изостриша яко ороужье языкы своя, напрягоша лоукъ свои вещь горкоу,
5. Състреляти в таиных непорочна: внезапоу стреляють его, и не оубоятся.
6. Оутвердиша собе слово лоукаво, поведаша скрыти сети, реша: кто оузрить я.
7. Испыташа безаконие, исчезоша испы[та]юще испытания:
пристоупить ч(е)л(о)в(е)къ, и с(е)рдце глоубоко,
8. И вьзнесется б(ог)ъ. стрелы младенець быша язвы имъ,
9. И изнемогоша в них языци их. смоутишася вси видящеи я,
10. И оубояся всякъ ч(е)л(о)в(е)къ: вьзвестиша дела б(ож)ия,
и творения его разоумеша.
11. Възвеселится праведникъ о г(оспод)и, и оуповаеть нань:
и похвалятся вси правии с(е)рдцемь.

СЛАВА :

К А Ф И З М А Д Е В Я Т А Я

ПСАЛОМ 64
1. Д(а)в(и)д(о)в.

2. Тобе подобаеть пес(нь) б(ож)е в сионе, и тобе вьздасться м(о)л(и)тва
вь иер(у)с(а)л(и)ме.
3. Оуслыши м(о)л(и)твоу мою, к тобе всяка плоть приидеть.
4. Словеса безаконникъ премогоша ны, и нечестия наша ты очистиши.
5. Бл(а)ж(е)нъ, его же избра и приятъ, вселиши вь дворы своя. исполнимся
бл(а)гьхъ домоу твоего: с(вя)та ц(е)ркви твоя,
6. Дивна в правдоу. и оуслыши ны б(ож)е сп(а)сителю нашь,
оупованье всемь концемь земли, и соущимь в мори далече:
7. Готовая горы крепостью своею, препоясанъ силою:
8. Смоущаяи глоубины морьскыя, шюмоу волнъ его кто постоить;
возмоутятся языцы,
9. И оубоятся живоущии в концих от знамении твоихъ:
исходы оутроу и вечероу оукрасиши.
10. Посетилъ еси землю, и оупои ю, оумножилъ еси обогатити ю: река б(о)жия
наполнися вод: оуготова пищю имъ, яко тако есть оуготованье.
11. Бразды ея оупои, оумножи жита ея: в каплях ея вьзвеселится в[оз]сияющи.
12. Бл(аго)с(ло)виши венець летоу бл(а)гости твоея, и поля твоя насытятся тоука,
13. Разботеють красная поустыни, и радостию холми препояшются.
14. Облекошася овни овчии, и оудолия оумножать пшеницю:
възовоуть, ибо въспоють.





Дата добавления: 2014-11-25; Просмотров: 268; Нарушение авторских прав?


Нам важно ваше мнение! Был ли полезен опубликованный материал? Да | Нет



ПОИСК ПО САЙТУ:


Рекомендуемые страницы:

studopedia.su - Студопедия (2013 - 2020) год. Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав! Последнее добавление
Генерация страницы за: 0.012 сек.