Студопедия

КАТЕГОРИИ:


Архитектура-(3434)Астрономия-(809)Биология-(7483)Биотехнологии-(1457)Военное дело-(14632)Высокие технологии-(1363)География-(913)Геология-(1438)Государство-(451)Демография-(1065)Дом-(47672)Журналистика и СМИ-(912)Изобретательство-(14524)Иностранные языки-(4268)Информатика-(17799)Искусство-(1338)История-(13644)Компьютеры-(11121)Косметика-(55)Кулинария-(373)Культура-(8427)Лингвистика-(374)Литература-(1642)Маркетинг-(23702)Математика-(16968)Машиностроение-(1700)Медицина-(12668)Менеджмент-(24684)Механика-(15423)Науковедение-(506)Образование-(11852)Охрана труда-(3308)Педагогика-(5571)Полиграфия-(1312)Политика-(7869)Право-(5454)Приборостроение-(1369)Программирование-(2801)Производство-(97182)Промышленность-(8706)Психология-(18388)Религия-(3217)Связь-(10668)Сельское хозяйство-(299)Социология-(6455)Спорт-(42831)Строительство-(4793)Торговля-(5050)Транспорт-(2929)Туризм-(1568)Физика-(3942)Философия-(17015)Финансы-(26596)Химия-(22929)Экология-(12095)Экономика-(9961)Электроника-(8441)Электротехника-(4623)Энергетика-(12629)Юриспруденция-(1492)Ядерная техника-(1748)

Москва «Искусство» 1978 7 страница





 


60. Оуготовихся и не смоутихся схранити заповеди твоя.
61. Оужа грешникъ обязошася мне, и закона твоего не забых.
62. Полоунощи встахъ исповедатися на соудбы правды твоя.
63. Причастникъ азъ есмь всемь боящимся тобе, и хранящимъ заповеди твоя.
64. М(и)л(о)сти твоя г(оспод)и исполнь земля: оправданьемь твоемь наоучи мя.
65. Бл(а)гость створилъ еси с рабомъ твоим г(оспод)и, по словеси твоемоу.
66. Бл(а)гости, наказанью и разоумоу наоучи мя, яко заповедемь твоимъ вероуяхъ.
67. Первее даже не смирихся, азъ прегрешихъ: сего рад(и) слово твое сохранихъ.
68. Бл(а)гъ еси ты г(оспод)и, и бл(а)гостию твоею наоучи мя оправданьемь твоимь.
69. Оумножишася на мя неправды гордых, аз же всемь с(е)рдц(е)мь моимъ
испытаю заповеди твоя.
70. Оусырися яко млеко с(е)рдце ихъ: аз же законоу твоемоу пооучихся.
71. Бл(а)го мне, яко смирилъ мя еси, да наоучюся оправданьемь твоим.
72. Бл(а)гъ мне законъ оустъ твоихъ, паче тысящь злата и сребра.

СЛАВА :

73. Роуце твои створисте мя, и создасте мя:
вразоуми мя, и наоучюся заповедемь твоимь.
74. Боящеися тобе оузрят мя и вьзвеселятся, яко на словеса твоя оуповахъ.
75. Познахъ г(оспод)и, яко правда повеления твоя, и воистиноу смирил мя еси.
76. Боуди же м(и)л(о)сть твоя, да оутешит мя по словеси твоемоу раба твоего.
77. Да приидоуть мне щедроты твоя, и живъ боу[доу],
яко законъ твои поученье мое есть.
78. Да постыдятся гордии, яко бесъ правды беззаконноваша на мя:
аз же пооучюся в заповедехъ твоихъ.
79. Да обратят мя боящеися тобе, и ведоущии сведе[ни]я твоя.
80. Боуди с(е)рдце мое непорочно въ оправдан[и]их твоихъ, яко да не постыжюся.
81. Исчезаеть вь сп(асе)нье твое д(у)ша моя, на словеса твоя оуповах.
82. Сконьчастеся очи мои вь слово твое, г(лаго)люще: когда оутешиши мя;
83. Яко быхъ яко мехъ на слане: оправдании твоихъ не забых.
84. Колико есть днии раба твоего; когда створиши от гонящих мя соуд;
85. Поведаша мне законопрестоупьници оучения,
но не яко законъ твои г(оспод)и.
86. Вся заповеди твоя истина: бес правды погнаша мя, помози ми.
87. Мала не скончаша мене на земли: аз же не оставих заповедии твоихъ.
88. По м(и)л(о)сти твоеи живи мя, и схраню сведения оустъ твоихъ.
89. В векы г(оспод)и слово твое пребываеть на н(е)б(е)си.
90. В род и род истина твоя: основалъ еси землю, и пребываеть.
91. Оучинениемь твоимь пребываеть д(е)нь, яко всяческа работна тобе.
92. Яко аще не законъ твои поучение мое есть,
тогда оубо погыблъ бых вь смирени моемь.
93. В векъ не забоу[доу] оправдании твоихъ, яко в них живил мя еси.

