Студопедия

КАТЕГОРИИ:


Архитектура-(3434)Астрономия-(809)Биология-(7483)Биотехнологии-(1457)Военное дело-(14632)Высокие технологии-(1363)География-(913)Геология-(1438)Государство-(451)Демография-(1065)Дом-(47672)Журналистика и СМИ-(912)Изобретательство-(14524)Иностранные языки-(4268)Информатика-(17799)Искусство-(1338)История-(13644)Компьютеры-(11121)Косметика-(55)Кулинария-(373)Культура-(8427)Лингвистика-(374)Литература-(1642)Маркетинг-(23702)Математика-(16968)Машиностроение-(1700)Медицина-(12668)Менеджмент-(24684)Механика-(15423)Науковедение-(506)Образование-(11852)Охрана труда-(3308)Педагогика-(5571)Полиграфия-(1312)Политика-(7869)Право-(5454)Приборостроение-(1369)Программирование-(2801)Производство-(97182)Промышленность-(8706)Психология-(18388)Религия-(3217)Связь-(10668)Сельское хозяйство-(299)Социология-(6455)Спорт-(42831)Строительство-(4793)Торговля-(5050)Транспорт-(2929)Туризм-(1568)Физика-(3942)Философия-(17015)Финансы-(26596)Химия-(22929)Экология-(12095)Экономика-(9961)Электроника-(8441)Электротехника-(4623)Энергетика-(12629)Юриспруденция-(1492)Ядерная техника-(1748)

Москва «Искусство» 1978 8 страница





 


13. Хранильница ихъ исполнь, отригающи от сия въ оноу: овца ихъ многоплодны,
множащися во исходищих своихъ, волове ихъ толсти.
14. Нес(ть) падения [о]плотоу, ни прохода, ни вопля вь стегнахъ ихъ.
15. Оубл(а)жиша люд(и), имже сия соуть: бл(а)ж(е)ни люд(и)е, имже
г(оспод)ь б(ог)ъ ихъ.

ПСАЛОМ 144.
Хвала д(а)в(и)д(о)ва.

1. Възнесоу тя б(ож)е мои, ц(а)рю мои, и б(лагос)л(а)влю имя твое в векъ,
и в векъ века:
2. На всякъ д(е)нь бл(а)гословлю тя, и вьсхвалю имя твое в векъ, и в векъ века.
3. Велеи г(оспод)ь и хваленъ з[ело], и величию его нес(ть) конца.
4. Род и род вьсхвалить дела твоя, и силоу твою вьзвестять:
5. Велелепие славы с(вя)т(ы)ня твоея вьз(глаго)лють, и чюдеса твоя поведять:
6. И силоу страшных твоихъ р[е]коуть, и величие твое поведять:
7. Память оумножения бл(а)г(о)сти твоея отрыгноуть,
и правдою твоею вьзрадоуются.
8. Щедръ и м(и)л(ос)т(и)въ г(оспод)ь, долготерпелив и многом(и)л(ос)т(и)въ:
9. И бл(а)гъ г(оспод)ь всяческымь, и щедроты его на всех делехъ его.
10. Да исповедятся тобе г(оспод)и вся дела твоя,
и препод(о)бнии твои б(лагос)л(о)вять тя:
11. Славоу ц(а)р(с)твия твоего рекоуть, и силоу твою вьзг(лаго)лють:
12. Сказати с(ы)н(о)мь ч(е)л(о)в(е)чьскымь силоу твою,
и славоу велелепоты ц(а)р(с)твия твоего.
13. Ц(а)р(с)твие твое ц(а)р(с)тво вьсехъ векъ, и вл(а)д(ы)ч(ес)тво твое во всякомь
роде и роде. веренъ г(оспод)ь во всехъ словесехъ своихъ,
и препод(о)бенъ во всехъ делехъ своих.
14. Под[ъ]емлеть г(оспод)ь вся ниспадающая, и возводить вся низверженыя.
15. Очи всехъ на тя оуповають, и ты даеши пищю имь во бл(а)го время:
16. Отверзаеши ты роукоу твою, и насыщаеши всяко животно бл(а)говоления.
17. Праведен г(оспод)ь во всехъ поутех своихъ,
и препод(о)бенъ во всехъ делех своихъ.
18. Близь г(оспод)ь всемь призыващимь ег(о), всемь призывающимь его во истиноу:
19. Воля боящимся его створить, и м(о)л(и)твоу ихъ оуслышить, и сп(а)с(е)ть ихъ.
20. Хранить г(оспод)ь вся любящая и, и вся грешникы потребить.
21. Хвалоу г(оспод)ню вьзг(лаго)лють оуста моя: и да б(лагос)л(о)вить всякая
плот(ь) имя с(вя)тое его в векъ, и в векы века.

