Пытанні да самакантролю. Гістарычныя даты 11 красавіка 1985 г. Выбранне М.С

11 красавіка 1985 г.	Выбранне М.С. Гарбачова Генеральным Сакратаром ЦК КПСС.
23 красавіка 1985 г.	Пленум ЦК КПСС: абмеркаванне сацыяльна-эканамічнага становішча ў краіне; абвешчаны курс на паскарэнне сацыяльна-эканамічнага развіцця СССР, ліквідацыю негатыўных з’яў “механізма тармажэння”; папярэдні перыяд ахарэктарызаваны як “застойны”.
26 красавіка 1986 г.	Аварыя на Чарнобыльскай атамнай электрастанцыі, у выніку якой многія раёны Гомельскай, Магілёўскай, часткова Брэсцкай, Гродзенскай і Мінскай абласцей забруджаны радыёнуклідамі.
1987 г., красавік	заснаванне Беларускага фонда культуры (першы старшыня І.Г.Чыгрынаў).
18 студзеня 1989 г.	Савет Міністраў БССР прыняў пастанову аб узвядзенні помніка ахвярам масавых палітычных рэпрэсій 1930—40-х гг. ва ўрочышчы Курапаты (пад Мінскам).
19 лютага 1989 г.	У Мінску на стадыёне “Дынама” адбыўся мітынг “У падтрымку перабудовы”.
26 сакавіка 1989 г.	Выбары народных дэпутатаў СССР (упершыню праводзіліся на альтэрнатыўнай аснове).
24 — 25 чэрвеня 1989г.	Устаноўчы сход Беларускага народнага фронту “Адраджэнне” (у Вільні) прыняў устаў і праграму руху.
27 чэрвеня 1989 г. —	Устаноўчы з’езд таварыства Беларускай мовы імя Ф. Скарыны.
30 верасня 1989 г.	Марш-пратэст “Чарнобыльскі шлях” і мітынг жыхароў раёнаў Гомельска, Магілёўскай, Брэсцкай і Мінскай абласцей, забруджаных радыёнуклідамі ў выніку аварыі на Чарнобыльскай АЭС.
29 кастрычніка 1989 г.	Мітынг ва ўрочышчы Курапаты (пад Мінскам) у памяць аб бязвінна загінуўшых ад палітычных рэпрэсій (з таго часу праводзіцца штогод).
1989 г., кастрычнік-лістапад	Устаноўчая канферэнцыя Дэмакратычнай партыі Беларусі (ДПБ) і Хрысціянска-Дэмакратычнага саюза Беларусі (ХДСБ). Пачатак станаўлення шматпартыйнасці на Беларусі.
26 студзеня 1990 г.	Вярхоўны Савет БССР прыняў закон аб мовах, у адпаведнасці з якім беларуская мова юрыдычна абвешчана дзяржаўнай.
4 сакавіка 1990 г.	Выбары Вярхоўнага Савета БССР і мясцовыя саветы па новаму заканадаўству.
5 красавіка 1990 г.	Вярхоўны Савет БССР абвясціў дзень 26 красавіка Днём Чарнобыльскай трагедыі.
27 ліпеня 1990 г.	Прыняцце Вярхоўным Саветам БССР Дэкларацыі аб дзяржаўным суверэнітэце Беларускай Савецкай Сацыялістычнай Рэспублікі.
10 верасня 1990 г.	Устаноўчая канферэнцыя беларусаў свету “Бацькаўшчына” у Мінску.
3 — 4 лістапада 1990 г.	Устаноўчы з’езд Аб’яднанай дэмакратычнай партыі Беларусі (АДПБ) у Мінску.
14 лістапада 1990 г.	У Парыжы ў будынку ЮНЕСКА адбылася ўрачыстая памятная цырымонія ў гонар 500-годдзя беларускага асветніка і першадрукара Францыска Скарыны.

1. Ахарактарызуце сутнасць курсу на паскарэнне сацыяльна-эканамічнага развіцця СССР.

2. Назавіце мэты так званай “радыкальнай” эканамічнай рэформы.

3. У чым праявілася рэфарміраванне палітычнага ладу СССР у 1985 — 1990 гг.?

4. Як праходзіла ўстанаўленне галоснасці ў БССР?

5. Аб чым сведчыла фарміраванне ў рэспубліцы шматпартыйнасці, ўтварэнне палітычных партый, аб’яднанняў і таварыстваў у БССР?

6. Якія змены адбыліся ў культурным жыцці беларусаў у гады перабудовы?