[СРЕДА]

 

94. Твои есмь азъ, сп(а)с(и) мя: яко оправдании твоихъ вьзысках.
95. Мене жадаша грешници погоубити мя: сведения твоя раоумехъ.
96. Всякоя кончины видехъ конець: широка заповед(ь) твоя зело.
97. Коль възлюбихъ законъ твои г(оспод)и, вес(ь) д(е)нь поученье мое есть.
98. Паче врагъ моихъ оум(оу)дрилъ мя еси заповеди твоя, яко в векы моя есть.
99. Паче всехъ оучащих мя разоумехъ, яко сведенья твоя поученье мое соуть.
100. Паче старець разоумех, яко заповеди твоя възисках.
101. От всякого поути зла вьзбраних ногама моима, яко да схраню словеса твоя:
102. От соудебъ твоихъ не оуклонихся, яко ты законъ положилъ еси мне.
103. Коль сладка гортани моемоу словеса твоя, пач(е) меда оустомъ моимь.
104. От заповедии твоихъ разоумех, сего ради вьзненавидех всякъ поуть неправды.
105. Светилникъ ногама моима законъ твои, и светъ стезямь моимь.
106. Кляхся и поставих схранити соудбы правды твоея.
107. Смирихся до зела: г(оспод)и, живи мя по словеси твоемоу.
108. Волная оустъ моихъ бл(а)говоли же г(оспод)и, и соудбамъ твоимъ наоучи мя.
109. Д(у)ша моя в роукоу твоею воиноу, и закона твоего не забых.
110. Положиша грешници сеть мне, и от заповедии твоих не заблоудих.
111. Наследовах сведения твоя в векъ, яко радования с(е)рдца моего соуть.
112. Приклоних с(е)рдце мое створити оправдания твоя в векъ за в[о]зда[я]ние.
113. Законопрестоупникы вьзненавидехъ, закон же твои вьзлюбих.
114. Помощьникъ мои и застоупникъ мои еси: на словеса твоя оуповах.
115. Оуклонитеся от мене лоукавноующеи, и испытаю заповеди б(ог)а моего.
116. Застоупи мя по словеси твоемоу, и живъ боудоу,
и не посрами мене от чаяния моего.
117. Помози ми, и сп(а)соуся, и пооучюся въ оправдан[и]их твоихъ воиноу.
118. Оуничижилъ еси вся отстоупающая от оправдании твоихъ: яко
неправедно помышление ихъ.
119. Престоупникы непщевах вся грешныя земли:
сего рад(и) вьзлюбихъ сведения твоя.
120. Пригвозди страсе твоемь плот(ь) мою: от соудебъ бо твоих оубояхс(я).
121. Створихъ соуд и правдоу: не предаже мене обидящимъ мя.
122. Вьсприими раба твоего вь бл(а)го, да не оклеветають мене гордии.
123. Очи мои скончастеся вь сп(асе)ние твое, и вь слово правды твоея.
124. Створи с рабомь твоимь по м(и)л(о)сти твоеи, и оправданьемь твоим наоучи мя.
125. Рабъ твои есмь азъ: вразоуми мя и оувемь сведения твоя.
126. Время створити г(осподе)ви: разориша законъ твои.
127. Сего ради вьзлюбих заповеди твоя паче злата и панза.
128. Сего ради къ всемь заповедемъ твоимь напрявляхся,
всякъ поуть неправды вьзненавидехъ.
129. Дивна сведения твоя: сего рад(и) испытаеть я д(у)ша моя.
130. Сказание словес твоихъ просвещаеть и вразоумляеть младенца.
131. Оуста моя отверзохъ и привлекох д(у)хъ, яко заповеди твоя желах.



СЛАВА

 

СТАТЬЕ ТРЕТИЕ.

132. Призри на мя и помилоу мя по соудоу любящих имя твое.
133. Стопы моя направи по словеси твоемоу, и да не оудолеет ми всяко безаконие:
134. Избави мя от клеветы ч(е)л(ове)чьскыя, и схраню заповеди твоя.
135. Лице твое просвети на раба твоего, и наоучи мя оправданьемь твоимь.
136. Исходища водная изведосте очи мои, понеже не схраних закона твоего.
137. Праведенъ еси г(оспод)и, и прави соуди твои:
138. Заповеда правдоу сведения твоя, и истинна зело.
139. Истаяла мя есть жалость твоя, яко забыша словеса твои врази мои.
140. Ражжено слово твое зело, и рабъ твои вьзлюи е.
141. Оуноша азъ есмь и оуничиженъ: оправдании твоихъ не забых.
142. Правда твоя правда в векы, и законъ твои истина.
143. Скорби и беды обретоша мя: заповеди твоя пооученье мое.
144. Правьда сведения твоя в векъ: вразоуми мя и наоучюся.
145. Вьзвах всемь с(е)рдц(е)мь моимь, оуслыши мя г(оспод)и,
оправдании твоих взищоу.
146. Възвах к тобе: и сп(аси) мя, и схраню сведения твоя.
147. Предварихъ в безгодьи, вьзвахъ, на словеса твоя оуповахъ.
148. Предваристе очи мои къ оутроу, пооучитимися словесемь твоимь.
149. Глас мои оуслыши г(оспод)и по м(и)л(о)сти твоеи, по соудбе твоеи живи мя.
150. Приближиша гонящеи мя безаконие: от закона же твоего оудалишася.
151. Близь еси ты г(оспод)и, и вси поут(и)е твои истина.
152. Исперва познах от сведении твоих, яко в векъ основалъ я еси.
153. Вижь смиренье мое, и изми мя: яко закона твоего не забых.
154. Соуди соуд мои, и избави мя: словесе твоего ради живи мя.
155. Далече от грешникъ сп(асе)нье, яко оправдании твоихъ не взискаша.
156. Щедроты твоя многы г(оспод)и, по соудбе твоеи живи мя.
157. Мнози изгонящеи мя и стоужающеи ми: от сведении твоих не оуклонихся.
158. Видех не разоумевающая, и исстаяхъ: як(о) словесъ твоихъ не схраниша.
159. Вижь, яко заповеди твоя вьзлюбих: г(оспод)и, по м(и)л(о)сти твоеи живи мя.
160. Начало словесъ твоихъ истина, и вь векъ вся соудбы правды твоея.
161. Князи погнаша мя тоуне: и от словесъ твоих оустрашися с(е)рдце мое.
162. Възрадоуюся азъ о словесехъ твоихъ, яко обретаяи користь многоу.
163. Неправдоу вьзненавидехъ и мерзе ми, закон же твои вьзлюбих.
164. Седмькраты днемь хвалихъ тя о соудбах правды твоея.
165. Миръ многъ любящимь законъ твои, и нес(ть) имъ соблазна.
166. Чаяхъ сп(асе)ние твое г(оспод)и, заповеди твоя вьзлюбих.
167. Схрани д(у)ша моя сведе[ни]я твоя, и вьзлюби я зело.
168. Схраних заповеди твоя, и сведения твоя,
яко вси поутье мое пред тобою г(оспод)и.
169. Да приближится м(о)л(и)тва моя пред тя г(оспод)и:
по словеси твоемоу вразоуми мя.
170. Да внидеть прошение мое пред тя, г(оспод)и: по словеси твоемоу избави мя.
171. Отригнете оустне мои пение, егда наоучиши мя оправданьемь твоимъ.