СЛАВА :

 


ПСАЛОМ 145.
Д(а)в(и)д(о)в.

1. Хвали д(у)ша моя г(оспод)а:
2. Вьсхвалю г(оспод)а в животе моемь, пою б(ог)оу моемоу, дондеже есмь.
3. Не надеитеся на князя, на с(ы)ны ч(е)л(о)в(е)чьскыя, в нихже
нес(ть) сп(асе)ния.
4. Изыидеть д(у)хъ его, и вьзратится в землю свою: во тъ д(е)нь погибноуть
вся помышленья его.
5. Бл(а)ж(е)нъ, емоуже б(ог)ъ ияковль помощникъ его, оупованье его на г(оспод)а
б(ог)а своего:
6. Створшаго н(е)бо и землю, море, и вся, яже в них: хранящаго истиноу в векы:
7. Творящаго соуд обидимымъ, дающаго пищю алчющимъ. г(оспод)ь решить
окованныя:
8. Г(оспод)ь оумоудряеть слепца: г(оспод)ь вьзводить низверженыя,
г(оспод)ь любить праведникы:
9. Г(оспод)ь хранить пришелца, сира и вдовоу приемлеть, и поуть
грешных погоубить.
10. Воц(а)рится г(оспод)ь в векы, б(ог)ъ твои сионе в род и род.



ПСАЛОМ 146.
Д(а)в(и)д(ов).

1. Хвалите г(оспод)а, яко бл(а)гъ п(са)л(о)мъ:
б(ого)ви нашемоу да насладитс(я) хваление.
2. Зижда иер(уса)л(и)ма г(оспод)ь: рассеянная изр(аи)л(е)ва сбереть.
3. Исцеляя скроушеныя с(е)рдцемь, и обязая скроушения ихъ.
4. Исчитаяи множьство звездъ, и всемь имь имена нарицая.
5. Велеи г(оспод)ь нашь, и велия крепость его, и разоумоу его нес(ть) числа.
6. Приемля кроткыя г(оспод)ь, смиряя грешникы до земля.
7. Начнете г(осподе)ви во исповедании, поите б(ог)оу нашемоу в гоуслехъ:
8. Обладающемоу н(е)бо облакы, готовающемоу земли дождь: прозебающемоу
в горахъ сено, и злакъ слоужбе ч(е)л(о)в(е)чьстеи:
9. Дающемоу скотомъ пищю имъ, и птенцемь врановомъ призывающиимъ и.
10. Не в силе коньстеи въсхощеть, ни в лыстехъ моужьскыхъ бл(а)говолить:
11. Бл(а)говолить г(оспод)ь на боящаяся его, и на оуповающая на м(и)л(ос)ть его.

ПСАЛОМ 147.

1. Похвали иер(уса)л(и)ме г(оспод)а, хвали б(ог)а твоего сионе:
2. Яко оукрепи верея вратъ твоихъ, б(лагос)л(о)ви с(ы)ны твоя в тобе.
3. Яко положивыи пределы твоя в миръ, и тоука пшенична насыщая тя.
4. Посылаяи слово свое земли, до скорости течеть слово его:
5. Дающаго снегъ свои яко волноу, мьглоу яко пепелъ посыпающаго:
6. Метающаго голоть свои яко хлебы: противоу лицю мраза кто постоить;
7. Послеть слово свое, и растаеть я: дъхнеть д(оу)хъ его, и потекоуть воды.

 


8. Вьзвещаяи слово свое ияковоу, оправдания и соудбы своя из(раи)л(е)ви.
9. Не створи тако всякомоу языкоу, и соудебъ своих не сказа имъ.

СЛАВА :

ПСАЛОМ 148.
Ал(ли)лоуг(иа), аггеоу.

