Цывілізацыйная спадчына старажытнага свету, Сярэдніх вякоў і Беларусь

МОДУЛЬ 1

Мэта вывучэння тэмы: раскрыць працэс засялення і развіцця беларускіх зямель у старажытнасці і Сярэдніх вяках (100—35 тыс. гадоў назад — першая палова XVIст.)

Асноўнымі задачамі тэмы з’яўляюцца:

– вывучэнне ўмоў жыцця і асноўных заняткаў першых насельнікаў Беларусі, балцкага перыяду этнічнай гісторыі, сацыяльна-эканамічных працэсаў разлажэння першабытнага ладу, рассялення славян і ўтварэнне новых этнічных супольнасцей;

– вывучэнне асноўных напрамкаў эканамічнага і сацыяльна-палітычнага развіцця старажытнарускіх і беларускіх зямель, зараджэнне феадалізму, Кіеўскай Русі, першых дзяржаў-княстваў на тэрыторыі Беларусі, а таксама ўплыў гэтых працэсаў на культурнае і духоўнае развіццё беларускага этнаса;

– вывучэнне стварэння ВКЛ, унутранай і знешняй палітыкі, дзяржаўнага ладу, феадальных адносін, фарміравання беларускай народнасці, культуры беларускіх зямель у другой палове XIII — першай палове XVIст.

Студэнты павінны ведаць:

прыкметы аграрна-рамеснай і індустрыяльнай цывілізацый, сутнасць мадэрнізацыйнага падыходу да вывучэння гісторыі Новага часу;

асаблівасці фальваркова-паншчыннай сістэмы гаспадарання, этапы вырашэння аграрнага пытання ў XVI — пачатку XXст. і іх змест;

сутнасць, асаблівасці і вынікі прамысловай рэвалюцыі ў Беларусі;

месца рэформ і буржуазна-дэмакратычных рэвалюцый у станаўленні індустрыяльнага грамадства ў Беларусі;

асаблівасці становішча Вялікага княства Літоўскага ў палітычнай сістэме Рэчы Паспалітай;

асноўныя напрамкі саслоўнай, нацыянальнай, канфесійнай палітыкі Расіі ў беларускіх губернях;

змест грамадска-палітычных вучэнняў і рухаў: лібералізму, кансерватызму, народніцтва, сацыял-дэмакратыі, нацыянал-дэмакратызму, марксізму, меншавізму, бальшавізму;

сутнасць і змест эпох Адраджэння і Асветніцтва і іх уплыў на развіццё культуры Беларусі;

асаблівасці фарміравання беларускай нацыі і развіцця беларускага нацыянальнага руху;

наступствы войнаў XVI — пачатку XIXст. для беларускага народа, уключэнне беларускіх зямель у склад Расійскай імперыі, становішча ў Беларусі падчас Першай сусветнай вайны.

Студэнты павінны ўмець:

- арыентавацца ў агульнаеўрапейскіх сацыяльна-эканамічных, палітычных і культурных працэсах і прымяняць мадэрнізацыйны падыход пры характарыстыцы заканамернасцей і асаблівасцей гістарычнага развіцця Беларусі ў перыяд Новага часу;

- характарызаваць эвалюцыю аграрных адносін у выніку рэформ Жыгімонта II Аўгуста, П. Дз. Кісялёва, Аляксандра II, П. А. Сталыпіна, а таксама асноўныя тэндэнцыі развіцця фальваркова-паншчыннай гаспадаркі і прычыны крызісу феадальна-прыгонніцкай сістэмы;

- характарызаваць асаблівасці станаўлення індустрыяльнага грамадства ў Беларусі;

- ацэньваць ролю буржуазных рэформ 60—70-х гг. XIXст. і буржуазна-дэмакратычных рэвалюцый у працэсе пераходу ад аграрна-рамеснага да індустрыяльнага грамадства ў Беларусі;

- вызначаць месца і ролю ВКЛ у складзе Рэчы Паспалітай;

- адрозніваць палітычнае і сацыяльна-эканамічнае становішча Беларусі ў складзе Рэчы Паспалітай і Расійскай імперыі;

- выяўляць спецыфіку і ідэалагічныя асновы грамадска-палітычнага руху ў Беларусі XIX — пачатку XXст. і ацэньваць дзейнасць прадстаўнікоў беларускага нацыянальнага руху на мяжы ХІХ—ХХстст.;

- ацэньваць ролю Адраджэння, Рэфармацыі і Асветніцтва ў развіцці культуры беларускага народа, а таксама ролю беларускіх асветнікаў і гуманістаў у развіцці культуры ўсходніх славян;

- характарызаваць асаблівасці працэсу фарміравання беларускай нацыі і афармлення нацыянальнай ідэі;

- характарызаваць становішча беларускіх зямель падчас войнаў ХУІ—ХУШстст., падзелаў Рэчы Паспалітай, вайны 1812 г., Першай сусветнай вайны.

Тэма 1 СТАРАЖЫТНАЕ ГРАМАДСТВА НА ТЭРЫТОРЫІ БЕЛАРУСІ

(100—35 тыс. гадоў назад — VIIIст. н.э.)

Дата добавления: 2015-06-25