 


172. Провещаеть языкъ мои словеса твоя, яко вся заповеди твоя правда.
173. Боуди роука твоя [еже] сп(ас)т(и) мя, яко заповеди твоя изволих.
174. Вьзлюбихъ сп(ас)ение твое г(оспод)и, и законъ твои поучение мое есть.
175. Жива боудеть д(у)ша моя, и вьсхвалить тя: и соудбы твоя помогоуть мне.
176. Заблоудих яко овча погибшее: взыщи раба твоего, яко заповеди твоя не забых.

СЛАВА :

К А Ф И З М А В О С Е М Н А Д Ц А Т А Я

ПСАЛОМ 119.
Пес(нь) степеннаи.

1. Къ г(оспод)оу, егда вьскорбехъ, возвах, и оуслыша мя.
2. Г(оспод)и, избави д(у)шю мою от оустенъ неправеденъ, и от языка льстива.
3. Что дас(ть) ся тобе, или что приложить ти ся кь языкоу льстивоу;
4. Стрелы силнаго изощрены, съ оугльми поустынными.
5. Оувы мне, яко пришельствие мое оудалися, вселихся сь селы кидарскыми.
6. Много пришельствова д(у)ша моя. с ненавидящими мира бех миренъ:
7. Егда г(лаго)лахъ имъ, боряхоуся со мною тоуне.

ПСАЛОМ 120
Песнь степении.

1. Възведохъ очи мои в горы, отноудоуже приидеть помощь моя.
2. Помощь моя от г(оспод)а, створившаго н(е)бо и землю.
3. Не даи же вь смятенье ногоу твоею, ни да вьздремлеть храняи тя:
4. Се не вьздремлеть, ни оуснеть храняи изр(аи)ля.
5. Г(оспод)ь сохранит тя, г(осподь) покровъ твои на роукоу десноую твою:
6. Вь д(е)нь с(о)лнце не ожжеть тобе, ни лоуна нощию.
7. Г(оспод)ь схранить тя от вякого зла, схранить д(у)шю твою г(оспод)ь.
8. Г(оспод)ь схранить вхожение твое, и исхоженье твое, от ныне и до века.

ПСАЛОМ 121.
Пес(нь) степении.

1. Възвелелихся о рекших мне: вь домь г(осподе)нь вьнидемь:
2. Стояще бяхоу ногы наша вь дворехъ твоихъ иер(уса)л(и)ме.
3. Иер(уса)л(и)мъ зижемъ яко град, емоуже причастье его вкоупе.
4. Тамо бо взыдоша колена, колена г(оспод)ня, сведение и(з)р(аи)лево,
исповедаитеся имени г(оспод)ню.
5. Яко тоу седоша пр(ес)т(о)ли на соуде, пр(ес)т(о)ли в домоу д(а)в(и)д(о)ве.
6. Въпросите же яже о мире иероусолимоу, и обилье любящим тя.
7. Боуди же миръ в силе твоеи, и обил(и)е вь столпоустенахъ твоихъ.
8. Братия моя ради и ближикъ моихъ г(лаго)л(а)хъ оубо миръ о тобе.
9. Домоу ради г(оспод)а б(ог)а нашего взыскахъ бл(а)га тобе.

 

 

ПСАЛОМ 122.
Пес(нь) степеннии.

1. Къ тобе вьзведохъ очи мои, живоущемоу на н(е(б(е)си.
2. Се очи рабъ в роукоу господии своихъ, яко очи рабыня в роукоу г(оспо)жа своя:
тако очи наши къ г(оспод)оу б(ог)оу нашемоу, дондеже оущедрить ны.
3. Помилоуи нас г(оспод)и, помилоуи нас,
яко по многоу исполнихомся оуничижения:
4. Наипаче наполнися д(у)ша поношенье гобзоующимь и оуничиженье гордымь.

ПСАЛОМ 123.
Пес(нь) степеннии.

