II. УМШТН. Тодлтн. Городовиковск балһсна тууҗ ямаран?

Тодлтн. Городовиковск балһсна тууҗ ямаран?

Городовиковск балһсн

1920-гч җилд Ик дөрвдә әәмг Хальмг областин зергләнд орсмн. 1930-гч җилд әәмгиг Западный гиҗ нерәдсмн. Района цутхлңгнь Башнта селән болв. 1938-гч җилд эн әәмг хойр әңгәр хувагдна: Западный болн Яшалтинский.Западный нертә әәмг Башнта селән болна. Яшалтинск әәмг Яшлт гисн нер авна. Эн кемлә Башнтад селәнә эдл-ахун техникум, дегтрин саң, клуб бәәсмн. 1935-гч җилд долан җилә школ секгдсмн. 1939-гч җилд эн школ дундын сурһулин школд хүврсмн. Эн җилмүдт селәнд тоосхин хойр завод, теерм, тосна завод, электростанц болн нань чигн олн юмн тосхгдсмн.

1960-гч җилд Западный нертә район Хальмг келн-улсин алдр баатр генерал-полковник О. И. Городовиковин нер зүүсмн.

1971-гч җилд Башнт селән Городовиковск балһснд хүврв.

Өдгә цагт Городовиковск баахн ноһан балһсн. Энүнә уульнцс нигт урһа моддар кеернә.

Эн балһсн Элстәс зөвәр ууҗмд бәәнә. Элст балһснла энүг олн зүсн көлгн залһна. Городовиковск Ростовск областьла болн Дивн балһснла меҗәлнә.

Городовиковскд өдгә цагин янзта школмуд, бичкдүдин садикүд, эмнлһнә учрежденьс, дегтрин саң үүлднә. Балһснд олн зүсн эрдмтә улс бәәнә. Өөдән сурһульта эмчнр, багшнр, сойлын көдләчнр үүлднә.

Городовиковск балһсн җил ирвәс сән талан хүврәд йовна.

III. ТЕКСТИН УЧР-УТХИН МЕДВР БҮРТКЛҺН

Сурврмудт хәрү өгтн:

1. Эн балһсн кенә нер зүүнә?

2. Кедүдгч җилд Городовиковск балһснд хүврв?

3. Урднь Городовиковск балһсн ямаран нертә селән билә?

4. Городовиковск ямаран областьла меҗә бәәнә?

5. Городовиковск ямаран балһсн?

Түүҗ умштн:

1. Башнт селән болсна җил заатн.

2. Кедүдгч җилд ямаран школ секгдснә орм олҗ умштн.

3. О. И Городовиковин нер зүүснә туск әңг олҗ умштн.

4. Городовиковск балһснд юн бәәхин туск әңг олҗ умштн.

Чик хәрү заатн:

1. 1920-гч җилд Ик дөрвдә әәмг Хальмг областин зергләнд орсмн.

2. 1924-гч җилд Ик дөрвдә әәмг Хальмг областин зергләнд орсмн.

3. 1939-гч җилд дунд сурһулин школ тогтв.

4. 1935-гч җилд дунд сурһулин школ тогтв.

5. 1971-гч җилд Башнт селән Городовиковск балһснд хүврв.

6. 1970-гч җилд Башнт селән Городовиковск балһснд хүврв.

7. Городовиковск Лагань балһснла меҗәлнә.

8. Городовиковск Ростовск областьла меҗәлнә.

Күүндтн:

Өлзәт: Намр, менд! Альдаран йовхар бәәнчи?

Намр: Би ээҗдән зоолһхар бәәнәв.

Өлзәт: Чини ээҗ альд бәәнә?

Намр: Мини ээҗ Городовиковск балһснд бәәнә.

Эн балһсн Хальмгин алдр күүнә нер зүүнә.

Өлзәт: Би меднәв, эн балһснд О. И. Городовиковин нер өгсмн.

Намр: Мини ээҗ энд төрсмн.

Тегәд эн балһсна тускар олн юм меднә.

Урднь эн балһсн бичкн селән бәәҗ.

Өлзәт: Эн селән ямаран нертә бәәсмб?

Намр: Эн селән Башнт нертә бәәҗ.

Өлзәт: Кезә Городовиковск балһснд хүврсмб?

Намр: Ээҗ энүг сәәнәр тодлна.

1971-гч җилд Башнт селән Городовиковск балһснд хүврҗ.

Өлзәт: Урднь энд юн бәәсмб?

Намр: Башнт селәнд эдл-ахун техникум, дегтрин саң, клуб бәәсмн.

Теерм, тосна завод, электростанц болн нань чигн олн юмн

тосхгдсмн.

• • Соңстн. Эн ямаран нертә балһсн?

1920-гч җилд Ик дөрвдә әәмг Хальмг областин зергләнд орсмн. 1930-гч җилд әәмгиг Западный гиҗ нерәдсмн. Района цутхлңгнь Башнта селән болв. 1938-гч җилд эн әәмг хойр әңгәр хувагдна: Западный болн Яшалтинский.Западный нертә әәмг Башнта селән болна. Яшалтинск әәмг Яшлт гисн нер авна. Эн кемлә Башнтад селәнә эдл-ахун техникум, дегтрин саң, клуб бәәсмн.

*Көдлмшин девтрәр көдллһн.

Хальмг Таңһчин баатр үрдүд

Дата добавления: 2014-11-06