Пытанні да самакантролю. 1558—1583 гг. Лівонская вайна, барацьба ВКЛ і Польшчы (затым Рэчы Паспалітай) супраць Расіі

1558—1583 гг.	Лівонская вайна, барацьба ВКЛ і Польшчы (затым Рэчы Паспалітай) супраць Расіі, якая імкнулася здабыць выхад да Балтыкі шляхам заваявання Лівоніі
1569 г., 1 ліпеня	На сойме ў Любліне была заключана унія паміж Каралеўствам Польскім і Вялікім княствам Літоўскім. Такім чынам, была ўтворана федэратыўная дзяржава — Рэч Паспалітая абодвух народаў на чале з супольным манархам.
1588 г.	Трэцяя рэдакцыя Статута ВКЛ, выкананая будучым канцлерам княтсва Львом Сапегам, якая адмяняла некаторыя прынцыповыя палажэнні Люблінскай уніі. На той час гэта быў самы дасканалы звод законаў у Еўропе.
1550 г.	На Беларусі пачалося распаўсюджванне ідэй Рэфармацыі, якія падтрымала значная частка феадалаў на чале з віленскім ваяводам і канцлерам ВКЛ Мікалаем Радзівілам Чорным.
1570 г.	З’яўленне ордэна езуітаў у ВКЛ, пачатак контррэфармацыі (адзін з галоўных ідэолагаў — Пётр Скарга).
1579 Г.	Заснаванне Віленскага універсітэта.
1584—1593 гг.	Па праекце Я. М. Бернардоні пабудаваны першы ў Рэчы Паспалітай помнік архітэктуры барока — касцёл езуітаў у Нясвіжы.
1596 г., 6 кастрычніка	На з'ездзе праваслаўных іерархаў Беларусі і Украіны ў Бярэсці была прынята пастанова аб уніі праваслаўнай царквы з каталіцкай і ўтварэнні уніяцкай царквы.
1648—1651 гг.	Казацка-сялянская вайна на поўдні Беларусі, справакаваная інтэрвенцыяй казакоў Б. Хмяльніцкага. Войскі ВКЛ начале з гетманам Янушам Радзівілам разбіла казацкія атрады і падавіла ўзброены чын.
1653—1667 гг.	Вайна Рэчы Паспалітай супраць Маскоўскага царства. Ваенныя дзеянні праходзілі на тэрыторыі Беларусі. Яе насельніцтва скарацілася напалову, частка была вынішчана, частка выведзена ў палон у Расію.
1736 г.	У Слуцку пачала працаваць мануфактура шаўковых паясоў (зачынена ў 1844 г.).
1720, 1726 гг.	Дамова Расіі, Прусіі і Аўстрыі стаць гарантамі «шляхецкіх вольнасцей» у Рэчы Паспалітай.
1764 г.	Узыходжанне на трон апошняга караля Рэчы Паспалітай Станіслава Аўгуста Панятоўскага.
1772 г.	Першы падзел Рэчы Паспалітай, Расія атрымала землі на ўсход ад Дзвіны і Дняпра, усяго 92 тыс. кв. км. і 1 млн. 300 жыхароў.
1773—1794 гг.	Дзейнасць Адукацыйнай камісіі — першага ў Еўропе Міністэрства народнай адукацыі.
1775—1781 гг.	Дзейнасць у Гродне Вышэйшай медыцынскай акдэміі.
1791 г., 3 мая	Прыняцце першай у Еўропе і другой у свеце Канстытуцыі Рэчы Паспалітай.
1793 г.	Другі падзел Рэчы Паспалітай, Расія атрымала цэнтральную частку Беларусі да лініі Друя — Пінск.
1794 г.	Паўстанне пад кіраўніцтвам Тадэвуша Касцюшкі за аднаўленне Рэчы Паспалітай.
1795 г.	Трэці, апошні падзел Рэчы Паспалітай, знікненне гэтай дзяржавы з палітычных карт Еўропы; у склад Расіі ўвайшлі ўсе беларускія землі.

1. Якія падзеі паўплывалі на збліжэнне Вялікага княства Літоўскага з Польшчай?

2. Якія ўзаемаадносіны былі ў ВКЛ з Маскоўскай дзяржавай на працягу XIV—XVIІcтст.?

3. На якіх умовах была заключана Люблінская унія? Якія вынікі мела яна для далейшага лёсу Беларусі?

5.Як змяняліся суадносіны праваслаўя і каталіцызму на тэрыторыі Беларусі на працягу XIV—XVIcтст.?

6. Які ўклад у развіццё культуры быў зроблены ў выніку рэлігійнай дзейнасці розных канфесій?

7. Чаму насуперак моцнай апазіцыі царкоўная унія была заключана?

8. Якім чынам дзяржаўны і палітычны лад Рэчы Паспалітай садзейнічаў усеўладдзю магнатаў і шляхты?

9. У чым праявілася ўзмацненне сацыяльнага і нацыянальна-рэлігійнага прыгнёту ў другой палове XVII—XVIIIcтст.?

10. Якія наступствы войнаў сярэдзіны XVIIст. для беларускіх зямель?

11. Як выглядае эканамічнае развіццё на беларускіх землях у 2-й палове ХVІІІст.?

12. Унутрыпалітычнае, знешнепалітычнае становішча Рэчы Паспалітай у сярэдзіне XVIIIcт.

13.Якое месца займала ў гэтай дзяржаве Беларусь?

14. У чым заключалася найвайстрэйшая праблема ўнутранай палітыкі ў Рэчы Паспалітай? Як яна вырашалася рознымі палітычнымі сіламі?

15. Якія падзеі папярэднічалі першаму падзелу Рэчы Паспалітай?

16. Якія тэрыторыі адышлі Прусіі, Аўстрыі і Расіі паводле Пецярбургскай Канвенцыі 1772 г.?

17. Якія асноўныя палажэнні ўтрымлівала Канстытуцыя 3 мая 1791 г.? Якое значэнне яна мела для таго гістарычнага моманту?

18. Што прывяло да другога падзелу Рэчы Паспалітай? Якія тэрыторыі атрымалі Прусія і Расія?

19. У чым прычыны паўстання 1794 г.? Чым скончылася паўстанне і чаму?

20. Як адбываўся трэці падзел Рэчы Паспалітай? 21. Якія тэрыторыі атрымалі Расія, Аўстрыя і Прусія?

22. Назавіце прадстаўнікой асветніцкай думкі, якія маюць беларускае паходжанне.