1. Яко аще не бы г(оспод)ь в насъ, да р(е)четь оубо изр(аи)ль:
2. Яко аще не бы г(оспод)ь в нас, внегда вьстати ч(е)ловекомь на ны,
оубо живы пожерли быша нас:
3. Внегда прогневатися ярости его на ны: оубо вода потопила бы нас.
4. Потокъ преиде д(у)ша наша:
5. Оубо преде д(у)ша наша водоу непостоянноую.
6. Б(лагос)л(о)венъ г(оспод)ь, иже не дас(ть) насъ в ловитвоу зоубомъ ихъ.
7. Д(у)ша наша яко птица избавися от сети ловящих: сеть скроушися,
и мы избавлени быхомь.
8. Помощь наша во имя г(оспод)не, створившаго н(е)бо и землю.

СЛАВА :

ПСАЛОМ 124.
Пес(нь) степеннии.

1. Надеющеися на г(оспод)а, яко гора сионъ: не подвижится в векъ
живыи во иер(уса)л(и)ме.
2. Горы окр(е)стъ его, и г(оспод)ь окр(е)стъ люд(е)и своихъ, от ныне и до века.
3. Яко не оставить г(оспод)ь жезла грешных на жребии[и] праведныхъ,
яко да не простроуть праведнии в безаконии роукъ своих.
4. Оубл(а)жи г(оспод)и бл(а)гымъ, и правымь сердцемь.
5. Оуклоняющаяжеся в развращение, поведеть г(оспод)ь с делающими
безаконие: миръ на изр(аи)ля.

ПСАЛОМ 125.
Пес(нь) степеннии.

1. Егда вьзвратить г(оспод)ь пленъ сионь, быхомь яко оутешени.
2. Тогда исполнишася радости оуста наша, и языкъ нашь веселия, тогда
рекоуть вь языцехъ: вьзвеличилъ есть г(оспод)ь сътворити с ними.
3. Вьзвеличилъ есть г(оспод)ь створити с нами: быхомь веселящеся.
4. Вьзврати г(оспод)ь пленение наше, яко потокы оугом.

 


5. Сеющеи слезами, в радости пожноуть.
6. Ходящеи хожахоу и плакахоуся, метающе семена своя: грядоуще же
придоуть радостию, вземлюще роукояти своя.

ПСАЛОМ 126.
Пес(нь) степени.

1. Аще не г(оспод)ь сзижеть домоу, всоуе троудишася зижющеи: аще не
г(оспод)ь стрежеть града, всоуе бдя и стрегыи.
2. Всоуе вамь есть оутреневати, встанете по седании, ядоущеи хлебъ
болезни, егда дасть вьзлюбленымь своимь с(о)нм.
3. Се достояние г(оспод)не с(ы)н(о)ве, мьзда плода чревняго.
4. Яко стрелы в роуце силнаго, тако с(ы)н(о)ве от[ъ]ятых.
5. Бл(а)ж(е)нъ иже исполнить похоть свою от них: не постыдятся
егда възг(лаго)лють врагомь своимь во вратех.

ПСАЛОМ 127.
Пес(нь) степеннии.

1. Бл(а)ж(е)ни вси боящеися г(оспод)а, ходящеи в поутехъ его.
2. Троуды плод своихъ снеси: бл(а)ж(е)нъ еси, и добро тобе боудеть.
3. Жена твоя яко лоза плодовита вь странахъ домоу твоего:
4. С(ы)н(о)ве твои яко новорасли маслинныя окр(е)стъ тряпезы твоея.
5. Се тако б(логос)л(о)в(и)ться ч(е)л(о)в(е)къ бояися г(оспод)а.
6. Б(лагос)л(о)в(и)ть тя г(оспод)ь от сиона, и оузрши бл(а)гая иер(уса)л(и)моу
во вся д(ь)ни живота твоего,
7. И видиш(и) с(ы)ны с(ы)н(о)въ своихъ: миръ на изр(аи)ли.

ПСАЛОМ 128.
Пес(нь) степен[нии].

1. Множицею брашася со мною от оуности моея, да реч(е)ть ныне из(раи)ль:
2. Множицею брашася со мною от оуности моея, ибо не премогоша мене.
3. На хребте моем ковахоу грешници, оудалиша безаконие свое.
4. Г(оспод)ь праведенъ съсечеть выя грешникомъ.
5. Да постыдятся и вьзратятся вьспять вси ненавидящеи сиона:
6. Да боудоуть яко трава на здании, яже преже вьзорвания исше:
7. Еюже не исполни роукы своея жняи, и лона своего сбираяи роукояти:
8. И не реша мимоходящеи: б(лагос)л(о)в(е)нье г(оспод)не на вас,
б(лаго)сл(о)вихомъ вы во имя г(оспод)не.

СЛАВА :

 

ПСАЛОМ 129.

1. Из глоубины возвахъ тобе г(оспод)и: г(оспод)и, оуслыши глас мои.
2. Боудите оуши твои внемлющи глас молитвы моея.
3. Аще безакония назриши г(оспод)и, г(оспод)и кто постоить;
яко от тобе очещение есть.
4. Имени твоего ради потерпех тя г(оспод)и, потерьпе д(у)ша моя
вь слово твое: оупова д(у)ша моя на г(оспод)а,
5. От стража оутренюю до нощи, от стража оутренюю да оуповаеть
изр(аи)ль на г(оспод)а:
6. Яко от г(оспод)а м(и)л(о)сть, и много от него избавьление: и тъ избавитъ
изр(аи)ля от всех безаконии его.