1. Хвалите г(оспод)а съ н(е)б(е)съ, хвалите его в вышнихъ.
2. Хвалите его вси аггели его, хвалите его вся силы его.
3. Хвалите его с(о)лнце и лоуна, хвалите его вся звезды и светъ.
4. Хвалите его н(е)б(е)са н(е)б(е)съ, и вода яже превыше н(е)б(е)съ.
5. И да въсхвалять имя г(оспод)не: яко то реч(е), и быша: тъ повеле, и создашася.
6. Постави я в векы, и в векъ века: повеленье положи, и не мимо идеть.
7. Хвалите г(оспод)а от земля, змиеве и вся бездны:
8. Огнь, град, снегъ, голоть, и д(оу)хъ боуренъ, творящая слово его:
9. Горы и вси холми, древа плодоносная, и вси кедри:
10. Зверие и вси скоти, гади и птица пернаты.
11. Ц(а)рие земьстии, и вси люд(и)е, князи, и вся соуд(и)я земьская:
12. Оуноша и д(е)вы, старьци со оунотами.
13. Да вьсхвалять имя г(оспод)не: яко вьзнесеся имя того единого,
исповеданье его на земли и на н(е)б(е)си.
14. И вьзнесеть рогъ люд(и)и своих. пес(нь) всемь пр(е)п(о)д(о)бн(ы)мь его,
с(ы)н(о)мь изр(аи)л(е)вом, людемь приближающимся ем(оу).


ПСАЛОМ 149.
Д(а)в(и)д(о)в.

1. Въспоите г(осподе)ви пес(нь) новоу, хваление его вь ц(е)ркви препод(о)бныхъ.
2. Да вьзвеселится израиль о створшемь его,
и с(ы)н(о)ве сиони вьзрадоуются о ц(а)ри своемь:
3. Да вьсхвалять имя его в лици, в тимпане и псалтыри да поють емоу.
4. Яко бл(а)говолить г(оспод)ь в людех своихъ, и вьзнесеть кроткыя вь сп(асе)ние.
5. Въсхвалятся пр(е)п(о)д(о)бнии вь славе, и вьзрадоуются на ложих своихъ.
6. Възношения б(о)жия в гортани ихъ, и мечи обоюдоу остри в роукахъ ихъ:
7. Створити месть вь языцехъ, обличения в людехъ:
8. Связати ц(а)ря ихъ поуты, и славныя ихъ роучными оковы железными:
9. Створити в них соудъ написанъ. слава си есть всемь препод(о)бнымъ его.

 


ПСАЛОМ 150.


1. Хвалите б(ог)а вь с(вя)т(ы)хъ его, хвалите его во оутвержении силы его:
2. Хвалите его на силахъ его, хвалите его по премногомоу величествию его.
3. Хвалите его въ гл(а)се троубнемь, хвалите его въ пс(а)лт(и)ри и въ гоуслехъ.
4. Хвалите его в тимпане и лици, хвалите его вь строунах и органехъ.
5. Хвалите его в кимвалехъ доброгласныхъ, хвалите его в кимвалехъ
вьсклицаания.
6. Въсяко дыхание да хвалить г(оспод)а.

 

СЛАВА :

Съи п(са)л(о)м особь писа, д(а)в(и)дъ,
и вне числа 150-го п(са)лма,
егда единъбрася с голиафомъ.


Малъ бехъ вь братьи моеи, и оунеиши в домоу о(т)ца моего,
пасохъ овца о(т)ца моего:
Роуце мои створисте органъ, и персти мои сставиша пс(а)лт(и)рь.
И кто вьзвестить г(осподе)ви моемоу;
Самъ г(оспод)ь, самъ оуслышить.
Самъ посла аггела своего, и поят мя от овець о(т)ца моего,
и помаза мя мастию помазания своего.
Брат(и)я моя добра и велика: и не бл(а)г(о)в(о)ли в них г(оспод)ь.
Изыдохъ вь стретение иноплеменникоу, и проклят мя идолы своими.
Аз же исторгъ от него мечь, отсекох главоу его, и отяхъ
поношение от с(ы)н(о)въ изр(аи)левъ.

 

 



 

 



 


 





 

 


 


 



 

 












 




 

 

 


 

 




 

 


 







 

 


 

 




 

 





Дата добавления: 2014-11-25; Просмотров: 206; Нарушение авторских прав?


Нам важно ваше мнение! Был ли полезен опубликованный материал? Да | Нет



ПОИСК ПО САЙТУ:


Рекомендуемые страницы:

studopedia.su - Студопедия (2013 - 2020) год. Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав! Последнее добавление
Генерация страницы за: 0.006 сек.