ПСАЛОМ 130.
Пес(нь) степен[нии].

1. Г(оспод)и, не вьзнесеся с(е)рдце мое, ни възнесостеся очи мои:
ни ходихъ в великыхъ, ни в дивныхъ паче мене.
2. Аще не смиренном(оу)дръствовах, но вьзнесохъ д(у)шю мою, яко
отдоеное на м(а)т(е)рь свою, яко вьздаси на д(у)шю мою.
3. Да оуповаеть изр(аи)ль на г(оспод)а от ныне и до века.

ПСАЛОМ 131.
Пес(нь) степеннии.

1. Помяни г(оспод)и д(а)в(и)да, и всю кротость его:
2. Яко клятся г(осподе)ви, обещася б(ог)оу ияковлю:
3. Аще внидоу в село домоу моего, ли вьзлезоу на одръ постеля моея:
4. Аще дамъ сонъ очима моима, и векома моима дремание, и покои
скраньямь моимь,
5. Дондеже обрящю место г(осподе)ви, село б(ог)оу ияковлю.
6. Се слышахомь вь ефранфе: и обретохомь я в полих доубравы:
7. Внидемь в села его, поклонимся на месте, идеже стоясте нозе его.
8. Вьскр(ес)ни г(осподе)ви в покои твои, ты и кивотъ с(вя)т(ы)ня твоея.
9. Иереи твои облекоутся вь правдоу, и препод(о)бнии твои вьзрадоуютс(я).
10. Д(а)в(и)да ради раба твоего, не отврати лице помазанаго своего.
11. Клятся г(оспод)ь д(а)в(и)доу истинною, и не отвержется ея: от плода
чрева твоего посажю на пр(е)ст(о)ле твоемь.
12. Аще и схранять с(ы)н(о)ве твои заветъ мои, и сведения моя сия, имже
наоучю ихъ, и с(ы)н(о)ве их до века сядоуть на пр(ес)т(о)ле твоемь.
13. Яко избра г(оспод)ь сиона, и изволи и в жилище собе.
14. Се покои мои в векы века, сде вселюся, яко изволих и.
15. Ловитвоу его б(лагос)л(о)вьствоуя б(лагос)л(о)влю, нищая его насыщю хлеба:
16. Св(я)щенникы его облекоу в сп(асе)ние, и пр(е)п(о)д(о)бнии его радостью
възрадоуются.
17. Тоу вьзращю рогъ д(а)в(и)д(о)ви, оуготовах светилникъ помазанномоу моемоу.
18. Врагы его облекоу стоудомь, на немже процвететь с(вя)т(ы)ни моя.

 


ПСАЛОМ 132.
Пес(нь) степен(нии).

1. Се ныне что добро, ли что красно, но еже житии братьи вкоупе;
2. Яко миро на главе, сходящее на брадоу, брадоу ароню,
сходящее на ометы одежа его:
3. Яко роса аермонъская сходящия на горы сионьскыя:
яко тоу заповеда г(оспод)ь б(лагос)л(о)в(е)нье, животъ до века.

 

ПСАЛОМ 133.
Пес(нь) степеннии.

1. Се ныне б(лагос)л(о)в(и)те г(оспод)а вси раби г(оспод)ни, стоящеи вь
храме г(оспод)ни, вь дворех домоу б(ог)а нашего.
2. В нощехъ вьздежете роукы ваша вь с(вя)тая, и б(лагос)л(о)вите г(оспод)а.
3. Б(лагос)л(о)в(и)ть тя г(оспод)ь от сиона, с[о]творивыи н(е)бо и землю.

СЛАВА :

К А Ф И З М А Д Е В Я Т Н А Д Ц А Т А Я

ПСАЛОМ 134.
Ал(ли)лоуг(и)а.

1. Хвалите имя г(оспод)не, хвалите раби г(оспод)а,
2. Стоящеи вь храме г(оспод)ни, вь дворехъ домоу б(ог)а нашег(о).
3. Хвалите г(оспод)а яко бл(а)гъ г(оспод)ь: поите имени его, яко добро.
4. Яко иякова избра собе г(оспод)ь, из(раи)ля вь достоянье собе.
5. Яко азъ позънахъ, яко велеи г(оспод)ь, и г(оспод)ь нашь над всеми б(о)гы:
6. Вся елика всхоте г(оспод)ь, створи на н(е)б(е)си и на земли,
в морихъ и во всехъ бездьнах.
7. Възводя облакы от последних земли, молнью в дождь створи:
изводя ветры от с[о]кровищь своих.
8. Иже порази первенца египетьскыя, от ч(е)л(о)в(е)ка до скота:
9. Посла знамения и чюдеса посреди тебе египте, на фараона и на вся рабы его.
10. Иже порази языкы многы, и изби ц(а)ря крепкы:
11. Сиона ц(а)ря аморреиска, и ога ц(а)ря васаньска,
и вся ц(а)р(с)твия ханааньска:
12. И дас(ть) землю ихъ достоянье, достояние из(раи)лю людем своимь.
13. Г(оспод)и, имя твое вь векъ, и памят[ь] твоя в род и род:
14. Яко соудить г(оспод)ь людемь своимь, и о рабех своиъ оумолиться.
15. Идоли языкъ, сребро и злато, дела роукъ ч(е)л(о)в(е)чскъ:
16. Оуста имоут, и не г(лаго)лють: очи имоуть, и не видять:
17. Оуши имоуть, и не слышать: ни бо ест(ь) д(у)ха во оустехъ ихъ.
18. Подобни имь да боудоуть творящии я, и вси надеющеися на ня.

 


19. Домъ изр(аи)левъ, б(лагос)л(о)в(и)те г(оспод)а: домъ ааронь,
б(лагос)л(о)в(и)те г(оспод)а: домъ левгиинъ, б(лагос)л(о)в(и)те г(оспод)а:
20. Боящеися г(оспод)а, б(лагос)л(о)в(и)те г(оспод)а.
21. Б(лагос)л(о)в(е)нъ г(оспод)ь от сиона, живыи во иер(уса)л(и)ме.

ПСАЛОМ 135.
Ал(ли)лоуг(иа).

1. Исповедаитеся г(осподе)ви, яко бл(а)гъ: яко в векы м(и)л(ос)ть его.
2. Исповедаитеся б(ог)оу б(о)гомь, яко в векы м(и)л(ос)ть его.
3. Исповедаитеся г(осподе)ви г(осподе)мь: яко в век [милость его].
4. Створшемоу чюдеса велия единомоу: яко в векы м(и)л(ос)ть [его].
5. Ство(р)ш(е)моу н(е)б(е)са разоумомь: яко в век [милость его]
6. Оутвердившемоу землю на водахъ: яко в векы м[илость его].
7. Створшемоу светила велия единомоу: яко в в[ек милость его]:
8. С(о)лнце въ область д(ь)ни: яко в век [милость его].
9. Лоуна и звезьды вь облас(ть) нощи: яко вь векы м(и)л(о)с(ть) [его].
10. Поражшемоу египта с первенци ихъ: яко в в[ек милость его].
11. И изведшемоу изр(аи)ля от среды ихъ: яко в векы м(и)л(ос)ть его.
12. Роукою крепкою и мышцею высокою: яко в [век милость его].
13. Разделшемоу чермьное море в разделение: яко в век [милость его].
14. И проведъшемоу изр(аи)ля посреде его: яко в в[ек милость его].
15. И стрясшемоу фараона и силоу его в море чермьное:
яко в векы м(и)л(ость) [его].
16. Проведшемоу люди своя в поустыни: яко в в[ек милость его].
17. Поразившемоу ц(а)ря велия: яко в векы м(и)л(о)сть [его].
18. И оубившемоу ц(а)ря крепкыя: яко в [век милость его].
19. Сиона ц(а)ря амареиска: яко в в[ек милость его].
20. И ога ц(а)ря васаньска: яко в век [милость его].
21. И давшемоу землю ихъ достояние: яко в в[ек милость его].
22. Достояние изр(аи)лю рабоу своемоу: яко в век [милость его].
23. Яко въ смирении нашемь помяноу ны г(оспод)ь: яко в век [милость его].
24. Избавилъ ны есть от врагъ наших: яко в [век милость его].
25. Даяи пищю всякои плоти: яко [в век милость его].
26. Исповедаитеся б(ог)оу н(е)б(ес)н(о)моу: яко в век имя [его].

ПСАЛОМ 136.
Д(а)в(и)д(овъ), о иеремии.

1. На реце вавилоньстеи, тамо седохомь и плакахомь,
внегда помяноути намъ сиона.
2. На вербии посреди ея обесихомь органы наша.
3. Яко тоу вьпросиша ны пленшеи ны словесъ песнеи,
и ведшеи насъ пения: вьспоите намъ от песнеи сионьскых.
4. Како вьспоемь пес(нь) г(оспод)ню на земли чюжеи;
5. Аще забоудоу тобе иер(уса)л(и)мъ, забвена боуди десница моя.

 


6. Прилепни языкъ мои гортани моемъ, аще не помяноу тобе, аще не
предложю иер(уса)л(и)ма, яко в начало веселья моего.
7. Помяни г(оспод)и с(ы)ны едомьскыя, вь д(е)нь иер(уса)л(и)мовъ,
г(лаго)лющая: истъщаите, истъщаите до основании ею.
8. Дщи василоня окаанная, бл(а)ж(е)нъ иже вьзъдасть тобе вьзъдание твое,
еже вьздасть намъ:
9. Бл(а)ж(е)нъ, иже иметь и разбьеть младенца твоя о камень.

СЛАВА :

ПСАЛОМ 137.
Д(а)в(и)д(о)в, о захарьи.

1. Исповемся тобе, г(оспод)и, всемь с(е)рдцемь моимь, и пред анг(е)лы
вспою тобе, яко оуслышалъ еси вся г(лаго)лы оустъ моихъ:
2. Поклонюся кь ц(е)ркви с(вя)теи твоеи, и исповемся имени твоемоу
о м(и)л(о)сти твоеи и истине твоеи: яко взвеличилъ еси над всеми имя
с(вя)тое твое.
3. Вонже д(е)нь, аще призовоу тя, скоро оуслыши мя:
оумножиши мя вь д(у)ши моеи силою твоею.
4. Да исповедятся тобе г(оспод)и вси ц(а)рие земьстии,
яко оуслышаша вся г(лаго)лы оустъ твоихъ:
5. И вьспоють вь песнех г(оспод)няхъ, яко велия слава г(оспод)ня:
6. Яко высокъ г(оспод)ь, и смиреныя зрить, и высокая изъдалеча свесть.
7. Аще поидоу посреде скорби, живиши мя: на гневъ врагъ твоих
простреть роукоу свою, и сп(ас)е мя десница твоя.
8. Г(оспод)ь вьздасть за мя: г(оспод)и, м(и)л(ос)ть твоя в векы,
дела роукоу твоею не презри.

ПСАЛОМ 138.
Д(а)в(и)д(ов).

1. Г(оспод)и, искоусил мя еси, и познал мя еси:
ты позна седанье мое и вьстание мое.
2. Ты разоу[мел] помышления моя издалеча:
3. Стезю мою и потлаченноую мою ты еси иследовалъ, и вся поути моя провиде.
4. Яко нес(ть) льсти вь языце моемь: се г(оспод)и ты позъна.
5. Вся последняя моя и древеняя: ты созъда мя, и положи на мне роукоу твою.
6. Оудивилъся ест(ь) разоумь твои от мене: оутвердися, не вьзмогоу к немоу.
7. Камо поидоу от д(у)ха твоего; и от лица твоего камо бежю;
8. Аще взыдоу на н(е)бо, ты еси тоу: аще снидоу въ адъ, тоу еси:
9. Аще возмоу креле мои рано, и вселюся в последьних моря,
10. И тамо бо роука твоя наставит мя, и оудержит мя десница твоя.
11. И рехъ: еда тма попрет мя, и нощь просвещения в пищи моеи.
12. Яко тма не омрачится от тобе, и нощь яко д(е)нь просветится:
яко тма ея, тако и свет ея.

 


13. Яко ты созда оутробоу мою, и прият мя ис чрева м(а)т(е)ре моея.
14. Исповемся тобе, яко страшно оудивился еси:
чюдесна дела твоя, и д(у)ша моя знаеть я зело.
15. Не оутаися кость моя от тобе, юже створилъ еси вь таине,
и съставъ мои в преисподнихъ земли.
16. Несделанное мое видесте очи твои, и въ книзе твоеи вси напишются:
вь д(е)нь сзижются, и ничтоже в них.
17. Мне же зело ч(е)стии быша дроузи твои б(о)же,
зело оутвердьдишася вл(а)д(ы)чьствия ихъ.
18. Исчьтоу я, и паче песка оумножатся: вьстахъ, и еще есмь с тобою.
19. Аще избьеши грешникы б(ож)е: моужие крови оуклонитеся от мене.
20. Яко ревниви есте в помышлениих, приимоуть в соуетоу грады твоя.
21. Не ненавидящая ли тя г(оспод)и вьзневидехъ, и о вразехъ твоихъ истаяхъ;
22. Свершенною ненавистью вьзненавидех ихъ: во врагы быша мне.
23. Искоуси мя б(о)же, и оувежь с(е)рдце мое: испытаи мя, и познаи стезя моя:
24. И вижь, аще поут(ь) безакония во мне, и настави мя на поуть веченъ.

ПСАЛОМ 139.

1. Изми мя, г(оспод)и, от ч(е)л(о)в(е)ка лоукава, от моужа неправедна избави мя:
2. Иже помыслиша неправдоу вь с(е)рдци, вес(ь) д(е)нь ополчахоу брани:
3. Поостриша языкъ свои яко зьмиинъ: ядъ аспидинъ под оустнами ихъ.
4. Схрани мя г(оспод)и от роукы грешнича, от человекъ неправеденъ избави мя:
иже помыслиша запяти стопы моя.
5. Скрыша гордии сети мне, и оужи препяша сеть ногама моима:
6. При стези соблазнъ положиша мне.
7. Рехъ г(осподе)ви: б(ог)ъ мои еси ты, вноуши г(оспод)и глас моленья моего.
8. Г(оспод)и г(оспод)и, сило сп(асе)ния моего,
осенилъ еси над главою моею вь д(е)нь брани.
9. Не предаи же мене г(оспод)и от желанья моего грешьникоу: помыслиша
на мя, не остави мене, да не когда вьзнесоутся.
10. Глава окроужения ихъ, троуд оустенъ их покрыеть я.
11. Падоуть на них оуглие огньни, низложиши ихъ вь страстех: и не постоят.
12. Моужь языченъ не исправится на земли:
моужа неправедна зло оуловить во истление.
13. Разоумехъ, яко створить г(оспод)ь соуд нищимь, и месть оубогымъ.
14. Обаче праведнии исповедятся имени твоемоу,
и вьселятся правии с лицемь твоимъ.


СЛАВА :

 


ПСАЛОМ 140.
Д(а)в(и)д(ов).


1. Г(оспод)и, возвах к тобе, оуслыши мя: вонми глас м(о)л(и)твы моея,
егда взовоу к тобе.
2. Да ся исправить м(о)л(и)тва моя, яко кадило пред тобою,
вьзьдеяние роукоу моею, жертва вечерняя.
3. Положи г(оспод)и хранение оустомь моимь,
и дверь огражения о оустнахъ моихъ.
4. Не оуклони с(е)рдца моего вь словеса лоукавая, непщевати вины о гресехъ,
с ч(е)л(о)в(е)кы делающими безаконие: и не считаюся со избранными ихъ.
5. Покажет мя праведникъ милостию, и обличит мя, елеи же грешнаго да не
намастить главы моея: яко и еще м(о)л(и)тва моя въ бл(а)говолених ихъ.
6. Пожерты быша при камени соудя ихъ:
оуслышатся г(лаго)ли мои, яко възмогоша.
7. Яко толща земли проседеся на земли, рассыпашася кости их при яде.
8. Яко к тобе г(оспод)и г(оспод)и очи мои, на тя оуповах, не отими д(у)шю мою:
9. Схрани мя от сети, яже сставиша ми, и от соблазн творящихъ безаконие.
10. Падоутся в мрежю свою грешници: единъ есмь азъ, дондеже преидоу.

ПСАЛОМ 141.
1. Разоумъ, д(а)в(и)д(ов).

2. Гл(асо)мь моимъ к г(оспод)оу возвахъ,
гл(асо)мъ моимъ къ г(оспод)оу помолихся.
3. Пролью пред нимь молитвоу мою, печаль мою передь нимь вьзвещю:
4. Егда исчезаеть д(у)хъ мои, и ты позна стезя моя:
на поути семь по немоу же хожахъ, скрыша сеть мне.
5. Смотряахъ одесноую и вьзлядах, и не бе знаяи мене:
погибе бегъство от мене, и нес(ть) взыскаяи д(у)шю мою:
6. Возвах к тобе г(оспод)и, рехъ: ты еси оупованье мое,
часть моя еси на земли живоущих.
7. Вонми молитвоу мою, яко смирихся зело:
избави мя от гонящих мя, яко оукрепишася паче мене.
8. Изведи ис темници д(у)шю мою, исповедатися имени твоемоу:
мене ждоуть праведници, дондеже въздаси мне.

ПСАЛОМ 142.
Д(а)в(и)д(ов), мол(итва).

1. Г(оспод)и, оуслыши м(о)л(и)твоу мою, вноуши моленье мое во истине твоеи,
оуслыши мя вь правде твоеи:
2. И не вниди в соуд с рабомь твоимъ,
яко не оправдится пред тобою всяк живыи.

 


3. Яко погна врагъ д(у)шю мою, смирилъ ес(ть) в земли животъ мои:
посадил мя ес(ть) в темных, яко м(е)ртвыя векоу.
4. И оуны во мне д(у)хъ мои, во мне сьмоутися с(е)рдце мое.
5. Помяноух д(ь)ни древняя, пооучихся во всехъ делех твоихъ,
въ творених роукоу твоею пооучахс(я).
6. Вьздехъ к тобе роуце мои: д(у)ша моя яко земля безводная к тобе.
7. Скоро оуслыши мя г(оспод)и, скончася д(у)хъ мои:
не отврати лица твоего от мене, и оуподоблюся нисходящимь вь ровъ.
8. Слышаноу створи мне заоутра м(и)л(ос)ть твою, яко на тя оуповахъ:
скажи ми г(оспод)и поут(ь), вонже поидоу, яко к тобе взях д(у)шю мою.
9. Изми мя от врагъ моихъ, г(оспод)и, к тобе прибегох.
10. Наоучи мя творити волю твою, яко ты еси б(ог)ъ мои. д(у)хъ твои
бл(а)гыи наставит мя на землю правоу.
11. Имени твоего ради г(оспод)и живиши мя,
правдою твоею изведеши от печали д(у)шю мою:
12. И м(и)л(ос)тью твоею потребиши вся врагы моя, и погоубиши вся
стоужающая д(у)ши моеи, яко азъ рабъ твои есм(ь).

СЛАВА :

К А Ф И З М А Д В А Д Ц А Т А Я

ПСАЛОМ 143.
Д(а)в(и)д(ов), ко голиаф(у).

1. Бл(а)г(ослове)нъ г(оспод)ь б(ог)ъ мои, наоучая роуце мои на ополчение,
и персты моя на брань:
2. М(и)л(ос)ть моя и прибежище мое, застоупникъ мои и избавитель мои,
защитител(ь) мои и нань оуповах: повиноуяи люд(и) мои под мя.
3. Г(оспод)и, что ест(ь) ч(е)л(о)в(е)къ, яко сказался еси емоу; ли с(ы)нъ
ч(е)л(о)в(е)чь, яко вменяеши и;
4. Ч(е)л(о)в(е)къ соуете оуподобися: дние его яко сень преходять.
5. Г(оспод)и, приклони н(е)б(е)са и сниди: коснися горам, и вьздымятся:
6. Блесни молнию, и ражженеши я: поусти стрелы твоя, и смоутишии я.
7. Посли роукоу твою свыше, изми мя и избави мя от вод многъ,
из роукы с(ы)н(о)въ чоуждихъ:
8. Ихже оуста г(лаго)л(а)ша соуетоу, и десница ихъ, десница неправды.
9. Б(ож)е, пес(нь) новоу вспою тобе, въ псалтыри десятостроунне пою тобе:
10. Дающемоу сп(асе)ние ц(а)ремъ, избавляющемоу д(а)в(и)да раба своего
от ороужия люта.
11. Избави мя и изми мя из роукы с(ы)н(о)въ чюжих, ихже оуста г(лаго)л(а)ша
соуетоу, и десница ихъ, десница неправды:
12. Ихже с(ы)н(о)ве ихъ яко новосаженная вьдроужена вь оуности своеи,
дщери ихъ оудобрены, преоукрашены яко подобие ц(е)ркве:





Дата добавления: 2014-11-25; Просмотров: 235; Нарушение авторских прав?


Нам важно ваше мнение! Был ли полезен опубликованный материал? Да | Нет



ПОИСК ПО САЙТУ:


Рекомендуемые страницы:

studopedia.su - Студопедия (2013 - 2020) год. Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав! Последнее добавление
Генерация страницы за: 0.014 сек.